Auglýsing

Hér kemur pæl­ing korter í jól: Ég held að það sé í raun­inni svo að flestallt fólk telji frekar sjálf­sagt að gera hluti eins og að hjálpa náung­anum og láta sig líf og heilsu ann­arra varða. Ég held að þeir sem finna til með fólki sem hefur hrökkl­ast frá land­inu sínu vegna stríðs­á­taka eigi þar með ekki að skil­grein­ast sem ein­hverjir sér­stakir „akti­vistar” eða „æi þessi þarna sem er svo mikið fyrir flótta­menn­ina”.

Þú finnur eins árs gam­alt barn ráf­andi um á Stjörnu­torgi í Kringl­unni og auð­vitað gerir þú eitt­hvað. Þú þarft ekki að fá útnefn­ing­una: „Sá sem fórn­aði inn­kaup­unum til að hjálpa týndu barn­i.” Eða segjum að þú sjáir mann­eskju hrasa og vera við það að detta ofan í berna­ise-­gos­brunn­inn á árs­há­tíð WOW. Auð­vitað stekkur þú til og bjargar við­kom­andi frá drukkn­un. Og talandi um hreyf­ingu: Segjum að ein­hver festi ipa­d­inn í róðra­tæk­inu í rækt­inni. Auð­vitað leysir þú mann­eskj­una úr snör­unni. Hvað heldur fólk? Að þú sért eitt­hvert villi­dýr? 

Eigum við að þora að gægj­ast ofan í þann slysapytt sem gamlárs­kvöld er? Ætlar þú að láta Didda á númer 45, sem verður alltaf hell­aður fyrir skaup, afskipta­lausan þegar hann er við það að skjóta sjálfum sér með tívolí­bombunum upp í him­in­hvolfin? Ætlarðu bara að segja: „Far þú og þínir Fylk­is­flugeldar vel?” Og vinka svo til stjarn­anna? Ó nei. Og ég meina, hjálp­semin er alls stað­ar. Það er verið að kenna fólki Heim­lich aðferð­ina í útvarp­inu til að allir og amma þeirra líka geti verið í við­bragðs­stöðu þegar fólk á aldr­inum 0-99 ára nagar kalkúna­beinin sín á aðfanga­dags­kvöld.

Auglýsing

Eld­varn­ar­aug­lýs­ingar dynja á okkur á milli allra dag­skrár­liða í sjón­varp­inu þessar vik­urn­ar. Allir eru reddí að stökkva til og hlaupa yfir í næsta hús ef kvikna skyldi í. Því við erum svo góðir grann­ar. Allir eiga minnst þrjú eld­varn­ar­teppi ef Nína á móti skyldi kveikja í bæði á aðfanga­dag og svo aftur á jóla­dag. Ekki málið þegar allt hverfið er á vakt­inn­i. 

Ég vil trúa því, þrátt fyrir magn­aðan vit­leys­is­gang í ein­staka fólki hér og hvar (guð geymi þig kæri vinur Ásmundur Frið­riks­son), að 99,9% af fólki vilji hjálpa og vilji gera öðrum gott. Við þurfum því ekki að aðgreina fólk í hópa: Þeir sem hjálpa og þeir sem ekki hjálpa. Það er algjör óþarfi að aðgreina fólk í akti­vista, góða fólkið eða hvað þetta allt saman er kall­að. Við viljum öll vel og við erum öll í þessu sam­an. 

Um jólin minnir ang­ur­vært jóla­lag okkur á að gleyma ekki okkar minnsta bróð­ur, þó höf og álfur skilji að. En við, heim­ur­inn, höfum nú samt gleymt þessum minnsta bróð­ur. Hann kúrir í dag undir húsa­rústum í borg sem hét Aleppo í Sýr­landi en er nú rústir einar eftir margra ára stríð. Þessi litli bróðir á bræður og systur og þau eru á ver­gangi um allan heim, án verndar og hjálp­ar, því við erum að bregð­ast. Við sem eigum allt sem við mögu­lega þurfum að eiga erum ekki að standa okk­ur. Við erum ekki að hjálpa eins og við getum og kunnum og, já, viljum hjálp­a. 

Við erum ekki að taka okkur tak og gera eitt­hvað. Það sem við erum hins vegar að gera er að bíða eftir því að akti­vist­arnir klári þetta bara. Stjórn­völd kippi í taumana. Ein­hver annar taki af skar­ið. Ein­hver annar en við. 

Þessi hugs­un­ar­háttur á ekki við lengur eins og staðan í heim­inum er. Við getum gert svo miklu meira. Við getum fundið sjálf­sagðri og með­fæddri hjálp­semi okkar far­veg til þessa bless­aða fólks sem hingað leitar og vill hingað leita. Við getum svo létti­lega tekið betur á móti þeim sem vilja eiga heima á Íslandi í stað þess að hrekja á brott fjöl­skyldur með smá­börn sem eru löskuð á sál og lík­ama eftir stríðs­hörm­ungar sem þau áttu engan þátt í. Við getum gert bet­ur.

Við Íslend­ingar erum best í svo mörgu og eitt af því er að koma af stað og taka þátt í nýjum æðum. Hvernig væri að 2017 yrði árið þar sem nýjasti lífstíll­inn, nýjasta æðið, yrði hjálp­semi, mannúð og náunga­kær­leik­ur? Gerum þetta sem er okkur svo eðl­is­lægt og sjálf­sagt. Gerum þetta sam­an. Öll sem eitt. 

Gleði­leg jól.

Magnús Halldórsson
Sjálfsögð íbúakosning
Kjarninn 16. desember 2018
Karolina Fund: Solar Plexus Pressure Belt™
Solar Plexus Pressure Belt er kvíðastillandi tæknibúnaður hannaður af myndlistarmanninum Sæmundi Þór Helgasyni í samstarfi við tískuhönnuðinn Agötu Mickiewicz.
Kjarninn 16. desember 2018
Sigmundur Davíð gefur í skyn að vinstrimenn á upptöku hefðu fengið öðruvísi meðhöndlun
Formaður Miðflokksins hefur birt pistil á heimasíðu sinni þar sem hann setur Klausturmálið upp í tvær ímyndaðar atburðarrásir þar sem uppteknir þingmenn séu úr Vinstri grænum og Samfylkingu.
Kjarninn 16. desember 2018
Bæta þarf við rannsóknir á heilsufarsáhrifum loftslagsbreytinga á Íslandi
Umfjöllun um möguleg áhrif loftslagsbreytinga á heilsufar hefur ekki haft mikið vægi í heilbrigðisrannsóknum á Íslandi og þarf verulega að bæta við rannsóknir um þetta efni á næstu árum, samkvæmt sérfræðingi.
Kjarninn 16. desember 2018
Fámenn en afkastamikil
Langstærstur hluti íslenskra fyrirtækja er með færri en 10 starfsmenn eða um 94 prósent þeirra. Landsframleiðsla á mann á Íslandi var 30 prósent yfir meðaltali ríkja Evrópusambandsins árið 2017. Landsframleiðsla á mann er sú fimmta mesta í Evrópu.
Kjarninn 16. desember 2018
Stóri lottó - ekki - vinningurinn
Hvað gerir sá sem telur sig hafa hlotið stóran vinning í lottó, en getur ekki sýnt miðann? Jú, hann berst fyrir að sanna mál sitt. Það er einmitt það sem danskur maður hefur gert, en hann taldi sig fá ,,þann stóra“ fyrir 16 árum.
Kjarninn 16. desember 2018
Blikur á lofti í ferðaþjónustu - Fækkar ferðamönnum um nokkur hundruð þúsund?
Vandi WOW air hefur ekki verið leystur enn, en hvort sem fjármagn frá Indigo Partners mun bjarga rekstrinum eða ekki, þá hefur boðaður niðurskurður mikil áhrif á ferðaþjónustuna.
Kjarninn 15. desember 2018
Björn Leví Gunnarsson, þingmaður Pírata.
Vilja að stöður sendiherra séu auglýstar
Tíu þingmenn vilja fella í burtu ákvæði í lögum sem heimilar undanþágu um að skylt sé að auglýsa laus störf hjá ríkinu þegar um skipun í störf ráðuneytisstjóra og sendiherra í utanríkisþjónustunni er að ræða.
Kjarninn 15. desember 2018
Meira úr sama flokkiKjaftæði
None