Sam­hliða miklum upp­gangi auk­innar sjálf­virkni í atvinnu­lífi, meðal ann­ars með vax­andi notkun gervi­greind­ar, mun þörfin fyrir skap­andi hugsun og ýmis mann­leg atriði verða enn mik­il­væg­ari. 

End­ur­hugsa þarf mennta­kerfið frá grunni og ýmsar grunn­hug­mynd­ir, sem voru í brennid­epli fyrir iðn­bylt­ing­una, eru nú sprellif­andi á nýjan leik. Krefj­andi verður fyrir stjórn­mála­menn að skapa nýtt reglu­verk og stefnu í mennta- og vel­ferð­ar­mál­um, ekki síður í þró­un­ar­lönd­unum heldur en þeim sem rík­ari eru.

Þetta er meðal þess sem kemur fram í ítar­legri grein í The Economist um þá bylt­ingu sem framundan er í atvinnu­málum í heim­in­um, vegna inn­reiðar gervi­greindar og auk­innar sjálf­virkn­i. 

Miklar breyt­ingar

Í grein­inni kemur fram að aðferðir við að mennta fólk muni breyt­ast mik­ið, t.d. með auk­inni mynd­banda­notkun fyr­ir­lestra og betri aðgengi að gögn­um. Þetta muni auka afköst mennta­kerf­is­ins og einnig gera það mögu­legt að leggja áherslu á réttu atrið­in, jafn­vel þvert á landa­mæri og auknu sam­starfi háskóla. 

Joel Mokyr, pro­fessor við Nort­hwestern Uni­versity, segir í við­tali við The Economist að staðan nú minni um margt að stöðu mála í iðn­bylt­ing­unni og eftir stríðs­ár­in, þar sem miklar breyt­ingar sam­hliða auk­inni vél­væð­ingu umbyltu kennslu­að­ferðum og áherslum í stefnu­málum hjá stjórn­völd­um. 

Sífelld end­ur­nýjun

Í grein­inni segir jafn­framt, að það sé fyrir löngu orðið ljóst að menntun þarfn­ast muni meiri end­ur­nýj­un­ar, heldur en oft er af lát­ið, og próf­gráður muni ekki verða mik­ill mæli­kvarði á hæfi­leika í fram­tíð­inni, heldur frekar svotil stans­laus end­ur­nýjun á þekk­ing­u. 

Í náinni fram­tíð muni hins vegar reyna enn meira á þetta, og því meiri sveigj­an­leiki sem ein­stak­lingar búi yfir, því betra fyrir mögu­leika þeirra á vinnu­mark­aði fram­tíð­ar­inn­ar.

Ari Krist­inn Jóns­son, rektor Háskól­ans í Reykja­vík, fjall­aði um þessar miklu breyt­ingar sem framundan er í mennta- og atvinnu­mál­um, í Tækni­varp­inu í byrjun árs­ins. Hann sagði mögu­leik­ana sem muni leys­ast úr læð­ingi með auk­inni gervi­greind í reynd vera óend­an­lega, og sam­fé­lögin muni breyt­ast mikið og hratt á næstu árum og ára­tug­um.