Á flótta undan kjósendum

Margrét Tryggvadóttir segir verktakavæðingu einkenna skipulagsmálin í Kópavogi og bendir sérstaklega á uppbyggingu í Hamraborginni í því sambandi. Þá hafi enginn leikskóli verið byggður í átta ár.

Auglýsing

Það er uppi skrítin staða á höf­uð­borg­ar­svæð­inu. Allir bæj­ar­stjór­arnir í nágranna­sveit­ar­fé­lögum Reykja­víkur nema einn, allt sjálf­stæð­is­menn, eru að hætta sjálf­vilj­ug­ir. Ein­hverjir eru sjálf­sagt búnir að fá nóg en þó læð­ist að mér sú til­finn­ing að þeir séu að forða sér.

Við erum senni­lega mörg alin upp við þá bábilju að vinstri menn hafi ekk­ert vit á pen­ingum og rekstri. Ég man þá mön­tru að félags­hyggju­stjórn væri ávísun á fjár­hags­legt stór­slys. Aug­lýs­ing Sjálf­stæð­is­flokks­ins í Reykja­vík árið 1994 með Árna Sig­fús­syni og leik­skóla­börnum að mála fal­lega regn­boga er sem greipt í huga mér. Árni sagði að lit­irnir í regn­bog­anum væru sann­ar­lega fal­legir en svo færi allt í steik þegar þeir blönd­uð­ust saman svo úr yrði brún drulla. Eitt barnið sýndi það. Árni, sem var búinn að vera borg­ar­stjóri í nokkra mán­uði, tap­aði svo fyrir R-list­anum og flokk­arnir sem mynd­uðu hann og arf­takar þeirra hafa meira og minna stýrt borg­inni síð­ar, nú með Sam­fylk­ing­una í far­ar­broddi.

R-list­inn réðst í ýmis þjóð­þrifa­mál sem nú þykja sjálf­sögð svo sem að byggja leik­skóla fyrir öll börn, koma skólp­málum í við­un­andi ástand og hreinsa strend­urnar í borg­ar­land­inu eftir ára­tuga skólp­bað. Þetta þótti þeim sem á undan stjórn­uðu bruðl og illa farið með fé útsvars­greið­enda.

Auglýsing

Undir regn­bog­anum

Mörg halda því enn fram að félags­hyggju­öflin kunni ekki að fara með pen­inga. Það er rangt. Hins vegar er hár­rétt að fæstir jafn­að­ar­menn hafi mik­inn áhuga á pen­ing­um, alla­vega ekki fyrir sig sjálfa. Það hefur ýmsa kosti í för með sér fyrir kjós­end­ur. Jafn­að­ar­menn eru til dæmis harla ólík­legir til að selja pabba sínum banka.

En aftur að rekstri sveit­ar­fé­laga. Síð­ustu ár hefur verið hamrað á því að Reykja­vík­ur­borg sé á kúp­unni og mun verr rekin en sjalla­bæ­irnir í kring. Sýnt hefur verið fram á að svo er einmitt ekki. Í nýlegri grein í Kjarn­anum bendir Þor­varður Hjalta­son, fyrr­ver­andi fram­kvæmda­stjóri Sam­taka sunn­lenskra sveit­ar­fé­laga, á að bæði skulda­hlut­fallið og skuldir á hvern íbúa séu lægst í Reykja­vík af öllum sveit­ar­fé­lög­unum á Höf­uð­borg­ar­svæð­inu. Í Reykja­vík er skulda­hlut­fallið 96% og langt undir við­miðum en hæst í Hafn­ar­firði eða 160%. Hin bæj­ar­fé­lögin raða sér þar á milli. Og það sem meira er, veltu­fjár­hlut­fallið er hæst í Reykja­vík og nægt fé til fyrir kom­andi gjald­dög­um. Það er því ljóst að Jafn­að­ar­menn og annað félags­hyggju­fólk kann vel að reka far­sæl sam­fé­lög.

Mann­lífsás eða vind­göng?

Ég þekki bæj­arpóli­tík­ina í Kópa­vogi einna best enda hef ég búið þar næstum alla ævi og tekið þátt í henni síð­ustu ár. Þar hafa sjálf­stæð­is­menn stjórnað lengi. Okkur er sagt að rekst­ur­inn sé í fínum málum en í grein Þor­varðar hér að ofan má sjá að Kópa­vogur er bara með­al­skussi í fjár­mál­um. Samt er alltaf verið að spara. Þar hefur til dæmis ekki verið byggður leik­skóli í átta ár, þrátt fyrir tölu­verðan vöxt og fjölgun bæj­ar­búa. Og ýmis þjón­usta, t.d. við fatlað fólk, er í lama­sessi. Allir jafn­að­ar­menn, og annað fólk með hjartað á réttum stað, vita að það er dýrt að spara nauð­syn­lega þjón­ustu við fólk. Það kemur alltaf í bakið á okkur sem sam­fé­lagi með meiri kostn­aði þegar upp er stað­ið, nú eða kló­sett­pappír í fjör­unni.

Það eru þó skipu­lags­málin sem eru í hvað mestum ólestri í bænum og eig­in­lega óskilj­an­leg öllu heil­vita fólki. Eitt af því sem hefur alltaf vantað í Kópa­vog er alvöru mið­bær. Hamra­borgin átti að verða slíkur en hefur aldrei virkað almenni­lega. Ástæðan er ekki flókin og öllum ljós sem hafa komið þang­að. Þar er alltaf rok og flestar versl­an­irnar eru norð­an­megin þar sem sólin skín aldrei. Jú, vissu­lega hafa þrif­ist þar ein­staka versl­anir og þjón­usta í gegnum tíð­ina, enda svæðið miðs­svæðis en það gengur eng­inn um Hamra­borg­ina sér til skemmt­un­ar. Núver­andi bæj­ar­stjórn hefur ráð­ist í bygg­ingu nýs mið­bæj­ar­svæðis bak við Hamra­borg­ina. Það á að vera alveg eins nema blokk­irnar hærri til að koma meira bygg­ing­ar­magni fyrir á svæð­inu. Ein­hver þarf nefni­lega að græða á þessu. Svo­kall­aður „mann­lífs­ás“, ný göngugata, á að liggja nákvæm­lega eins og Hamra­borgin en bara starf­semi norðan meg­in. Vönduð sænsk skugga­varps- og vind­grein­ing sýnir að þar verður næstum aldrei sól og tölu­vert vind­vanda­mál. Aug­ljós­lega.

Verk­taka­væð­ingin

En hvernig stendur á því að bæj­ar­full­trú­arnir ákváðu þetta, flestir búsettir í Kópa­vogi og með ára­tuga reynslu af vind­barn­ingi í Hamra­borg­inni? Svarið er að þeir gerðu það ekki. Meiri­hlut­inn hafði varla fyrir því að skipa bæj­ar­full­trúa í skipu­lags­ráð sem þó ber ábyrgð á millj­arða­fram­kvæmd sem mun hafa mót­andi áhrif á kom­andi kyn­slóðir Kópa­vogs­búa. Af fjórum full­trúum meiri­hlut­ans er bara einn bæj­ar­full­trúi. For­mað­ur­inn, úr Fram­sókn, er ekki bæj­ar­full­trúi og Sjálf­stæð­is­flokk­ur­inn skip­aði tvo stút­ungskarla sem eru á móti Borg­ar­lín­unni í ráð­ið. Samt er Borg­ar­línan sögð meg­in­for­senda þeirrar for­dæma­lausu þétt­ingar sem á að eiga sér stað við fyr­ir­huguð vind­göng sem kölluð eru nýr mið­bær. Meiri­hlut­inn afhenti verk­tökum skipu­lags­valdið á svæð­inu, seldi þeim bygg­ingar bæj­ar­ins á und­ir­verði, meðal ann­ars gamla félags­heim­ilið sem er um það bil eina húsið í bænum með ein­hverja sögu og fólki er hlýtt til. Bær­inn leigir svo eina af seldu bygg­ing­unum af verk­tök­unum og er að verða búinn að borga sölu­verðið til baka í leigu.

Verk­tak­arnir fá svo bara að ráða þessu því það er miklu ódýr­ara að láta þá sjá um skipu­lags­vinn­una. Alveg eins og það er miklu ódýr­ara að hafa enga leik­skóla og láta skólpið renna beint út í sjó við strend­urn­ar.

Flótt­inn úr Kópa­vogi

Sjálf­stæð­is­flokk­ur­inn átti fimm bæj­ar­full­trúa á síð­ast kjör­tíma­bili en aðeins einn þeirra er á lista nú. Bæj­ar­stjór­inn er að hætta, sumir segja vegna þess að hann treysti sér ekki til að verja vit­leys­una. Einn hætti vegna dóna­skapar og annar er í fram­boði fyrir Mið­flokk­inn.

Sjálf­stæð­is­flokk­ur­inn hefur stært sig á að vera góður í rekstri en sparar með þjón­ustu­skerð­ingum og fúski. Þannig skap­ast svig­rúm til að gera vel við verk­taka, nú eða selja pabba sínum banka. Sjálf­stæð­is­menn skilja nefni­lega svo vel hvernig pen­ingar virka.

Lengi vel trúðu mörg að brauð­molar hinna ríku; þeirra sem fengu að kaupa banka, veiða fisk­inn okkar í sjónum eða byggja á verð­mætasta bygg­ing­ar­landi Höf­uð­borg­ar­svæð­is­ins, myndu falla til okkar hinna. Því trúir eng­inn með viti leng­ur. Flótt­inn er haf­inn enda vita kjós­endur að þeim sem þykir of vænt um pen­inga til að verja þeim til félags­legra verk­efna, betra sam­fé­lags og jöfn­uðar kosta okkur alltaf meira þegar uppi er stað­ið.

Höf­undur er rit­höf­undur og skipar 9. sæti Sam­fylk­ing­ar­innar í Kópa­vogi.

Við þurfum á þínu framlagi að halda

Þú getur tekið beinan þátt í að halda úti öflugum fjölmiðli.

Við sem vinnum á ritstjórn Kjarnans viljum hvetja þig til að vera með okkur í liði og leggja okkar góða fjölmiðli til mánaðarlegt framlag svo við getum haldið áfram að vinna fyrir lesendur, fyrir fólkið í landinu.

Kjarninn varð níu ára í sumar. Þegar hann hóf að taka við frjálsum framlögum þá varð slagorðið „Frjáls fjölmiðill fyrir andvirði kaffibolla“ til og lesendur voru hvattir til að leggja fram í það minnsta upphæð eins kaffibolla á mánuði.

Mikið vatn hefur runnið til sjávar á þeim níu árum sem Kjarninn hefur lifað. Í huga okkar á Kjarnanum hefur þörfin fyrir fjölmiðla sem veita raunverulegt aðhald og taka hlutverk sitt alvarlega aukist til muna.

Við trúum því að Kjarninn skipti máli fyrir samfélagið.

Við trúum því að sjálfstæð og vönduð blaðamennska skipti máli.

Ef þú trúir því sama þá endilega hugsaðu hvort Kjarninn er ekki allavega nokkurra kaffibolla virði á mánuði.

Vertu með okkur í liði. Þitt framlag skiptir máli.

Ritstjórn Kjarnans: Sunna Ósk Logadóttir, Þórður Snær Júlíusson, Erla María Markúsdóttir, Arnar Þór Ingólfsson, Eyrún Magnúsdóttir og Grétar Þór Sigurðsson.


Já takk, ég vil styrkja Kjarnann!
Spilamiðstöð sem eflir félagsleg tengsl og sköpunarkraft
Framkvæmdaglaðir Norðlendingar safna fyrir rekstri spilasalarins Goblin á Akureyri þar sem þau vilja bjóða upp á aðstöðu fyrir skapandi spilamennsku þar sem lögð er áhersla á skjálausa skemmtun.
Kjarninn 4. desember 2022
Signý Sigurðardóttir
Vinnumarkaður hins sterka
Kjarninn 4. desember 2022
Fólk sem ann Siglunesi
Áfram Siglunes – ævintýrið er þarna úti!
Kjarninn 4. desember 2022
Stefán Jón Hafstein
Árásin á vistkerfin
Kjarninn 4. desember 2022
Sigurður Ingi Friðleifsson, sviðsstjóri loftslagsmála, orkuskipta og nýsköpunar hjá Orkustofnun
Loftslagsmarkmið Íslands nást með „norsku leiðinni“
Markmið um samdrátt í losun frá vegasamgöngum á Íslandi nást ef við förum sömu leið og Norðmenn þegar kemur að rafbílavæðingu. „Við státum okkur af silfurverðlaunum, sem ég er orðinn hundleiður á,“ segir sviðsstjóri loftslagsmála hjá Orkustofnun.
Kjarninn 4. desember 2022
Fjölskyldustund í uppnámi?
Í 31 ár hafa danskar fjölskyldur sest saman við sjónvarpið á föstudagskvöldum og horft á dagskrárliðinn Disney Sjov og borðað vikuskammtinn af sælgæti. Nú hverfa Disney myndirnar af skjánum en nýr þáttur kemur í staðinn. Ekki eru allir jafn spenntir.
Kjarninn 4. desember 2022
Frá undirritun samninganna í dag.
Samningar SGS og SA í höfn: Kauptaxtar hækka um að lágmarki 35 þúsund
Kauptaxtar hækka frá 1. nóvember í ár um að lágmarki 35.000 krónur á mánuði. Hagvaxtarauka sem átti að koma til greiðslu 1. maí verður flýtt. Samningar hafa náðst milli Starfsgreinasambandsins og Samtaka atvinnulífsins.
Kjarninn 3. desember 2022
Sigrún Guðmundsdóttir
Leyfið okkur að njóta jarðhitans áhyggjulaus
Kjarninn 3. desember 2022
Meira úr sama flokkiAðsendar greinar