Forystumaður gegn frjálsri för – í boði sósíalista

Pawel Bartoszek borgarstjórnarfulltrúi Viðreisnar fjallar um verkalýðshreyfinguna og málefni innflytjenda í aðsendri grein. Hann segir verkalýðshreyfinguna ástæðu þess að réttindi útlendinga á vinnumarkaði séu svona lítil.

Auglýsing

Ég hef nú setið á nokkrum borg­ar­stjórn­ar­fundum og hlustað á mál­flutn­ing sós­í­alista um hvernig flest sem slæmt er í mál­efnum inn­flytj­enda sé kap­ít­al­isma og vondum kap­ít­alistum að kenna.

Það er auð­vitað nokkuð auð­velt að sjá að þetta er rangt. Þau ríki sem eru vin­gjarn­leg­ust inn­flytj­endum eru að jafn­aði líka þau ríki þar sem við­skipta­frelsi, sterkur eign­ar­réttur og aðrar kap­ít­al­ískar mön­trur eru ráð­andi. Fólk flyst stríðum straumum í kap­ít­al­ísk ríki, af ástæðu.



En óháð því öllu saman þá verður fólk að gera sér grein fyrir einu. Ástæða þess að íslensku útlend­inga­lögin eru eins og þau eru, ástæða þess að rétt­indi útlend­inga á vinnu­mark­aði eru svona lítil er ekki and­staða íslenskra kap­ít­alista. Ástæðan er verka­lýðs­hreyf­ing­in.

Auglýsing

Fyrstu árin sem útlend­ingur (utan EES) er á land­inu er atvinnu­leyfi hans tengt vinnu­veit­anda. Það er ekki draumur dæmi­gerðs vinnu­veit­anda að vera með eitt­hvað fólk í vist­ar­bandi, þurfa sjá um trygg­ing­ar, sækja um kenni­töl­ur, redda hús­næði, kaupa flug­miða. Atvinnu­rek­and­inn vill helst bara aug­lýsa starf, fá fullt af umsókn­um, ráða fólk, borga því pen­ing og þurfa ekki að spá í hvað það gerir utan vinnu­tíma.

Ástæða þess að vinnu­veit­and­inn þarf að spá í öllu þessu eru lög­in, og lögin hafa verið sett til að láta það vera vesen að ráða útlend­inga til að fólk ráði frekar Íslend­inga, ef það er hægt. Þá afstöðu verka­lýðs­hreyf­ing­ar­inn­ar, alla vega hluta henn­ar, má alveg skýra með öðru en hreinu útlend­inga­hatri. Fólk er ein­fald­lega hrætt við að illa muni ganga að hækka laun ef það verður auð­velt að flytja inn fullt af fólki sem sættir sig við lægri laun.

En engu að síður er þessi afstaða van­þroskuð. Með henni er verka­lýðs­hreyf­ingin að hunsa hags­muni fram­tíð­ar­um­bjóð­enda sinna. Sem er álíka gáfu­legt og að berj­ast gegn því að ungt fólk komi inn á vinnu­mark­að­inn, af því að það getur lækkað laun þeirra sem fyrir eru.

Það er ekki þannig að öll verka­lýðs­hreyf­ingin sé á þess­ari skoð­un. Þegar ákveðið var að fella niður hömlur á flutn­inga fólks frá nýjum ríkjum ESB árið 2006 var ASÍ í heild sinni fremur jákvætt umsögnum sínum en mörg félög voru hörð í and­stöðu sinni. Ætli harð­asta and­staðan hafi ekki komið frá Verka­lýðs­fé­lagi Akra­ness.

Í umsögnum um frum­varpið fann VLFA því flest til for­áttu. Þegar frjáls för launa­fólks frá löndum Mið- og Aust­ur-­Evr­ópu var sam­þykkt á Alþingi birt­ist frétt á vef Verka­lýðs­fé­lags Akra­nes:  „Svartur dagur íslenskra laun­þega stað­festur með lögum frá Alþingi í dag“. Hvorki meira né minna.

Sá sem leitt hefur þetta félag heitir Vil­hjálmur Birg­is­son. Hann var nú kos­inn 1. vara­for­seti Alþýðu­sam­bands Íslands. Hann naut í þeirri bar­áttu sér­staks stuðn­ings Gunn­ars Smára Egils­sonar og ann­arra Sós­í­alista. Helsti and­stæð­ingur frjálsar farar verka­fólks er þar með kom­inn í for­ystu­sveit verka­lýðs­hreyf­ing­ar­inn­ar. Hvort þetta sé „svartur dag­ur“ fyrir útlend­inga sem hyggj­ast flytja til Íslands á eftir að koma í ljós. En líkur eru á því að þeir sem vilji breyta útlend­inga­lögum í frjáls­ræð­isátt megi eiga von á meiri and­stöðu af hálfu verka­lýðs­hreyf­ing­ar­innar en áður. Þökk sé sós­í­alist­um.

Höf­undur er borg­ar­stjórn­ar­full­trúi Við­reisnar

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Katrín Jakobsdóttir forsætisráðherra.
Engin lagaleg skilgreining til á orðinu kona
Samkvæmt svari frá forsætisráðherra þarf menningar- og viðskiptaráðherra sem „fer með málefni íslenskunnar“ að svara því hverjar orðsifjar nafnorðsins kona séu og hver málfræðileg merking orðsins sé.
Kjarninn 30. júní 2022
Lárus Blöndal, stjórnarformaður Bankasýslu ríkisins, og Jón Gunnar Jónsson, forstjóri stofnunarinnar.
Bankasýslan borgaði LOGOS 6,2 milljónir og lét Morgunblaðið fá upplýsingar fyrirfram
Bankasýslan sendi Morgunblaðinu einum fjölmiðla fyrirfram tilkynningu um að lögfræðilegur ráðgjafi hennar hefði komist að þeirri niðurstöðu að jafnræðis hafi verið gætt við sölu á hlut ríkisins í Íslandsbanka.
Kjarninn 30. júní 2022
Til þess að komast ferða sinna þurfa Íslendingar að borga 85 prósentum meira heldur en íbúar í löndum Evrópusambandsins gera að meðaltali.
Samgöngukostnaður hvergi hærri í Evrópu en á Íslandi
Norðurlöndin raða sér í efstu sæti á lista þeirra landa í Evrópu þar sem samgöngukostnaður er mestur. Verð á gistingu, mat, fötum og skóm er hærra hér á landi en víðast hvar annars staðar í álfunni.
Kjarninn 30. júní 2022
Ríkið þurfi að kortleggja á hverjum loftslagsskattarnir lenda
Upplýsingar liggja ekki fyrir í dag um það hvernig byrðar af loftslagssköttum dreifast um samfélagið. Í greinargerð frá Loftslagsráði segir að stjórnvöld þurfi að vinna slíka greiningu, vilji þau hafa yfirsýn yfir áhrif skattanna.
Kjarninn 30. júní 2022
Í frumdrögum að fyrstu lotu Borgarlínu var Suðurlandsbrautin teiknuð upp með þessum hætti. Umferðarskipulag götunnar er enn óútkljáð, og sannarlega ekki óumdeilt.
Borgarlínubreytingar á Suðurlandsbraut strjúka fasteignaeigendum öfugt
Nokkrir eigendur fasteigna við Suðurlandsbraut segja að það verði þeim til tjóns ef akreinum undir almenna umferð og bílastæðum við Suðurlandsbraut verði fækkað. Unnið er að deiliskipulagstillögum vegna Borgarlínu.
Kjarninn 30. júní 2022
Í austurvegi
Í austurvegi
Í austurvegi – Einlæg gjöf en smáræði 千里送鹅毛
Kjarninn 30. júní 2022
Úlfar Þormóðsson
Taglhnýtingar þétta raðirnar
Kjarninn 30. júní 2022
Viðbragðsaðilar og vegfarendur á vettvangi aðfaranótt sunnudags. 22 unglingar létust á Enyobeni-kránni.
Hvers vegna dóu börn á bar?
Meðvitundarlaus ungmenni á bar. Þannig hljómaði útkall til lögreglu í borginni East London í Suður-Afríku aðfaranótt sunnudags. Ýmsar sögur fóru á kreik. Var eitrað fyrir þeim? Og hvað í ósköpunum voru unglingar – börn – að gera á bar?
Kjarninn 30. júní 2022
Meira úr sama flokkiAðsendar greinar