Eitt stærsta mál lið­ins mán­aðar var krafa öryrkja og elli­líf­eyr­is­þegar um aft­ur­virkar hækk­anir á bótum þeirra. Full­trúar þeirra komu á fund fjár­laga­nefndar og bentu á að hóp­arnir hefðu ekki notið sömu kjara­bóta og aðr­ir. Þar fyrir utan væru margir í hópi öryrkja og elli­líf­eyr­is­þegar að ­draga fram lífið langt undir fátækrar­mörk­um. Ellen Calmon, for­mað­ur­ ­Ör­yrkja­banda­lags Íslands, sagði við það tæki­færi: „„Hér býr fólk við fátækt en við ­getum auð­veld­lega útrýmt fátækt í þessu litla sam­fé­lag­i.“

Ákall öryrkja og elli­líf­eyr­is­þegar hlaut ekki náð fyr­ir­ eyrum stjórn­valda. Breyt­ing­ar­til­laga stjórn­ar­and­stöð­unnar um að bætur yrð­u aft­ur­virkar var felld.

Í bak­her­berg­inu var þetta rifjað upp sökum þess að á morgun mun ­Sig­mundur Davíð Gunn­laugs­son for­sæt­is­ráð­herra halda sitt þriðja ára­móta­ávarp. Í þeim ávörpum sem hann hefur haldið hingað til hefur hann í bæði skiptin minnst á aðstæður og kjör ofan­greindra bóta­þega. Árið 2013 sagði hann: „Rúm­lega 300 þús­und manna þjóð með þá lýð­ræð­is­hefð, þekk­ingu, sterku inn­viði og ómældu auð­lindir sem landið veitir á að geta byggt upp sam­fé­lag þar sem öll störf eru vel launuð og þeir sem hafa lokið starfsæv­inni eða þarfn­ast aðstoðar búa við öryggi.“

Í fyrra sagði Sig­mundur Dav­íð ­síðan: „Þannig segir sú stað­reynd að á Íslandi sé lægst hlut­fall fátæktar í Evr­ópu okkur ekki að við eigum að sætta okkur við það hlut­fall, hún segir okkur að fátækt eigi ekki að þurfa að vera til á Íslandi.“

Það verður áhuga­vert að ­sjá hvort fátækt, sem sann­ar­lega er til á Íslandi, eða öryggi þeirra sem hafa lokið starfsæv­inni eða þarn­ast aðstoð­ar, beri á góma í ávarpi morg­un­dags­ins.