Stórlygaherferð valdaelítunnar eftir hrun: II - Alheimssamsærið gegn Íslandi

Þorvaldur Logason segir alheimssamsæri búa til illan ásetning úr öllum gjörðum pólitískra andstæðinga hvernig sem þær eru meintar eða framkvæmdar.

Auglýsing

Strax eftir Hrun var þjóð­inni sagt að í gangi væri alheims­sam­særi gegn henni með alþjóða kröfu­hafa í far­ar­broddi, sam­særi bæði þjóða og vog­un­ar­sjóða. Af sumum nefnt „um­sátrið“ en af öðrum „land­ráða-­sam­særið með hræ­gömm­um“. Á sama tíma var alveg eins sam­særi í gangi gegn Ung­verja­landi og annað algjör­lega eins gegn Grikk­landi. Öll nákvæm­lega eins og flest þau sam­særi sem brugguð voru gegn svo að segja öllum ein­ræð­is­herrum 20. ald­ar­inn­ar. Helst þó gegn Hitler og Stalín.

Af því að alheims­sam­særið gegn þjóð­inni er ekki sam­særi heldur áhrifa­rík­asta áróð­ursvopn sem þekkt er, upp­á­halds­vopn ein­ræð­is­herr­ans. Áhrifa­máttur þessa vopns er óhugn­an­legur og engu öðru líkur í vopna­búri áróð­urs­valds­ins. Alheims­sam­særið setur á svið magn­þrung­inn og spenn­andi heim góðs og ills sem er tælandi í ein­fald­leika sínum og tak­marka­laus í skýr­ing­ar­mætti.

Sam­særið hefst eins og spennu­saga og endar … aldrei. Líkt Stjörnu­stríði, ein­feldn­ings­lega Dis­ney-­legt úr fjar­lægð en um leið og fólkið sest inn í myrkur undir wagner­ískri tón­list, dettur það ósjálfrátt inn í seið­andi og dul­ar­fullan heim, með skraut­leg­ustu per­sónum og hug­mynda­ríkum hlið­ar­sög­um, sem erfitt getur verið að kveðja. Flestar sög­urnar eru land­ráða-­sam­sær­is­sögur sem fólk sam­þykkir af skyldu­rækni, ótta eða vegna hags­muna.

Auglýsing

Tak­ist áróð­urs­valdi að sann­færa þjóð eða stóran hluta hennar um við­var­andi og víð­femt sam­særi vold­ugra aðila gegn þjóð­inni þá er næsta auð­velt að fá hana til að trúa nokkurn veg­inn hverju sem er.

Alheims­sam­særið er prótótýpan að vel­heppn­aðri póli­tískri áróð­urs­her­ferð. Sögð er saga, spennu- og bar­áttu­saga, með þremur stöðl­uðum per­són­um: Erki­bóf­an­um, hetj­unni og óum­deil­an­lega fórn­ar­lamb­inu - hverjir léku þessi hlut­verk í póli­tíska hring­leika­hús­inu á Íslandi verður afhjúpað síðar  - mik­il­væg­ast nú er að átta sig aðal­at­rið­inu í ótrú­legum og óhugn­an­legum áhrifum alheims­sam­sær­is­ins á almenn­ing:

Kjarn­inn í lyga og blekk­ing­ar­á­róðri liggur í rang­túlkun ásetn­ings (Ellul).

Rang­túlkun ásetn­ings er magnað töfra­bragð sem hægt er að fram­kvæma hug­lægt og til­finn­inga­lega án vits­muna­legs rök­stuðn­ings. Alheims­sam­særið býr til illan ásetn­ing úr öllum gjörðum póli­tískra and­stæð­inga hvernig sem þær eru meintar eða fram­kvæmd­ar. Hver ein­asti lyk­il­at­burður sam­tím­ans á sér skyndi­lega aðeins eina orsök, eina yfir­keyr­andi og yfir­þyrm­andi skýr­ingu. Engin önnur skýr­ing nýtur virð­ingar eða fær hlust­un. Jafn­vel góð verk í þágu óum­deil­an­lega fórn­ar­lambs­ins eru for­smáð sem ill­virki og felld inn í stór­sög­una um alheims­sam­sær­ið.

Það er því lík­ast að inn á svið opin­berrar rök­ræðu sigli hel­stirni með gíf­ur­legt seg­ul­svið sem sogar til sín orð, rök­semdir og sögur sam­tím­ans – likt og vits­muna­legt svart­hol. Á móti skýtur þetta hel­stirni stans­laus frá sér, svört­um, eitr­uðum áróðri. Sam­sær­inu fylgja ævin­lega og und­an­tekn­ing­ar­laust fjöldi djöf­ul­legra áróð­urs­bragða, eins konar smærri hel­stirni hlaðin snjöllum vopnum sem erfitt er að sjá við.

Í þessu helj­ar­rökkri á lýð­ræð­ið, rétt­lætið og rök­ræðan enga von.  Stað­reyndir logn­ast út af eins og kynd­illogar af súr­efn­is­leysi, ekk­ert lifir nema sam­sær­is-æs­ing­ar­hróp fylg­is­mann­anna, dásam­aðir leið­tog­arn­ir, peppið og sér­hags­mun­irn­ir.

Alheims­sam­særið er ger­eyð­ing­ar­vopn stjórn­mál­anna. Þeir sem ákváðu að beita því á Íslandi brutu með­vitað niður póli­tískt sið­ferði í land­inu, þannig að jafn­vel hlut­læg­ustu stað­reyndir voru fótum troðn­ar, á nákvæm­lega sama hátt og Don­ald Trump gerir nú í Banda­ríkj­unum – en ávinn­ing­ur­inn liggur ekki í augum uppi. Hann er þessi: Þegar sann­leik­ur­inn er sviptur afli sínu, ræður hreinn áróð­ursmáttur úrslit­um.

Alheims­sam­særið ruddi leið­ina fyrir stór­lyga­her­ferð­ina eftir Hrun. Sú her­ferð var ógn við lýð­ræðið og gæti orðið að stór­hættu­legu póli­tísku for­dæmi verði áróð­ur­inn ekki for­taks­laust for­dæmdur af sög­unni.

Þess vegna ætla ég í næstu greinum að kafa ofan í alheims­sam­særið og fletta ofan af land­ráðunum með erlendum kröfu­höf­um, helst afhjúpa, ef svig­rúm leyf­ir, hvernig íslenskir áróð­urs­menn sóttu í sjálfa rýt­ings­stungu­goð­sögn nas­ist­anna, Dolch­stoss­legende.

Þangað til næst mega les­endur gjarnan velta fyrir sér áhrifum alheims­sam­sær­is­ins á póli­tíska umræðu á Íslandi eftir Hrun.  

Í upphafi árs 2020

Við á Kjarnanum göngum bjartsýn og einbeitt inn í nýtt ár og þökkum lesendum fyrir það traust sem þeir sýna með því að styrkja Kjarnann. 

Frjáls framlög frá lesendum hafa vaxið jafnt og þétt síðustu árin og eru mikilvæg tekjustoð undir reksturinn. Þau gera okkur kleift að halda áfram að taka þátt í umræðunni og greina kjarnann frá hisminu. 

Við tökum hlutverk okkar sem fjölmiðill í þjónustu almennings alvarlega. Kjarninn birti 409 fréttaskýringar og 2.367 fréttir á árinu 2019. Kjarninn er vettvangur umræðu og á nýliðnu ári voru 539 skoðanagreinar birtar, stærstur hluti þeirra aðsendar greinar. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari.

Já takk, ég vil styrkja Kjarnann!
Ólafur Örn Nielsen ráðinn aðstoðarforstjóri Opinna kerfa
Nýir fjárfestar komu að Opnum kerfum í fyrra og hana nú ráðið bæði nýjan forstjóra og aðstoðarforstjóra.
Kjarninn 21. janúar 2020
Auður ríkustu konu Afríku byggður á arðráni fátækrar þjóðar
Frá Angóla og víða um Afríku, Evrópu og Mið-Austurlönd, liggur flókið net fjárfestinga í bönkum, olíu, sementi, fjarskiptum, fjölmiðlum og demöntum. Ríkasta kona Afríku segist hafa byggt þetta ævintýralega viðskiptaveldi sitt upp á eigin verðleikum.
Kjarninn 21. janúar 2020
Kvikan
Kvikan
#Megxit, peningaþvætti, spilling og brot Seðlabankans
Kjarninn 21. janúar 2020
Þorgerður Katrín Gunnarsdóttir er formaður Viðreisnar. Hún er fyrsti flutningsmaður frumvarpsins.
Mælt fyrir frumvarpi sem kúvendir fiskveiðistjórnunarkerfinu
Frumvarp þriggja stjórnarandstöðuflokka um eðlisbreytingu á því umhverfi sem sjávarútvegsfyrirtæki starfa í hérlendis, verður tekið til umræðu á þingi í dag samkvæmt fyrirliggjandi dagskrá.
Kjarninn 21. janúar 2020
Stuðningskonur leikskólanna
Kynjað verðmætamat og leikskólinn
Kjarninn 21. janúar 2020
Þröngar skorður í hálaunalandi
Á að fella gengið til að örva efnahagslífið? Er aukin sjálfvirkni að fara eyða störfum hraðar en almenningur átta sig á? Gylfi Zoega hagfræðiprófessor skrifaði ítarlega grein í Vísbendingu þar sem þessi mál eru til umræðu.
Kjarninn 20. janúar 2020
Logi Einarsson, formaður Samfylkingarinnar.
Segir kominn tíma á stjórn án Sjálfstæðisflokks
Formaður Samfylkingarinnar segir tími til komin að hætta að láta Sjálfstæðisflokkinn velja sér dansfélaga og stjórna á eigin forsendum.
Kjarninn 20. janúar 2020
Katrín Jakobsdóttir, formaður Vinstri grænna og forsætisráðherra.
Katrín: Kólnun en ekki skyndileg djúpfrysting
Heilbrigðismál, atvinnuleysi, kaupmáttur, náttúruöfl og innviðafjárfestingar eru meðal þess sem forsætisráðherra ræddi um í ræðu sinni við upphaf þings í dag.
Kjarninn 20. janúar 2020
Meira úr sama flokkiAðsendar greinar