Landráðasamsæri vinstri stjórnarinnar

Þorvaldur Logason segir að landráðaáróðurinn sem hafi verið settur fram eftir hrun hafi hentað svo stórum og valdamiklum hópum landsmanna að hann hlaut að takast.

Auglýsing

Fljót­lega eftir valda­töku vinstri stjórn­ar­innar vorið 2009 fór  stór­und­ar­leg ásökun að hljóma í fjöl­miðlum um land­ráð vinstri manna með erlendum kröfu­höfum gegn þjóð­inni. Ásök­unin var ákaf­ast sett fram af Fram­sókn­ar­flokknum en gömlu valda­el­ít­urnar í Sjálf­stæð­is­flokknum studdu kór­inn af krafti til dæmis með stofnun öfga­á­róð­urs­rits­ins AMX.­is. Ný og öflug sam­tök Indefence og Hags­muna­sam­taka heim­il­anna tóku undir og fljót­lega einnig nýir flokkar Bús­á­halda­bylt­ing­ar­inn­ar, hins nýja Íslands.

Skila­boð­in: Fylkið liði með varn­ar­sam­tökum þjóð­ar­innar gegn óvin­um!

Valda­el­ítan greip áróð­ur­inn feg­ins hendi. Þarna var lif­andi komið sjálft alheims­sam­særið sem yfir­færði ábyrgð­ina á afleið­ingum Hruns­ins yfir á vinstri menn og útlend­inga – eftir þekktum áróð­urs­for­múlum þýskra nas­ista um að finna einn blóra­böggul og kenna honum um allt sem aflaga fer.

Í allt um lykj­andi land­ráða­á­róðr­inum kom skyndi­lega fram sú fasíska vit­firr­ing sem almennt var talin að gæti aldrei náð fót­festu á Ísland – hvernig íslenska þjóðin varð, á nokkrum mán­uð­um, þess­ari brenglun að bráð er löng og snjöll áróð­urs­saga.

Kjarni máls­ins er þessi: Land­ráða­á­róð­ur­inn hent­aði svo stórum og valda­miklum hópum lands­manna eftir Hrun að hann hlaut að takast, þrátt fyrir að í allri aur­skrið­unni fynd­ist ekki heil hugsun á lífi.

Lítum á hags­mun­ina:

Fyrir Indefence og þá sem ótt­uð­ust Ices­ave skuld­ina var land­ráða­sam­særið hentug skýr­ing á kostn­að­ar­sömum Ices­ave milli­ríkja­samn­ing­um, krafa um betri samn­ing (eða engan) og afneitun ábyrgðar hægri manna á Ices­ave inn­lána­söfn­unni og Ices­a­ve-­samn­ing­un­um.

Fyrir stór­skuld­ara var land­ráða­sam­særið krafa um lækkun skulda. Aðferð til að ýkja fórn­ar­lambsí­mynd skuld­ara og þægi­leg afneitun eigin ábyrgðar á skulda­stöð­unni - að því marki sem þeir báru hana.

Fyrir sjálf­stæð­is-, fram­sóknar og banka­menn var land­ráða­á­róð­ur­inn himna­send­ing. Hann gjör­eyði­lagði vit­ræna umræðu um spill­ing­una fyrir Hrun (sem sumir töldu land­ráð) og beindi sjónum að skáld­aðri spill­ingu eftir Hrun – hann yfir­færði ábyrgð­ina af Hrun­inu og stöðu skuld­ara yfir á vinstri stjórn­ina og styrkti Umsát­urs­kenn­ing­una, um umsátur útlend­inga um Ísland.

Fyrir and­stæð­inga inn­göngu í ESB var land­ráða­á­sök­unin kær­komin útgáfa af þeirra eigin kenn­ingu um ESB umsókn­ina sem land­ráð.

Fyrir fimmta hóp­inn, hóp óháðra og nýrra fram­boða, var land­ráða­sam­særið frá­bært tæki­færi til að gera fjór­flokk­inn að einum ábyrgð­ar­að­ila fyrir hroða­legu ástand­inu undir slag­orðin “allir hinir eru eins!”. Þeir gátu þá sótt óánægju­fylgi til allra, líka þeirra sem enga ábyrgð báru á Hrun­inu (VG).

En ef til vill var það sjötti og óvænt­asti flytj­andi land­ráða­kenn­ing­ar­inn­ar, lít­ill hópur rót­tækra vinstri manna, sem gerði úts­lag­ið. Rót­tækir vinstri menn áttu um fram alla Íslend­inga að skilja ógn­ina af þjóð­ern­is­fasískum áróðri og lífs­mik­il­vægi bar­átt­unnar gegn honum – en gerðu ekki.

Auglýsing
Þeir sök­uðu með­bræður sína, sem sumir hverjir höfðu fórn­aði allri ævinni í bar­áttu gegn amer­ísku auð­valdi, um land­ráð með amer­ísku auð­valdi!  Þeir ásök­uðu fólkið sem gekk göng­una og bar fán­ann, fólkið sem fórn­aði vinn­unni, á Vell­inum og í álinu, og svelti ef til vill fjöl­skyld­una, jafn­vel fólkið sem barð­ist svo kröftu­lega að því var aldrei hleypt inn í Banda­ríkin – jafn­vel það var nú ásakað og kross­fest í nafni land­ráða­sam­sær­is­ins mikla.

Af því að rót­tækir vinstri menn voru líka and­stæð­ingar Ices­ave samn­inga, þeir voru líka stór­skuld­ar­ar, and­stæð­ingar ESB og að eilífu óháðir anar­kistar ginn­keyptir fyrir sam­sær­is­kenn­ingum um stór­auð­vald­ið, sér­stak­lega því amer­íska. Þess vegna gengu þeir - líka þeir - blindir og for­hertir inn í land­ráða-öskr­andi fjölda sem ómaði eins og þjóð­ern­is­fasískur hermars frá 1933.

Þar með var síð­asta varn­ar­vígið gegn fasíska ofstæk­inu fall­ið. Eftir stóðu kjarna­lausir og veikir vinstri flokk­ar, dauf verka­lýðs­hreyf­ing, með­vit­und­ar­lausir stúd­ent­ar, van­máttugir blaða­menn og mátt­laust þekk­ing­ar­sam­fé­lag. Auð­veld bráð - alveg eins og fyrir Hrun - sam­held­inni áróð­ur­sel­ítu með yfir­burða­völd yfir fjöl­miðl­um.

Á ein­ungis nokkrum mán­uðum síðla hluta árs 2009 varð íslenska þjóðin vit­firrtri þjóð­ern­is­fasískri orð­ræðu að bráð – einmitt þeim fas­isma sem aldrei átti að geta náð fót­festu á Íslandi.

Ofstækið varð stöðugt svæ­snara og réði ef til vill úrslitum um örlög Bús­á­halda­bylt­ing­ar­innar og nýja Íslands en ekk­ert var þó óhugn­an­legra og lýsti vit­firr­ing­unni betur en sú stað­reynd að ofstæk­is­á­róð­ur­inn átti sér skýra fyr­ir­mynd í áhrifa­rík­asta áróð­urs­bragði þýskra nas­ista, sjálfri Rýt­ings­stungu­goð­sögn­inni, Dolch­stoss­legende.

Sagan um það hvernig hún var lymsku­lega yfir­færð á Ísland og skipu­lega útfærð, verður efni í næstu grein.

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Þríeykið: Þórólfur, Alma og Víðir.
Takk fyrir ykkur
„Í dag er stór dagur,“ sagði sóttvarnalæknir á upplýsingafundi almannavarna í dag. Þar átti hann við enn eitt skrefið í afléttingu takmarkana. Í hugum landsmanna var dagurinn þó ekki síst stór því fundurinn var sá síðasti – í bili að minnsta kosti.
Kjarninn 25. maí 2020
Jón Baldvin Hannibalsson
Um Alaskaarðinn og íslenska arfinn
Kjarninn 25. maí 2020
Katrín Jakobsdóttir, forsætisráðherra.
„Mjög áhugavert að skoða hugmyndir um þrepaskiptan erfðafjárskatt“
Forsætisráðherra sagði á Alþingi í dag að áhugavert væri að skoða hugmyndir um þrepaskiptan erfðafjárskatt en hún var meðal annars spurð út í fram­sal hluta­bréfa­eigna aðaleigenda Samherja til afkomendanna.
Kjarninn 25. maí 2020
Svandís Svavarsdóttir heilbrigðisráðherra.
Svandís þakkar þríeykinu fyrir sitt framlag
Heilbrigðisráðherra þakkaði Ölmu, Þórólfi og Víði á síðasta upplýsingafundi almannavarna í dag. Hún minnti einnig á að baráttunni væri enn ekki lokið.
Kjarninn 25. maí 2020
Þórólfur Guðnason sóttvarnalæknir.
Veiran mögulega að missa þróttinn
Sóttvarnalæknir segir að hugsanlega sé kórónuveiran að missa þróttinn. Þeir sem smitast hafa af COVID-19 undanfarið eru ekki mikið veikir. Aðeins sex smit hafa greinst hér á landi í maí.
Kjarninn 25. maí 2020
Píratar mælast næst stærstir í nýrri skoðanakönnun frá MMR
Sjálfstæðisflokkurinn mælist með 23,5 prósent fylgi í nýrri könnun MMR, en þar í kjölfarið koma Píratar með 14,6 prósent fylgi. Framsóknarflokkurinn væri minnsti flokkurinn sem næði inn þingmanni miðað við þessa könnun og mælist með 6,4 prósent fylgi.
Kjarninn 25. maí 2020
Frá Bræðslunni í fyrra. Næsta Bræðsla verður árið 2021.
„Samfélagsleg skylda“ að aflýsa Bræðslunni
Tónlistarhátíðin Bræðslan fer ekki fram í sumar. Skipuleggjendur hátíðarinnar segja það samfélagslega skyldu sína að aflýsa hátíðinni og vilja koma í veg fyrir alla mögulega smithættu.
Kjarninn 25. maí 2020
Ólafur Arnalds
Gagnsæi og rangsnúnir landbúnaðarstyrkir
Kjarninn 25. maí 2020
Meira úr sama flokkiAðsendar greinar