Heilsu­tengt: Við þurfum ekki að heim­sækja heilsu­gæslu í eigin per­sónu nándar nærri eins oft og fyrir COVID19. Spörum ærna fyr­ir­höfn, kolefn­is­spor og kostnað fyrir alla. Fjar­lækn­ingar og fjar­ráð­gjöf verða fyrsti kost­ur.

Ferða­manna­iðn­að­ur­inn: Hann mun byggj­ast upp á inn­lendum ferða­mönnum næstu eitt til tvö árin. Verð­lag verður sann­gjarnt og miðað við getu Íslend­inga til að kaupa þjón­ust­una. Kaffi fer úr 700 krónum boll­inn í 200 kall. Flat­kaka með smjöri og áleggi, ¼, fer úr 1.040 krónum í 200 kall. Ham­borg­ari og franskar fara úr 2.000 krónum í 1000 kall. Já og nóttin á hót­eli kostar í tveggja manna her­bergi 9.000 krón­ur. Það verður gaman að ferð­ast um landið og hafa efni á því.

Aðgeng­is­mál: Ríki og sveit­ar­fé­lög krefj­ast þess að fram­kvæmda­styrkir inni­feli alla og tryggi aðgengi. Þau munu láta flokka fólks lag­færa aðgengi á gang­stígum og almenn­ings svæðum á meðan atvinnu­leysi er hátt.

Lofts­lag: Minni mengun vegna heima­vinnu og heima­náms. Við klárum orku­skipti á bíl­um. Almenn­ings­sam­göngur verða bættar þannig að þær verði raun­veru­legur val­kostur fyrir alla.

Við getum notað þetta sem tæki­færi og svo getur maður alltaf látið sig dreyma.

Njótum lífs­ins, finnum lækn­ingu við COVID19 og svona í leið­inni MND sjúk­dómn­um.

Bar­áttu­kveðjur að heim­an.

Höf­undur er for­maður MND félags­ins á Íslandi.