Valitor tapaði 1,9 milljarði í fyrra eftir að hafa misst sinn stærsta samstarfsaðila

Valitor missti sinn stærsta viðskiptavin um mitt ár 2018. Félagið, sem skilaði 940 milljón króna hagnaði 2017, tapaði 1,9 milljarði króna í fyrra. Arion banki ætlar að selja Valitor á árinu 2019.

Viðar Þorkelsson er forstjóri Valitor, sem byggir starfsemi sína á grunni VISA Ísland, sem stofnað var 1983.
Viðar Þorkelsson er forstjóri Valitor, sem byggir starfsemi sína á grunni VISA Ísland, sem stofnað var 1983.
Auglýsing

Valitor Hold­ing, félag í eigu Arion banka sem á greiðslu­miðl­un­ar­fyr­ir­tækið Valitor, tap­aði 1,9 millj­arði króna í fyrra. Félagið hafði skilað um 940 milljón króna hagn­aði ári áður. Í árs­reikn­ingi Arion banka, sem birtur var í gær, kemur fram að tapið sé vegna fjár­fest­ingar í alþjóð­legri starf­semi Valitors og að það hafi haft tölu­verð áhrif á lak­ari afkomu sam­stæðu Arion banka. „Va­litor er í mik­illi upp­bygg­ingu erlendis og hefur í þeim fasa verið rekið með rekstr­ar­tapi,“ segir í árs­reikn­ingn­um. Í þeirri upp­bygg­ingu hefur meðal ann­ars falist að ná í stóra við­skipta­vini á Írlandi og í Bret­landi.

Það er þó fleira sem tel­ur. Einn stærsti við­skipta­vinur Valitor, Stripe, hætti færslu­hirð­ing­ar­við­skiptum sínum við Valitor um mitt ár 2018, líkt og Kjarn­inn greindi frá í mars í fyrra að stæði til. Þessi ákvörðun Stripe leiddi til þess, sam­kvæmt afkomutil­kynn­ingu frá Valitor sem send var út í morg­un, að velta fyr­ir­tæk­is­ins flutt­ist frá Valitor sem „hafði tals­verð áhrif á vöxt tekna og við­skipta Valitor á árin­u.“

Stefnt að því að ljúka sölu­ferli á árinu

Arion banki ætlar sér að selja Valitor á árinu 2019 og hefur ráðið alþjóð­lega bank­ann Citi til að veita sölu­ráð­gjöf. Í fjár­festa­kynn­ingu bank­ans vegna árs­reikn­ings hans kemur fram að Valitor sé nú flokkað „sem starf­semi til sölu frá og með fjórða árs­fjórð­ung­i.“ Þar segir enn fremur að fyr­ir­hugað sölu­ferli Valitor sé komið á næsta stig og stefnt sé að því að mark­aðs­setn­ing hefj­ist á fyrsta árs­fjórð­ungi 2019. Það þýðir að það mun hefj­ast fyrir mars­lok.

Auglýsing

Í árs­reikn­ingi Arion banka segir að sam­kvæmt áætlun sem unnið sé eftir sé „stefnt að því að sölu­ferl­inu verði lokið innan tólf mán­aða tímara­mma sem IFRS gerir kröfur um til að flokka megi eign til sölu. Sölu­ferlið verður lok­að.“

Áform um að selja Valitor eru ekki ný af nál­inni. Í fyrra stóð til að aðgreina fyr­ir­tækið frá Arion banka-­sam­stæð­unni áður en að bank­inn var skráður á markað í fyrra­vor. Mik­ill vilji var hjá sumum erlendu hlut­höf­um Arion banka að greiða hluta­bréf í Valitor út í formi arðs til hlut­hafa áður en að skrán­ing­unni kæmi.

Eigið fé Valitor Hold­ing var þá bók­­fært á um 16,3 millj­­arða króna í bók­um Arion banka, sam­­kvæmt upp­­lýs­ingum sem veittar voru á kynn­ing­­ar­fund­un­­um. Ráð­gjafar Arion banka á þeim tíma héldu kynn­ingu fyrir líf­eyr­is­sjóði lands­ins þar sem því var haldið fram að virði Valitor Hold­ing væri veru­lega van­metið og að miðað við veltu væri virðið vel yfir 50 millj­arða króna.

Í nýjasta árs­reikn­ingi Arion banka er virði Valitor Hold­ing skráð 15,8 millj­arðar króna, og hefur því lækkað um hálfan millj­arð króna milli ára.

Stærsti sam­starfs­að­il­inn hætti

Fyr­ir­tækið sem Valitor missti úr við­skiptum í fyrra, Stripe, er ekk­ert smá fyr­ir­tæki. Um mitt ár 2015 var til­­kynnt að alþjóð­­lega stór­­fyr­ir­tækið Apple hefði ákveðið að Bret­land yrði fyrsta landið utan Banda­­ríkj­anna þar sem boðið verður upp á App­lePay sem greiðslu­­leið.

Valitor hf. var valið sem eitt af sex fyr­ir­tækjum á Evr­­ópu­­mark­aði til að þjón­usta App­lePay. Í frétta­til­kynn­ingu sem Valitor sendi frá sér vegna þessa þann 11. júní 2015 sagði m.a.: „Þessa þjón­­ustu mun Valitor veita í nánu sam­­starfi við banda­ríska fyr­ir­tækið Stripe sem vinnur m.a. með Twitter og Face­book auk Apple. Frá 1. júlí munu breskir kaup­­menn í við­­skiptum við Stripe geta þróað stuðn­­ing við App­lePay sem greiðslu­máta inn í eigið iOS app. Stripe, með Valitor sem færslu­hirði, er einn af örfáum aðilum sem fá að bjóða breskum kaup­­mönnum upp á þessa þjón­­ustu í fyrstu lotu. Í kjöl­farið mun öðrum sam­­starfs­að­ilum Valitor á breskum mark­aði einnig standa til boða að taka við greiðslum með App­lePa­y.“

Kjarn­inn greindi frá því í mars í fyrra að búið væri að til­kynna Valitor um vænt­an­legar breyt­ingar á þessu við­skipta­sam­bandi og Viðar Þor­kels­son, for­stjóri fyr­ir­tæk­is­ins, stað­festi það. „Stripe hafa til­­kynnt okkur að við­­skipta­­sam­­bandið við okkur muni breyt­­ast og þró­­ast. Þegar lengra líður frá þá munu við­­skiptin minnka.“

Í afkomutil­kynn­ing­unni sem send var út í morgun segir að Stripe, stærsti sam­starfs­að­ili Valitor, hafi farið að sinna sinni færslu­hirð­ing­ar­þjón­ustu sjálfur í júlí og þar með flutt veltu sína frá Valitor. „Þessi nið­ur­staða hafði tals­verð áhrif á vöxt tekna og við­skipta Valitor á árinu. Valitor stendur vel að vígi á mjög áhuga­verðum mörk­uðum lít­illa og með­al­stórra fyr­ir­tækja í Bret­landi og á Írlandi sem og varð­andi við­skipti við stærri versl­ana­keðjur í Evr­ópu.“

Viðar segir í til­kynn­ing­unni að þrátt fyrir tap­rekstur hafi nið­ur­staða árs­ins verið umfram áætl­anir og að fjár­hags­staða Valitor sé sterk. Heild­ar­velta fyr­ir­tæk­is­ins var 21,4 millj­arðar króna í fyrra.

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
„Það leið engum vel og allir biðu eftir að komast í land“
Fyrstu veikindin meðal skipverja á Júlíusi Geirmundssyni komu upp á öðrum degi veiðiferðar sem átti eftir að standa í þrjár vikur. Þeir veiktust einn af öðrum og var haldið „nauðugum og veikum við vinnu út á sjó í brælu“ á meðan Covid-sýking geisaði.
Kjarninn 23. október 2020
Sigurgeir Finnsson
Gulur, gylltur, grænn og brons: Opinn aðgangur og flókið litróf birtinga
Kjarninn 23. október 2020
Rut Einarsdóttir
#ENDsars uppreisn gegn lögregluofbeldi í Nígeríu: Ákall fyrir alþjóðlegan stuðning
Kjarninn 23. október 2020
Sema Erla Serdar
Um lögregluna og haturstákn
Kjarninn 23. október 2020
Áslaug Arna Sigurbjörnsdóttir dómsmálaráðherra
Ísland tekið af gráa listanum
Ísland hefur verið fjarlægt af gráum lista FATF vegna úrbóta sem ráðist hefur verið í í vörnum gegn peningaþvætti og fjármögnun hryðjuverka.
Kjarninn 23. október 2020
Ártúnshöfði og Elliðaárvogur verða í forgangi þegar kemur að uppbyggingu íbúðarhúsnæðis í Reykjavíkurborg fram til ársins 2030.
Svipað margar íbúðir verði á Ártúnshöfða og eru í öllum Grafarvogi í dag
Gert er ráð fyrir því að á Ártúnshöfða verði árið 2040 svipað margar íbúðir og eru í öllum Grafarvogi í dag. Búist er við því að þrjú skólahverfi verði á Höfðanum, samkvæmt uppfærðu aðalskipulagi borgarinnar til 2040 sem er komið í kynningu.
Kjarninn 23. október 2020
Tæknivarpið
Tæknivarpið
Tæknivarpið – Verðlaus iPhone og snjallari snjallhátalarar
Kjarninn 23. október 2020
Útlánaveisla hefur gert það að verkum að mikil virkni er á húsnæðismarkaði þrátt fyrir að heimsfaraldur gangi yfir og að atvinnuleysi sé í hæstu hæðum.
Heimili landsins yfirgefa verðtrygginguna í fordæmalausri útlánaveislu
Lántakendur eru að færa sig á methraða frá lífeyrissjóðum til banka með húsnæðislánin sín og úr verðtryggðum lánum yfir í óverðtryggð. Ef fram fer sem horfir munu ný útlán banka á þessu ári verða meiri en þau voru samanlagt síðustu tvö ár á undan.
Kjarninn 23. október 2020
Meira eftir höfundinnÞórður Snær Júlíusson
Meira úr sama flokkiFréttaskýringar