Ég er sér­lega með­virk týpa. Með­virk upp að sárs­auka­mörk­um. Mig verkjar í alla húð­ina við áhorf á raun­veru­leika­þáttum og móða veð­ur­frétta­konan hér um árið gekk næstum af mér dauðri. Á óþægi­legum deitum í denn breytt­ist ég í spjall­þátta­stjórn­anda og sýndi við­kom­andi svo óskipta athygli að engum hefði dottið í hug sú bráða­ör­vænt­ing og yfir­þyrm­andi áhuga­leysi sem undir grass­er­aði. Ég get bara ekki vand­ræða­legar aðstæður og geri hrein­lega allt til að laga þær. Ófáa fyr­ir­lestrana, jafn­vel heilu áfang­ana í háskóla hef ég setið til enda af ein­skærri samúð með leið­in­legum pró­fess­or­um, á kostnað eigin geð­heilsu. Þið getið rétt ímyndað ykkur líðan mína yfir ónefndum Kast­ljóss­þætti. Í lok kvölds hafði ég reytt á mig skalla­blett og þjáð­ist af alvar­legu vökva­tapi. Engu virð­ist nefni­lega skipta hversu efn­is­lega mis­boðið mér er. Þetta er óvið­ráð­an­leg trufl­un.

Þess­ari per­sónu­leika­röskun fylgir gríð­ar­leg síma­fóbía. Til­hugs­unin um að fest­ast í vand­ræða­legu sam­tali á þeim ómann­lega og erf­iða miðli sem síma­línan er hræðir mig ógur­lega. Þið megið því reikna með að ég svari ykkur alls ekki, nema þið séuð mamma eða vinir af slíkri nánd að þið hafið horft á mig sofa. Ég hef auk þess mjög lága rödd svo aðeins mínum allra nán­ustu tekst að giska á hvað ég gæti verið að segja. Ég hef nú í mörg ár beðið eftir að þessi afleita sam­skipta­tækni syngi sitt síð­asta og verði jafn­vel bönnuð með lög­um.

Eins og gefur að skilja er um að ræða fremur hamlandi ástand, á tímum hreint lam­andi. Þannig hafa und­an­farnar vikur reynst mér afar erf­ið­ar. Allt frá því að upp­ljóst varð um for­seta­fram­boð ákveð­ins móra hef ég upp­lifað mig fasta og spriklandi á óþægi­legu síma­deiti með Kast­ljóss­þátt­inn í stöðugri pynt­andi end­ur­sýn­ingu. Hver ný fram­boðs­frétt, hvert nýtt við­tal, svo ekki sé minnst á kapp­ræður trig­gera nýtt vand­ræða­kast og nú er svo komið að viss orð og orða­sam­bönd fram­kalla lík­am­leg við­brögð. Til að mynda veldur pörun orð­anna sterkur og leið­togi ofsa­kláða og útbrotum og hið sak­leys­is­lega orð reynsla, orð sem í eðli sínu er fag­urt og traust­vekj­andi hefur verið mis­notað upp að því marki að mér finnst að það ætti að banna í allri opin­berri umræðu fram að ára­mótum hið minnsta. Kjána­hrollur og gæsa­húð er að verða krónískt ástand. Allt við þetta fram­boð er á pari við mis­heppnað uppi­stand þar sem óþæg­indin fram­kalla hátíðn­isuð fyrir eyrum og sálin forðar sér í óða­goti úr lík­am­anum í nauð­vörn. Mig langar bara að þetta hætt­i. 

Auglýsing

Ég við­ur­kenni að ég ber ekki djúpar til­finn­ingar til Dav­íðs Odds­son­ar. Það gerir ef til vill ald­ur­inn. Þegar hann birt­ist fyrst á skjánum í víga­hug lang­aði mig frekar að reima á mig Buffaló­skóna og stel­ast út í sjoppu í sleik en að sitja íhugul og alvar­leg undir þvæl­unni. Ég verð ekki brjál­uð, ég á engra per­sónu­legra harma að hefna. Ég var ekki virkur þátt­tak­andi í sam­fé­lag­inu þegar hann drottn­aði og deildi, ég upp­lifði ekki örvænt­ingu þeirra sem undir honum þurftu að dúsa og sætta sig við sið­laust ofrík­ið, ellegar sæta grimmi­legum refs­ingum og vægð­ar­lausri kúg­un. Þess vegna er ég með­virk. Ég sé bara gamlan mann sem spil­aði illa úr sínu og er ófær um að líta gagn­rýnið í eigin barm og hrifsar þess vegna til sín öll tæki­færi til að end­ur­skrifa sög­una og mat­reiða svo ofan í „fá­vísan lýð­inn“. 

Nýjasta útspil­ið, frí­mogg­inn með upp­ljóstr­un­inni miklu um að Guðna finn­ist við í raun og sanni öll fífl og sé land­ráða­maður sem afneitar þorska­stríð­inu og öðrum sið­ferð­is­legum stór­sigrum íslensku þjóð­ar­innar var svo bara aðeins of mikið fyrir mig. Ég var enn að jafna mig eftir síð­asta frí­mogga og hlýt, í ljósi alvar­legs ástands míns, að biðj­ast undan áfram­hald­andi ósköp­um. Hættið í það minnsta að senda mér mogg­ann. Ég get ekki lengur þetta sturl­aða raun­veru­leika­sjón­varp sem er farið að minna óþyrmi­lega á ein­hvers konar dýra­lífs­þátt. Það óskar eng­inn gömlu gór­ill­unni algjörrar nið­ur­læg­ingar og útskúf­unar úr hjörð­inni, alla­vega ekki með­virka ég. Á ein­hvern grát­legan hátt er hún æpandi tíma­skekkja þar sem hún ber sér í örvænt­ingu á brjóst án þess þó að takast að hræða neinn. Hún skilur ekki þessar nýju lend­ur. Gæti hún bara sætt sig við eigin hnignun og dundað sér í spekt við mein­lausa iðju á borð við berja­tínslu væri þetta allt miklu auð­veld­ara áhorfs. Slíkt dundur er jú tölu­vert virð­ing­ar­verð­ara en ýmis­legt ann­að.

Kæru tutt­ugu pró­sent, þið hljótið að vera að grín­ast. Eða eruð fár­veik af með­virkni eins og ég.

Viltu styrkja sjálfstæða íslenska fjölmiðlun?
Lesendur Kjarnans geta kosið að greiða fast mánaðarlegt framlag til fjölmiðilsins til að efla starfsemi hans enn frekar. Markmiðið er upplýstari, gagnrýnni og málefnalegri umræða. Hjálpið okkur við að ná því markmiði með því að ganga til liðs við Kjarnasamfélagið.
Þingmenn Sjálfstæðisflokks vilja ekki hafa fund með Ólafi opinn
Brynjar Níelsson víkur úr stjórnskipunar- og eftirlitsnefnd þingsins í Búnaðarbankamálinu, en tjáir sig um það við Fréttablaðið í dag. Hann er þeirrar skoðunar að fundur með Ólafi Ólafssyni ætti ekki að vera opinn almenningi og fjölmiðlum.
28. apríl 2017 kl. 15:01
Gunnar Smári Egilsson
Ingi Freyr: Gunnar Smári gaf starfsfólki ranga mynd af stöðu Fréttatímans
Gunnar Smári Egilsson sannfærði starfsfólk um það í febrúar síðastliðnum að rekstur Fréttatímans væri tryggður, og talaði fólk ofan af því að taka öðrum starfstilboðum. Á þeim tíma hafði ekki verið greitt í lífeyrissjóði fyrir starfsfólk í nokkra mánuði.
28. apríl 2017 kl. 13:45
Tæknivarpið
Tæknivarpið
Manndráp í beinni á Facebook Live
28. apríl 2017 kl. 13:00
Óttarr Proppé er heilbrigðisráðherra.
Þyrftum að útskrifa tvöfalt fleiri heimilislækna
Síðustu ár hafa að meðaltali átta heimilislæknar útskrifast á Íslandi. Þeir þyrftu að vera tæplega tvöfalt fleiri. Stjórnvöld þurfa að grípa inn í til að ekki verði skortur á næstu árum. Skortur er í fleiri sérgreinum, til dæmis geðlæknisfræðum.
28. apríl 2017 kl. 11:37
Ari Trausti Guðmundsson
Ríkisfjármálaáætlun fellur á loftslagsprófi
28. apríl 2017 kl. 10:07
Hópur íslenskra fjárfesta hefur keypt hlut Glitnis í Stoðum.
Ekkert gefið upp um sölu á hlut Glitnis í Stoðum
Forstjóri Glitnis HoldCo var ekki tilbúinn að svara spurningum um sölu á hlut félagsins í Stoðum.
28. apríl 2017 kl. 9:00
Verðmiðinn á stoðtækjafyrirtækinu Össuri er nú tæplega 220 milljarðar króna. Össur er, ásamt Marel, langsamlega vinsælasta fyrirtækið á íslenska markaðinum.
Rekstur Össurar heldur áfram að vaxa og dafna
Forstjóri Össurar segir reksturinn á fyrstu þremur mánuðum ársins hafa gengið vel.
28. apríl 2017 kl. 8:00
Ármann Þorvaldsson tekur við af Sigurði Atla Jónssyni sem forstjóri Kviku.
Ármann sagður taka við stjórnartaumunum hjá Kviku
Sigurður Atli Jónsson er hættur störfum hjá Kviku banka og Ármann Þorvaldsson, hefur verið stjórnandi hjá Virðingu, er sagður vera að taka við sem forstjóri, samkvæmt fréttum Vísis og Viðskiptablaðsins.
27. apríl 2017 kl. 23:04
Meira úr sama flokkiKjaftæði