Auglýsing

Halló, ég heiti Sámur! Ég er ákaf­lega virðu­legur hundur sem hef lengst af búið á Bessa­stöðum á Álfta­nesi. Sjálfur er ég ekki alveg með á hreinu af hvaða kyni ég er, en mér líður eins og ég sé afar íslensk­ur. Í slef­blautum hunda­draumum mínum ferð­ast ég þó víða um heim.

Fátt veit ég betra en að liggja á melt­unni eftir góðan dall af þurr­mat með slettu af Pedigree-lifr­ar­kássu og ferð­ast hikstandi á milli svefns og vöku til Taj Mahal. Að hætti hunda hef ég auð­vitað var­ann á í dagdraumum mínum og rís upp til að gera hús­móður minni við­vart ef gesti ber að garði en þar sem dregið hefur úr gesta­komum síð­ustu árin hef ég nú drjúg­ari tíma til dagdrauma. Raunar hef ég ekki hunds­vit á utan­lands­ferðum vegna stífra reglna íslenskra yfir­valda um sótt­kví dýra en má hundur heita ef þar er ekki gott að vera. Já, í Taj Mahal. Hundur þarf að hund­skast þangað áður en hann deyr, þó að það þýði að hann eigi ekki aft­ur­kvæmt til Íslands.

Fögur er hlíðin – Sámur minn.

Auglýsing

Það vekur sorg í hunds­hjarta að nú er farið að halla á síð­ari hlut­ann í hunda­lífi mínu. Brátt þarf ég að lúta hunda­lög­málum þessa heims og kveðja mína ást­kæru Dor­rit sem ég hund­elska út yfir gröf og dauða. Ég segi gröf því ég geri fast­lega ráð fyrir að vera jarð­settur í betri kirkju­garði með smá við­höfn og skreyttur for­láta exó­tískum skart­grip­um. Nema þá að hún verði orðin svo upp­hrifin af hinum ein­eggja klón­bróður mínum að ég verði gleymdur og graf­inn í gelts­ins fyllstu merk­ingu. Talið ekki um klón­ið, talið um mig, ekki um Norð­ur­slóðir eða loft­lags­breyt­ing­ar, bara mig, Sám!

Hunds­eyru mín hafa ýmsi­legt þurft að heyra í þess­ari jarð­vist. Og hundur hefur verið trú­fastur hús­hjúum sínum í hvers konar orða­skaki og átök­um. Ég hef verið ein­dreg­inn stuðn­ings­hundur íslenska lands­liðs­ins í hand­bolta, gelt mig hásan á móti Ices­ave – á myrk­ustu augna­blik­unum í sögu þjóðar urrað eins og bast­arður – sniffað af skugga Pútíns og ekki líkað lyktin en látið mig hafa það, tætt í mig fjöl­miðla­lögin og hlaupið mig móðan í drama­þrungnum útreið­ar­túrum hús­móður minnar og lax­manns henn­ar. Ég er eini hund­ur­inn sem ég þekki sem hefur bæði aðhyllst gyð­inga­dóm og kristni í sömu andránni og yfir höfuð tekið hunds­lega afstöðu til þess, þó að ég sé heið­inn inn við bein­ið. En! Og nú brestur hunds­hjart­að. Af hverju að klóna mig?

Var ég ekki nóg? Hunds­fylli af tryggð, und­ir­gefni og slef­blautri ást. Hvað með merk­ingu mína? Eina og sér. Var hún ekki næg, í sjálfu sér. Er hægt að skipta henni út, sí sonna, bara fyrir skitnar sex eða sjö millj­ón­ir, eins og það sé hægt að kaupa nýjan mig. Sem var þó ég. Sámur!

Hundur verður aldrei aftur sami hund­ur­inn og hann var – þótt klón­aður sé. Því hund­ur­inn var hann sjálf­ur, þrátt fyrir allt og allt. Ég er eng­inn hunda­vit­leys­ingur eftir lærða skól­ann á Bessa­stöð­um. Hundur veit það sem hundur veit – hvað þá hundur sem skilur hebr­esku og smá lat­ínu eins og ég. Þjóð­ræk­inn en samt alþjóð­lega þenkj­andi hund­ur. Ein­stakur – þú sagðir það sjálf. E.I.N.S.T.A.K.U.R. Ekk­ert klón getur komið í stað ein­staks hunds.

Ég hund­elska þig, Dor­rit, eins og tættur bast­arð­ur! Blóði drif­inn á mexík­önskum göturakka­víg­velli.

Af öllu mínu hunds­hjarta. Vesælu en við­kvæmu, þó hunds­lega mann­legu. Ætlarðu kannski að gefa það? Hjarta mitt? Viltu ekki heldur borða það eins og Salvador Dalí og Gaila konan hans borð­uðu kan­ín­una sína þegar hún komst ekki í ferða­lagið þeirra svo hún væri með þeim.

Borð­aðu mig en ekki klóna mig! Éttu mig eins og hund­ur. Leyfðu mér að renna saman við silki­mjúk inn­yfli þín, Dor­rit. Plís!

Verðum eitt. Þessir feld­fögru dem­antar sem við erum, þú í gráa pels­inum og ég. Og munum alltaf verða: Sámur og Dor­rit. Og kannski smá Ólafur Ragn­ar. En þó fyrst og fremst við tvö. Ekki þetta klón. Það er eitt­hvað allt ann­að. Allt annað en ég! Ó, kjúklinga­bein föst í háls­in­um. Hjart­anu. Þau skrapa iðr­in, særa mig, þið – þú!

Dveljum í Taj Mahal – að eilífu. Og leyfum engum klónum að menga roð­bleika slefs­ósa draum­inn.

Okk­ar.

Halló, ég heiti Sámur! Ég hét Sám­ur. Ég mun heita Sám­ur. Ég!

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Boris Johnson var í kvöld lagður inn á spítala í London.
Boris Johnson lagður inn á spítala
Boris Johnson forsætisráðherra Bretlands hefur verið lagður inn á spítala í London til skoðunar, en hann hefur verið með „þrálát einkenni“ COVID-19 sýkingar allt frá því að hann greindist með veiruna fyrir tíu dögum síðan.
Kjarninn 5. apríl 2020
Virði veðsettra bréfa dróst saman um 30 milljarða í mars
Heildarvirði allra félaga sem skráð eru á aðallista Kauphallar Íslands og First North markaðinn dróst saman um 184 milljarða króna á fyrstu þremur mánuðum ársins 2020.
Kjarninn 5. apríl 2020
Söngvaskáld gefur út Skrifstofuplöntu
Söngvaskáldið Sveinn Guðmundsson safnar fyrir útgáfu nýrrar plötu á Karolina Fund.
Kjarninn 5. apríl 2020
Frá Ísafirði. Þar og í Bolungarvík eru hertar sóttvarnaráðstafanir einnig áfram í gildi.
Hertar aðgerðir á Suðureyri, Flateyri, Þingeyri og í Súðavík
Rétt eins og á Ísafirði og í Bolungarvík hefur nú verið ákveðið að loka leik- og grunnskólum í minni bæjum á norðanverðum Vestfjörðum á meðan smitrakning nýrra smita á svæðinu stendur yfir.
Kjarninn 5. apríl 2020
Einar Helgason
Gömlum frethólki svarað
Kjarninn 5. apríl 2020
Ellefu sjúklingar liggja nú á gjörgæsludeild vegna COVID-19
Fólki í sóttkví fjölgar á ný
Í dag eru 1.054 einstaklingar með virk COVID-19 smit en í gær voru þeir 1.017. Alls er 428 manns batnað.
Kjarninn 5. apríl 2020
Þorgerður Katrín Gunnarsdóttir, formaður Viðreisnar.
„Við þurfum að skuldsetja ríkissjóð verulega“
Fulltrúar stjórnarandstöðuflokkanna kvörtuðu undan samráðsleysi af hálfu ríkisstjórnarinnar í Silfrinu í morgun og sögðust telja að stjórnvöld þyrftu að bæta verulega í hvað varðar efnahagsleg viðbrögð við heimsfaraldrinum.
Kjarninn 5. apríl 2020
Hugfangin af jöklum og kvikunni sem kraumar undir
Hún gekk í geimbúningi á Vatnajökli og er með gasgrímu og öryggishjálm til taks í vinnunni. Hún heldur sig þó heima þessa dagana enda „verður maður að hugsa um landlækni,“ segir eldfjallafræðingurinn Helga Kristín Torfadóttir, dóttir Ölmu Möller.
Kjarninn 5. apríl 2020
Meira úr sama flokkiÁlit