Styttist í tilkynningu Össurar, Þorgerðar Katrínar og Andra Snæs

Forsetaframbjóðendur
Auglýsing

Ákvörðun Katrínar Jak­obs­dótt­ur, for­manns Vinstri grænna, um að bjóða sig ekki fram í emb­ætti for­seta Íslands, sem Kjarn­inn greindi frá í morg­un, mun án vafa gera ákvörðun ýmissa sem velt hafa fyrir sér fram­boð­i auð­veld­ari. Afstaða Katrínar ætti raunar ekki að koma neinum mikið á óvart. Hún­ ­sagði fyrst frá því fyrir tæpu ári síðan að hún sæi sig ekki fyrir sér í emb­ætt­in­u. Í byrjun jan­úar sagði hún svo, í sam­tali við Kjarn­ann, að hún hefði fram­boð ekki í hyggju.

Afdrátt­ar­laus neitun hennar í stöðu­upp­færslu á Face­book í morgun tók síðan af allan vafa.

Ýmsir hafa þegar til­kynnt um fram­boð sitt til for­seta. Á með­al­ þeirra eru Ari Jós­eps­son, Elísa­bet Jök­uls­dótt­ir, Heimir Örn Hólmars­son, Ást­þór ­Magn­ús­son, Hildur Þórð­ar­dóttir og nú síð­ast sjúkra­hús­prest­ur­inn Vig­fús Bjarn­i Al­berts­son. Þor­gímur Þrá­ins­son, Sturla Jóns­son, Linda Pét­urs­dótt­ir, Sig­rún­ ­Stef­áns­dótt­ir, Stefán Jón Haf­stein og Hrannar Pét­urs­son hafa öll lýst yfir áhuga á að bjóða sig fram. Flest þeirra er þó sem stendur ekki talin eiga mik­inn mögu­leika á að sigra í for­seta­kosn­ing­unum 25. júní næst­kom­andi.

Auglýsing

Þekkt­ustu nöfnin sem liggja undir feldi eiga þó enn öll eftir að segja af eða á. Nú þegar Katrín hefur gefið fram­boð algjör­lega frá sér er ljóst að ­stytt­ast fer í til­kynn­ingar þeirra. 

Fjórir virð­ast hafa lagt mesta vinnu í að láta ráð­gjafa meta ­mögu­leika sína, athugað með fjár­mögnun kosn­inga­bar­áttu og þreifað leynt og ­ljóst fyrir sér eftir stuðn­ingi við mögu­legt fram­boð. Þar ber fyrst að nefna Þor­gerði Katrínu Gunn­ars­dótt­ur, fyrrum vara­for­mann Sjálf­stæð­is­flokks­ins. Hún­ ­sagði Kjarn­anum 23. febr­úar að hún væri að íhuga fram­boð og þeir sem þekkja til­ ­segja að Þor­gerður Katrín hafi m.a. viljað bíða eftir nið­ur­stöðu Katrín­ar Jak­obs­dóttur áður en hún til­kynnti um sína ákvörð­un. Lík­urnar á fram­boði henn­ar hafa því auk­ist til muna eftir dag­inn í dag.

Halla Tóm­as­dótt­ir, athafna­kona og einn stofn­enda Auðar Capital, er einnig að íhuga fram­boð og hefur unnið tölu­verða grunn­vinnu við að greina ­stuðn­ing við það. Ljóst er að hún og Þor­gerður Katrín munu að mörgu leyti fiska í sömu tjörn eftir atkvæðum og því verður áhuga­vert að sjá hvor verður á und­an­ að til­kynna.

Nokkuð ljóst þykir að Össur Skarp­héð­ins­son, fyrrum for­mað­ur­ ­Sam­fylk­ing­ar­inn­ar, hyggur á for­seta­fram­boð, þótt hann sé enn þög­ull sem gröfin um mál­ið. Hann hefur kannað mögu­legan ­stuðn­ing við það víða, bæði innan stjórn­mála og atvinnu­lífs, auk þess sem þekktir almanna­tenglar hafa verið kall­aðir til í verk­efn­ið. Öss­uri er því ör­ugg­lega létt að Katrín sé hætt við.

Að lokum ber að nefna Andra Snæ Magna­son, en lík­urnar á hans fram­boði aukast með hverjum deg­inum sem hann slær það ekki end­an­lega af. Rúm­ir t­veir mán­uðir eru síðan að hann sagði í við­tali við Frétta­blaðið að hann hefð­i hugsað alvar­lega um for­seta­fram­boð. Við blasti að Andri Snær myndi ekki fara á móti Katrínu Jak­obs­dótt­ur, enda áherslu­mál þeirra sam­bæri­leg og þéttasta stuðn­ings­netið það sama. Því enn ein hindr­unin milli hans og for­seta­fram­boðs horfin eftir dag­inn í dag.

Tíma­setn­ing fram­boðstil­kynn­ingar getur skipt öllu máli og í bak­her­berg­inu er því spáð að stóru fram­bjóð­end­urnir muni til­kynna um áform sín seinni hluta mars­mán­að­ar. Svo þjóðin geti smjattað á þeim í ferm­ing­ar­veislu­ver­tíð­inni sem framundan er. 

Seðlabanki Bandaríkjanna lækkar vexti og segir óvissu í heimsbúskapnum
Þetta er önnur lækkunin á skömmum tíma, en þar áður höfðu vextir ekki lækkað í áratug.
Kjarninn 18. september 2019
Innlendar eignir nú 72 prósent af eignum lífeyrissjóða
Lífeyrissjóðir landsmanna hafa stækkaðir mikið í eignum talið, á undanförnum árum. Innlán sjóðanna nema tæplega 170 milljörðum.
Kjarninn 18. september 2019
Bergþór Ólason orðinn nefndarformaður á ný
Nýr formaður umhverfis- og samgöngunefndar var kjörinn í dag með tveimur atkvæðum.
Kjarninn 18. september 2019
Íslendingar endurvinna minnst á Norðurlöndunum
Magn heimilisúrgangs á hvern íbúa hér á landi hefur aukist með hverju ári frá hruni og náði magnið nýju hámarki árið 2017 með rúmlega 650 kílóum á hvern íbúa. Jafnframt endurvinna Íslendingar minnst af heimilissorpi af öllum Norðurlöndunum.
Kjarninn 18. september 2019
Takmarka þarf notkun á reiðufé í spilakössum til að stöðva peningaþvætti
Í aðgerðaráætlun gegn peningaþvætti er lagt til að lögum verði breytt þannig að nafnlausir spilarar í spilakössum geti ekki sett háar fjárhæðir í þá, tekið þær síðan út sem vinninga og látið leggja þær inn á sig sem löglega vinninga.
Kjarninn 18. september 2019
Leggj­a enn og aftur fram frum­­varp um refs­ing­ar við tálm­un
Umdeilt tálmunarfrumvarp hefur verið lagt fram á ný á Alþingi.
Kjarninn 18. september 2019
Kristbjörn Árnason
Pantaðar pólitískar tillögur frá OECD og AGS
Leslistinn 18. september 2019
Nú geta mötuneyti sýnt kolefnisspor máltíða
Kolefnisreiknivélin Matarspor, sem reiknar og sýnir kolefnisspor máltíða og ber það saman við akstur fólksbíla, stendur nú mötuneytum og matsölustöðum til boða gegn greiðslu. Reiknivélin á að auðvelda fólki að taka upplýstar ákvarðanir um eigin neyslu.
Kjarninn 18. september 2019
Meira úr sama flokkiBakherbergið
None