Útlendingum mun fjölga gríðarlega hérlendis á næstu árum

Ný mannfjöldaspá gerir ráð fyrir því að aðfluttum umfram brottflutta muni fjölga um rúmlega 23 þúsund á fimm ára tímabili. Flestir, ef ekki allir aðfluttir umfram brottflutta, eru erlendir ríkisborgarar.

samstoufundur-vegna-gaza_14753994163_o.jpg
Auglýsing

Gert er ráð fyrir því að aðfluttir íbúar verði 23.385 fleiri en brott­fluttir á tíma­bil­inu 2017-2021. Þetta kemur fram í mann­fjölda­spá Hag­stof­unnar sem birt var í gær. Aðfluttir eru fyrst og fremst erlendir rík­is­borg­ar­ar. Um síð­ustu ára­mót voru erlendir rík­is­borg­arar 30.380 hér­lend­is. Þeim mun því fjölga um 77 pró­sent á örfáum árum ef gengið er út frá því að allir aðfluttir umfram brott­flutta séu erlendir rík­is­borg­ar­ar.

Það má samt ætla að erlendu rík­is­borg­ar­arnir sem hingað koma verði enn fleiri. Á und­an­förnum árum hafa fleiri Íslend­ingar flutt burt frá land­inu en til þess og Hag­stofan gerir ráð fyrir því að sú þróun haldi áfram. Sam­setn­ing þeirra íbúa sem búa á Íslandi mun því breyt­ast ansi skarpt á næstu örfáu árum.

Spreng­ing í fjölgun árið 2017

Gert er ráð fyrir að aðfluttir umfram brott­flutta verði 5.119 á þessu ári í mann­fjölda­spánni. Veru­legar líkur eru á að sú tala sé van­á­ætluð í ljósi þess að raun­tölur sýna að erlendum rík­is­borg­urum fjölg­aði um 4.300 á fyrstu sex mán­uðum árs­ins. Það þýðir að þeim útlend­ingum sem hingað flytja umfram þá sem flytj­ast í burtu fjölg­aði meira á fyrri hluta þessa árs en á öllu síð­asta ári, þegar erlendum rík­is­borg­urum hér­lendis fjölg­aði um 4.090.

Auglýsing

Und­an­farin sex ár hefur að með­­al­tali 41,5 pró­sent aðfluttra komið til lands­ins á fyrri hluta árs­ins á meðan 39,8 pró­sent brott­­fluttra hafa farið burt á fyrri hluta árs­ins. Ef tölur fyrri hluta árs­ins 2017 eru umreikn­aðar út frá því með­­al­tali má búast við að 10.237 erlendir rík­­is­­borg­­arar flytji til lands­ins á þessu ári, eða um sex þús­und fleiri en gerðu það í fyrra.

Efna­hags­sveifla dregur erlent vinnu­afl að

Þessi þróun hefur verið að eiga sér stað á und­an­förnum árum. Frá því að efna­hags­upp­sveiflan hófst hér­lendis hefur erlendum rík­is­borg­urum fjölgað ár frá ári.

Frá byrjun árs 2012 og til júníloka 2017 fjölg­aði þeim um 15.470 alls. Á sama tíma­bili fluttu 2.847 fleiri Íslend­ingar af landi brott en til þess.

Það er því skýrt, sam­kvæmt hag­töl­um, að sam­setn­ing þjóð­ar­innar er að breyt­ast mjög hratt. Fleiri Íslend­ingar eru að flytj­ast af landi brott en erlendum rík­is­borg­urum fjölgar á móti ákaf­lega hratt.

Ástæða þess að útlend­ingum hér­lendis fjölgar svona mikið er auð­vitað efna­hags­upp­sveifl­an. Á Íslandi verða til mörg þús­und störf á ári í tengslum við ferða­þjón­ustu, bygg­inga­vinnu og aðra afleidda þjón­ustu. Flest störfin eru lág­launa­störf og ekki er til vinnu­afl hér­lendis til að anna eft­ir­spurn eftir starfs­fólki. Þess vegna flykk­ist erlent vinnu­afl hingað til að vinna þessi störf.Fjölgun erlendra ríkisborgara sem flytja til Íslands til að búa hér hefur verið gríðarleg á undanförnum árum. Og árið í ár virðist ætla að verða algjört metár.

Hvað það er sem veldur því að fleiri Íslend­ingar flytji burt en aftur heim í svona miklum upp­gangi er í raun ekk­ert hægt að stað­hæfa um. Ekki eru til tölur um t.d. hver menntun þeirra sem flytja burt sé og því ekki hægt að slá því föstu að þar sé um t.d. menntað fólk sem finni sér ekki við­un­andi starfs­vett­vang eða nægi­lega spenn­andi tæki­færi á Íslandi.

Vert er þó að taka fram að það virð­ist vera að hægja á brott­flutn­ingi Íslend­inga umfram aðflutta landa þeirra. Á fyrri helm­ingi árs­ins í ár hafa t.d. 400 fleiri komið heim en farið burt, en þann fyr­ir­vara verður þó að setja á þær tölur að fleiri Íslend­ingar koma vana­lega heim á fyrri hluta árs, en fleiri fara út á síð­ari hluta þess.

Fjölgar um 23.385 á næstu árum

Í spá Hag­stofu Íslands er gert ráð fyrir því að á fimm ára tíma­bili, frá byrjun árs 2017 og til loka árs 2021 muni aðfluttum erlendum rík­is­borg­urum umfram brott­flutta fjölga um 23.385. Til sam­an­burðar voru erlendir rík­is­borg­arar hér­lendis 30.380 tals­ins um síð­ustu ára­mót. Mið­spá Hag­stof­unnar gerir því ráð fyrir því að erlendum rík­is­borg­urum sem búa hér­lendis fjölgi um 77 pró­sent á fimm árum, ef gengið er út frá því að aðfluttir umfram brott­flutta séu útlend­ing­ar.

Gangi sú spá eftir verða þeir því 53.385 tals­ins í lok árs 2021, þegar spáin gerir ráð fyrir að Íslend­ingar verði 374.613 tals­ins. Alls verða erlendir rík­is­borg­arar þá 14,2 pró­sent lands­manna.

Raunar má ætla að þessar tölur séu frekar van­á­ætl­aðar en hitt. Í frétt á vef Hag­stof­unnar vegna birt­ingar mann­fjölda­spár­innar seg­ir:„ Fjöldi aðfluttra verður meiri en brott­fluttra á hverju ári, fyrst og fremst vegna erlendra inn­flytj­enda. Íslenskir rík­is­borg­arar sem flytj­ast frá land­inu verða áfram fleiri en þeir sem flytj­ast til lands­ins.“ Spáin greinir ekki á milli erlendra rík­is­borg­ara og íslenskra rík­is­borg­ara heldur sýnir ein­ungis tölur um fjölda aðfluttra umfram brott­flutta á hverju ári. Í ljósi ofan­greinds má því ætla að fjölgun erlendu rík­is­borgar­anna verði enn meiri á næstu árum.

Körlum fjölgar

Og þró­unin mun halda svona áfram næstu ára­tug­ina sam­kvæmt spánni. Áætlað er,­sam­kvæmt mið­spá Hag­stof­unn­ar, að íbúar á Íslandi verði 452 þús­und tals­ins árið 2066. Í mann­fjölda­spánni sem var birt í fyrra var gert ráð fyrir að um fjórð­ungur lands­manna verði þá inn­flytj­end­ur, eða um 113 þús­und manns miðað við spánna sem birt var í gær.

Inn­flutn­ingur erlends verka­fólks hefur líka tölu­verð áhrif á kynja­hlut­fall þjóð­ar­inn­ar, þar sem flest verka­fólkið sem hingað flytur eru karl­ar. Í árs­lok 2010 voru 50,2 pró­sent þjóð­ar­innar karl­ar. Það hlut­fall hækk­aði lít­il­lega næstu sex árin og var 50,5 pró­sent í árs­lok 2016. Sam­kvæmt spá Hag­stof­unnar tekur hlut­fallið hins vegar stökk á næstu árum og verður 51,4 pró­sent í lok árs 2021.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Katrín Jakobsdóttir, formaður Vinstri grænna og forsætisráðherra.
Fylgi Vinstri grænna hefur aldrei mælst minna í könnun Gallup – 7,2 prósent styðja flokkinn
Píratar hafa næstum því tvöfaldað fylgi sitt frá síðustu kosningum og Samfylkingin hefur aukið sitt fylgi um tæplega 40 prósent. Sjálfstæðisflokkur mælist undir kjörfylgi en Framsókn siglir lygnan sjó.
Kjarninn 2. júlí 2022
Það sem er sérstakt við spjöld þessi er að í stað þess að á þeim séu myndir og upplýsingar um landsliðsmenn í knattspyrnu eru þar að finna sögur verkafólks sem látist hafa við undirbúning mótsins.
Gefa út „fótboltaspil“ með verkafólki sem látist hefur við undirbúninginn í Katar
Þúsunda farandsverkamanna er minnst í átaki sænsku rannsóknarblaðamannasamtakanna Blankspot til að vekja athygli á mannlega kostnaðnum við Heimsmeistaramótið sem hefst í nóvember.
Kjarninn 2. júlí 2022
Alls fóru 0,0002% af fjármagni í COVID-viðbragðsáætlunum í að uppræta kynbundið ofbeldi
Ríki sem eiga sterka femíníska hreyfingu hafa verið talsvert líklegri til að taka tillit til kynjasjónamiða í COVID-19 áætlunum sínum en þau ríki þar sem engin eða veik femínísk hreyfing er við lýði, samkvæmt nýrri skýrslu.
Kjarninn 2. júlí 2022
Heimili eru talin ábyrg fyrir tonnum á tonn ofan af matvælum sem fara í ruslið.
Svona spornar þú við sóun í sumarfríinu
Það vill enginn koma heim í ýldulykt eftir gott frí. Þá vilja eflaust flestir ekki umturnast í umhverfissóða á ferðalaginu. Hér eru nokkur ráð til njóta sumarleyfisins langþráða án þess að koma heim í fýlu.
Kjarninn 2. júlí 2022
Þórður Snær Júlíusson
Partíið er búið
Kjarninn 2. júlí 2022
Alls 16 prósent ungra kjósenda fylgdist ekkert með pólitískum fréttum í kosningabaráttunni
Það færist í aukana að fólk fái fréttir af íslenskum stjórnmálum í gegnum netið og sérstaklega samfélagsmiðla. Fleiri 18 til 25 ára kjósendur notuðu samfélagsmiðla til að nálgast upplýsingar um síðustu kosningar en sjónvarpsfréttir.
Kjarninn 2. júlí 2022
Þorbjörg Sigríður spurði Bjarna Benediktsson um grænar fjárfestingar ríkisins.
Um 2 prósent af fjárfestingum ríkisins teljast „grænar“
Miðað við þrönga skilgreiningu námu grænar fjárfestingar um 2 prósentum af heildarfjárfestingum ríkisins í fyrra. Ef notast er við víðari skilgreiningu og t.d. framlög til nýs Landspítala tekin með, er hlutfallið 20 prósent.
Kjarninn 1. júlí 2022
Bjarni Beneditsson fjármála- og efnahagsráðherra.
„Gjör rétt – ávallt“
Fjármála- og efnahagsráðherra segir að laun dómara eins og annarra æðstu embættismanna séu ekki lækka. Um sé að ræða leiðréttingu. Hann segir að það sé ekkert minna en siðferðisbrestur að skila því ekki sem ofgreitt var úr opinberum sjóðum.
Kjarninn 1. júlí 2022
Meira eftir höfundinnÞórður Snær Júlíusson
Meira úr sama flokkiFréttaskýringar