Auglýsing

Þessa dag­ana eru sam­fé­lags­miðlar fullir af fólki að gera annað af tvennu: a) for­mæla árinu 2016, sem hafi leitt hörm­ungar yfir heims­byggð­ina og drepið frá okkur flest okkar besta fólk í einni beit, eða b) benda á að ár geti ekki verið vond – þau séu bara mæli­kvarði á tíma, hafi hvorki illar né góðar fyr­ir­ætl­anir og að lík­lega muni fólk áfram deyja á næstu árum, þess vegna stoði lítið að skeyta skapi sínu á árinu 2016, það sé gagns­laus iðja og þar með í raun skað­leg af því að hún taki tíma og athygli frá öðru sem skipti meira máli, hinum raun­veru­legu söku­dólgum sem þurfi að ræða. Árinu kennir illur ræð­ari.

Af þessum tveimur hópum er sá síð­ar­nefndi miklu óbæri­legri.

Auð­vitað er eng­inn að kenna árinu 2016 um allt það slæma sem gerð­ist árið 2016 – það er ekki ártal­inu 2016 að kenna að Prince tók of stóran skammt af verkja­lyfjum eða að Aleppo var breytt í útrým­ing­ar­búðir fyrir framan nefið á okkur hálf­part­inn í beinni útsend­ingu. Það er eng­inn að segja það. Það er að minnsta kosti eng­inn að meina það. Og það þarf aug­ljós­lega ekk­ert að útskýra það fyrir neinum þótt sumir taki þannig til orða. Það er ekki sam­bæri­legt við það að trúa á hind­ur­vitni.

Auglýsing

Árið er upp­finn­ing manns­ins þótt það mið­ist við gang him­in­tungl­anna. Það er ekk­ert sjálf­gefið að árið sé eins og það er, eða að það sé yfir­leitt til. Við þurftum bara ein­hverja leið til að mæla tím­ann, mæla ald­ur, mæla sög­una. Sums staðar er árið öðru­vísi.

Nema hvað. Árið 2016 gerð­ist ýmis­legt slæmt og ýmis­legt gott, en mörgum hér á Vest­ur­lönd­um, og kannski aðal­lega mörgum í loft­bólunni sem flestir les­endur þessa pistils búa í, finnst eins og það hafi verið óvenju­lega mein­legt. Það á sér alls konar skýr­ing­ar, fólk talar um Trump og Brexit og signir sig, það talar um hryðju­verk og það talar kannski mest um öll menn­inga­rí­konin sem féllu í val­inn og dregur fram ryk­fallnar plötur til að setja á fón­inn. Það talar líka aðeins um mynd­irnar sem við erum loks­ins farin að skoða frá Sýr­landi.

Nýárs­bru­mið 

Þetta er allt eðli­legt. Árið er ekki verri tímara­mmi en hver annar til að vera argur út í. Öll eigum við slæma daga og hlökkum þá til að fara að sofa og hefja næsta dag á skemmti­legri nót­um. Stundum eigum við vondar vikur þar sem allt gengur á aft­ur­fót­unum og vinnan er erfið og leið­in­leg. Ef við erum Sig­mundur Davíð Gunn­laugs­son þá eigum við vonda mán­uði. Fyr­ir­tæki eiga vonda árs­fjórð­unga. Það er nú meiri mæli­ein­ing­in.

Nú finnst ein­hverjum við hafa átt vont ár, þrátt fyrir Ísland á EM og Wintris-æv­in­týrið og vin­sældir Guðna Th. Jóhann­es­son­ar. Þá er bara til­valið að nota þessi tíma­mót, sjálf ára­mót­in, til að kveðja það. Vakna á nýju ári, teygja úr sér í þynn­kunni, horfa út um glugg­ann á rak­ettu­prikin á kafi í slabb­inu, hlusta á inn­blásið ára­móta­ávarp Sig­urðar Inga Jóhanns­sonar frá kvöld­inu áður í Sarp­inum á RÚV.is og svo frétt­irnar af því hvernig Óttarri Proppé gengur að mynda hægrisinn­uð­ustu rík­is­stjórn Íslands­sög­unnar og áformum hennar um auk­inn einka­rekstur í heil­brigð­is­kerf­inu. Passa svo að skipta áður en fréttin frá Sýr­landi byrj­ar, kannski yfir á inn­hringi­tíma á Bylgj­unni – hver veit nema maður árs­ins 2016, Sig­mundur Dav­íð, sé á lín­unni. Finna svo Car­el­ess Whisper á Youtube og gleypa fjórar pan­ód­íl. Var það ekki það sem við vild­um?

Nei, ég segi svona. Auð­vitað verður 2017 gott ár. Geggjað ár. Besta árið til þessa. Sannið bara til.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Suðurhringþokan mynduð af WEBB-sjónaukanum í tveimur ólíkum útfærslum.
2.000 ljósár á sextíu sekúndum
Þau sem dreymir um að ferðast um geiminn ættu ekki að láta nýtt myndband geimferðastofnana Bandaríkjanna og Evrópu framhjá sér fara. Á sextíu sekúndum er boðið upp á 2.000 ljósára ferðalag með hjálp hins magnaða WEBB-sjónauka.
Kjarninn 16. ágúst 2022
Bjarni Benediktsson er formaður Sjálfstæðisflokksins.
Bjarni segir rangt að hann „vilji Sósíalistaflokkinn feigan“
Formaður Sjálfstæðisflokksins segir að Gunnar Smári Egilsson snúi út úr orðum sínum um styrki til stjórnmálaflokka. Honum þyki 120 milljóna styrkur á kjörtímabilinu til flokks sem fékk enga þingmenn kjörna einfaldlega of há fjárhæð.
Kjarninn 16. ágúst 2022
Finnur Birgisson
Saga tekjutengingar ellilífeyris almannatrygginga frá 1946
Kjarninn 16. ágúst 2022
Gunnar Smári Egilsson er formaður framkvæmdastjórnar Sósíalistaflokks Íslands.
Segir Bjarna vilja ýkja völd Sjálfstæðisflokks umfram fylgi og draga úr áhrifum annarra
Bjarni Benediktsson hefur sagt að hann vilji draga úr opinberum styrkjum til stjórnmálaflokka. Gunnar Smári Egilsson segir ástæðuna þá að Sjálfstæðisflokkurinn þurfi ekki jafn mikið á greiðslu frá ríkinu að halda og áður.
Kjarninn 16. ágúst 2022
Hér má sjá Drífu Snædal, fyrrverandi forseta ASÍ, og Sólveigu Önnu Jónsdóttur, formann Eflingar þegar betur áraði i samskiptum þeirra á milli.
Segir ASÍ hafa beinlínis unnið gegn nýjum öflum innan verkalýðshreyfingarinnar
Formaður Eflingar segir fram­kvæmda­stjóra SA ekki missa svefn yfir útbreiddum svikum atvinnu­rek­enda á þeim kjara­samn­ingum sem hann gerir fyrir þeirra hönd. Í greinaflokki, sem byrjaði að birtast í morgun, ætlar hún að rekja sögu ágreinings innan ASÍ.
Kjarninn 16. ágúst 2022
Horft niður í Hvalfjörð frá Brekkukambi í Hvalfjarðarsveit. Á fjallinu stendur til að byggja vindorkuver.
Íslenskir sérhagsmunaaðilar með „erlenda orkurisa í farteskinu“
Þótt ekkert vindorkuver sé risið hafa áform um fjölmörg slík þegar valdið sundrungu og deilum innan samfélaga út um landið, segir Andrés Skúlason, verkefnisstjóri hjá Landvernd. Hann segir vindorkufyrirtæki beita miklum þrýstingi og jafnvel blekkingum.
Kjarninn 16. ágúst 2022
Auglýsing frá upphafi áttunda áratugar síðustu aldar.
Ævintýrið um Carmen rúllurnar
Hvað gerir danskur kaupmaður sem finnst hann ekki hafa nóg fyrir stafni? Hjá Arne Bybjerg kaupmanni í danska bænum Kalundborg var svarið einfalt: að framleiða hárrúllur. Hann gaf þeim nafnið Carmen.
Kjarninn 16. ágúst 2022
Eitt og annað ... einkum danskt
Eitt og annað ... einkum danskt
Ævintýrið um Carmen rúllurnar
Kjarninn 16. ágúst 2022
Meira úr sama flokkiKjaftæði
None