Afhendingu á nýju skipi Fáfnis Offshore frestað fram til 2017

Lágt heimsmarkaðsverð á olíu hefur gert það að verkum að verkefni þjónustuskipa við olíu- og gasiðnaðinn í Norðursjó eru hverfandi.

Polarsyssel, skip Fáfnis Offshore, var afhent fyrir rúmu ári.
Polarsyssel, skip Fáfnis Offshore, var afhent fyrir rúmu ári.
Auglýsing

Afhend­ing á Fáfni Vik­ing, skipi í eigu íslenska félags­ins Fáfnis Offs­hore, hefur verið frestað í annað sinn. Skipið átti að afhend­ast í mars á næsta ári en sam­kvæmt nýju sam­komu­lagi milli Fáfnis og norsku ­skipa­smíða­stöðv­ar­innar Hay­vard Ship Technologies AS, sem skrifað var undir í gær, mun afhend­ing þess frest­ast fram til júní­mán­aðar 2017. Bjarni Ármanns­son, ­stjórn­ar­for­maður Fáfnis Offs­hore, stað­festir þetta í sam­tali við Kjarn­ann. Á meðal þeirra sem hafa fjár­fest háum fjár­hæðum í Fáfni Offs­hore eru íslenskir líf­eyr­is­sjóð­ir.

Fáfnir Offs­hore sér­hæfir sig í þjón­ustu við olíu- og gas­bor­p­alla auk ann­arra verk­efna á norð­lægum slóð­um. Fram­kvæmda­stjóri og einn ­stærsti eig­andi félags­ins er Stein­grímur Erlings­son, en hann stofn­aði félag­ið árið 2012.

Hrun á heims­mark­aðs­verði = engin verk­efni

Heim­ildir Kjarn­ans herma að ástæða frest­un­ar­innar á af­hend­ingu á nýja skip­inu sé ein­föld: ástandið á olíu­mark­aði hefur leitt til­ þess að engin verk­efni séu til staðar fyrir skip eins og Fáfni Vik­ing, sem á að ­þjón­usta olíu­iðn­að­inn í Norð­ur­sjó. Í júní 2014 var heims­mark­aðs­verð á tunnu af Brent-olíu 115,9 dal­ir. Nú kostar hún 40,74 dali og hefur því lækkað um 65 ­pró­sent á tæpu einu og hálfu ári.

Auglýsing

Fáfnir Vik­ing á að verða tvinn­skip sem verður meðal ann­ar­s knúið raf­magni. Skipið fékk umhverf­is­verð­laun á Offs­hore Supp­ort Journal ráð­stefn­unni fyrr á þessu ári.

Fáfnir Offs­hore á einnig skipið Pol­ar­sys­sel, sem var kost­að­i ­yfir fimm millj­arða króna og er dýrasta skip Íslands­sög­unn­ar. Það skip var af­hent haustið 2014 og er með þjón­ustu­samn­ing við sýslu­emb­ættið á Sval­barða um birgða­flutn­inga og örygg­is­eft­ir­lit. Upp­haf­lega gekk sá samn­ingur út á að ­sýslu­manns­emb­ættið hefði skipið til umráða að lág­marki í 180 daga á ári, eða ­sex mán­uði. Hina sex mán­uði árs­ins stóð til að nota skipið í verk­efni tengd­um ol­íu- og gas­iðn­að­inum í Norð­ur­sjó. Þau verk­efni hafa hins vegar horf­ið und­an­farið ár, sam­hliða hinni miklu lækkum á heims­mark­aðs­verði á olíu.

Í októ­ber síð­ast­liðnum var því gerður nýr samn­ingur við ­sýslu­manns­emb­ættið á Sval­barða. Hann tryggir Pol­ar­sys­sel verk­efni í níu mán­uð­i á ári. Þessi samn­ingur er eina verk­efn­i ­Fáfnis Offs­hore sem stend­ur.

Íslenskir líf­eyr­is­sjóðir eiga mikið undir

Í nóv­em­ber 2014 var Stein­grímur Erlings­son, fram­kvæmda­stjóri ­Fáfnis Offs­hore, við­mæl­andi á fræðslu­fundi VÍB, sem er hluti af Íslands­banka. Þar ­sagði hann meðal ann­ars að Fáfnir Offs­hore stefndi að því að vera með 3-4 skip í rekstri á næstu árum. Hægt er að sjá við­talið í heild sinni hér að neð­an.



Skömmu eftir að VÍB tók við­tal við Stein­grím, nánar til­tek­ið í des­em­ber 2014, var til­kynnt að Akur fjár­fest­ingar, fram­taks­sjóður í rekstri Íslands­sjóða, ­sjóðs­stýr­ing­ar­fyr­ir­tækis Íslands­banka, hefði keypt 30 pró­sent hlut í Fáfn­i Offs­hore fyrir 1.260 millj­ónir króna. Helstu eig­endur sjóðs­ins eru líf­eyr­is­sjóð­ir, Íslands­banki og VÍS.

Áður höfðu ýmsir fjár­festar komið að félag­inu, meðal ann­ar­s ­stjórn­ar­for­mað­ur­inn Bjarni Ármans­son, fyrrum banka­stjóri Glitn­is, í gegnum fjár­fest­inga­fé­lag sitt Sjáv­ar­sýn. Þá á félag tengt Havy­ard ship skipa­smíða­verk­smiðj­unni, sem ­smíðar bæði skip Fáfnis Offs­hore, hlut í félag­inu. Það á Horn II, fram­taks­sjóður í rekstri Lands­bréfa, sjóðs­stýr­ing­ar­fyr­ir­tækis Lands­bank­ans, lík­a. Helstu fjár­fest­arnir í Horni II eru íslenskir líf­eyr­is­sjóð­ir. Horn II á í dag 23,1 pró­sent hlut í Fáfni Offs­hore.

Tugum skipa hefur verið lagt

Þjón­ust­mark­aður fyrir olíu­iðn­að­inn í Norð­ur­sjó hefur hrun­ið und­an­farið rúmt ár. Tugum skipa sem gerðu út á þennan mark­að, sem alþjóð­lega ­nefn­ist „Offs­hor­e“-­mark­að­ur­inn, hefur verið lagt vegna þess að það eru ekki verk­efni til staðar fyrir þau og oliu­borpöllum í Norð­ur­sjó hefur fækkað mik­ið. Á­stæðan er sú að olíu­verð hefur lækkað svo mik­ið- það hefur lækkað úr 116 döl­u­m í 40 dali á einu og hálfu ári – að það svarar ekki kostn­aði að vinna olí­una úr þeim lindum sem þar er að finna.

Offs­hor­e-­borpöllum í Norð­ur­-Am­er­íku hefur einnig fækkað skarpt á þessu tíma­bili. Frá nóv­em­ber 2014 og til loka sama mán­aðar í ár fækk­aði þeim úr 54 í 30. 

Fáfnir Offs­hore tap­aði 3,4 millj­ónum norskra króna á síð­asta ári, eða um 52 millj­ónum íslenskra króna á gengi dags­ins í dag. Velta félags­ins í fyrra var 33,2 millj­ónir norskra króna, eða rúm­lega hálfur millj­arður íslenskra króna. Þetta kemur fram í árs­reikn­ingi Fáfnis Offs­hore fyrir árið 2014.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
„Nú þurfa Íslendingar að gyrða sig í brók“
Fíknigeðlæknir segir að nú þurfi Íslendingar að gyrða sig í brók svo að hið sama verði ekki upp á teningnum á Íslandi og í Bandaríkjunum varðandi ofnotkun ópíóíða.
Kjarninn 26. október 2021
Á meðal þeirra sakborninga sem setið hafa á bak við lás og slá í Nambíu frá því undir lok árs 2019 er Bernhard Esau, fyrrverandi sjávarútvegsráðherra landsins.
Tvö mál orðin að einu í Namibíu
Í nýju ákæruskjali í sameinuðu sakamáli vegna Fishrot-skandalsins í Namibíu eru engir Íslendingar á meðal sakborninga, en alls eru 10 manns og 18 félög sökuð um margvísleg brot í tengslum við kvótaviðskipti Samherja í landinu.
Kjarninn 26. október 2021
Þjóðhættir
Þjóðhættir
Þjóðhættir – Gamla höfnin í Reykjavík, örverur, kombucha og súrdeig
Kjarninn 26. október 2021
Gagnrýnir aðstöðuleysi fyrir ungmenni í Laugardalnum
Borgarfulltrúi Sjálfstæðisflokksins segir að ungmenni í Laugardal þurfi alvöru aðstöðu til íþróttaiðkunar „ekki fleiri vinnuhópa eða góðar hugmyndir á blaði“.
Kjarninn 26. október 2021
Stefán Jón Hafstein sendifulltrúi með orðið á veffundinum í dag.
Ísland lýsir yfir vilja til að halda áfram að styðja við úttekt FAO
Sendifulltrúi Íslands lýsti því yfir á veffundi Alþjóðamatvælastofnunarinnar (FAO) að Ísland vildi halda áfram að styðja við framkvæmd rannsóknarverkefnis sem lýtur að viðskiptaháttum útgerða í þróunarlöndum.
Kjarninn 25. október 2021
Rósa Bjarnadóttir
Enn eitt stefnulaust ár
Kjarninn 25. október 2021
Skortur er á steypu í landinu þessa stundina, samkvæmt framkvæmdastjóra Sementsverksmiðjunnar.
Sementsskortur á landinu
Hrávöruskortur í Evrópu hefur leitt til þess að innflutningur á sementi hefur dregist mikið saman á síðustu vikum. Framkvæmdastjóri Sementsverksmiðjunnar segir að það sé áskorun fyrir fyrirtækið að standa við skuldbindingarnar sínar.
Kjarninn 25. október 2021
Aðalsteinn Kjartansson, blaðamaður á Stundinni, og Árni Guðmundsson, framkvæmdastjóri Gildis.
Framkvæmdastjóri Gildis neitar að mæta á fund um Init-málið
Framkvæmdastjóri Gildis hafði áður fallist á boð um að koma á fund Eflingar um Init-málið en samkvæmt stéttarfélaginu dró hann það til baka þegar honum var tilkynnt að Aðalsteinn Kjartansson blaðamaður yrði fundarstjóri.
Kjarninn 25. október 2021
Meira eftir höfundinnÞórður Snær Júlíusson
Meira úr sama flokkiFréttaskýringar
None