Auglýsing

Það kostar næstum 500 krónur í strætó, annar hver vagn­stjóri ekur eins og bav­í­ani og það er kæst pung­fýla af sumum far­þeg­un­um. Stundum eru vagn­arnir seinir og á vet­urna getur manni orðið kalt á meðan maður bíður eftir þeim. Þá er ekki víst að maður fái alltaf sæti þegar í vagn­inn er komið og ágætis líkur eru á að vagn­stjór­inn hlusti á Útvarp Sögu við akst­ur­inn.

Þrátt fyrir þetta þá elska ég strætó. Að ganga nývakn­aður inn úr kuld­anum í fun­heitt eim­bað á hjól­um, setj­ast niður þegar það er í boði, hlusta á eitt­hvað surg og „lesa blöð­in“ í sím­an­um. Standa svo upp, yfir­gefa rýmið og vera kom­inn á annan stað. Sleppa við að moka ein­hvern skrjóð úr inn­keyrsl­unni, skafa hann og setj­ast inn í hann ískald­an, missa svo smám saman vitið á Sæbraut­inni við að hleypa ein­hverjum fávitum til að passa upp á „rennilás­inn“. Ég virð­ist þó vera í minni­hluta. Fólk elskar almennt ekki strætó.

„Leiða­kerfið er bara svo ömur­leg­t,“ segja flest­ir, án þess að hafa raun­veru­lega hug­mynd um það, vegna þess að síð­ast þegar þeir tóku strætó þá kost­aði far­gjaldið 280 krón­ur.
„Leiðakerfið er bara svo ömur­leg­t,“ segja flest­ir, án þess að hafa raun­veru­lega hug­mynd um það, vegna þess að síð­ast þegar þeir tóku strætó þá kost­aði far­gjaldið 280 krón­ur. En út af því að nógu margir segja það á Face­book og í barna­af­mælum þá hlýtur það að vera satt.

Ég veit ekki hvort ég hef sagt þetta við svo marga eða hvort ég hef ein­fald­lega skrifað nákvæm­lega þennan pistil áður, en leiða­kerfi Strætó er ekki ömur­legt. Það er ekki full­kom­ið, en ömur­legt er það ekki. Það fer í raun eftir búsetu hvers og eins. Fyrir einn getur það verið full­komið en annan algjör­lega ómögu­legt. En fyrir flesta er það í góðu lagi.

Vegna þess að mér þykir svo gaman að alhæfa og slengja fram órök­studdum full­yrð­ing­um, þá langar mig að draga þá ályktun að 90 pró­sent þeirra sem segja leiða­kerfið ömur­legt séu annað hvort snobb­aðir eða lat­ir. Ég get þá alltaf vísað til þess­ara 10 pró­senta ef fólk fer að kalla mig fávita á inter­net­inu. En ég skil báða hópa að vissu leyti.

Auglýsing

Ég get til dæmis alveg verið snobb­að­ur. Fólkið sem fylkti liði í Costco þótti mér brjóst­um­kenn­an­legt hvítt hyski, alveg þar til ég átti sjálfur erindi þang­að, nokkrum dögum eftir að búðin var opn­uð. Og meira að segja þá leyfði ég mér að dæma aðra í búð­inni, en laug því að sjálfum mér að erindi mitt væri brýnt, öfugt við alla hina sem voru þar vegna þess að þeir eru svo miklir fábján­ar. Ég get líka verið lat­ur. Akkúrat núna er eitt­hvað vesen á inter­net­inu heima hjá mér, sem reyndar er auð­velt að laga með því að ýta á einn takka á routern­um. En ég ætla að bíða aðeins með að standa upp þar til mér verður mál að pissa, því þá get ég farið á kló­settið og ýtt á takk­ann í leið­inni. Ann­ars þarf ég að standa upp tvisvar.

En af hverju að ljúga? Get­urðu ekki bara sagt frá því í hrein­skilni að þér finn­ist þú yfir það haf­inn að ferð­ast með Strætó? Að þú nennir ein­fald­lega ekki að labba út á stoppi­stöð, skipta um vagn í Hamra­borg og fá hugs­an­lega ekki sæti. Að þér þyki bara miklu þægi­legra að labba örfá skref, setj­ast inn í bíl og keyra í vinn­una. Ertu hræddur um að aðrir dæmi þig þegar þú greinir frá raun­veru­legri ástæðu þess að þú notar ekki strætó? Ég myndi reyndar dæma þig, en það er út af því að ég á við vanda­mál að stríða. Eðli­legu fólki væri slétt sama.

Ertu hræddur um að aðrir dæmi þig þegar þú greinir frá raun­veru­legri ástæðu þess að þú notar ekki strætó?
„En ég þarf að koma börn­unum í skóla og leik­skóla áður en ég fer í vinn­una og strætó er ein­fald­lega ekki mögu­leiki fyrir mig.“ Þetta er hin afsök­unin sem ég heyri oft. Hún er reyndar betri, ég skal alveg gefa ykkur það. Börn eiga það til að drolla alveg óheyri­lega og því er auð­veld­ast að tjóðra þau bara niður í bíl­stól, skilja bíl­inn eftir í gangi á meðan þú hleypur inn með þau og keyra svo í vinn­una. En ég sé voða­lega lítið af þessum bílum á meðan ég bíð eftir strætó. Þeir bruna flestir fram­hjá skýl­inu með bíl­stjór­ann inn­an­borðs og enga far­þega. Eru þeir allir búnir að skutla börn­un­um? Fara kannski ein­hverja aðra leið á leik­skól­ann og taka svo Nýbýla­veg­inn fram­hjá mér þegar þeir eru lausir við börn­in. Eða getur verið að fjöldi þeirra sem raun­veru­lega geta ekki tekið strætó sé stór­lega ofmet­inn. Að flestir séu bara lat­ir, snobb­aðir eða bæði?

Áður en þú spyrð þá ætla ég bara að koma hreint fram. Já, ég á bíl. Eld­gamlan koltví­oxíðspú­andi Skóda sem ber enga virð­ingu fyrir loft­gæðum í Reykja­vík. En ég reyni að nota hann sem sjaldn­ast. Það er kannski helst að ég skjót­ist á honum út í búð. Ég gæti auð­vitað alveg notað vagn­inn í það líka en þá þyrfti ég að vera lúð­inn með tvo úttroðna Bónu­s­poka í Strætó. Það gengur eig­in­lega ekki. Til þess er ég of snobb­aður og lat­ur.

Meira úr sama flokkiKjaftæði