Ekki leyfa börnunum ykkar að followa mig á snapptjatt

Auglýsing

Það er tvennt sem hræðir mig þegar ég hugsa um barn­eign­ir. Númer eitt er að fæða barnið og númer tvö eru allir nýju sam­fé­lags­miðl­arnir sem verða komnir sem ég mun ekki skilja þar sem barnið verður ber­skjaldað fyrir per­vertum og ein­elti. Ég fékk GSM-síma þegar ég var 13 ára og ekki leið á löngu þar til ein­elt­is­drottn­ing lífs míns sendi mér sms sem fjöll­uðu að miklu leiti um hvað ég væri ömur­leg týpa og að hana lang­aði að stinga umferð­ar­keilu upp í rass­gatið á mér. Hót­an­irnar voru skrif­aðar á ensku, kannski til að fela hver hún væri, kannski því það hljóm­aði meira töff, kannski því að hún þekkti ekki orðið umferð­ar­keila. Hún var þó ekki klár­ari en svo að hún sendi þau úr sím­anum sín­um, en not­aði ekki skila­boða­send­ingar af sím­fyr­ir­tækja­síð­unum eins og var algengt á þeim tíma. Hún var ein­beitt í sínu ein­elti, bless­un­in, en ekki mjög klár.

Núna eru milljón aðrar leiðir til að leggja fólk í ein­elti og hóta þeim og gera þeim ljóst að maður hati það og lífið leitt. Instagram-­reikn­ing­ar, Twitter og Musically sem ég vissi ekki af en heyrði af í grein móður sem var að segja frá nýjasta tæk­inu í ein­elt­is­grín­inu. Ask.fm var heitt í ein­elt­inu fyrir svona tveimur árum og ég heyrði um það fyrst þegar ég var að spyrj­ast fyrir út af þessum pistli. Svo er vin­sælt að vera með læst Instagram sem er mikið not­að, það er kallað priv.

Auglýsing

Fyrr á þessu ári var ég að horfa á Útsvar í góðra vina hópi, eins og allt alvöru fólk gerir á föstu­dags­kvöldi. Einn í hópnum segir mér að einn kepp­end­anna hafi einu sinni ráð­ist á sig. Mér fannst þetta ótrú­lega fyndið – að ein­hver í spari­föt­unum í Útsvari, borg­ara­leg­asta batt­eríi Íslands, hafi einu sinni misst stjórn á sér svona aga­lega. En auð­vitað glöð að hann hafi snúið við blað­inu og sé nú orð­inn nörd fyrir hönd síns sveit­ar­fé­lags, sem er jákvætt. Í freyði­víns­vímu og með óþrosk­ann að vopni að ég tók mynd á snapptjatt og skrif­aði að þessi hefði einu sinni brotið bjór­glas á höfði vinar míns og væri núna stilltur og prúður í sjón­varp­inu. Ég var ekki að koma með nýjar upp­lýs­ingar – þetta var blaða­mál á sínum tíma, og allir nafn­greindir með mynd, en það er alveg þónokkuð síð­an. Dag­inn eftir hringir kepp­and­inn í mig. Ég verð auð­vitað gjör­sam­lega miður mín, og tek þetta út í snatri. Þá hafði tán­ings­dóttir manns­ins séð þetta á snaptjatt og allt fjöl­skyldu­lífið í mol­um.

Ég verð auð­vitað gjör­sam­lega miður mín, og tek þetta út í snatri. Þá hafði tán­ings­dóttir manns­ins séð þetta á snaptjatt og allt fjöl­skyldu­lífið í mol­um.
Eftir sím­talið gat ég þó ekki varist hugs­un­inni um að ég hefði átt að spyrja hann hversu lengi dóttir hans hefði fylgt mér á snapptjatt. Ég hefði nefni­lega sett fleiri mann­skemm­andi hluti á snapptjattið mitt fyrir ung­ling að sjá, þó ekki væri það ein­elt­is­grín fyrr en þarna. Allt burlesque-ið. Allt þetta skrýtna sem við gerum á kab­ar­ett­inum og í sirku­sn­um. Enda var ég í aðra rönd­ina að gera þetta fyrir vini mína sem eru full­orðnir og svo að vekja for­vitni full­orð­inna nógu mikið til að selja miða. Áfeng­is­neysla og mær­ing kokk­teila og bara: Fólk að reykja. Rasskinn­arnar á mér. Ég veit, algjör heimska í mér að henda hlutum út í kosmósið og taka enga ábyrgð. Kæru for­eldrar ekki leyfa börn­unum ykkar að foll­owa mig á snapptjatt. Ég vona að sá mið­ill sé bara búinn hjá tán­ingum og ein­hver annar kom­inn í stað­inn.

Eftir þetta sím­tal tók ég mig á í snapptjatt­notkun minni og ég dáist að þess­ari fjöl­skyldu fyrir að fylgj­ast með sam­fé­lags­miðla­notkun og ræða hana. Eins og indónesíski máls­hátt­ur­inn seg­ir: Þar sem eru mýs, þar eru líka snák­ar. Og það á ekki bara við um B5, heldur líka sam­fé­lags­miðla. Ógeðið er alls stað­ar. Ein­eltið og pervert­arnir finna sína leið. Er ljótt ef ég neita barn­inu mínu um síma þar til það fær bíl­próf?

Skora á Almenna innheimtu ehf. að hætta innheimtu á ólöglegum lánum
Fyrir liggur að vextir á smálánum eru margfalt hærri en heimilt er samkvæmt lögum, en þrátt fyrir það eru lántakendur enn krafðir um endurgreiðslu á ólöglegum vöxtum af innheimtufyrirtækinu Almenn innheimta ehf..
Kjarninn 19. júlí 2019
Birna Lárusdóttir
Viljum við fara aftur á byrjunarreit?
Kjarninn 19. júlí 2019
Húsavík á kortið í alþjóðlegu strandhreinsunarátaki
Húsavík heimsækja árlega yfir 100 þúsund ferðamenn í þeim tilgangi að skoða hvali. Ferðaþjónustufyrirtæki á svæðinu sameinuðust í átaki í að hreins strandlengjuna, og vel tókst til.
Kjarninn 19. júlí 2019
Sjálfstæðisflokkur ekki mælst minni frá hruni – Miðjan í andstöðunni nú stærri en stjórnin
Fylgi Sjálfstæðisflokksins hefur ekki mælst lægra frá hruni, samanlagt fylgi ríkisstjórnarflokkanna hefur ekki mælst lægra á kjörtímabilinu og frjálslynda miðjublokkin er nú stærri en ríkisstjórnin.
Kjarninn 19. júlí 2019
Fylgi Miðflokks hærra en Vinstri grænna
Fylgi Miðflokksins eykst verulega á milli mánaða og mælist nú 14,4 prósent. Fylgi flokksins mælist nú hærra en bæði Vinstri grænna og Samfylkingarinnar.
Kjarninn 19. júlí 2019
Tæknivarpið
Tæknivarpið
Tæknivarpið – Apple Pay og Enski Boltinn í boði fyrir alla
Kjarninn 19. júlí 2019
Þota ALC flogin til Evrópu
Bandaríska flugleigufélagið ALC hefur átt í deilum við Isavia um þotuna. Isavia vildi kyrrsetja vélina til að tryggja greiðslur upp í tveggja milljarða króna skuldir WOW air.
Kjarninn 19. júlí 2019
Friðrik Sophusson, stjórnarformaður Íslandsbanka og Brynjólfur Bjarnason, stjórnarformaður Arion banka.
Segir sameiningu Arion banka og Íslandsbanka geta borgað sig
Brynjólfur Bjarnason og Friðrik Sophusson, stjórnarformenn Íslandsbanka og Arion banka, telja að skoða ætti sameiningu bankanna ef slíkt myndi skila auknu hagræði og betri rekstri.
Kjarninn 19. júlí 2019
Meira úr sama flokkiKjaftæði