Fréttir af eignum Íslendinga í skattaskjólum birtar í stórmiðlum á næstu vikum

Íslenskt fjölmiðlafyrirtæki vinnur að umfangsmikilli umfjöllun um eignir Íslendinga í erlendum skattaskjólum í samstarfi við nokkra erlenda fjölmiðla. Spurningar voru settar fram vegna félags eiginkonu forsætisráðherra.

Eiginkona Sigmundar Davíðs Gunnlaugssonar forsætisráðherra hefur upplýst um að hún eigi félag sem skráð er á Bresku Jómfrúareyjunum.
Eiginkona Sigmundar Davíðs Gunnlaugssonar forsætisráðherra hefur upplýst um að hún eigi félag sem skráð er á Bresku Jómfrúareyjunum.
Auglýsing

Reykja­vík Media ehf., fjöl­miðla­fyr­ir­tæki í eigu Jóhann­es­ar Kr. Krist­jáns­son­ar, ICIJ, sem eru alþjóð­leg sam­tök rann­sókn­ar­blaða­manna, þýska dag­blaðið Südd­eutsche Zeit­ung og fleiri erlendir fjöl­miðlar hafa unnið saman að fréttaum­fjöllun um eignir Íslend­inga í erlendum skatta­skjólum und­an­farna ­mán­uði. Þær fréttir munu birt­ast þeim miðlum á allra næstu vik­um. Þetta ­stað­festir Jóhannes Kr. í sam­tali við Kjarn­ann.

Í fyrra­dag opin­ber­aði Anna Sig­ur­laug Páls­dóttir, eig­in­kona ­Sig­mundar Dav­íðs Gunn­laugs­sonar for­sæt­is­ráð­herra, í stöðu­upp­færslu á Face­book að hún ætti erlent félag sem héldi utan um miklar eignir henn­ar. Þær eignir eru ­arfur sem hún fékk í kjöl­far þess að fjöl­skyldu­fyr­ir­tæki hennar seldi Toyota á Ís­landi árið til til Smá­eyjar ehf. fyr­ir­tæk­is ­Magn­úsar Krist­ins­son­ar, í des­em­ber 2005 fyrir 5,6 millj­arða króna. Eign­ir ­for­sæt­is­ráð­herra­hjón­anna eru um 1,2 millj­arðar króna sam­kvæmt skatt­fram­tölum og eru þær að langstærstu leyti inni í umræddu félagi. Anna Sig­ur­laug til­tók ­sér­stak­lega að hún hefði staðið skil á öllum sköttum hér­lendis sem hún hefð­i átt að greiða og aðstoð­ar­maður for­sæt­is­ráð­herra sendi stað­fest­ingu á rétt­u­m skatt­skilum hennar á fjöl­miðla í gær.

Opin­berun hennar kom í kjöl­far þess að Jóhannes Kr. setti sig í sam­band við for­sæt­is­ráð­herra vegna þeirrar umfjöll­unar sem birt verður á næstu vik­um, en þar er meðal ann­ars fjallað um félag eig­in­konu hans.

Auglýsing

Kjarn­inn upp­lýsti um það í gær­morgun að umrætt félag, sem heitir Wintris Inc., er skráð á Bresku Jóm­frú­areyj­un­um og að það hafi verið Lands­bank­inn, þáver­andi við­skipta­banki Önnu Sig­ur­laug­ar, ­sem hafi ráð­lagt henni að stofn­setja það með þessum hætti. Eign­irnar sem eru í fé­lag­inu eru lausa­fé, skulda­bréf og ein­hver verð­bréf, þó ekki í íslenskum ­fé­lög­um. Eina fyr­ir­tækja­eign Önnu Sig­ur­laugar á Íslandi er tíu pró­sent hlutur í ný­sköp­un­ar­fyr­ir­tæk­inu Divine Love sem stofnað var árið 2013.

Wintris áttu kröfur í slitabú Glitn­is, Kaup­þings og Lands­bank­ans sem sam­an­lagt eru upp á rúm­lega 500 millj­ónir króna að nafn­virð­i. 

Wintris er í dag í fjár­stýr­ingu hjá Credit Suisse í Bret­landi. Félagið er í 100 pró­sent eigu Önnu Sig­ur­laugar þrátt fyrir að það hafi um tíma verið skráð í helm­ing­seigu Sig­mundar Dav­íðs hjá bank­an­um. Í stöðu­upp­færsl­unni sem hún birti á Face­book í fyrra­dag sagði:  „Þegar við Sig­mundur ákváðum að gifta okkur fylgdi því að fara yfir ýmis mál, þar á meðal fjár­hags­leg. Bank­inn minn úti hafði gengið út frá því að við værum hjón og ættum félagið til helm­inga. Það leið­réttum við á ein­faldan hátt árið 2009 um leið og við gengum frá því að allt væri í lagi varð­andi skipt­ingu fjár­mála okkar fyrir brúð­kaup­ið. Félagið var því frá upp­hafi rétt skráð á Íslandi og hélt utan um sér­eign mína. Skrán­ingin úti og leið­rétt­ing hennar hafði því engin eig­in­leg áhrif[...]Þar sem ég er ekki sér­fræð­ingur í við­skiptum þá hef ég áfram haft fjöl­skyldu­arf­inn í fjár­stýr­ingu hjá við­skipta­banka mínum í Bret­landi og þar eru gerðar sér­stakar kröfur til mín og þeirra sem mér tengj­ast vegna þess­ara reglna. Frá því að Sig­mundur byrj­aði í stjórn­málum hef ég beðið um að ekki sé fjár­fest í íslenskum fyr­ir­tækjum til að forð­ast árekstra vegna þess.“

ICIJ birti gögn í sam­starfi við stór­miðla í fyrra

Fyrir rúmu ári síðan birtu ICIJ sam­tök­in, sem Reykja­vík Media eru nú hluti af, upp­lýs­ingar um umfangs­mikil skatt­svik sem sviss­neski bank­inn HSBC aðstoð­aði þús­undir manns út um alla heim, þó einkum í gegnum útibú sitt í Bret­landi, við að fremja. Þetta var gert með því að fela pen­inga­legar eignir fyrir skatta­yf­ir­völd­um. Á meðal þeirra gagna sem birt voru voru upp­lýs­ingar um sex aðila tengda Íslandi sem ICIJ sagði að hefðu komið um 1,2 millj­arði króna (9,5 millj­ónum dala) undan skatti. Um hafi verið að ræða þrettán ein­stak­linga­reikn­inga sem opn­aðir voru hjá bank­anum milli áranna 1995 og 2005 og tengd­ust þeir átján banka­reikn­ing­um. Sex aðilar tengdir Íslandi áttu reikn­ing­ana, og hæsta upp­hæð tengd einum þeirra nemur 8 millj­ónum dala. Skatt­rann­sókn­ar­stjóri fékk gögnin afhent til rann­sóknar en komst að þeirri nið­ur­stöðu í maí að þau gæfu ekki til­efni til frek­ari aðgerða..

Á meðal fjöl­miðla sembirtu ítar­legar umfjall­anir úr gögn­unum frá HSBC voru The Guar­dian, Bild, Le Monde og rann­sókn­ar­blaða­mennsku­þátt­ur­inn BBC Panorama. Meðal þess sem fram kom í gögn­unum var að sterk­efnað þekkt fólk, ekki síst sem teng­ist afþrey­ing­ar- og tísku­iðn­aði, For­múlu 1 kappakstri og stjórn­mál­um, hafi kerf­is­bundið svikið undan skatti með leyni­legum reikn­ingum sem HSBC aðstoð­aði við að koma upp og reka. Meðal þeirra sem þetta gerðu voru spænski For­múlu 1 öku­þór­inn Fern­ando Alonso, fyr­ir­sætan Elle McP­her­son, tón­list­ar­mað­ur­inn Phil Coll­ins, leik­ar­inn Christan Sla­ter og Hosnai Mubarak, fyrr­ver­andi ein­ræð­is­herra Egypta­lands, að því er fram kom í Bild. Tug­þús­undir ann­arra við­skipta­vina HSBC í London gerðu slíkt hið sama.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Ríkið þurfi að kortleggja á hverjum loftslagsskattarnir lenda
Upplýsingar liggja ekki fyrir í dag um það hvernig byrðar af loftslagssköttum dreifast um samfélagið. Í greinargerð frá Loftslagsráði segir að stjórnvöld þurfi að vinna slíka greiningu, vilji þau hafa yfirsýn yfir áhrif skattanna.
Kjarninn 30. júní 2022
Í frumdrögum að fyrstu lotu Borgarlínu var Suðurlandsbrautin teiknuð upp með þessum hætti. Umferðarskipulag götunnar er enn óútkljáð, og sannarlega ekki óumdeilt.
Borgarlínubreytingar á Suðurlandsbraut strjúka fasteignaeigendum öfugt
Nokkrir eigendur fasteigna við Suðurlandsbraut segja að það verði þeim til tjóns ef akreinum undir almenna umferð og bílastæðum við Suðurlandsbraut verði fækkað. Unnið er að deiliskipulagstillögum vegna Borgarlínu.
Kjarninn 30. júní 2022
Í austurvegi
Í austurvegi
Í austurvegi – Einlæg gjöf en smáræði 千里送鹅毛
Kjarninn 30. júní 2022
Úlfar Þormóðsson
Taglhnýtingar þétta raðirnar
Kjarninn 30. júní 2022
Viðbragðsaðilar og vegfarendur á vettvangi aðfaranótt sunnudags. 22 unglingar létust á Enyobeni-kránni.
Hvers vegna dóu börn á bar?
Meðvitundarlaus ungmenni á bar. Þannig hljómaði útkall til lögreglu í borginni East London í Suður-Afríku aðfaranótt sunnudags. Ýmsar sögur fóru á kreik. Var eitrað fyrir þeim? Og hvað í ósköpunum voru unglingar – börn – að gera á bar?
Kjarninn 30. júní 2022
Ekki yfirgefa kettina ykkar ef þeir veikjast, segir höfundur rannsóknarinnar. Hugsið enn betur um þá í veikindunum en gætið að sóttvörnum.
Staðfest: Köttur smitaði manneskju af COVID-19
Teymi vísindamanna segist hafa staðfest fyrsta smit af COVID-19 frá heimilisketti í manneskju. Þeir eru undrandi á að það hafi tekið svo langan tíma frá upphafi faraldursins til sanna að slíkt smit geti átt sér stað.
Kjarninn 29. júní 2022
Cassidy Hutchinson fyrir framan þingnefndina í gær.
Það sem Trump vissi
Forseti Bandaríkjanna reyndi með valdi að ná stjórn á bíl, vildi að vopnuðum lýð yrði hleypt inn á samkomu við Hvíta húsið og sagði varaforseta sinn eiga skilið að hrópað væri „hengið hann!“ Þáttur Donalds Trump í árásinni í Washington er að skýrast.
Kjarninn 29. júní 2022
Óskar Guðmundsson
Hugmynd að nýju launakerfi öryrkja
Kjarninn 29. júní 2022
Meira eftir höfundinnÞórður Snær Júlíusson
Meira úr sama flokkiFréttaskýringar
None