To be or not to be inspired by Iceland

Grímur Atlason segir að nú sé tækifærið til að gera hlutina rétt og skipuleggja markaðsátak fyrir Ísland með þar fyrir augum að nota það sem þjóðin á og hefur skilað henni mestum hróðri langt út fyrir landsteinana.

Auglýsing

Í kjöl­far hruns­ins 2008 var ráð­ist í verk­efnið Inspired by Iceland sem hafði það að mark­miði að fjölga ferða­mönnum einkum utan hefð­bund­ins ferða­manna­tíma. Íslands­stofa hafði veg og vanda af verk­efn­inu og setti rík­is­sjóður Íslands veru­legar upp­hæðir í það sem að stórum hluta fóru í mark­aðsá­tak sem keyrt var áfram á aug­lýs­ing­um. Her­ferð­in, sem að miklu leyti var unnin í sam­vinnu við aug­lýs­inga­stof­una Brook­lyn Brothers í New York og London, vann til ýmissa verð­launa en menn deila enn um það hvort hún hafi skilað því sem stefnt var að. Eld­gos og veik staða krón­unnar hafi mögu­lega haft þar meira að segja en aug­lýs­ingar í neð­an­jarð­ar­lest­ar­kerfum stór­borg­anna. En auð­vitað studdi þetta mark­aðsá­tak við og hjálp­aði en spurn­ingin er hvort ekki hefði mátt nýta pen­ing­ana bet­ur. 

Fyrir hrunið 2008 þá fengu margir Íslend­ingar þá flugu í höf­uðið að við værum bestu banka­menn í heimi. Hér væri að rísa fjár­mála­mið­stöð hins vest­ræna heims eða í það minnsta eitt af stærstu úti­búum fjár­mála­mark­að­anna. Þjóð sem hafði stærstan hluta 20. ald­ar­innar búið við höft, óða­verð­bólgu, helm­inga­skipta­kerfi stjórn­mála­flokka og gjald­miðil sem fallið hafði í gengi um 99,5% frá árinu 1930 átti að eiga bestu banka­menn heims­ins rétt tveimur til fjórum árum eftir að bank­arnir voru einka­vina­vædd­ir. Gull­gerð­ar­meist­arar eru ekki til og þegar ein­hver telur sig hafa fundið upp­skrift­ina ber að var­ast hana með öllu. Enda kom það á dag­inn og bestu banka­menn heims­ins í gær urðu að þeim allra léleg­ustu í dag. 

Auglýsing
Undirritaður starf­aði á þessum tíma sem fram­kvæmda­stjóri Iceland Airwa­ves og tal­aði fyrir daufum eyrum um að nota efni­við­inn sem menn­ing og listir gátu af sér við mark­aðs­setn­ingu lands­ins. Hug­myndin var að halda við­burði erlendis þar sem lagt væri í verk­efnið marg­falt meira fjár­magn en áður hafði verið gert. Hugsa um að ná til þess fólks sem tæki við sem ráð­andi stétt innan sinna landa eftir ára­tug eða svo. Tæki­færin væru til staðar – það þyrfti bara að grípa þau. Þeir fáu við­burðir sem haldnir voru í þessum til­gangi leiddu til mik­illar fjöl­miðlaum­fjöll­unar og land­kynn­ingar fyrir til­tölu­lega lít­inn kostn­að. Þetta fólk kom hingað í skipu­legar ferðir til þess að drekka í sig menn­ingu t.a.m. á Iceland Airwa­ves hátíð­ina o.fl. slíka við­burði. En því miður þá var þessi leið ekki farin og fljót­lega breytt­ist sam­setn­ing ferða­manna sem hingað kom og mass­inn tók yfir. Ósjálf­bærni ein­kenndi greinina og allt var þanið í botn. Nú er svo komin alvar­leg­asta kreppa heims­ins frá krepp­unni miklu 1929 jafn­vel dýpri – það á bara eftir að koma í ljós. 

Covid-19 hefur sett sam­fé­lög heims­ins í hálf­gerða kyrr­stöðu. Það þrengir veru­lega að og fyr­ir­tæki jafnt sem ein­stak­lingar sjá fram á fjár­hags­lega erf­ið­leika og óvissu. Á Íslandi hefur far­ald­ur­inn nú þegar haft gríð­ar­legar afleið­ingar bæði fjár­hags­legar sem og sam­fé­lags­leg­ar. Ferða­þjón­ust­an, sem á síð­asta ári var orðin ein af megin stoðum hag­kerf­is­ins, er í veru­legum þreng­ing­um. En það eru fleiri greinar sem þannig er ástatt með. Tón­list­ar­menn og þeir sem starfa í kringum tón­list­ar­geir­ann urðu nán­ast tekju­lausir yfir nótt. Vor­ver­tíðin sem alla jafna er aðal­ver­tíð geirans var blásin af. Sum­arið virð­ist vera að fara sömu leið. Þannig var tón­list­ar­há­tíð­inni Secret Sol­stice frestað um eitt ár og út í heimi hafa Gla­ston­bury, Rosk­ilde festi­val, SXSW, Coachella, The Great Escape auk fjölda ann­arra hátíð verið frestað til hausts­ins eða til næsta árs. 

Núna er tæki­færi til að gera hlut­ina rétt. Nú þegar stjórn­völd sitja með hinum klass­ísku ráð­gjöfum sínum að skipu­leggja boðað mark­aðsá­tak fyrir Ísland og ferða­manna­iðn­að­inn megum við ekki falla aftur í Brook­lyn Brothers gryfj­una frá 2010. Gerum þetta að þessu sinni með það fyrir augum að nota það sem við eigum og hefur skilað okkur mestum hróðri langt út fyrir land­stein­ana. Það eru ekki banka­menn­irnir heldur menn­ing og list­ir. Höldum við­burði á vest­ur­strönd Banda­ríkj­anna, á aust­ur­strönd­inni og í mið­ríkj­un­um. Höldum við­burði í norður og suður Evr­ópu og höldum við­burði í Jap­an, Kína og Ástr­al­íu. Kynnum menn­ingu, list­ir, nýsköpun og nátt­úru lands­ins með þeim hætti sem aldrei hefur áður verið gert. Sláum með því margar flugur í ein höggi: Lista­menn fá vinnu, nýsköpun verður gef­inn frek­ari gaumur og land­kynn­ingin fær raun­veru­legt and­lit í stað gjald­þrota gervis hins liðna tíma. Fram­tíðin liggur í þessum raun­veru­legu verð­mætum þjóð­ar­innar sem við skulum nota á þessum tímum – það er eina leið­in. 

Höf­undur er fram­kvæmda­stjóri og tón­leika­hald­ari.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Þolendur kynfæralimlestinga, nauðgana, ofbeldis og fordóma sendir til baka til Grikklands
Tvær sómalskar konur standa nú frammi fyrir því að verða sendar til Grikklands af íslenskum stjórnvöldum og bíða þær brottfarardags. Þær eru báðar þolendur grimmilegs ofbeldis og þarfnast sárlega aðstoðar fagfólks til að vinna í sínum málum.
Kjarninn 27. nóvember 2021
Undirbúa sókn fjárfesta í flesta innviði samfélagsins „til að létta undir með hinu opinbera“
Í nýlegri kynningu vegna fyrirhugaðrar stofnunar á 20 milljarða innviðasjóði er lagt upp með að fjölmörg tækifæri séu í fjárfestingu á innviðum á Íslandi. Það eru ekki einungis hagrænir innviðir heldur líka félagslegir.
Kjarninn 27. nóvember 2021
Bækur spila stórt hlutverk í lífi margra um jólahátíðina.
Rýnt í bækur og stjörnur
Bókahúsið er hlaðvarpsþáttur þar sem rætt er við rithöfunda og ýmsa sem koma að bókaútgáfu. Í sjötta þætti er spjallað um himingeiminn, ný skáldverk og ljóðabækur.
Kjarninn 27. nóvember 2021
Teikning af mögulegri framtíðarsýn fyrir svæði Háskóla Íslands.
Fólk og mannlíf í forgangi í framtíðarsýn Háskóla Íslands
Háskóli Ísland og Reykjavíkurborg hafa í sameiningu dregið upp mynd af svæði HÍ til framtíðar með tilliti til legu Borgarlínu. Suðurgata breytist úr hraðbraut í borgargötu og gert er ráð fyrir að bílastæði færist í miðlæg bílastæðahús.
Kjarninn 26. nóvember 2021
Unnþór Jónsson
Upplýsingaóreiða er vandamál
Kjarninn 26. nóvember 2021
Nýtt COVID-afbrigði orsakar svartan föstudag í Kauphöllinni
Fjárfestar um allan heim brugðust illa við fréttum af nýju afbrigði kórónuveirunnar í morgun. Ekkert félag á aðalmarkaði hækkaði í virði við lokun markaða, en hlutabréfaverð í Icelandair og Play lækkaði um rúm 4 prósent yfir daginn.
Kjarninn 26. nóvember 2021
Vínbúðin stefnir nú út á Granda, þar sem fjöldi stórmarkaða er staðsettur.
Vínbúðin stefnir á Fiskislóð
ÁTVR segist ætla að ganga til samninga við eigendur húsnæðis að Fiskislóð 10 á Granda um leigu á plássi undir nýja Vínbúð. Ekki er búið að taka endanlega ákvörðun um lokun Vínbúðar í Austurstræti.
Kjarninn 26. nóvember 2021
Margrethe Vestager, yfirmaður stafrænnar vegferðar Evrópusambandsins
ESB vill fjárfesta beint í nýsköpunarfyrirtækjum
Nýkynntur nýsköpunarhraðall Evrópusambandsins felur í sér stefnubreytingu í opinberri fjármögnun til tæknifyrirtækja í álfunni, en með honum getur sambandið keypt beina eignarhluti í sprotafyrirtækjum fyrir allt að 2,2 milljarða króna.
Kjarninn 26. nóvember 2021
Meira úr sama flokkiAðsendar greinar