Mildum höggið með fræga fólkinu

Auglýsing

Mun­iði eftir stiga­gjöf­inni í Júró­visíón um síð­ustu helgi? Á eftir öllu þessu blá­ó­kunn­uga evr­ópska sjón­varps­fólki, fremj­andi hvern tísku­glæp­inn á fætur öðrum, sveif Nig­ella inn á skjá­inn á mjög krítískum tíma­punkti eins og vernd­ar­eng­ill allra sem vita hvað það er að finna til í hjart­anu og sál­inni. Með hlýju sinni, glettni og speki sam­ein­aði hún Evr­ópu þannig að öll álfan hlýtur að hafa fundið kjöt­bollu­lykt í bland við súkkulaði­kökuilm með dassi af fló­aðri kanil­mjólk. Mér leið á tíma­bili eins og hún hefði getað fært okkur heimsenda­fréttir strax á eftir bresku stig­un­um: „Korter í loft­stein kæra Evr­ópa, kyssiði börnin ykkar bless, mok­iði síð­ustu slett­unni af mæj­ósal­at­inu upp með flögu og takið svo nokkur skot (eng­inn morg­un­dagur svo engin þynn­ka).” Nig­ella þekkir okk­ur. Mér hefði ekki brugðið ef hún hefði sagt: „Og kæra Ísland, vilj­iði ekki bara sleppa þessu Júródæmi? Hér er spá­kúla og ég var að kom­ast að því að þið munuð aldrei vinna þessa keppn­i.” Þjóðin hefði lík­lega sam­ein­ast um eitt­hvað í eina skiptið í sög­unni og hætt þátt­töku í mik­illi sátt.

Væri lífið ekki gott ef þetta væri bara allt svona? Ég sæi Alec Bald­win til dæmis fyrir mér í veð­ur­frétt­un­um, rölt­andi um í jakka­fötum og lakk­skóm fyrir framan kortið af lægða­súp­unni yfir Íslandi, á fimmtu­deg­inum fyrir fyrstu helg­ina í júlí, bros­andi út í ann­að. Svo segði hann með djúpri og ögn hásri röddu: „Lægð í allt sumar krakkar og með­al­hit­inn 7 stig, en svona er þetta bara, þið þekkið þetta.” Ég mundi sætta mig við felli­byl dag­lega með þennan mann í brúnni. Komdu óveð­ur, komdu eymd, kom­iði ham­far­ir, okkur er alveg sama því Alec er með okkur í þessu.

Ég mundi síðan vilja sjá stór­vin­konu mína Kim nokkra Kar­dashian á sím­anum hjá Trygg­inga­stofn­un. Því þá, þegar vin­kona mín sem á dótt­ur­ina með hjarta­gall­ann þarf að bíða í tutt­ugu mín­útur í sím­anum eftir því að fá að vita að hún þurfi víst að bíða í enn fleiri vikur eftir því að kom­ast að því hvort og þá hvenær og hversu mikið hún fái mögu­lega í umönn­un­ar­bætur því hún getur bara unnið hálfan vinnu­dag vegna veik­inda barns­ins, getur Kim hug­hreyst hana og verið bara: „OMG, I am so sorry, let me see, I totally und­er­stand what you’re say­ing but ther­e’s not­hing I can really do.” Þið vit­ið. Smá svona kontakt og skiln­ingur og svona. Slag­ur­inn við kerfið yrði ein­hvern veg­inn aðeins minna blóð­bað með Kim á hinum enda lín­unn­ar.

Auglýsing

Og svo þegar ég las For­bes list­ann yfir „áhrifa­mesta fólk í heimi” þar sem Vla­dimir Putin sat á for­dóma­fulla aft­ur­end­anum í fyrsta sæti með 45 karla og 5 konur á eftir sér hefði verið gott að hafa eft­ir­far­andi: Meryl Streep á kant­inum að lesa list­ann upp­hátt í bundnu ljóða­formi. Hún hefði tekið langar pásur inn á milli til að and­varpa ala Hús and­anna og rétt mér svefn­pillur þegar ég hefði óskað eftir þeim af aug­ljósum ástæð­um.

Á per­sónu­legu nót­unum þá hefði ég dílað svo miklu betur við lokun McDon­alds ef Barack Obama hefði sagt mér frá þeim ótíð­indum frekar en að hafa þurft að sjá frétt­ina á ein­hverjum árans frétta­miðl­inum í óvernd­uðu umhverfi vinnu minn­ar. Og að þurfa síðan að díla við háðs­bloggin um lok­un­ina (já, þetta var á blogg­tíma­bil­inu þegar fólk var bara „heyr heyr” allan dag­inn um allar frétt­ir), mér verður flök­urt af því að rifja þetta upp. Yfir í ann­að.

Væri til dæmis ekki miklu betra að heyra það frá Bill Murray í góðum gír frekar en ráða­mönnum að staðan á hús­næð­is­mark­aðnum sé þess eðlis að „börn” þurfi senni­lega að búa í kjall­ar­anum hjá mömmu og pabba þangað til þau verða sex­tug? Við Bill gætum farið í bíltúr og fengið okkur ís á meðan hann segði mér að vanda­málið með mig væri hvað ég sé í lélegum tengslum við raun­veru­leik­ann og að fjöl­miðlar séu í raun bara að fokka mér upp. Ástandið sé bara fa-lott. Þetta sé ég. Ekki hann.

Það er þetta með skiln­ing­inn og traustið krakkar mín­ir. Lífið er nefni­lega áranum erf­ið­ara á köflum og það er bara allt í lagi að leyfa sér að hugsa: Hvernig hefði þetta allt saman getað verið huggu­legra fyrir mig?

PS. Ef keis­ara­skurði vin­konu minn­ar, sem er plan­aður vegna mik­illar áhættu­með­göngu, verður frestað vegna verk­falla vil ég að Tina Fey segi mér frá því og rétti mér svo Hlölla­bát. Og val­í­um.

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Samtal við samfélagið – English
Samtal við samfélagið – English
Samtal við samfélagið – The Italian Experience in a Sociological Perspective
Kjarninn 7. apríl 2020
Segir þyrlukast henta illa smærri myntsvæðum
Hagfræðingur skrifar um óhefðbundna peningastefnu á krísutímum í Vísbendingu vikunnar.
Kjarninn 6. apríl 2020
Boris Johnson forsætisráðherra Bretlands.
Boris Johnson kominn á gjörgæsludeild
Boris Johnson forsætisráðherra Bretlands hefur verið lagður inn á gjörgæsludeild, en hann var lagður inn á spítala í gær með „þrálát einkenni“ sjúkdómsins sem kórónuveiran veldur.
Kjarninn 6. apríl 2020
Höfuðstöðvar EBA í París.
Allir bankar í Evrópu hvattir til að greiða ekki arð né kaupa eigin bréf
Evrópska bankaeftirlitsstofnunin vill að allir bankar innan EES-svæðisins sleppi því að greiða arð og að kaupa eigin bréf. Það aukna svigrúm sem bankar fá til að bregðast við COVID-19 eigi að fjármagna fyrirtæki og heimili, ekki greiðast til hluthafa.
Kjarninn 6. apríl 2020
Sóley Tómasdóttir
Kórónufaraldurinn og kynjasjónarmið
Kjarninn 6. apríl 2020
Sigrún Guðmundsdóttir
Dramatík og rusl
Kjarninn 6. apríl 2020
Víðir Reynisson yfirlögregluþjónn
Síðasta helgi æfing fyrir þá næstu – „Er þetta ekki bara komið gott?“
Yfirlögregluþjónn stingur upp á því að Íslendingar slaki á heima og taki páskana bara í rólegheitunum í gegnum fjarfundi með vinum og stórfjölskyldu.
Kjarninn 6. apríl 2020
Alma Möller landlæknir.
„Róðurinn mun þyngjast næstu vikurnar“
Landlæknir segir það vera alveg ljóst að róðurinn muni þyngjast næstu vikurnar og að fleiri muni veikjast og látast. Þessi faraldur muni taka sífellt meira á okkur, andlega og tilfinningalega.
Kjarninn 6. apríl 2020
Meira úr sama flokkiKjaftæði
None