G20: Sérstök bandarísk klausa um loftslagsmál í sameiginlegri yfirlýsingu

19 ríki á G20-ráðstefnunni staðfestu stuðning sinn við Parísarsamkomulagið. Bandaríkin haggast ekki í viðsnúningi sínum. Ráðstefnunni lauk í dag.

Angela Merkel, kanslari Þýskalands, er sögð hafa unnið gott verk sem fundarstjóri G20-ráðstefnunnar.
Angela Merkel, kanslari Þýskalands, er sögð hafa unnið gott verk sem fundarstjóri G20-ráðstefnunnar.
Auglýsing

Tutt­ugu stærstu iðn­ríki heims hafa sam­þykkt opin­bera til­kynn­ingu G20-ráð­stefn­unnar sem lauk í dag. Ang­ela Merkel, kansl­ari Þýska­lands og gest­gjafi í Ham­borg þar sem ráð­stefnan fór fram, til­kynnti þetta síð­degis í dag.

Öll ríkin voru sam­stíga nema í lofts­lags­málum þar sem Banda­ríkin kröfð­ust að fjallað væri um auk­inn rétt til að grafa eftir jarð­efna­elds­neyti.

Verk­efni Merkel sem fund­ar­stjóri á ráð­stefn­unni var stórt enda þurfti hún að sætta ólík­ari sjón­ar­mið um sam­eig­in­lega hags­muni þess­ara tutt­ugu stærstu hag­kerfa heims en oft áður.

Stefna nýrra stjórn­valda í Banda­ríkj­unum undir for­ystu Don­alds Trump var það sem hægði á samn­inga­ferl­inu enda hefur Trump lýst vilja sínum til þess að ein­angra Banda­ríkin í hinum hnatt­ræna heimi.

Merkel er talin hafa unnið nokkuð fræk­inn sigur með því að ljúka ráð­stefn­unni með sam­eig­in­legri yfir­lýs­ingu allra 20 aðil­anna. Henni hefur tek­ist að sýna diplómat­ískan mátt sinn í aðdrag­anda þing­kosn­inga í Þýska­landi í sept­em­ber þar sem Merkel sæk­ist eftir umboði til kansl­ara­emb­ætt­is­ins fjórða kjör­tíma­bilið í röð.

Auglýsing


Ráð­stefnan fór fram með mikil mót­mæli í bak­grunni. Mörg þús­und mót­mæl­endur gengu götur Ham­borgar og mót­mæltu. Til átaka kom milli lög­reglu og mót­mæl­enda. Meira en 200 lög­reglu­menn eru slas­aðir og tugir mót­mæl­enda voru teknir hönd­um.

Mótmæli í Hamborg vegna G20-ráðstefnunnar.

Banda­ríkin gegn hinum

Lofts­lags­málin reynd­ust vera það við­fangs­efni ráð­stefn­unnar sem erf­ið­ast var að lenda. Svo fór að Banda­ríkin fengu því fram­gengt að klausu um jarð­efna­elds­neyti var bætt við.

Klausan er eft­ir­far­andi í laus­legri þýð­ingu: „Banda­ríkin leggja sig fram við að starfa náið með vina­ríkjum og hjálpa þeim að sækja og not­færa sér auð­lindir jarð­efna­elds­neytis á mun hreinni og afkasta­meiri hátt.“

Allar aðrar þjóð­irnar sem áttu aðild að ráð­stefn­unni und­ir­strik­uðu stuðn­ing sinn við Par­ís­ar­sam­komu­lag­ið. Banda­ríkin er eina ríkið í heim­inum sem hefur sagt sig frá sam­komu­lag­inu.

Þetta er í fyrsta sinn sem afurð G20-fundar er útli­stuð lofts­lags- og orku­stefna. Nátt­úru­vernd­ar­sam­tökin Climate Act­ion Network benda á þessa stað­reynd: „Allar þjóð­ir, nema ein, við­ur­kenna að þetta snýst um að vernda heilsu fólks, standa vörð um líf­ríki jarð­ar, styðja við aukna hag­sæld og stöð­ug­leika hnatt­ræna kerf­is­ins.“

Nær allir leið­togar G19-­ríkj­anna hvöttu Don­ald Trump til þess að aft­ur­kalla ákvörðun sína um að hætta í Par­ís­ar­sam­komu­lag­inu.

Mara­þon­fundur Pútíns og Trump

Don­ald Trump og Vla­dimír Pútín fund­uðu í fyrsta sinn sem leið­togar Banda­ríkj­anna og Rúss­lands í hlið­ar­sal ráð­stefn­unnar í gær, föstu­dag. Ásamt þeim sátu utan­rík­is­ráð­herrar þjóð­anna fund­inn, þeir Rex Tiller­son og Sergei Lavrov.

Kjarn­inn fjall­aði um fund þeirra á vefnum í gær.

Don­ald Trump virð­ist eiga mun meira saman­eig­in­legt með Vla­dimír Pútín en öðrum leið­togum á ráð­stefn­unni. Pútín og Trump fund­uðu mun lengur en nokkur hafði gert ráð fyrir að þeir gerðu í gær. Fundur þeirra stóð í tvær klukku­stundir og fimmtán mín­útur en hafði upp­haf­lega verið áætl­aður í hálfa klukku­stund.

Vladimír Pútín, forseti Rússlands, ásamt rússnesku sendinefndinni. Sergei Lavrov utanríkisráðherra stendur aftast.

Trump og Pútín eru sagðir hafa hlegið saman að óvæg­inni fjöl­miðlaum­fjöllun um sjálfa sig. Vel fór á með þeim á fund­inum og þeir töl­uðu saman á bein­skeyttan máta.

Banda­ríski for­set­inn spurði Pútín út í meint afskipti Rússa af kosn­inga­bar­átt­unni í Banda­ríkj­unum á síð­asta ári. Pútín þvertók fyrir að Rússar hafi átt nokkurn þátt í slíkum árás­um.

Leið­tog­arnir ræddu lengi um Úkra­ínu og lögðu lín­urnar fyrir hugs­an­legu sam­starfi í stríð­inu í Sýr­landi.

Frétta­skýr­andi The Economist, Arkady Ostrov­sky, rýndi í fund­inn í sjón­varps­innslagi á BBC News í gær­kvöldi. Hann telur Trump og Pútín hafa sæst á einu lyk­il­at­riði; Þeir ætla ekki að pissa utan í staura hvors ann­ars.

Heim­inum skipt í austur og vestur



Rex Tiller­son, utan­rík­is­ráð­herra Banda­ríkj­anna, var eini full­trúi Banda­ríkj­anna fyrir utan Trump sem sat fund­inn. Hann sagði leið­tog­ana hafa fall­ist á að draga ekki gamlar deilur fram í sam­skiptum sín­um, til þess að geta unnið saman í mál­efnum Sýr­lands, ISIS og Norð­ur­-Kóreu.

Tiller­son hélt blaða­manna­fund eftir mara­þon­fund­inn þar sem hann lýsti stemmn­ing­unni fyrir fjöl­miðla­mönn­um. Engar mynda­vélar voru leyfðar á blaða­manna­fund­inum svo hér að neðan er hljóð­upp­taka af utan­rík­is­ráð­herr­an­um.

Tiller­son lýsir stemmn­ing­unni á fund­inum



Ivanka Trump í stað Don­alds

Hið óvana­lega gerð­ist á fundi leið­tog­anna í morg­un, laug­ar­dag, að Ivanka Trump, dóttir Don­alds, tók sæti hans við leið­toga­borð­ið. Ivanka sat þar í umboði föður síns við hlið Ther­esu May, for­sæt­is­ráð­herra Bret­lands, og Xi Jin­p­ing, for­eta Kína.

Ivanka Trump sat á ráðgjafabekknum þar til faðir hennar sótti hliðarfund.

Ivanka tók sæti föður síns á meðan for­set­inn átti fund með kollega sínum frá Indónesíu í hlið­ar­her­bergi. Ivanka er ráð­gjafi föður síns í Hvíta hús­inu. Það þykir hins vegar óvana­legt að ráð­gjafar taki fremsta sætið á fundum sem þess­um. Vana­lega eru það hátt skrif­aðir emb­ætt­is­menn sem hlaupa í skarð­ið.

Á vef BBC seg­ist reyndur frétta­maður ekki muna eftir for­dæmi fyrir þess­ari upp­á­komu. Það var rúss­neskur sendi­full­trúi sem tók mynd af Ivönku Trump við leið­toga­borðið og sendi á Twitt­er. Færsl­unni var síðar eytt.



Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Óendurvinnanlegur úrgangur á bilinu 40 til 100 þúsund tonn á ári fram til ársins 2045
Skýrsla um þörf fyrir sorpbrennslustöðvar á Íslandi hefur litið dagsins ljós. Umhverfis- og auðlindaráðherra fagnar úttektinni og segir að nú sé hægt að stíga næstu skref.
Kjarninn 16. janúar 2021
Gauti Jóhannesson er forseti bæjarstjórnar í Múlaþingi og fyrrverandi sveitarstjóri Djúpavogshrepps.
Forseti bæjarstjórnar Múlaþings íhugar alvarlega að sækjast eftir þingsæti
Gauti Jóhannesson fyrrverandi sveitarstjóri á Djúpavogi segir tímabært að Sjálfstæðisflokkurinn eignist þingmann frá Austurlandi og íhugar framboð til Alþingis. Kjarninn skoðaði framboðsmál Sjálfstæðisflokks í Norðausturkjördæmi.
Kjarninn 16. janúar 2021
Guðjón S. Brjánsson sá þingmaður sem keyrði mest allra árið 2020
Í fyrsta sinn í mörgu ár er Ásmundur Friðriksson ekki sá þingmaður sem keyrði mest. Hann dettur niður í annað sætið á þeim lista. Kostnaður vegna aksturs þingmanna dróst saman um fimmtung milli ára.
Kjarninn 16. janúar 2021
Guðmundur Ingi Guðbrandsson umhverfis- og auðlindaráðherra.
Könnun: Fleiri andvíg en fylgjandi frumvarpi Guðmundar Inga um Hálendisþjóðgarð
Samkvæmt könnun frá Gallup segjast 43 prósent andvíg frumvarpi umhverfis- og auðlindaráðherra um stofnun Hálendisþjóðgarðs, en 31 prósent fylgjandi. Rúmlega fjórir af tíu segjast hafa litla þekkingu á frumvarpinu.
Kjarninn 16. janúar 2021
Örn Bárður Jónsson
Má hefta tjáningarfrelsi og var rétt að loka á Trump?
Kjarninn 16. janúar 2021
Bræðraborgarstígur 1 brann í sumar. Þorpið hefur keypt rústirnar og húsið við hliðina, Bræðraborgarstíg 3.
Keyptu hús og rústir á Bræðraborgarstíg á 270 milljónir og sækja um niðurrif eftir helgi
Loks hillir undir að brunarústirnar á Bræðraborgarstíg 1 verði rifnar. Nýir eigendur, sem gengið hafa frá kaupsamningi, vilja gera eitthvað gott og fallegt á staðnum í kjölfar harmleiksins sem kostaði þrjár ungar manneskjur lífið síðasta sumar.
Kjarninn 16. janúar 2021
Frá spítala í Manaus í gær. Þar skortir súrefni, sem hefur valdið ónauðsynlegum dauðsföllum bæði COVID-sjúklinga og annarra.
„Brasilíska afbrigðið“: Bretar herða reglur og súrefnið klárast í stórborg í Amazon
Faraldsfræðingur í Manaus í Brasilíu segir borgina að verða sögusvið eins sorglegasta kafla COVID-19 faraldursins hingað til. Súrefni skortir og nýburar eru fluttir í burtu. Á sama tíma grípa Bretar til hertra aðgerða til að verjast nýjum afbrigðum.
Kjarninn 15. janúar 2021
Eyþór Eðvarðsson
Þurfum stærri aðgerðir í loftslagsmálum
Kjarninn 15. janúar 2021
Meira eftir höfundinnBirgir Þór Harðarson
Meira úr sama flokkiFréttaskýringar