Fjöldi fólks hef­ur ­skráð sig í félag Zúista á Íslandi und­an­far­in. Skráðir með­limir eru nú fleiri en í félagi múslima, eða alls um þrjú þús­und tals­ins. Þetta hefur eðli­lega vak­ið ­at­hygli, sér­stak­lega vegna þess að meg­in­til­gangur Zúista er að hið opin­bera felli úr gildi öll lög sem veita trú- og lífs­skoð­un­ar­fé­lögum for­rétt­indi eða fjár­styrki umfram önnur félög og að nú­ver­andi gagna­grunnur yfir trú­fé­laga­að­ild lands­manna verði lagður af. Þeir sem ­skrá sig í zúista­fé­lagið geta fengið þá fjár­muni sem ríkið greiðir til þess end­ur­greidda, eða látið þá renna til góð­gerð­ar­mála.

Kast­ljós hefur reynd­ar bent á að fyrrum stjórn­endur félags­ins séu grun­aðir um um­fangs­mikil fjár­muna­brot, og því verður vænt­an­lega mjög náið fylgst með hvort Zúistar standi við að end­ur­greiða þeim mikla fjölda sem skráð hefur sig.

Einn þeirra sem hef­ur ­gagn­rýnt þá sem skrá sig í félag Zúista er Stefán Bogi Sveins­son,­full­trú­i Fram­sókn­ar­flokks­ins í bæj­ar­stjórn og bæj­ar­ráði Fljóts­dals­hér­aðs. Hann skrif­aði grein á vef Aust­ur­frétta í dag þar sem hann segir ekki heið­ar­legt að skrá sig í trú­fé­lag án þess að trúa kenni­setn­ingum þess. „Það að skrá sig í trú­fé­lag, án þess að trúa kenni­setn­ingum þess, til þess eins að hagn­ast per­sónu­lega er ekki á til­tak­an­lega háu plani sið­ferð­is­lega. Ef þú ert til­tek­innar trúar skaltu skrá ­þig í við­kom­andi trú­fé­lag[...]Ef þú ert trú­laus og hefur ekki líf­skoð­anir sem ­jafn­ast til trú­ar­bragða, nú stattu þá utan trú­fé­laga. Það er hið heið­ar­lega.“

Í bak­her­berg­inu hef­ur þessi skoðun Fram­sókn­ar­manns­ins verið rædd mikið og sett í sam­hengi við hegð­un ­flokks hans í aðdrag­anda kosn­inga. Fyrir kosn­ing­arnar 2013 lof­að­i Fram­sókn­ar­flokk­ur­inn nefni­lega, kæm­ist hann til valda, að greiða þeim sem vor­u ­með verð­tryggð hús­næð­is­lán skaða­bætur vegna verð­bólgu. Taktíkin svín­virk­að­i, ­fylgi Fram­sókn­ar­flokks­ins rauk upp í 24,4 pró­sent, hann komst í stöðu til að ­leiða nýja rík­is­stjórn og á end­anum greiddi rík­is­sjóður 80 millj­arða króna til­ hluta þjóð­ar­inn­ar, meðal ann­ars stór­eigna­fólks, vegna leið­rétt­ing­ar­inn­ar svoköll­uðu.

Því má vel velta því ­fyrir sér, á sama hátt og Stefán Bogi gerir varð­andi trú­fé­lög, hvort það sé á „til­tak­an­lega háu plani sið­ferð­is­lega“ að kjósa stjórn­mála­flokk „til þess eins að hagnast ­per­sónu­lega“.