Hvað ræða Pútín og Trump?

„Símtöl eru aldrei nægileg,“ sagði Vladimír Pútín. Leiðtogar Bandaríkjanna og Rússlands hittust á G20-ráðstefnunni.

Vladimir Pútín, forseti Rússlands, og Donald Trump, forseti Bandaríkjanna, takast í hendur á G20-ráðstefnunni.
Auglýsing

Vla­dimír Pútín, for­seti Rúss­lands, og Don­ald Trump, for­seti Banda­ríkj­anna, hitt­ust í fyrsta sinn, báðir sem for­set­ar, á sér­stökum hlið­ar­fundi á ráð­stefnu G20-­ríkj­anna í Ham­borg í dag.

­Leið­tog­arnir ávörp­uðu fjöl­miðla stutt­lega eftir að hafa rætt saman í stutta stund og áður en fundur þeirra hófst. „Við höfum átt gott spjall, og það mun halda áfram. Það eru fullt af spenn­andi hlutum fram undan fyrir bæði Banda­ríkin og Rúss­land. Það er heiður að vera með þér hérna, herra Pútín,“ sagði Trump.

Pútín átti líka fal­leg orð handa Trump: „Við höfum átt nokkur sím­töl um mörg mik­il­væg alþjóða­mál og um sam­band Rúss­lands og Banda­ríkj­anna. Sím­töl eru hins vegar aldrei nægi­leg. Ég er ánægður með að fá að hitta þig loks­ins, herra Trump.“

Auglýsing

Sem for­seti hefur Don­ald Trump sagst vilja bæta sam­skiptin milli Banda­ríkj­anna og Rúss­lands. Hann langar að finna leiðir til þess að vinna með Pútín en það hefur reynst erfitt vegna ágrein­ings um afskipti Rússa af stríð­inu í Sýr­landi og átök­unum í Úkra­ínu. Þá hafa banda­rísk lög­gæslu­yf­ir­völd kom­ist að nið­ur­stöðu um að Rússar hafi blandað sér í kosn­inga­bar­átt­una fyrir for­seta­kosn­ingar í Banda­ríkj­unum í fyrra, þegar Trump var kjör­inn for­seti. Þá hefur Rúss­land stillt sér upp með Kína í aðgerðum gegn Norð­ur­-Kóreu, þvert á vilja Banda­ríkj­anna.

Trump svar­aði ekki spurn­ingu blaða­manns um afskipti Rússa af kosn­ing­unum í Banda­ríkj­un­um.

Stærstu fjöl­miðlar heims hafa fjallað mikið um fyrsta handa­band leið­tog­ana fyrir fyrsta sam­eig­in­lega fund G20-­ríkj­anna í morg­un. Það var óform­legur hitt­ing­ur. Á mynd­bands­upp­töku af handa­bandi leið­tog­ana sést hvernig Trump treystir handa­bandið með því að klappa létt á hand­legg Pútíns.

Síðar í sama mynd­skeiði sést Trump klappa Pútín á bakið á meðan báðir brosa.



For­setar og utan­rík­is­ráð­herrar

Í fylgd með Trump og Pútín eru utan­rík­is­ráð­herrar land­anna. Það eru þeir Rex Tiller­son og Sergei Lavrov. Saman eru Pútín og Lavrov mun reynd­ari í diplómat­ískum sam­skiptum en þeir Trump og Tiller­son.

Pútín hefur gengt emb­ætti for­seta Rúss­lands síðan árið 2000 og Trump er þriðji for­seti Banda­ríkj­anna sem hann fundar með. Þá er Lavrov tal­inn vera einn brögð­ótt­asti utan­rík­is­ráð­herra heims­ins.

Tiller­son fund­aði síð­ast með Pútín í apr­íl. Eftir þann fund sagði Tiller­son að það væri lítið traust milli rík­is­stjórna land­anna tveggja. Þetta verður í annað sinn sem Tiller­son sest niður með Pútín, frá því að hafa tekið við emb­ætti í jan­ú­ar.

Umræðu­efni leið­tog­ana á fund­inum í dag munu að öllum lík­indum fjalla um helstu ágrein­ings­efni þess­ara þjóða:

  • Stríðið í Sýr­landi og aðgerðir beggja ríkja þar.
  • Ógn­ina frá Norð­ur­-Kóreu og við­brögð við henni.
  • Átökin í Úkra­ínu og óþægi­lega nær­veru Rúss­lands við landa­mæri nágranna sinna.

Þá er ekki ólík­legt að Pútín og Trump ræði aðgerðir í lofts­lags­málum og norð­ur­slóða­mál. Jafn­vel þó að Rúss­land sé einn stærsti sölu­að­ili jarð­gass í heim­inum þá hafa stjórn­völd í Kreml ákveðið að standa við Par­ís­ar­sam­komu­lag­ið.

Það er hægt að lesa margt um fund Don­alds Trump og Vla­dimírs Pútín á sam­fé­lags­miðl­um. Þetta er þó ekki fyrsti eig­in­legi fundur þeirra, heldur aðeins fyrsti form­legi fund­ur­inn sem þeir eiga augliti til auglitis sem for­setar Banda­ríkj­anna og Rúss­lands.



Lofts­lags­mál til umræðu í dag

Áður en fundur Pútín og Trump var áætl­aður hófst vinnu­smiðja leið­tog­anna í ráð­stefnusaln­um. Þar er rætt um sjálf­bæra þró­un, lofts­lags- og orku­mál.

Trump hefur sagst ætla að draga Banda­ríkin úr Par­ís­ar­sam­komu­lag­inu um lofts­lags­mál og hlotið gagn­rýni fyrir frá nær öllum þeim ríkjum sem eiga sæti á G20-ráð­stefn­unni. Gest­gjaf­inn Ang­ela Merkel, kansl­ari Þýska­lands, hefur verið sér­lega gagn­rýnin á þessa ákvörðun Trumps. Það hefur Emmanuel Macron, nýr for­seti Frakk­lands, einnig ver­ið.

Saman eru leið­togar G20-­ríkj­anna full­trúar landa heims þar sem 2/3 jarð­ar­búa lifa. Í þessum löndum verður 4/5 af allri lands­fram­leiðslu heims­ins til og verslun á milli þess­ara landa nemur 3/4 af allri milli­ríkja­verslun í heim­in­um.

Minkaræktun í Kína
Loðdýrabú rekin með tapi síðustu ár
Loðdýrabú hafa verið rekin með tapi hér á landi undanfarin fjögur ár og minkabændum fækkað. Greinin óskaði eftir fjárhagsaðstoð frá stjórnvöldum í fyrra og sett hefur verið á laggirnar nefnd til að greina vanda greinarinnar.
Kjarninn 19. mars 2019
Snöggkólnar á fasteignamarkaði
Kólnað hefur á fasteignamarkaði, miðað við það sem verið hefur undanfarin ár.
Kjarninn 19. mars 2019
Smári McCarthy
Trúverðugleiki stofnana
Kjarninn 19. mars 2019
Joachim Fischer
Hinn heilagi ritstjóri Bændablaðsins
Kjarninn 19. mars 2019
Hælisleitendur mótmæla fyrir framan Alþingishúsið
Þrír handteknir við Alþingishúsið
Þrír voru handteknir við Alþingishúsið í dag eftir að lögreglan var kölluð þangað vegna mótmæla hælisleitenda. Samtökin Refugees in Iceland segja að um friðsöm mótmæli hafi verið að ræða og að þau hafi ekki ætlað að hindra aðgengi að Alþingi.
Kjarninn 19. mars 2019
Róbert R. Spanó, lögmaður og dómari við Mannréttindadómstól Evrópu
Telur tregðu íslenskra dómstóla að fylgja dómum MDE vera á undanhaldi
Róbert Spanó, dómari við Mannréttindadómstóll Evrópu, telur að upphafleg tregða íslenskra dómstóla til þess að fylgja dómum dómstólsins sé á undanhaldi og að undanfarna áratugi hafi íslenskir dómstólar leitast við að eiga samstarf við dómstólinn.
Kjarninn 19. mars 2019
Kristján Þórður Snæbjarnarson
Iðnaðarmenn slíta viðræðum við SA
Iðnaðarmenn slitu samningaviðræðum við Samtök atvinnulífsins fyrir hádegi í dag. Kristján Þórður Snæbjarnarson, talsmaður iðnaðarmanna, segir að nú hefjist undirbúningur verkfallsaðgerða.
Kjarninn 19. mars 2019
Flóttafólk mótmælir á Austurvelli. Búið er að taka tjaldið niður.
Sér ekki hvernig sérstök smithætta eigi að vera af því að fólk setji upp tjald
Sóttvarnalæknir hefur meiri áhyggjur af hreinlætisaðstöðu víðs vegar um landið fyrir ferðamenn en að flóttafólk hafi safnast saman á Austurvelli.
Kjarninn 19. mars 2019
Meira eftir höfundinnBirgir Þór Harðarson
Meira úr sama flokkiErlent