Þetta er ekk­ert sér­stak­lega skemmti­legt kjaftæði. Eig­in­lega meira eins og aðsent bréf í Heim­ili og skóla. Hvað um það, þetta er mitt kjaftæði og ég ræð. Frjálst land. Sorrí að ég sé til.

Nauðg­un.

Ég man ekki hvenær eða hvernig nauðgun var útskýrð fyrir mér í fyrsta sinn. Ég man hins vegar að ég mál­aði mynd í hausnum á mér af ófrýni­legum körlum sem drógu ókunn­ugar konur inn í dimm húsa­sund. Ég vissi fyrir að Stein­grímur Njáls­son væri vondur maður sem gerði ógeðs­lega hluti við börn sem hlupu ekki nógu hratt undan hon­um, bollur eins og mig. Myndin sem ég sá af honum í DV er brennd í heil­ann á mér að eilífu, rétt eins og DVD–skjá­hvílan á gamla sjón­varp­inu mínu. Af og til dreymdi mig Stein­grím meira að segja. Hann var að horfa á mig þvo mér með stóru sápu­stykki og tal­aði eins og Bessi Bjarna­son í hlut­verki Mikka refs. Já, þessar upp­lýs­ingar hjálp­uðu mér nákvæm­lega ekki neitt. Án þess að ég viti nokkuð um lík­am­legt hreysti Stein­gríms Njáls­sonar á 9. ára­tugnum þá gef ég mér það að hann hafi getað hlaupið hraðar en flest börn.

Auglýsing

Í síð­ustu viku las ég fjöld­ann allan af frá­sögnum kvenna á Twitt­er–­reikn­ingi Hildar Lilli­endahl. Þær sögðu frá fyrsta kyn­ferð­is­brot­inu sem þær urðu fyr­ir. Takið eftir … fyrsta. Af mörg­um. Það er auð­vitað algjör geggjun en núna finnst mér ég þurfa að slá nokkra varnagla. Það er eng­inn að segja að allar konur hafi orðið fyrir þess­ari reynslu, eða að aðeins konur hafi orðið fyrir þess­ari reynslu. Já, karl­mönnum er líka nauðgað (hæ, kommenta­kerf­i!) og stundum meira að segja af kon­um. Já, konur eru færar um að ljúga. Karlar líka. Og stundum falla arma­dill­óar af himnum ofan í Texas. En burt séð frá öllu þessu þá eru flestir kyn­ferð­is­af­brota­menn karlar og flestir þolendur kon­ur.

Lang­fæstir kyn­ferð­is­af­brota­menn eru hins vegar ógeðs­legir karlar sem fela sig í dimmum húsa­sundum og lang­fæstir þolendur eru ókunn­ugar kon­ur. Sög­urnar sem við höfum öll heyrt, um nauð­gara­gengi með botn­laus tjöld á úti­há­tíð­um, eru und­an­tekn­ing­ar. Algeng­ustu brotin eru framin af venju­legum karl­mönnum og oft­ast gegn konum sem þeir þekkja.

Ég á son og stjúp­son. „Mikið er ég nú feg­inn að eiga stráka,“ er hugsun sem hefur hvarflað að mér, ég við­ur­kenni það. Minni líkur á að þeir lendi í klónum á ein­hverju ógeðsliði. En eftir að ég las sög­urnar hjá Hildi fór ég smám saman að átta mig á því að ábyrgð mín sem upp­alandi er tölu­vert meiri þegar kemur að þessum mála­flokki en ef ég ætti bara stelp­ur. Ég þarf að sjá til þess að drengirnir alist upp, vit­andi það að sumt gerir maður ekki. Vit­andi það að þó þeir fái fiðr­ing í typp­ið, þá hafi þeir engan rétt á að ota því að ein­hverjum sem hefur ekki áhuga. Að þeir læri að lesa í aðstæður og virða „nei“–ið, hvort sem það er í formi orða eða lát­bragðs. Að þögn sé ekki sama og sam­þykki. Að þeim finn­ist þeir ekki eiga heimt­ingu á öllu þó þeir fái smá. Að suð sé ekki sexí. Að það sé ekki í lagi að klípa ókunn­ugt fólk. Að þeir geri sér grein fyrir því að gjörðir þeirra geti haft langvar­andi áhrif á aðra. Að klámið sem þeir munu óhjá­kvæmi­lega horfa á sé ekki raun­veru­legt. Að ef þeir horfi á það séu þeir ekki að horfa á hressar brjóstabínur sem eru til í allt, heldur mann­eskjur sem búið er að brjóta niður and­lega og lík­am­lega. Með öðrum orð­um, ég þarf að gera allt sem í mínu valdi stendur til þess að þeir verði ekki fávit­ar.

Hins vegar veit ég ekki hvernig í hel­vít­inu ég á að geta minnkað lík­urnar á að þeir verði fyrir kyn­ferð­is­of­beldi. Mögu­lega með því að banna þeim að fara út úr húsi án þess að ég fylgi þeim upp að dyr­um, hvert sem þeir fara. En meira að segja þá er ég ekki búinn að gull­tryggja neitt. Þeir þurfa jú að stunda skóla, íþróttir og aðrar tóm­stund­ir, þar sem kyn­ferð­is­af­brota­menn geta auð­vitað látið til skarar skríða. 

Ein hug­mynd hérna. Hvað með að ég sleppi því að valda martröðum með því fræða börnin mín um allt það hræði­lega sem þau gætu mögu­lega orðið fyrir og kenni þeim frekar eðli­lega fram­komu við aðra? Virð­ingu fyrir sjálfum sér og öðr­um. Þetta sem ég taldi upp hér ofar. Ef þú gerir síðan það sama með þínum börnum erum við búin að minnka lík­urnar tölu­vert á því að börnin okkar mis­noti hvert annað í fram­tíð­inni. Það er nefni­lega um það bil milljón sinnum lík­legra að þér tak­ist að koma í veg fyrir að barnið þitt verði ger­andi en þol­andi.

Auð­vitað hlakka ég ekki til þess að taka þessa umræðu. Að heyra „Jæja strák­ar, nú ætla ég að ræða við ykkur um kyn­líf,“ frá mið­aldra manni með cof­fee bre­ath er eitt­hvað sem öllum þykir eflaust óþægi­legt. Alla­vega til að byrja með. En það er bókað auð­veld­ara en að heim­sækja son sinn á Litla Hraun. Skárra en að þurfa að fela sig í mjólk­ur­kæl­inum í Bónus eftir að hafa rek­ist á for­eldra brota­þola. Að þurfa að ljúga því að sjálfum sér að stelpan sé nú svona og svona og það séu tvær hliðar á öllum mál­um.

Ég get ekki komið vit­inu fyrir ófreskjur í húsa­sund­um. En mér ber skylda til að gera mitt allra besta til að stuðla að því að venju­legu karl­menn­irnir sem ég er að ala upp fremji ekki sama glæp og þeir.

Viltu styrkja sjálfstæða íslenska fjölmiðlun?
Lesendur Kjarnans geta kosið að greiða fast mánaðarlegt framlag til fjölmiðilsins til að efla starfsemi hans enn frekar. Markmiðið er upplýstari, gagnrýnni og málefnalegri umræða. Hjálpið okkur við að ná því markmiði með því að ganga til liðs við Kjarnasamfélagið.
Þingmenn Sjálfstæðisflokks vilja ekki hafa fund með Ólafi opinn
Brynjar Níelsson víkur úr stjórnskipunar- og eftirlitsnefnd þingsins í Búnaðarbankamálinu, en tjáir sig um það við Fréttablaðið í dag. Hann er þeirrar skoðunar að fundur með Ólafi Ólafssyni ætti ekki að vera opinn almenningi og fjölmiðlum.
28. apríl 2017 kl. 15:01
Gunnar Smári Egilsson
Ingi Freyr: Gunnar Smári gaf starfsfólki ranga mynd af stöðu Fréttatímans
Gunnar Smári Egilsson sannfærði starfsfólk um það í febrúar síðastliðnum að rekstur Fréttatímans væri tryggður, og talaði fólk ofan af því að taka öðrum starfstilboðum. Á þeim tíma hafði ekki verið greitt í lífeyrissjóði fyrir starfsfólk í nokkra mánuði.
28. apríl 2017 kl. 13:45
Tæknivarpið
Tæknivarpið
Manndráp í beinni á Facebook Live
28. apríl 2017 kl. 13:00
Óttarr Proppé er heilbrigðisráðherra.
Þyrftum að útskrifa tvöfalt fleiri heimilislækna
Síðustu ár hafa að meðaltali átta heimilislæknar útskrifast á Íslandi. Þeir þyrftu að vera tæplega tvöfalt fleiri. Stjórnvöld þurfa að grípa inn í til að ekki verði skortur á næstu árum. Skortur er í fleiri sérgreinum, til dæmis geðlæknisfræðum.
28. apríl 2017 kl. 11:37
Ari Trausti Guðmundsson
Ríkisfjármálaáætlun fellur á loftslagsprófi
28. apríl 2017 kl. 10:07
Hópur íslenskra fjárfesta hefur keypt hlut Glitnis í Stoðum.
Ekkert gefið upp um sölu á hlut Glitnis í Stoðum
Forstjóri Glitnis HoldCo var ekki tilbúinn að svara spurningum um sölu á hlut félagsins í Stoðum.
28. apríl 2017 kl. 9:00
Verðmiðinn á stoðtækjafyrirtækinu Össuri er nú tæplega 220 milljarðar króna. Össur er, ásamt Marel, langsamlega vinsælasta fyrirtækið á íslenska markaðinum.
Rekstur Össurar heldur áfram að vaxa og dafna
Forstjóri Össurar segir reksturinn á fyrstu þremur mánuðum ársins hafa gengið vel.
28. apríl 2017 kl. 8:00
Ármann Þorvaldsson tekur við af Sigurði Atla Jónssyni sem forstjóri Kviku.
Ármann sagður taka við stjórnartaumunum hjá Kviku
Sigurður Atli Jónsson er hættur störfum hjá Kviku banka og Ármann Þorvaldsson, hefur verið stjórnandi hjá Virðingu, er sagður vera að taka við sem forstjóri, samkvæmt fréttum Vísis og Viðskiptablaðsins.
27. apríl 2017 kl. 23:04
Meira úr sama flokkiKjaftæði