DV hefur boðið upp á áskrift­ar­til­boð um jól og ára­mót. Eitt til­boðið hefur vakið meiri athygli en hin, en þar er þeim sem ger­ast á­skrif­endur að DV í þrjú ár boðið að fá miða á Justin Bieber tón­leik­anna í Kórn­um í sept­em­ber í kaup­bæti. Sam­tals myndi slík áskrift kosta við­kom­andi 114.840 krón­ur, sem verður að telj­ast ansi dýr biti fyrir þá sem hug­leiða að fá sér­ á­skrift ein­vörð­ungu fyrir mið­anna eft­ir­sóttu.

Ljóst er á ummælum sem fallið hafa við aug­lýs­ingu DV á til­boð­inu á Face­book að ekki ríkir mikil kátína með umrætt til­boð. Mið­ill­inn er á­sak­aður um sið­leysi og ýmis­legt verra. Það fór nefni­lega varla fram­hjá mörg­um að miðar á tón­leika Bieber seld­ust upp á skot­stundu og mun færri komust að en vildi, þrátt fyrir að alls hafi 19 þús­und miðar verið í boði.

Það vakna upp ýmsar spurn­ingar vegna áskrift­ar­til­boðs DV. Í fyrsta lagi velta margir fyrir sér hvernir fjöl­mið­ill­inn fékk miða til að láta ­fylgja með til­boð­inu, þegar þús­undir aðdá­enda sátu eftir með sárt ennið þeg­ar miða­salan fór fram á Tix.is fyrir skemmst­u. 

Í öðru lagi hefur Tix gefið það út að það sé ekki undir neinum kring­um­stæðum leyfi­legt að end­ur­selja miða á tón­leik­anna með fjár­hags­legum hagn­aði og að allir miðar sem verði end­ur­seld­ir ­með þeim hætti verði ógild­ir. Vel má færa rök fyrir þvi að DV hafi tölu­verðan fjár­hags­legan hag af því að binda fólk sem áskrif­endur í heil þrjú ár og fá fyrir tæp­lega 115 þús­und krón­ur, þegar miðar á Bieber kost­uðu frá 15.990 til 29.990 krón­ur.

Í þriðja velta ýmsir fyr­ir­ ­sér hvort aðdá­endur Bieber, sem alla jafna eru börn og tán­ing­ar, séu sá mark­hópur sem DV ætti helst að vera að sækja sér nýja áskrif­endur í.

Þetta er ekki í fyrsta s­inn sem áskrift­ar­til­boð DV vekja athygli. Í apríl síð­ast­liðnum stað­festi áfrýj­un­ar­nefnd neyt­enda­mála ákvörð­un ­Neyt­enda­stofu um að ­banna við­skipta­hætti DV þegar dag­blaðið aug­lýsti „frí­an“ iPad með áskrift að ­blað­inu. Áskrift að DV hafi verið 334,9 pró­sent dýr­ari en rað­greiðslur af iPa­d ­fyrstu þrjá mán­uð­ina en 167,5 pró­sent rest­ina af 36 mán­aða bindi­tím­an­um. Í úr­skurði Neyt­enda­stofu sagð­i að „á grund­velli fyr­ir­lggj­andi gagna verð­i ekki annað ályktað en að kostn­aður vegna iPad spjald­tölv­unnar í áskrift­ar­leið DV sé inni­fal­inn í verði áskrift­ar.“