Auglýsing

Snæ­björn skrif­aði pistil í síð­ustu viku um að hann væri ekki femínisti og allt fór í hund og kött. Pressan skrif­aði frétt um pistil­inn og aðra um við­brögð Sól­eyjar við hon­um. Systir Snæ­bjarn­ar, Helga, skrif­aði í kjöl­farið opið bréf til bróður síns, sem íslenskir fjöl­miðlar skrif­uðu fjöl­margar fréttir um, þar sem hún sagði honum að hann væri víst femínisti og allt varð gott aft­ur. Ekk­ert gerð­ist, fyrir utan það að nokkrar mann­eskjur sett­ust niður fyrir framan tölv­urnar sínar og skrif­uðu.

Hann eyddi reyndar inn­­­legg­inu, en ekki fyrr en DV var búið að taka skjá­­skot af öllu sam­­an. Svo skrif­aði DV frétt um inn­­­legg­ið.
En það var fleira sem gerð­ist ekki í síð­ustu viku. Gunnar skrif­aði undir Face­book–sta­tus Evu og lýsti því yfir að hann myndi glaður pynta og drepa hvern þann sem myndi brjóta gegn börn­unum hans. Hann eyddi reyndar inn­legg­inu, en ekki fyrr en DV var búið að taka skjá­skot af öllu sam­an. Svo skrif­aði DV frétt um inn­legg­ið. Gunnar skrif­aði þá Face­book–sta­tus þar sem hann sagð­ist vera fífl og fáviti og auð­vitað skrif­aði DV frétt um það líka. Ekk­ert gerð­ist samt. Bara fólk að lesa og skrifa.

Höldum okkur við síð­ustu viku. Einar skrif­aði blogg­færslu þar sem hann sak­aði Töru um að stuðla að fórn­ar­lamba­væð­ingu feitra og skor­aði á hana að hlaupa fimm kíló­metra með sér í Reykja­vík­ur­mara­þoni Íslands­banka til styrktar Sam­tökum um lík­ams­virð­ingu. Vísir skrif­aði frétt um pistil­inn og í athuga­semda­kerfi frétt­ar­innar skrif­aði Tara um það að ljótum aðferðum hafi verið beitt, meðal ann­ars smán­un, til að „rífa feita­boll­urnar í gang“. Um svar Töru skrif­aði Vísir aðra frétt.

Auglýsing

Með þessum dæmum mínum er ég ekki að saka íslenska frétta­miðla um að vera latir og léleg­ir. Ég er ekki að segja að þeir geri skoð­unum mis­frægra ein­stak­linga úti í bæ óþarf­lega hátt undir höfði. Þetta fólk er upp til hópa vel skrif­andi og með áhuga­verða sýn á sam­fé­lag­ið. Ég er heldur ekki að spyrja „er þetta frétt?“ — þvert á móti, allt eru þetta frétt­ir. Að minnsta kosti á Íslandi, þar sem við erum bless­un­ar­lega laus við ISIS, skóg­ar­elda, kjarn­orku­vopn, Mafí­una og aðra hræði­lega hluti sem rata í fréttir ann­ars stað­ar. Við þurfum að fylla upp í frétta­tím­ana okkar með ein­hverjum hætti og Magnús Hlynur er bara einn mað­ur. Þess vegna eru skrif­aðar fréttir um rausið í Vig­dísi og Gylfa. Við hámum þessar fréttir í okk­ur, tjáum okkur um þær á Face­book og þá verða oft til nýjar frétt­ir.

Þegar ég vann á frétta­stofu gátu blaða­menn­irnir séð það á stórum skjá í raun­tíma hversu margir not­endur voru inni á frétta­vefnum hverju sinni, hvaða fréttir þeir lásu og hversu lengi þeir voru að því. Engar áhyggj­ur, heil­indin voru til staðar og vinnan sner­ist ekki um þetta ágæta línu­rit. Ég var til dæmis einu sinni húð­skammaður af frétta­stjór­anum fyrir að skrifa drasl­frétt, þrátt fyrir að hún hafi verið með þeim allra mest lesnu þann mán­uð­inn. En starfið gaf mér ágætis inn­sýn inn í lestr­ar­venjur Íslend­inga.

Vitið þið hvaða fréttir eng­inn les? „Er­ill hjá lög­­­reglu í nótt“, „Hag­­stæður við­­skipta­­jöfn­uður við útlönd“, „Kenn­­arar sam­­þykkja kjara­­samn­ing­inn“ … þannig frétt­­ir. Þær eru skrif­aðar vegna þess að það verður að skrifa þær, en eng­inn les þær.
Vitið þið hvaða fréttir eng­inn les? „Er­ill hjá lög­reglu í nótt“, „Hag­stæður við­skipta­jöfn­uður við útlönd“, „Kenn­arar sam­þykkja kjara­samn­ing­inn“ … þannig frétt­ir. Þær eru skrif­aðar vegna þess að það verður að skrifa þær, en eng­inn les þær. Þá er und­ar­lega lít­ill áhugi á erlendum frétt­um, með örfáum und­an­tekn­ing­um. Ekki það að Íslend­ingum sé alveg sama um það sem ger­ist í útlönd­um, eða ég veit reyndar ekk­ert um það, en þeir geta nálg­ast þær á erlendum frétta­síðum og lík­legt er að margir geri það.

Það sem ég hins vegar veit er Íslend­ingar eru sólgnir í fréttir af fólki að skrifa. Ef næsti pist­ill Kára heitir „For­sæt­is­ráð­herra er algjört fokk­feis“ mun línu­ritið á frétta­stof­unni skjót­ast upp eins og byssu­kúla í gegnum loftið og koma upp um gólfið á aug­lýs­inga­deild­inni. Það mun síðan hald­ast þar, lík­lega í um það bil tvo sól­ar­hringa, eða þar til eini Íslend­ing­ur­inn sem átti eftir að lesa síð­ustu frétt­ina af mál­inu lokar henni og læsir á eftir sér.

Þú þarft ekki einu sinni að vera Kári. Ef þú hefur nógu sterka skoðun á ein­hverju þá kemstu í frétt­irn­ar. Það er galið en samt eitt­hvað svo frá­bært. Ég hef aldrei hlustað á útvarps­þátt Ívars Jóhanns en ég hef lesið allt um skoð­anir hans á fóst­ur­eyð­ingum og veit að hann fílar ekki gos­laust Pepsi Max. Ég þekki heldur ekki Stef­aníu á Sauð­ár­króki en ég veit hvað henni finnst um náms­menn, femínista og Pírata.

Og nákvæm­lega þess vegna er svo krútt­legt þegar fólk gargar „rit­skoð­un“ og heldur því fram að það sé ekki mál­frelsi á Íslandi. Ekki bara er hér mál­frelsi, heldur eru fjöl­miðlar til í að end­ur­skrifa allt það þvaður sem þú getur látið þér detta í hug og slá því upp á for­síð­unni. Stór­feng­legt!

Síð­ustu ár hafa ein­hverjir viðrað áhyggjur sínar af stöðu bók­ar­innar hér á landi. Haldið því fram að lestur sé á und­an­haldi og að hug­takið „bóka­þjóð­in“ muni bráðum ekki eiga lengur við. En við erum þó alla­vega að lesa eitt­hvað. Kannski ekki skáld­sög­ur, ævi­sögur og ljóð, en við lesum þó. Meira að segja alveg fullt. Staf­setn­ing og mál­far eru kannski ekki alltaf upp á tíu, en það er heldur ekki hægt að ætl­ast til þess að þú getir skrifað villu­lausan reiðipistil, fullur á Face­book klukkan þrjú eftir mið­nætti. Próf­arka­les­ar­arnir ná líka oft að renna aðeins yfir þetta áður en fréttin um þig fer í loft­ið.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Úlfar Þormóðsson
Uppvakningar
Kjarninn 25. júní 2022
Ingrid Kuhlman
Að hlakka til einhvers er næstum jafn gott og að upplifa það
Kjarninn 25. júní 2022
Niðurhal Íslendinga stóreykst milli ára
Íslendingar notuðu 25 prósent meira gagnamagn á farsímaneti í fyrra en árið áður og 21 prósent meira gagnamagn í gegnum fastanet. Tæplega 76 prósent notenda á fastaneti eru nú með ljósleiðaratengingu, en þeir voru þriðjungur 2016.
Kjarninn 25. júní 2022
Af kosningavöku Framsóknarflokksins í fyrrahaust.
Framsókn hirti kjósendur í stórum stíl frá hinum stjórnarflokkunum og Miðflokki
Fylgisaukning Framsóknar í síðustu kosningum var tekin frá samstarfsflokkunum í ríkisstjórn og klofningsflokki. Átta hverjum tíu kjósendum Sjálfstæðisflokks voru úr kjarnafylginu. Framboð Sósíalista hafði neikvæð áhrif á fylgi Vinstri græna og Pírata.
Kjarninn 25. júní 2022
Hraðtíska nær nýjum hæðum með tilkomu tískurisans Shein
Kínverska fatafyrirtækið Shein hefur vaxið gríðarlega á undanförnum árum og er í dag eitt stærsta tískuvörufyrirtæki í heimi. Umhverfissinnar benda á að fötin séu úr svo litlum gæðum að oft séu þau aðeins notuð í eitt skipti áður en þau enda í ruslinu.
Kjarninn 25. júní 2022
Auður Önnu Magnúsdóttir
Af hverju nýta Íslendingar raforkuna sína svo illa?
Kjarninn 25. júní 2022
Sjö molar um seðlabankavexti úti í heimi
Verðbólga veldur því að vaxtalækkanir faraldursins eru að ganga til baka, víðar en hér á Íslandi. Kjarninn tók saman nokkra fróðleiksmola um þróun mála í ríkjum bæði nær og fjær.
Kjarninn 25. júní 2022
Flokkur Sigurðar Inga Jóhannssonar andar ofan í hálsmál flokks Bjarna Benediktssonar samkvæmt síðustu könnunum.
Framsókn mælist næstum jafn stór og Sjálfstæðisflokkurinn
Stjórnarflokkarnir hafa tapað umtalsverðu fylgi á kjörtímabilinu. Sjálfstæðisflokkurinn nær mun verr til fólks undir fertugu en annarra á meðan að Framsókn nýtur mikilla vinsælda þar. Vinstri græn mælast með þriðjungi minna fylgi en í síðustu kosningum.
Kjarninn 24. júní 2022
Meira úr sama flokkiKjaftæði