Icelandair hagnast á lykilmánuðum en mikill samdráttur á hagnaði milli ára

Icelandair skilaði hagnaði á þriðja ársfjórðungi en sá hagnaður var mun minni en á síðasta ári. Hagnaður félagsins var 43 sinnum meiri á fyrstu níu mánuðum ársins 2017 en á sama tímabili í ár. Verið er að semja við skuldabréfaeigendur félagsins.

icelandair_737MAX_big2.jpg
Auglýsing

Hagn­aður Icelandair eftir fjár­magnsliði, afskriftir og skatta (EBIT­DA) var 115 millj­ónir dala, um 14 millj­arðar króna, á þriðja árs­fjórð­ungi, sem er vana­lega sterkasti árs­fjórð­ung­ur­inn í rekstri félags­ins, enda nær hann yfir júlí, ágúst og sept­em­ber sem eru með stærstu mán­uðum árs­ins í ferða­þjón­ustu. Það eru umtals­vert lægri rekstr­ar­hagn­aður en Icelandair var með á sama árs­fjórð­ungi í fyrra, þegar hann var 156 millj­ónir dala, eða tæp­lega 19 millj­arðar króna á gengi dags­ins í dag. Um er að ræða sam­drátt upp á 26 pró­sent.

Heild­ar­hagn­aður dróst líka mjög saman þegar árs­fjórð­ung­ur­inn er borin saman við sama tíma­bil 2017, eða um 36 pró­sent. Hagn­aður fyrstu níu mán­aða árs­ins í fyrra var tæp­lega 98 pró­sent meiri en það sem hann var á fyrstu níu mán­uðum árs­ins 2018.

Þetta er meðal þess sem fram kemur í árs­fjórð­ungs­upp­gjöri Icelandair sem birt var í morg­un.

Skýr­ingin á þessu er vegna lægri far­þega­tekna – þær fóru úr 415,6 millj­ónum dala í 406,5 millj­ónum dala – og hækk­unar á olíu­verði, sem gerði það að verkum að kostn­aður Icelandair vegna kaupa á flug­véla­elds­neyti jókst um 19 pró­sent á milli ára.

Auglýsing
Í fjár­festa­kynn­ingu Icelandair kemur þó fram það hafi marg­borgað sig fyrir Icelandair að verja sig fyrir mögu­legum sveiflum á elds­neyt­is­verði, en heims­mark­aðs­verð á olíu hefur hækkað mikið und­an­farin miss­eri, með til­heyr­andi áhrifum á rekstur flug­fé­laga.  

Starfs­manna­kostn­aður Icelandair hefur líka vaxið hratt milli ára. Þannig hafa laun og annar starfs­manna­kostn­aður vaxið um ell­efu pró­sent milli ára. Stærstur hluti þess kostn­aðar er hins vegar komin til vegna þess að starfs­fólki hefur verið fjölg­að. Launa­hækk­anir voru til að mynda 3,6 pró­sent milli ára.

Erfitt ár eftir afleitar breyt­ingar

Árið hefur verið erfitt hjá Icelanda­ir. Félagið reyndi að bregð­ast við breyttum aðstæðum á mark­aði með breyt­ingum á leið­ar­kerfi sínu og algjöra stefnu­breyt­ingu á sölu- og mark­aðs­starfi félags­ins.

Inn­leið­ing þess­ara breyt­inga reynd­ist mikil mis­tök og fyrir birt­ingu upp­gjöra Icelandair vegna fyrstu tveggja fjórð­unga árs­ins voru sendar afkomu­við­var­anir vegna þess að nið­ur­staða þeirra var langt undir vænt­ing­um. Þessi staða gerði það að verkum að Björgólfur Jóhanns­son, sem hafði verið for­stjóri Icelandair í tíu ár, sagði af sér í lok ágúst. Með því vildi hann axla ábyrgð á ofan­greindum breyt­ing­um, sem teknar höfðu verið á hans vakt.

Vegna þessa hríð­féll mark­aðsvirði Icelanda­ir. Það var um 189 millj­arðar króna fimmtu­dag­inn 28. apríl 2016, þegar það var sem mest. Í gær var það 32 millj­arðar króna.

Það sem er jákvætt er að Icelandair hefur byggt upp umtals­vert eigið fé á síð­ustu árum og er því ágæt­lega í stakk búið til að takast á við sveifl­ur. Eigið fé er nú um 70 millj­arðar króna, en hefur lækkað um 2,6 millj­arða króna það sem af er ári.

Á fyrstu níu mán­uðum árs­ins 2018 nemur hagn­aður Icelandair tæp­lega 1,8 millj­ónum dala, eða 218,5 millj­ónum króna. Á sama tíma­bili í fyrra var hagn­aður félags­ins 77,2 millj­ónir dala, eða 9,3 millj­arðar króna. Sam­drátt­ur­inn í arð­semi hefur því verið ansi bratt­ur.

Auglýsing
Þrátt fyrir sterka eig­in­fjár­­­stöðu og eig­in­fjár­­hlut­­fall upp á 36 pró­­sent glímir Icelandair við ákveð­inn skulda­vanda. EBIT­DA-af­koma Icelandair félags­ins er það lág að hún brýtur gegn lána­skil­málum á útgefnum skulda­bréfum félags­ins.

Icelandair flagg­aði þess­ari stöðu með til­kynn­ingu snemma í októ­ber þar sem greint var frá því að mögu­leg brot á þeim skil­málum væru lík­leg að raun­ger­ast og að við­ræður myndu eiga sér stað við skulda­bréfa­eig­endur vegna þessa.

Við­ræður við skulda­bréfa­eig­endur í gangi

Í til­kynn­ingu sem Icelandair sendi frá sér í morgun sagði að við­ræður við skulda­bréfa­eig­endur gangi vel. „Sam­kvæmt upp­gjöri þriðja árs­fjórð­ungs félags­ins sem birt var í dag hefur verið stað­fest að ofan­greind fjár­hags­leg skil­yrði eru ekki upp­fyllt. Félagið hefur átt í góðum við­ræðum við skulda­bréfa­eig­endur und­an­farið í tengslum við lang­tíma­lausn vegna máls­ins og hefur óskað eftir und­an­þágu frá ofan­greindum fjár­hags­legum skil­yrðum skulda­bréf­anna til 30. nóv­em­ber nk. í því skyni að meiri tími verði til stefnu til að finna lang­tíma­lausn vegna máls­ins. Hin tíma­bundna und­an­þága nýtur nú þegar stuðn­ings meiri­hluta eig­enda NO skulda­bréf­anna.

Félagið hefur einnig hafið við­ræður við eig­endur IS skulda­bréf­anna og gerir ráð fyrir að kom­ist verða að sams konar lang­tíma­lausn vegna þeirra bréfa. Tíma­bundin und­an­þága frá ofan­greindum fjár­hags­legum skil­yrðum bréf­anna til 30. nóv­em­ber nk. nýtur nú þegar stuðn­ings yfir 85% skulda­bréfa­eig­enda og mun félagið halda áfram við­ræðum um lang­tíma­lausn vegna máls­ins.“

Bréf í Icelandair hafa tekið kipp upp á við eftir að níu mán­aða upp­gjör félags­ins var birt í dag. Alls hafa bréfin hækkað um 7,2 pró­sent það sem af er degi.

Stærstu hlut­hafar félags­­ins eru íslenskir líf­eyr­is­­sjóð­ir, en stærsti hlut­haf­inn er Líf­eyr­is­­sjóður versl­un­­ar­­manna með 13,99 pró­­sent hlut.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Hanna Katrín Friðriksson, þingmaður Viðreisnar, bað um skýrsluna á sínum tíma.
Vill fá að vita af hverju upplýsingar um fjárfestingar útgerðarfélaga voru felldar út
Í lok ágúst var birt skýrsla sem átti að sýna krosseignatengsl eða ítök útgerðarfélaga í einstökum fyrirtækjum, en að mati þess þingmanns sem bað um hana gerði hún hvorugt. Síðar kom í ljós að mikilvægar upplýsingar voru felldar út fyrir birtingu.
Kjarninn 4. desember 2021
Ingrid Kuhlman
Dánaraðstoð: Óttinn við misnotkun er ástæðulaus
Kjarninn 4. desember 2021
Guðni Th. Jóhannesson, forseti Íslands, ásamt Agnesi M. Sigurðardóttur, biskup Íslands.
Sóknargjöld lækka um 215 milljónir króna milli ára
Milljarðar króna renna úr ríkissjóði til trúfélaga á hverju ári. Langmest fer til þjóðkirkjunnar og í fyrra var ákveðið að hækka tímabundið einn tekjustofn trúfélaga um 280 milljónir króna. Nú hefur sú tímabundna hækkun verið felld niður.
Kjarninn 4. desember 2021
Íbúðafjárfesting hefur dregist saman á árinu, á sama tíma og verð hefur hækkað og auglýstum íbúðum á sölu hefur fækkað.
Mikill samdráttur í íbúðafjárfestingu í ár
Fjárfestingar í uppbyggingu íbúðarhúsnæðis hefur dregist saman á síðustu mánuðum, samhliða mikilli verðhækkun og fækkun íbúða á sölu. Samkvæmt Hagstofu er búist við að íbúðafjárfesting verði rúmlega 8 prósentum minni í ár heldur en í fyrra.
Kjarninn 4. desember 2021
„Ég fór með ekkert á milli handanna nema lífið og dóttur mína“
Þolandi heimilisofbeldis – umkomulaus í ókunnugu landi og á flótta – bíður þess að íslensk stjórnvöld sendi hana og unga dóttur hennar úr landi. Hún flúði til Íslands fyrr á þessu ári og hefur dóttir hennar náð að blómstra eftir komuna hingað til lands.
Kjarninn 4. desember 2021
Kynferðisleg áreitni og ofbeldi í álverunum og verklag þeirra
Alls hafa 27 tilkynningar borist álfyrirtækjunum þremur, Fjarðaáli, Norðuráli og Rio Tinto á síðustu fjórum árum. Kjarninn kannaði þá verkferla sem málin fara í innan fyrirtækjanna.
Kjarninn 4. desember 2021
Inga Sæland er hæstánægð með nýja vinnuaðstöðu Flokks fólksins og ljóst er á henni að það skemmir ekki fyrir að Miðflokkurinn neyðist til að kveðja vinnuaðstöðuna vegna mjög dvínandi þingstyrks.
Inga Sæland tekur yfir skrifstofur Miðflokksins og kallar það „karma“
„Hvað er karma, ef það er ekki þetta?“ segir Inga Sæland um flutninga þingflokks Flokks fólksins yfir í skrifstofuhúsnæði Alþingis þar sem níu manna þingflokkur Miðflokksins, sem í dag er einungis tveggja manna, var áður til húsa.
Kjarninn 3. desember 2021
Pawel Bartoszek
Samráðið er raunverulegt
Kjarninn 3. desember 2021
Meira eftir höfundinnÞórður Snær Júlíusson
Meira úr sama flokkiFréttaskýringar