Framundan er ár bjartsýni og endurreisnar

Guðmundur Ingi Kristinsson varaformaður Flokks fólksins gerir upp árið 2020.

Auglýsing

Fæst okkar munu í fram­tíð­inni líta um öxl og horfa með eft­ir­sjá til árs­ins sem er að renna sitt skeið á enda. Við höfum upp­lifað far­sótt sem kom okkur öllum í opna skjöldu. Pestin hefur þvingað okkur til að grípa til aðgerða svo hindra mætti að hún ylli mann­tjóni og jafn­vel við­var­andi heilsu­bresti meðal stórs hluta þjóð­ar­inn­ar. Þannig hefur þetta verið um heim all­an.

Hetj­urnar okkar

Ég þarf ekki að hafa mörg orð um þetta hér á þessum vett­vangi. Far­ald­ur­inn hefur með ein­hverjum hætti haft áhrif á líf okkar allra. Hver og einn veit hvað hér er um að ræða. Þegar ég hug­leiði þetta allt þá er mér efst í huga þakk­læti til heil­brigð­is­starfs­fólks­ins okk­ar. Þau eru hetjur árs­ins.

Þetta góða fólk hefur verið undir mjög miklu álagi en stað­ist það með sóma. Frammi­staða þeirra á þessum erf­iðu tímum má aldrei gleym­ast. Þeim skal þakk­að.     

Auglýsing

Verkin fær­ast í dóma

Hvað snýr að stjórn­mál­unum og þing­störfum þá hygg ég að við sem vinnum á þeim vett­vangi höfum öll reynt að gera okkar besta. Hvort réttar ákvarð­anir hafi síðan alltaf verið teknar er svo annað mál. Vit­an­lega er umdeil­an­legt hvernig staðið var að aðgerðum gegn veirunni á árinu sem er að líða.

Það er eðli­legt, og í raun nauð­syn­legt í lýð­ræð­is­sam­fé­lagi, að jafn víð­tækar og afdrifa­ríkar aðgerðir séu ræddar með gagn­rýnum huga þar sem fólk skipt­ist á skoð­un­um. Á end­anum eru það svo stjórn­völd með lýð­ræð­is­lega kjörnum full­trúum að baki sem taka ákvarð­an­ir. Þessir full­trúar meiri­hlut­ans sem fer með völdin bera líka hina end­an­legu ábyrgð.

Verk þeirra verða færð í dóm kjós­enda á nýju ári. Það verða líka verk okkar í Flokki fólks­ins. Við göngum ótrauð til kosn­inga á nýju ári og verðum óhrædd við að sýna almenn­ingi og kjós­endum hvað við höfum verið að vinna á kjör­tíma­bil­in­u. 

Horfum bjart­sýn til fram­tíðar

Afgreiðsla fjár­laga nú í lok árs ber vit­an­lega keim af því að veiran hefur sótt harka­lega að þjóð­ar­bú­inu. Við í Flokki fólks­ins gerum ekki athuga­semdir við það að rík­is­stjórnin kjósi þá leið að fleyta þjóð­ar­skút­unni gegnum ólgu­sjó­inn og verja hana áföllum með lán­tökum og skuld­setn­ingu rík­is­sjóðs. Við afgreiðslu fjár­laga og fjár­auka­laga lögðum við í Flokki fólks­ins fram röð breyt­ing­ar­til­lagna sem allar sner­ust um vel­ferð­ar­mál – að meira fé yrði veitt til að vernda fólkið í land­inu á erf­iðum tím­um. Því miður var þetta allt fellt af stjórn­ar­meiri­hlut­an­um.

Í Flokki fólks­ins gef­umst þó aldrei upp og horfum við með bjart­sýni fram á veg­inn. Drop­inn holar stein­inn í bar­áttu okk­ar. Við vitum að umræðan um vel­ferð­ar­málin og hags­muni fátækra, öryrkja og eldri borg­ara, væri hvergi söm í sölum þings­ins ef okkar nyti ekki við.

Við látum ekki veiruna draga úr okkur mátt­inn. Við treystum á lækna­vís­indin og höfum fulla trú á því að bólu­efni sé handan við horn­ið. Við greinum ljós í enda gang­anna. Tak­ist okkur öllum í sam­eingu að verja stoðir sam­fé­lags­ins gegnum þessa erf­iðu tíma þá mun okkur takast hratt og vel að end­ur­reisa hag­kerfið og koma hjólum atvinnu­lífs­ins í fullan gang að nýju. Við skulum hafa í huga að við búum enn við góða inn­viði. Við eigum frá­bæran mannauð, hraust fólk, dug­legt og vel mennt­að. Nú gildir að við stöndum sam­an. 

Fólkið fyrst

Meðan við þraukum þetta ástand er afar mik­il­vægt að við gleymum ekki að halda einmitt utan um fólkið okk­ar. Mann­eskjur mega ekki brotna niður í þessum aðstæð­um, fólk má ekki hrekj­ast í fátækt og örbirgð. Fremsta leið­ar­ljós stjórn­valda í þessum raunum á að vera að hafa fólkið í for­gangi – fólkið fyrst. Rík­is­valdið verður að taka utan um og vernda þegna sína. Það er frum­skylda stjórn­valda.

Við fáum bólu­efni gegn pest­inni á nýju ári. Okkur mun takast að vinna bug á henni, bæði hér á landi og á heims­vísu. Helsta áskorun stjórn­mál­anna og kjör­inna full­trúa 2021 verður að sjá til þess að það tak­ist sem skjót­ast að færa sam­fé­lagið og virkni þess í sama horf og var áður en sóttin sótti að okk­ur.

Að koma hjól­unum í gang sem fyrst er afar mik­il­vægt svo afla megi þeirra tekna sem þarf til að reka hér öfl­ugt vel­ferð­ar­sam­fé­lag. Megin for­sendan fyrir því að vel tak­ist til með þetta er að okkur auðn­ist að verja og vernda mannauð­inn. Að allir þegnar sam­fé­lags­ins verði upp­reistir og reiðu­búnir að leggja sitt af mörkum við end­ur­reisn­ina um leið og sú stund rennur upp að við erum laus undan oki og helsi veirunn­ar.

Varnir fyrir fátæka

Þing­störf okkar í Flokki fólks­ins hafa í þessu ástandi miðað mjög að því að halda uppi öfl­ugum vörnum fyrir þau sem hafa úr minnstu að moða í okkar sam­fé­lagi. Við erum í stjórn­ar­and­stöðu og höfum því ekki þau völd sem við gjarnan hefðum viljað værum við í rík­is­stjórn. En við getum veitt stjórn­ar­meiri­hlut­anum öfl­ugt aðhald í ræð­um, með fyr­ir­spurn­um, og gerð og fram­lagn­ingu frum­varpa og þings­á­lykt­un­ar­til­lagna. Þetta höfum við gert.

Far­ald­ur­inn hefur ekki dregið mátt­inn úr okkur í Flokki fólks­ins þó við gætum ítr­ustu var­úðar í öllum okkar dag­legu störf­um. Við höfum starfað ötul­lega í þing­inu því við vitum að við megum ekki bregð­ast þeim sem við berj­umst fyr­ir. Fremsta hug­sjón okkar er að fátækt sé bölvun og hún á ekki að finn­ast í okkar ríka sam­fé­lagi. Við erum stað­ráðin í að útrýma fátækt í okkar ríka landi. Þegnar Íslands eiga ekki að líða skort á nauð­synjum né búa við þá nið­ur­læg­ingu sem fylgir örbirgð.

Kraftur í þing­störfum

Ég sit í vel­ferð­ar­nefnd þings­ins og þar er ávallt af nægu að taka við að standa vörð um hags­muni þeirra sem úr minnstu hafa að moða. Starfið þar er mjög gef­andi og lær­dóms­ríkt.

Inga Sæland er 2. vara­for­maður fjár­laga­nefnd­ar. Þar er unnið mikið starf á erf­iðum tím­um. Inga hefur ásamt öðru verið óþreyt­andi við að þrýsta á um aðstoð við hjálp­ar­sam­tök sem aðstoða fátæka, og einnig svo dæmi sé tek­ið, barist af alefli fyrir SÁÁ en mikið mun reyna á þau góðu sam­tök í kóf­inu.

Leið­ar­ljósið í okkar störfum er að halda utan um mannauð­inn okk­ar, verja fólkið á erf­iðum tím­um.

Til að gera þetta nýtum við okkur þá aðstöðu sem þing­setan veitir okk­ur. Það sem af er þessu lög­gjaf­ar­þingi sem hófst nú 1. októ­ber þá hefur þing­flokkur Flokks fólks­ins lagt fram alls 18 laga­frum­vörp þar sem ég eða Inga Sæland for­maður flokks­ins erum fyrstu flutn­ings­menn. Auk þess erum við með­flutn­ings­menn á fjölda ann­arra þing­mála með öðrum stjórn­ar­and­stöðu­þing­mönn­um. Við höfum lagt fram níu þings­á­lykt­un­ar­til­lög­ur. Við höfum borið upp 38 fyr­ir­spurnir til ráð­herra rík­is­stjórn­ar­inn­ar. Þau fá engan frið fyrir okk­ur. Frá 1. októ­ber höfum við farið 220 sinnum í ræðu­stól og sam­tals talað í um 15 klukku­stund­ir.

Allt er þetta afrakstur þriggja mán­aða vinnu í tveggja manna þing­flokki. 

Áhersla á vel­ferð­ar­málin

Við í Flokki fólks­ins erum stolt af störfum okk­ar, bæði á þingi og í Reykja­vík­ur­borg þar sem Kol­brún Bald­urs­dóttir er ötull full­trúi okk­ar. Ég hvet fólk til að nota tæki­færið og kynna sér hvað við höfum verið að gera. Þing­störf okk­ar, bæði ræður og þing­mál, má skoða á vef Alþing­is.

Ég hef flutt röð þing­mála sem snúa að bættum rétt­indum aldr­aðra og öryrkja. Nefna má frum­vörp um rétt til þess að ald­urstengd örorku­upp­bót skuli hald­ast óbreyttur þegar réttur til örorku­líf­eyris fellur niður og taka elli­líf­eyris hefst, skerð­ing­ar­lausa atvinnu­þát­töku öryrkja afnám skerð­ingar á líf­eyri vegna búsetu, að upp­hæð skaða­bóta fylgi launa­þróun og gjaf­sókn í skaða­bóta­mál­um.

Auk þessa hef ég lagt fram þings­á­lykt­un­ar­til­lögu um búsetu­ör­yggi aldr­aðra í dval­ar- og hjúkr­un­ar­rým­um. Svo má nefna nær tutt­ugu fyr­ir­spurn­irnar til ráð­herra sem svo til allar snúa að vel­ferð­ar­málum og kjörum aldr­aðra og öryrkja.

Fjöl­breytni í þing­málum

Inga Sæland hefur lagt fram þrjú frum­vörp til breyt­inga á almanna­trygg­ing­um, þ. e. kostnað við greiðsl­ur, frí­tekju­mark vegna líf­eyr­is­greiðslna og fjár­hæð bóta. Hún hefur mælt fyrir frum­varpi um bann við okri á nauð­synja­vörum til að hamla gegn útbreiðslu veirunn­ar. Inga er sömu­leiðis fyrsti flutn­ings­maður frum­varps um nið­ur­greiðslu raf­orku til garð­yrkju­bænda, frum­vörp um bætta til­högun strand­veiða og nið­ur­fell­ingu strand­veiði­gjalds og um tengda aðila í sjáv­ar­út­vegi. Inga hefur einnig lagt fjölda fyr­ir­spurna fyrir sjáv­ar­út­vegs­ráð­herra um mál­efni tengd sjáv­ar­út­veg­inum þar sem fjöl­margt áhuga­vert hefur komið fram í svörum og iðu­lega vakið athygli fjöl­miðla.

Inga er einnig í for­svari fyrir frum­varpi um nið­ur­fell­ingu verð­trygg­ingar og afnám virð­is­auka­skatts á hjálp­ar­tæki fatl­aðra. Inga hefur einnig lagt fram fjöl­breyttar þings­á­lykt­un­ar­til­lög­ur. Þar má nefna afnám vasa­pen­inga­fyr­ir­komu­lags aldr­aðra og stofnun emb­ættis hags­munda­full­trúa aldr­aðra. Síðan eru það þrjú mál um líf­eyr­is­sjóði. Þau snúa að auknu lýð­ræði og gagn­sæi í líf­eyr­is­sjóð­um, eigna­rétt og erfð líf­eyris og svo stað­greiðslu skatta af líf­eyr­is­greiðslum við inn­borgun í líf­eyr­is­sjóði. Síðan er það frum­varp um hækkað frí­tekju­mark fyrir eldri borg­ara vegna atvinnu­tekna og líf­eyr­is­tekna. Inga hefur einnig lagt fram þings­á­lyktun um að rík­is­stjórnin dragi til baka aðild­ar­um­sókn Íslands að Evr­ópu­sam­band­inu með óyggj­andi hætti.

Sam­staða og sam­kennd um hátíðar

Þetta ár hefur verið bæði anna­samt og krefj­andi fyrir okkur öll. Eins og ég sagði þá horfum við í Flokki fólks­ins þó fram á veg­inn með bjart­sýni í huga. Við höfum óbilandi trú á að nú fari að rofa til. Árið 2021 verður betra en 2020. Við í Flokki fólks­ins erum reiðu­búin að leggja okkar að mörkum til að koma hjólum sam­fé­lags­ins aftur í gang á árinu sem bíður okkar nú. Nýja árið skal verða ár end­ur­reisn­ar.

Nú þarf þjóðin að sýna sam­stöðu og þann aga sem þarf til að svo við megum halda smiti far­sótt­ar­innar í skefj­um. Förum var­lega um hátíð­arn­ar. Pössum upp á hvert annað og sýnum sam­kennd og nær­gætni. Gleymum ekki þeim sem minnst hafa. Munum að fólkið á ávallt að vera í for­gangi.

Ég óska lands­mönnum öllum gleði­legrar hátíðar og frið­ar.

Höf­undur er vara­for­maður og þing­flokks­for­maður Flokks fólks­ins

 

 

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Svandís Svavarsdóttir heilbrigðisráðherra hefur undirritað reglugerð sem markar fyrstu viðbrögð íslenskra stjórnvalda við hinu svokallað Ómíkrón-afbrigði veirunnar.
Síðasta kórónuveiruverk Svandísar að bregðast við „Ómíkrón“
Á sunnudag tekur gildi reglugerð sem felur í sér að þeir sem koma til landsins frá skilgreindum hááhættusvæðum þurfa að fara í tvö PCR-próf með sóttkví á milli. Ómíkrón-afbrigðið veldur áhyggjum víða um heim og líka hjá sóttvarnalækni.
Kjarninn 27. nóvember 2021
Vinstri græn fá sjávarútvegsmálin og Framsókn sest í heilbrigðisráðuneytið
Miklar breytingar verða gerðar á stjórnarráði Íslands, ný ráðuneyti verða til og málaflokkar færðir. Ráðherrarnir verða tólf og sá sem bætist við fellur Framsóknarflokknum í skaut. Vinstri græn stýra sjávarútvegs- og landbúnaðarmálum.
Kjarninn 27. nóvember 2021
Hjalti Hrafn Hafþórsson
Það sem ekki var talað um á COP26
Kjarninn 27. nóvember 2021
Bankastjórar þriggja stærstu banka landsins.
Útlán til heimila hafa aukist en útlán til fyrirtækja dregist saman það sem af er ári
Bankarnir nýttu svigrúm sem var gefið til að takast á við efnahagslegar afleiðingar kórónuveirunnar til að stórauka útlán til íbúðarkaupa. Útlán til fyrirtækja hafa hins vegar dregist saman.
Kjarninn 27. nóvember 2021
Lerbjergskógurinn er nú kominn í eigu og umsjá Danska náttúrusjóðsins.
Danir gripnir kaupæði – „Við stöndum frammi fyrir krísu“
Lerbjergskógurinn mun héðan í frá fá að dafna án mannlegra athafna. Hann er hluti þess lands sem Danir hafa keypt saman til að auka líffræðilegan fjölbreytileika og draga úr áhrifum loftslagsbreytinga.
Kjarninn 27. nóvember 2021
Þolendur kynfæralimlestinga, nauðgana, ofbeldis og fordóma sendir til baka til Grikklands
Tvær sómalskar konur standa nú frammi fyrir því að verða sendar til Grikklands af íslenskum stjórnvöldum og bíða þær brottfarardags. Þær eru báðar þolendur grimmilegs ofbeldis og þarfnast sárlega aðstoðar fagfólks til að vinna í sínum málum.
Kjarninn 27. nóvember 2021
Undirbúa sókn fjárfesta í flesta innviði samfélagsins „til að létta undir með hinu opinbera“
Í nýlegri kynningu vegna fyrirhugaðrar stofnunar á 20 milljarða innviðasjóði er lagt upp með að fjölmörg tækifæri séu í fjárfestingu á innviðum á Íslandi. Það eru ekki einungis hagrænir innviðir heldur líka félagslegir.
Kjarninn 27. nóvember 2021
Bækur spila stórt hlutverk í lífi margra um jólahátíðina.
Rýnt í bækur og stjörnur
Bókahúsið er hlaðvarpsþáttur þar sem rætt er við rithöfunda og ýmsa sem koma að bókaútgáfu. Í sjötta þætti er spjallað um himingeiminn, ný skáldverk og ljóðabækur.
Kjarninn 27. nóvember 2021
Meira úr sama flokkiÁlit