Ég á heima á Grínlandi

Auglýsing

Og á fjórða degi skuluð þið horfa til aust­urs og þegar fyrstu geislar fyrstu sólar sum­ars rista upp sjón­deild­ar­hring­inn mun hann standa með bakið í ljósið – og ef hann lítur niður og sér sinn eigin skugga mun það merkja sex vikur af dimmum vetri fyrir and­stæð­inga sannra íslenskra gilda (og íslensku sauð­kind­ar­inn­ar).

Ég gæti verið að blanda saman ein­hverjum goð­sögnum hérna, en ein­hvern veg­inn svona hljóm­aði kok­hraust lof­orð orð­hvatasta stjórn­mála­manns Íslands. Gleði­legan Guðna Ágústs­son­ar-á­kvörð­un­ar­dag all­ir!

Ég kýs að líta ekki á þetta dramat­íska dag­setn­ing­ar­val fyrr­ver­andi land­bún­að­ar­ráð­herra sem þá sturluðu sjálfs­á­nægju sem hún virð­ist kannski í fyrstu, heldur sem ferskan and­vara sem blæs í lúður nýrra tíma fyrir þau þrjú pró­sent höf­uð­borg­ar­búa sem fylkja liði á bak við Fram­sókn­ar­­flokk­inn. Sá and­vari virð­ist reyndar í þessu til­felli vera súrnuð mjólk­ur­lykt úr tíma­hylki frá því fyrir alda­mót en við getum þá þakkað fyrir það að tíma­vélin náði ekki alla leið­ina aftur til Finns Ing­ólfs­sonar eða Alfreðs Þor­steins­sonar – sem ég held reyndar örugg­lega að sé búið að múra inn í eina af þessum 600 þús­und króna stein­flísum utan á Orku­veit­u­­hús­inu eins og okkar eig­in, aðeins fer­kant­aðri, útgáfu af Jimmy Hoffa.

Það verður reyndar fróð­legt að fylgj­ast með Guðna og Hall­dóri Hall­dórs­syni kepp­ast um hver sé mest úr takti við kjós­endur með því að skipt­ast á að taka síma­sjálfsmellur af náfölum bjúrókrötum og planka ofan á öllum helstu kenni­leitum Reykja­vík­ur­borg­ar. Þeir geta reyndar verið saman í liði við að mynda skjald­borg utan um þennan hel­vítis flug­völl sem Guðni er nú þegar byrj­aður að mæra sem „besta og mik­il­vægasta“ flug­völl á Íslandi. Erum við í alvör­unni ennþá að tala um flug­völl­inn? Getum við ekki fengið Mývetn­ing­ana sem sprengdu stífl­una árið 1970 til þess að jafna Vatns­­­mýr­ina við jörðu – þótt það væri ekki nema bara til þess að við getum aftur farið að tuða yfir perum í ljósastaur­um, hjóla­stíg­um, þeyti­vindum í sund­laugum og öðru sem skiptir raun­veru­lega máli? Maður hefði haldið að þessi póli­tíska hrúta­sýn­ing væri of fárán­leg til að fá ein­hvern raun­veru­legan hljóm­grunn en allt í einu segja 30 pró­sent borg­ar­búa að Guðni gæti mögu­lega sjar­mað frá þeim atkvæði í vor sam­kvæmt óform­legri könnun DV. Og við hin erum svo tryllt í Dag að við erum búin að gleyma því að hann var gríð­ar­lega óeft­ir­minni­legur borg­ar­stjóri í korter ein­hvern tím­ann á síð­asta ára­tug.

Auglýsing

Sor­rí, mér finnst þetta bara svo sturl­aðs­lega fynd­ið. Ekki fyndið eins og Adam Sandler ca 1995 fyndið heldur fyndið eins og manískur hlátur sem hvellur upp úr manni þegar maður hefur ekk­ert annað til­finn­inga­legt við­bragð við aðstæð­um. Þetta er hlátur sem varn­ar­mek­an­ismi – eins og þegar mig dreymdi síend­ur­tekið sem barn að ég væri fastur í glugga- og hurða­lausu, skær­mál­uðu barna­her­bergi og mann­hæð­ar­­hár, hvít­eygður Andrés Önd væri að elta og reyna að kyrkja mig. Það eina sem ég gat gert til þess að vakna var að hlæja nógu mikið í draumn­um; þannig afvopn­aði ég And­setna-Andr­és.

Ég hef reyndar gert það að yfir­lýstri stefnu að hlæja sem mest. Grínið er nefni­lega svo mátt­ugt – ekki bara sem hækja hinna til­finn­inga­lega van­þroskuðu, heldur þvert á móti eina rök­rétta tungu­málið í full­kom­lega vit­firrtum heimi. Ég er reglu­lega spurður hvort ég sé ekki að grína yfir mig, hvort ég sé ekki að hylma yfir eitt­hvað með því að vera að spauga svona mik­ið. Ég hef nefni­lega aldrei verið ein­læg­ari, aldrei verið glað­ari með heims­sýn mína en akkúrat núna. Ef penn­inn en mátt­ugri en sverðið þá er prumpu­blaðran mátt­ug­ust af öllu. Grín­ar­inn má nefni­lega segja það hann vill, það sem eng­inn annar má segja; eins og flónið í verkum Shakespe­are sem fífl­aði aðal­inn og stóð handan við smá­sál­ar­leg voða­verk vald­sjúkra leik­enda og benti þeim á hversu kjána­leg vél­brögð þeirra raun­veru­lega væru. Eins og Loki sem plat­aði alla ver­öld­ina upp á móti sjálfri sér – og reyndar kveikti í heim­inum og sökkti honum svo í sjó­inn; en allt er gott sem endar vel, ekki satt?

Eftir því sem nútím­inn verður fárán­legri eykst gildi trúðs­ins bara. Hverjir eru spá­menn síð­ustu ára­tuga? Lenny Bruce, Ric­hard Pryor, Bill Hicks, George Car­l­in, Louis C.K., Jon Stewart, Pablo Francisco (DJÓ­K!). Meira að segja hel­vítið hann Russell Brand er mest sann­fær­andi bylt­ing­ar­sinni 21. ald­ar­inn­ar. Predik­anir þess­ara spaug­ara rista djúpt því þeir standa handan við smá­smugu­lega póli­tík. Einu hags­mun­irnir sem þeir hafa að gæta eru að láta fólk hlæja og ekk­ert er fyndn­ara en speg­ill­inn sem snúið er að okkur sjálf­um. Á þessum síð­ustu og verstu tímum er þetta ekki einu sinni tívolí-grín­speg­ill sem tattó­ver­uðu bresku betr­un­ar­vinn­u­­glæpa­menn­irnir rukk­uðu mann 1.500 kall til að horfa í niðri á höfn, heldur bara ómerki­legur IKEA-­speg­ill sem við klofum yfir til að skoða rass­gatið á okkur sjálf­um. Það eina sem grín­ar­inn þarf að gera er að þylja upp stað­reyndir og við öskrum úr hyster­ískum hlátri því að við trúum varla að heim­ur­inn geti verið svona fárán­leg­ur; En fárán­leik­inn er að minnsta kosti bæri­legur svona rétt á meðan við erum að hlæja að hon­um.

Í mis­ráð­inni bjart­sýni reynum við stundum að setja vara­lit á grínsvín­ið, troða því í buxna­dragt og kross­festa við opin­bert emb­ætti í von um að grínið breyti kerf­inu áður en kerfið kæfir hlát­ur­inn.

Þetta reyndum við síð­ast fyrir fjórum árum og upp­skárum óvart upp úr grín­móð­unni einn allra besta borg­ar­stjóra sem setið hef­ur. Hann hefur verið opinn, gegn­sær, æðru­laus, erind­reki kær­leika og mann­rétt­inda og lík­lega besta útflutn­ings­­vara okkar síðan Hallur Halls­son breytti Keikó í and­fé­lags­legt, dekkja­fró­andi sæskrímsli um alda­mótin síð­ustu. En núna er nafn hans hvergi að sjá því að þeirri sála­rét­andi bjúrókrat­ísku martröð sem borg­ar­stjórn er tókst næstum að kreista síð­asta dropann af lífs­krafti úr aum­ingja mann­inum áður en hann hafði vit á því að stíga til hlið­ar. Vel­kom­inn heim í grínið kæri Jón, þú varst of góður fyrir þetta emb­ætti hvort eð er. Láttu Guðna, Hall­dóra og Daga þessa lands sjá um að fret­han­ast hring­inn í kringum hvern ann­an. Þú varst bara hepp­inn að sleppa lif­andi því að eins og stóu­spek­ing­ur­inn Mike Tyson sagði eitt sinn um páska­há­tíð­ina: „Það sem þau vita ekki er að þegar frels­ar­inn snýr til baka munu þessir gráð­ugu kapital­ísku menn bara drepa hann aft­ur.“ Amen.

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Meiri áhugi virðist vera á íbúðum utan höfuðborgarsvæðisins.
Fleiri kaupa utan Reykjavíkur
Talið er að vaxtalækkanir Seðlabankans hafi komið í veg fyrir mikla niðursveiflu á íbúðamarkaðnum, sem tekið hefur við sér að nokkru leyti á síðustu mánuðum. Fleiri kjósa þó að kaupa íbúð utan höfuðborgarsvæðisins heldur en innan þess.
Kjarninn 12. júlí 2020
Trump stígur í vænginn við Færeyinga
Bandaríkjamenn hafa mikinn áhuga á aukinni samvinnu við Færeyinga. Þótt í orði kveðnu snúist sá áhugi ekki um hernaðarsamvinnu dylst engum hvað að baki býr.
Kjarninn 12. júlí 2020
Fé á leið til slátrunar.
Bændum á Íslandi heimilt að aflífa dýr utan sláturhúsa með ýmsum aðferðum
Yrði sláturhús á Íslandi óstarfhæft vegna hópsmits yrði fyrsti kosturinn sá að senda dýr til slátrunar í annað sláturhús. Ef aflífa þarf dýr utan sláturhúsa mega bændur beita til þess ýmsum aðferðum, m.a. gösun, höfuðhöggi og pinnabyssu.
Kjarninn 12. júlí 2020
Þriðjungsfjölgun í Siðmennt á rúmu einu og hálfu ári
Af trúfélögum bætti Stofnun múslima á Íslandi við sig hlutfallslega flestum meðlimum á síðustu mánuðum. Meðlimum þjóðkirkjunnar heldur áfram að fækka en hlutfallslega var mesta fækkunin hjá Zúistum.
Kjarninn 11. júlí 2020
Aldís Hafsteinsdóttir, formaður Sambands íslenskra sveitarfélaga og bæjarstjóri Hveragerðis.
„Við þurfum fleiri ferðamenn“
Formaður Sambands íslenskra sveitarfélaga telur nauðsynlegt að fleiri ferðamenn komi til Íslands sem fyrst og vill breytingar á fyrirkomulagi skimana á Keflavíkurflugvelli.
Kjarninn 11. júlí 2020
Gunnar Hólmsteinn Ársælsson
Frekju og yfirgangi Ísraels engin takmörk sett
Kjarninn 11. júlí 2020
Sjávarútvegurinn hefur bætt við sig störfum á meðan hart hefur verið í ári hjá ferðaþjónustunni.
Ferðaþjónustan skreppur saman en sjávarútvegurinn er í sókn
Rúmlega helmingi færri störfuðu í ferðaþjónustu á síðasta ársfjórðungi miðað við árið á undan. Störfum í sjávarútvegi hefur hins vegar fjölgað um helming.
Kjarninn 11. júlí 2020
„Þegar dætrum mínum var ógnað, náðu þeir mér“
Þegar Guðrún Jónsdóttir gekk inn í Kvennaathvarfið árið 1988 til að taka sína fyrstu vakt mætti henni kasólétt kona með glóðarauga. Hún hafði gengið inn í heim sem hafði fram til þessa verið henni gjörsamlega hulinn. „Ég grét í heilan sólarhring.“
Kjarninn 11. júlí 2020
Meira úr sama flokkiKjaftæði
None