Bjarni Benediktsson styður skoðun á sölu Landsbankans í Borgun

Hópur fjárfesta sem keypti hlut Landsbankans á lágu verði í nóvember 2014 af ríkisbankanum sér fram á að hagnast verulega á fjárfestingu sinni. Hluturinn var seldur bakvið luktar dyr.

Bjarni Benediktsson
Auglýsing

Bjarni Bene­dikts­son, fjár­mála- og efna­hags­ráð­herra, seg­ir ­sjálf­sagt að skoða hvernig salan á 31,2 pró­sent eign­ar­hlut Lands­bank­ans í greiðslu­korta­fyr­ir­tæk­inu Borgun gekk fyrir sig seint á árinu 2014 og hann ­styðji þá skoð­un. Þá verði hins vegar að fara eftir réttum boð­leiðum og óska eftir því við Banka­sýslu rík­is­ins, sem heldur á hlut rík­is­ins í Lands­bank­an­um, eða stjórn bank­ans að koma fyrir stjórn­skip­un­ar- og eft­ir­lits­nefnd til að ger­a ­grein fyrir söl­unni, líkt og þeir hafi áður gert. Þetta kom fram í svari Bjarna við óund­ir­bú­inni fyr­ir­spurn frá Árna Páli Árna­syni, for­manni Sam­fylk­ing­ar­inn­ar, á Alþingi í morg­un. Árni Páll hefur kallað eftir því opin­ber­lega að sala Lands­bank­ans á hlut sínum í Borgun verði rann­sök­uð.

Millj­arða hagn­aður vegna kaupa Visa Inc. á Visa Europe

Morg­un­blaðið greindi frá því í gær­morgun að íslensku greiðslu­korta­fyr­ir­tækin Borgun og Va­litor muni hagn­ast um vel á annan tug millj­arða króna vegna kaupa Visa Inc. á Visa Europe á um þrjú þús­und millj­arða króna. Búist er við því að kaup­in ­klárist á næstu mán­uð­um.

Borgun mun fá hlut­deild í sölu­verð­inu þar sem fyr­ir­tækið er á meðal þrjú þús­und útgef­enda Visa- korta í Evr­ópu. Þessi tíð­indi hafa vak­ið ­upp mikla umræðu þar sem Lands­bank­inn seldi 31,2 pró­sent hlut sinn í Borgun í nóv­em­ber 2014 á 2,2 millj­arða króna til Eign­ar­halds­fé­lags­ins Borg­un­ar. Hlut­ur­inn var ekki aug­lýstur og fór ekki í gegnum form­legt sölu­ferli. Þess í stað var hlut­ur­inn seldur á bak­við luktar dyr til fjár­festa­hóps sem leit­að hafði eftir því að kaupa hann. Hann sam­an­stóð af stjórn­endum Borg­unar og ­með­fjár­festum þeirra. Á með­al­ þeirra sem til­heyrðu fjár­festa­hópnum var Einar Sveins­son. Einar er föð­ur­bróð­ir ­Bjarna Bene­dikts­son­ar, fjár­mála- og efna­hags­ráð­herra. Þeir voru auk þess við­skipta­fé­lagar um ára­bil, en Bjarni hætti afskiptum að við­skiptum í lok árs 2008. Verðið sem Eign­ar­halds­fé­lagið Borgun slf., sem greiddi fyr­ir­ hlut­inn þótti lágt bæði í inn­lendum og erlendum sam­an­burði. Félagið greiddi um 2,2 millj­arða króna fyr­ir­ hlut­inn en hagn­aður Borg­unar 2013 var um einn millj­arður króna.

Auglýsing

Á sama tíma og verið var að afgreiða kaupin hafði verið gert opin­bert að Visa Inc. væri í við­ræðum um að kaupa Visa Europe. Verðið þá var áætlað um 1.300 millj­arð­ar­ króna sam­kvæmt fréttum banda­rískra miðla á þeim tíma, eða rúm­lega helm­ing­ur þess sem nú er talið að greitt verði fyrir hlut­inn. Engu að síður lá fyr­ir­ und­ir­rituð vilja­yf­ir­lýs­ing um að við­skiptin myndu fara fram, með til­heyr­and­i greiðslum til allra þeirra útgef­enda Visa-korta í Evr­ópu sem rétt áttu á hlut­deild í sölu­hagn­að­in­um. Á meðal þeirra var Borg­un. Samt var ekki gert ráð ­fyrir því að Lands­bank­inn myndi fá hlut­deild í þeirri greiðslu ef kaup Visa inc. myndu ganga eftir þegar selt var til Eign­ar­halds­fé­lags­ins Borg­un­ar.

Á aðal­fundi Borg­unar 2015, sem fór fram tæpum þremur mán­uð­u­m eftir að kaupin voru frá­geng­in, var ákveðið að greiða hlut­höfum Borg­unar hf. 800 millj­ónir króna í arð. Það var í fyrsta sinn sem arður var greiddur úr fyr­ir­tæk­in­u frá árinu 2007.

Bretar reyndu að kaupa

Kaup VISA Inc. á Visa Europe voru sam­þykkt í byrjun nóv­em­ber 2015. Það er því nokkuð síðan að þau voru gerð opin­ber og stjórn­endur Borg­un­ar hafa vitað vel að þau standi til. Í byrjun des­em­ber síð­ast­lið­inn reyndi breska greiðslu­miðl­un­ar­fyr­ir­tækið UPG að kaupa allt hlutafé Borg­unar hf. en Íslands­banki, ­sem á 63,5 pró­sent í fyr­ir­tæk­inu, vildi ekki selja. Til­boðið sem UPG gerði var, sam­kvæmt frétt Vísis um mál­ið, mun hærra en það sem Eign­ar­halds­fé­lagið Borg­un greiddi fyrir sinn hlut í nóv­em­ber 2015.

Bjarni biður menn að vera ekki með sleggju­dóma

Bjarni Bene­dikts­son sagði í ræðu­stóli Alþingis í dag að mag­t hefði þegar komið fram um við­skiptin með eign­ar­hlut Lands­bank­ans í Borg­un, ­meðal ann­ars það að að „virð­is­aukin í Borgun virð­ist hafa orðið af veru­leg­u ­leyti til eftir sölu Lands­bank­ans á sínum hlut í Borg­un. Vegna þess að eftir að ­salan átti sér stað ákvað félagið að fara í útrás á erlenda mark­aði sem að er ­stór hluti þeirrar skýr­ingar sem er að baki auknu virði hluta­bréf­anna eða eign­ar­hlut­ar­ins, hlut­deild­ar­inn­ar, í Visa Europe. Að öðru leyti hef ég í sjálfu sér eng­ar ­for­sendur til að fara inn í þetta mál. En ég styð að sjálf­sögðu ef menn vilja ­skoða með ein­hverjum hætti hvernig þessi mál hafa gengið fram í rík­is­fyr­ir­tæki. Þá verða menn bara að fara eftir réttum boð­leið­um, óska eftir því við ­Banka­sýsl­una eða eftir atvikum stjórn bank­ans. Ég er ekki í nokkrum einasta vafa um það að stjórn bank­ans eða stjórn­endur eru reiðubúnir að koma fyr­ir­ ­þing­nefnd­ina [stjórn­skip­un­ar- og eft­ir­lits­nefnd], eins og þeir hafa áður gert, og gera grein fyrir þessum hlut­u­m.“

Hann bað menn líka um að gefa sér tíma til að skoða málið og að vera ekki með sleggju­dóma. Það ætti að gefa stjórn­endum Lands­bank­ans tæki­færi á að koma fyrir stjórn­skip­un­ar- og eft­ir­lits­nefnd eins og þeir hefð­u áður gert til að útskýra mál sitt. „Á end­anum held ég að það væri ágætt að menn hug­leiddu það hversu mik­il­vægt það er í öllu þessu ljósi til þess að draga úr tor­tryggni að koma þessum eign­ar­hlutum út til almenn­ings. Þá geta menn ver­ið al­veg viss um að það sé ekki ein­hvers­staðar verið að toga í spotta eins og sífellt er verið að halda fram.“

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Ráðuneytin byrjuðu á föstudag að birta upplýsingar úr málaskrám sínum, eins og þeim ber að gera samkvæmt breytingum á upplýsingalögum.
Óvart of mikið gagnsæi hjá heilbrigðisráðuneytinu
Persónuverndarfulltrúi stjórnarráðsins tilkynnti í gær öryggisbrest til Persónuverndar vegna mistaka sem urðu við birtingu á upplýsingum úr málaskrá heilbrigðisráðuneytisins. Rangt skjal með of miklum upplýsingum fór á vefinn í skamma stund.
Kjarninn 3. mars 2021
Áslaug Arna Sigurbjörnsdóttir dómsmálaráðherra.
Leitaði svara hjá lögreglustjóra en ákvað síðan að svara ekki fjölmiðlum
Áslaug Arna Sigurbjörnsdóttir dómsmálaráðherra segir í svari við fyrirspurn Kjarnans að hún hafi ekki talið við hæfi að veita fjölmiðlum upplýsingar um samkomuna í Ásmundarsal á Þorláksmessu, eftir að ljóst var hvers eðlis málið var.
Kjarninn 3. mars 2021
Þjónustuútflutningur jókst hratt í desember, þrátt fyrir að ferðaþjónustan hafi enn verið í lamasessi.
Útflutningur þjónustu stórjókst í desember
Þrátt fyrir hrun í stærstu útflutningsgreinnni flytjum við enn meira út af þjónustu en við kaupum frá öðrum löndum. Þjónustuafgangurinn var mikill á síðasta ársfjórðungi, sér í lagi vegna mikils útflutnings í desember.
Kjarninn 3. mars 2021
Vinnustundir voru fleiri í fyrra en Seðlabankinn gerði ráð fyrir
Laun á hverja vinnustund héldust nær óbreytt í fyrra
Á meðan launavísitalan hækkaði umtalsvert á síðasta ári voru laun og launatengd gjöld á hverja unna vinnustund nánast óbreytt. Þetta er minnsta hækkun launa á vinnustund frá upphafi mælinga árið 2003.
Kjarninn 3. mars 2021
Dauði geisladisksins, tilkoma Spotify og upprisa vínylplötunnar
Áætlað er að Spotify hafi haft um 700 milljónir króna í tekjur af íslenskum notendum á árinu 2019, og að 90 prósent allra tekna vegna sölu á tónlist hafi verið vegna streymisveitna. Sala á vínylplötum hefur þó líka tekið kipp, og átjánfaldast á fáum árum.
Kjarninn 2. mars 2021
Halldór Gunnarsson
Samtök eldri borgara ráðalaus eða hvað?
Kjarninn 2. mars 2021
Helga Vala Helgadóttir formaður velferðarnefndar.
Neitar að hafa brotið trúnað og segir „kostulegt“ að ráðuneytið geri athugasemdir
Helga Vala Helgadóttir telur sig ekki hafa brotið trúnað með því að ræða um efnisatriði sem komu fram á lokuðum nefndarfundi í sjónvarpsviðtali. Hún segir stöðu hjúkrunarheimila of alvarlega fyrir „pólitíska leiki.“
Kjarninn 2. mars 2021
Áréttar að það sé „salur til rannsóknar en ekki ráðherra“
Símtöl dómsmálaráðherra til lögreglustjóra höfuðborgarsvæðisins voru rædd í óundirbúnum fyrirspurnatíma á Alþingi í dag. Áslaug sagði símtölin ekki skráningarskyld þar sem hún hefði hringt til að afla sér upplýsinga en ekki í formlegum erindagjörðum.
Kjarninn 2. mars 2021
Meira eftir höfundinnÞórður Snær Júlíusson
Meira úr sama flokkiFréttaskýringar
None