#fjölmiðlar#stjórnmál

Hvar ætlið þið í alvöru að láta þennan feita vera?

Er búinn að vera að hugsa um takt­leysi und­an­far­ið. Það verður stöðugt erf­ið­ara að hunsa takt­leysi vegna þess að í dag kemst ein­hvern veg­inn allt upp á yfir­borð­ið. Sem er reyndar eig­in­lega alltaf jákvætt. 

Ef Face­book hefði til dæmis ekki hleypt okkur inn í huga Vig­dísar Hauks­dóttur væri ekk­ert víst að við myndum vita hversu takt­laus hún er. Við myndum kannski ekki vita að hún er til­búin að dissa að kynja­merk­ingar á sal­ernum í Verzló hafi verið fjar­lægð­ar, þrátt fyrir að það eigi að gera lífið auð­veld­ara fyrir nem­endur sem eru óvissir með kyn sitt. 

Og ef fjöl­miðlar væru ekki að sinna starfi sínu myndum við mögu­lega ekki vita hversu takt­lausir stjórn­endur slita­búa gömlu bank­anna eru með því að lofa starfs­fólki sínu veru­leikafirrtum bón­us­um.

Auglýsing

Breyttir tímar eru líka að færa okkur beinar útsend­ingar frá öllu mögu­legu og þær geta reynst afhjúp­andi. Við hefðum aldrei kom­ist að því hversu takt­laus frétta­mað­ur­inn Arnar Páll Hauks­son er ef tæknin gerði ekki mögu­legt að sýna frá við­burðum í beinni útsend­ingu á inter­net­inu án þess að kalla til sjón­varps­stöð og her tækni­fólks. Við hefðum aldrei heyrt hann segja brandar­ann sem á að hafa sannað að RÚV hatar ekki bara Fram­sókn­ar­flokk­inn heldur líka feitt fólk:

„Hvar ætlið þið að láta þennan feita vera? heheh…“ (Þetta „hehehe…“ sem fylgdi brand­ar­anum hefur grín­laust haldið fyrir mér vöku.)

Efn­is­tök brand­ar­ans fóru ekki fyrir brjóstið á mér. Mér skilst líka að eng­inn hafi verið rólegri yfir brand­arnum en skot­spónn­inn Sig­urður Ingi sjálfur þannig að froðu­fellandi við­brögð á borð við þau sem Vig­dís Hauks­dóttir bauð upp á eru í besta falli hlægi­leg. En eftir því sem ég hugsa meira um þetta finnst mér stöðugt hræði­legra að hafa orðið vitni að svona skelfi­legu takt­leysi á opin­berum vett­vang­i. 

Spurn­ing­arnar sem þjóta um huga minn eru ótelj­andi — sér­stak­lega vegna þess að hann sagði brandar­ann tvisvar við sama fólk­ið. Hvað hélt hann að myndi ger­ast? Hélt hann að Katrín Jak­obs­dóttir og Ótt­arr Proppé myndu springa úr hlátri og hvetja hann til að fara á svið með uppi­standið sem er að verða til í skjal­inu bRaNd­Ar­Ar.doc í tölv­unni hans? 

Hélt hann kannski að Katrín Jak­obs­dótt­ur, ein­hver við­kunn­an­leg­asta kona lands­ins, myndi bjóða honum að kless’ann, fylgja brand­ar­anum eftir sjálf og jafn­vel bæta í? „Kemur eng­inn frá Fram­sókn­ar­flokkn­um? Eða er búið að stein­gelda Sig­urð Inga á ómann­úð­legan hátt eins og aðra feita grísi í þessu landi? Heheh…“

Eða hélt hann kannski að Ótt­arr Proppé myndi taka niður síma­núm­erið hans og adda honum á Face­book í þeim til­gangi að kynna hann fyrir Jóni Gnarr, vini sínum og fyndn­asta manni lands­ins? Eða reyndar næst fyndnasta, á eftir Arn­ari Páli Hauks­syni auð­vit­að.

Nei, það sem gerð­ist í raun og veru var að hann sagði fitu­brand­ara við Katrínu Jak­obs­dóttur og Ótt­arr Proppé uppi á sviði á fjöl­mennum fundi í beinni útsend­ingu á inter­net­inu rúmum mán­uði fyrir Alþing­is­kosn­ing­ar. Hann hefði alveg eins getað hafið ræðu á sam­komu á vegum Unicef á svæsnum brand­ara um flótta­manna­vand­ann: „Heyrðuð þið um landa­mæri Grikk­lands og Makedón­íu? Það hefur víst orðið algjör sprengja í aðsókn frá Sýr­landi … heheh…“.

Því­lík skelf­ing. Ekki mis­skilja mig samt. Það má gera grín að öllu. Sam­hengið er ávallt dóm­ar­inn — ekki við­brögð fólks. En svona grímu­laust takt­leysi … það sær­ir.

Brand­ar­inn er hvorki brott­rekstr­ar­sök né til­efni til að taka upp dauða­refs­ing­ar, eins og mér sýnd­ist Vig­dís Hauks­dóttir leggja til. Þvert á móti er hann til­efni til að hefja þjóð­ar­á­tak gegn takt­leysi. Opna umræð­una. Benda á að það er ekki aðeins stjórn­mála­fólk sem glímir við þessa ólækn­andi veiru heldur fólk á öllum stigum þjóð­fé­lags­ins. 

Sem þjóð þurfum við því að líta í eigin barm og kom­ast að því eitt skipti fyrir öll hvar við ætlum að láta þennan feita vera — og þá er ég að sjálf­sögðu að tala um feita, takt­lausa fíl­inn sem tróð sér í her­bergið þegar kyn­slóðin sem ræður öllu tengd­ist inter­net­inu.

Viltu styrkja sjálfstæða íslenska fjölmiðlun?
Lesendur Kjarnans geta kosið að greiða fast mánaðarlegt framlag til fjölmiðilsins til að efla starfsemi hans enn frekar. Markmiðið er upplýstari, gagnrýnni og málefnalegri umræða. Hjálpið okkur við að ná því markmiði með því að ganga til liðs við Kjarnasamfélagið.
Frá blaðamannafundinum í gær. Stefan Löfven, forsætisráðherra Svíþjóðar, er þriðji frá vinstri.
Sænska ríkisstjórnin í kröppum dansi
Ráðherrar innan sænsku ríkisstjórnarinnar hafa sætt harðri gagnrýni vegna aðgerðarleysi þrátt fyrir vitneskju um alvarleg brot á persónuverndarlögum.
25. júlí 2017
Chuck Schumer er leiðtogi demókrata á bandaríska þinginu.
Spáir því að flokkurinn snúist gegn Trump
Leiðtogi demókrata segist trúa því að þingmenn repúblikana muni ekki sitja hjá ef Trump náðar sjálfan sig eða fjölskyldu sína.
25. júlí 2017
Morðtíðni hefur aukist mikið í Mexíkó undanfarin misseri vegna innbyrðis átaka glæpagengja. Hér sjást íbúar smábæjar í landinu hylja andlit sín og undirbúa sig undir komu glæpagengis.
Þrjú morð á klukkustund: Eiturlyfjastríðið í Mexíkó verður blóðugra
Fleiri og smærri glæpagengi, aukin eftirspurn eftir ópíum og ríkisstjórabreytingar skýra meðal annars þriðjungs aukningu í fjölda morða í Mexíkó. Oddur Stefánsson fjallar um eiturlyfjastríðið.
24. júlí 2017
Alexis Tsipras, forsætisráðherra Grikklands, til hægri.
Grikkir gefa út skuldabréf að nýju
Grísk stjórnvöld tilkynntu að ríkisskuldabréf þeirra verði gefin út á morgun, í fyrsta skiptið í þrjú ár.
24. júlí 2017
Sérfræðingar eru áhyggjufullir yfir stöðu Bretlands
Bretland sé að verða „veiki maðurinn í Evrópu“
Efnahagshorfur hafa versnað í Bretlandi og Bandaríkjunum um leið og þær hafa batnað á Evrusvæðinu, samkvæmt nýrri skýrslu AGS.
24. júlí 2017
Svona lítur borðspilið út
Borðspil sem reynir á bragðlaukana
Nýtt borðspil úr smiðju Eggerts Ragnarssonar og konu hans Amanda Tyahur hefur litið dagsins ljós, en í því er keppt um þekkingu á mat og matarmenningu.
24. júlí 2017
Jared Kushner er einn helsti ráðgjafi Donalds Trump, forseta Bandaríkjanna. Kushner er giftur Ivönku Trump.
Segist ekki hafa verið í leynimakki með neinum
Tengdasonur og helsti ráðgjafi forseta Bandaríkjanna kemur fyrir þingnefnd bandaríska þingsins í dag.
24. júlí 2017
Björgvin Ingi Ólafsson
Er vit í að Ísland losni alveg við seðla og klink?
24. júlí 2017
Meira úr sama flokkiKjaftæði
None