Auglýsing

Ískald­ur, næð­andi vind­ur­inn leikur sér fyrir utan glugg­ann á meðan ég sit vafin í eitt­hvað sem getur ekki ákveðið sig hvort sé teppi eða sjal. Það er ótrú­legt hvað maður fer að sakna hluta sem maður hafði ekki hug­mynd um að hefðu áhrif á mann eða jafn­vel fóru í taug­arnar á manni um leið og maður er án þeirra. Hvað mig varðar fór ég að sakna íslenska veð­urs­ins þegar ég var tvær vikur á jóga­setri á Costa Rica. 

Nú gætuð þið dregið þá ályktun að ég sé ofdekruð prinsessa sem hrein­lega kann ekki gott að meta og vissu­lega hefðuð þið rétt fyrir ykk­ur. En í þetta sinn er sagan að minnsta kosti örlítið flókn­ari. Sjáið til ég er ekki bara ofdekruð prinsessa sem hrein­lega kann ekki gott að meta, ég er líka óvenju hvat­vís og fífldjörf í orðum en algjör heigull þegar að hólm­inum er kom­ið. 

Ég hafði verið á hött­unum eftir nýjum ævin­týrum þar sem þau síð­ustu höfðu ekki farið svo vel; au pair í Sviss í heila tvo mán­uði áður en ég flúði aftur heim, róm­an­tískt frí til Prag með kærast­anum sem ég svo dömp­aði stuttu eftir að við komum heim, fjöl­skyldu­ferð til Flór­ída þar sem ég var allan tím­ann í sím­anum við fyrr­ver­andi kærast­ann að biðja hann um að byrja aftur með mér (sem hann gerði og ég dömp­aði honum svo aft­ur). Nýbúin að harka af mér þriggja ára háskóla­nám í grein sem ég þoldi ekki var ég því reiðu­búin að hrista af mér álögin og fara loks­ins í ferða­lag sem myndi vera skemmti­legt.

Auglýsing

Í trú­girni minni sá ég full­komna fríið í hill­ing­um; dekur á strönd­inni, hlýja gol­una við Kyrra­haf­ið, og jógað að sjálf­sögðu. Ég sem hafði aldrei á ævi minni stundað jóga ákvað að fara í tveggja vikna þrek­búðir í iðkun sem ég hafði nákvæm­lega enga þjálfun í. Mér var sagt að matar­æðið yrði að öllum lík­indum létt­ara en ég væri vön en lét það sem vind um eyru þjóta. Ég á það nefni­lega til að draga úr alvar­leika óþægi­legra stað­reynda og láta eins og allt sé í lagi þangað til ég spring. Hérna er örugg­lega góð tíma­setn­ing að minn­ast á það að BS-gráðan sem ég lauk var í sál­fræð­i. 

Eftir langt ferða­leg komst ég loks á setr­ið. Sjó­inn var hvergi að sjá. Engin strönd, bara gam­alt, fúið hús inn í agn­arsmáum bæ með lélegri netteng­ingu og engu heitu vatni. Hvað varðar jógað voru allir á svæð­inu nema ég í fram­halds­kenn­ara­námi svo ég hafði í raun ekk­ert fyrir stafni nema að reyna að halda í við hóp­inn. 

Jóga er afar and­lega þenkj­andi iðkun með mikla teng­ingu við trú­ar­brögð. Því legg ég til að allir þeir sem ætla sér að iðka jóga af svo mik­illi alvöru velti því fyrir sér hvort þeir séu yfir höfuð and­lega þenkj­andi eða með snefil af teng­ingu við trú­ar­brögð. Ég er hvor­ugt. Ég trúi ekki á orkuflæði, gyðj­ur, tákn­ræni til­vilj­ana eða að alheim­ur­inn sé að reyna að segja mér eitt­hvað. Fólk á víst erfitt með að sætta sig við til­vilj­anir en það er eng­inn að toga í streng­ina. Það er ekk­ert æðra plan. Við erum bara ein­hverjar líf­verur í stans­lausri til­vist­ar­kreppu sem lendum í alls konar aðstæðum oft út af engu sér­stöku. Upp­lífg­andi ekki satt? Ég er rosa­lega skemmti­leg í partý­um. 

Því sat ég í tvær vikur og beit í tung­una á mér þegar fólkið í kringum mig tal­aði um áhrif stjörnu­merkj­anna á per­sónu­leika þeirra og hvað erfða­breyttur matur væri að drepa okkur öll. Með fullri virð­ingu fyrir skoð­unum ann­arra þá miss­irðu allan rétt á að predika um skað­semi syk­urs á lík­amann á meðan þú keðjureykir sígar­ettur allan lið­langan dag­inn. Svo­leiðis heitir hræsni. Annað dæmi um slíkt er að for­síðu­myndin mín á Face­book er af mér að gera jóga­stöðu á strönd­inni við sól­set­ur. 

Á degi þrjú hafði ég und­ir­búið flótta­leið til fjöl­skyldu minnar í Kanada. Ég ætl­aði að breyta flug­inu mínu, strjúka af hippa­komm­ún­unni og vera í Ont­ario þangað til tími væri kom­inn að fara aftur til Íslands og ekki segja neinum að ég hefði gef­ist upp. Með hvatn­ingu vina og fjöl­skyldu ákvað ég þó að gefa þessu ævin­týri annan séns og reyna að halda það út. Og þá varð allt betra, ég varð snill­ingur í jóga og hug­leiðslu, sprakk út eins og blóm og allt varð dásam­legt. End­ir.  

Nei. 

Í stað­inn föst­uðum við til að hreinsa lík­amann og borð­uðum nán­ast ekki neitt í marga daga. En fastan kynti bara undir bræði minni. Eftir nokkra daga hrós­aði einn kenn­ar­inn mér fyrir hvað ég væri byrjuð að grenn­ast. Ég þakk­aði honum fyrir en sagði honum ekki frá því að það væri lík­leg­ast ekk­ert nema vatn og að það væri ekki skyn­sam­legt að borða svona lítið prótein á meðan maður stund­aði krefj­andi lík­ams­rækt í marga klukku­tíma á dag. Þegar líða tók á nýja megr­un­ar­kúr­inn minn fór ég að stel­ast út í búð eftir hvern hádeg­is­mat og kaupa snakk og kex sem ég át svo í laumi. Ég kom heim þyngri en ég fór út. 

Þegar ég fór heim lang­aði mig að gráta af gleði. Á leið­inni til baka að flug­vell­inum og þar með að mal­biki, sið­menn­ingu og kap­ít­al­isma taut­uðu ferða­langar mínir um illsku manns­ins gegn nátt­úr­inni á meðan mig lang­aði helst að kyssa flekk­ótta gang­stétt­inna og fara í hand­snyrt­ingu.

Þegar ég loks­ins var komin aftur á klak­ann var ég eitt stórt bros. Vind­ur­inn stakk mig inn að beini og ég var honum svo þakk­lát. Þessi ferð var ekk­ert nema pen­inga­só­un. En af illu má oft draga lær­dóm. Ég er reynsl­unni rík­ari og ætti nú að geta byrjað að segja nei við klikk­uðum hug­myndum sem ég hef ekki raun­veru­legan áhuga á í stað­inn fyrir að sann­færa sjálfa mig um að mér muni örugg­lega líða betur þegar ég er komin á stað­inn. Næsta ferða­lag sem ég sjálf skipu­legg verður upp í sum­ar­bú­stað með góða bók, allar Scrubs ser­í­urn­ar, dökkt súkkulaði, þægi­legar nátt­buxur og tvær ferða­töskur af snyrti­vör­u­m. 

Þannig já, ég er ofdekruð prinsessa sem kann ekki gott að meta. Nema ömur­lega, íslenska veðr­ið. 

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
„Nú þurfa Íslendingar að gyrða sig í brók“
Fíknigeðlæknir segir að nú þurfi Íslendingar að gyrða sig í brók svo að hið sama verði ekki upp á teningnum á Íslandi og í Bandaríkjunum varðandi ofnotkun ópíóíða.
Kjarninn 26. október 2021
Á meðal þeirra sakborninga sem setið hafa á bak við lás og slá í Nambíu frá því undir lok árs 2019 er Bernhard Esau, fyrrverandi sjávarútvegsráðherra landsins.
Tvö mál orðin að einu í Namibíu
Í nýju ákæruskjali í sameinuðu sakamáli vegna Fishrot-skandalsins í Namibíu eru engir Íslendingar á meðal sakborninga, en alls eru 10 manns og 18 félög sökuð um margvísleg brot í tengslum við kvótaviðskipti Samherja í landinu.
Kjarninn 26. október 2021
Þjóðhættir
Þjóðhættir
Þjóðhættir – Gamla höfnin í Reykjavík, örverur, kombucha og súrdeig
Kjarninn 26. október 2021
Gagnrýnir aðstöðuleysi fyrir ungmenni í Laugardalnum
Borgarfulltrúi Sjálfstæðisflokksins segir að ungmenni í Laugardal þurfi alvöru aðstöðu til íþróttaiðkunar „ekki fleiri vinnuhópa eða góðar hugmyndir á blaði“.
Kjarninn 26. október 2021
Stefán Jón Hafstein sendifulltrúi með orðið á veffundinum í dag.
Ísland lýsir yfir vilja til að halda áfram að styðja við úttekt FAO
Sendifulltrúi Íslands lýsti því yfir á veffundi Alþjóðamatvælastofnunarinnar (FAO) að Ísland vildi halda áfram að styðja við framkvæmd rannsóknarverkefnis sem lýtur að viðskiptaháttum útgerða í þróunarlöndum.
Kjarninn 25. október 2021
Rósa Bjarnadóttir
Enn eitt stefnulaust ár
Kjarninn 25. október 2021
Skortur er á steypu í landinu þessa stundina, samkvæmt framkvæmdastjóra Sementsverksmiðjunnar.
Sementsskortur á landinu
Hrávöruskortur í Evrópu hefur leitt til þess að innflutningur á sementi hefur dregist mikið saman á síðustu vikum. Framkvæmdastjóri Sementsverksmiðjunnar segir að það sé áskorun fyrir fyrirtækið að standa við skuldbindingarnar sínar.
Kjarninn 25. október 2021
Aðalsteinn Kjartansson, blaðamaður á Stundinni, og Árni Guðmundsson, framkvæmdastjóri Gildis.
Framkvæmdastjóri Gildis neitar að mæta á fund um Init-málið
Framkvæmdastjóri Gildis hafði áður fallist á boð um að koma á fund Eflingar um Init-málið en samkvæmt stéttarfélaginu dró hann það til baka þegar honum var tilkynnt að Aðalsteinn Kjartansson blaðamaður yrði fundarstjóri.
Kjarninn 25. október 2021
Meira úr sama flokkiKjaftæði
None