Framsókn ekki mælst með meira fylgi í tæp fimm ár

Framsóknarflokkurinn er á miklu flugi samkvæmt nýrri skoðanakönnun. Vinstri græn halda áfram að vera sá stjórnarflokkur sem geldur helst fyrir ríkisstjórnarsamstarfið og þeir sem ætla að kjósa annað en þá flokka sem nú eru á þingi fjölgar mikið.

Lilja D. Alfreðsdóttir, varaformaður Framsóknarflokksins og mennta- og menningarmálaráðherra, hefur verið áberandi að undanförnu.
Lilja D. Alfreðsdóttir, varaformaður Framsóknarflokksins og mennta- og menningarmálaráðherra, hefur verið áberandi að undanförnu.
Auglýsing

Fram­sókn­ar­flokk­ur­inn mælist nú með 13,5 pró­sent fylgi í könn­un MMR sem er mesta fylgi flokks­ins þar síðan í apríl 2014, eða í tæp fimm ár. Þegar fylgi Fram­sóknar var síð­ast svona hátt sam­kvæmt könn­unum var tæpt ár liðið frá því að hann vann stór­sigur í kosn­ing­unum 2013, undir for­ystu Sig­mundar Dav­íðs Gunn­laugs­son­ar. Sigur sem skil­aði þáver­andi for­manni for­sæt­is­ráð­herra­stóln­um.

Fram­sókn bætir við sig tæpu pró­sentu­stigi í fylgi milli mán­aða sam­kvæmt MMR og fylgið hefur nán­ast tvö­fald­ast – auk­ist um 80 pró­sent – frá því í nóv­em­ber, þegar það mæld­ist 7,5 pró­sent. Í milli­tíð­inni skeði Klaust­ur­málið svo­kall­aða sem virð­ist hafa fært umtals­vert fylgi frá Mið­flokknum yfir til Fram­sókn­ar­flokks­ins auk þess sem fram­ganga Lilju D. Alfreðs­dótt­ur, vara­for­manns flokks­ins og eins þeirra sem urðu mest fyrir barð­inu á þeim sem sátu á Klaust­ur­bar í nóv­em­ber, í kjöl­far máls­ins hefur mælst vel fyr­ir. Fram­sókn mælist nú með umtals­vert meira fylgi en flokk­ur­inn fékk í síð­ustu kosn­ing­um, þegar 10,7 pró­sent kjós­enda kusu hann.

Sjálf­stæð­is­flokk­ur­inn bætir einnig við sig tæpu pró­sentu­stigi milli kann­ana og mælist nú 22,7 pró­sent. Fylgi hans hefur ekki mælst hærra frá því í maí í fyrra og má leiða líkum að ein­hverjir kjós­endur hafi skilað sér aftur til flokks­ins í kjöl­far Klaust­ur­máls­ins, en fylgi hans mæld­ist undir 20 pró­sent í nóv­em­ber í fyrra. Sjálf­stæð­is­flokk­ur­inn er þó enn tölu­vert frá kjör­fylgi sínu, sem var 25,2 pró­sent.

Auglýsing

Vinstri græn tapa áfram á rík­is­stjórn­ar­sam­starf­inu

Vinstri græn, flokkur for­sæt­is­ráð­herr­ans Katrínar Jak­obs­dótt­ur, mæl­ast með 11,1 pró­sent fylgi og lækkar það um rúm­lega eitt pró­sentu­stig milli mán­aða. Flokk­ur­inn hefur sam­kvæmt þessu tapað um 34 pró­sent af fylgi sínu frá síð­ustu kosn­ingum þegar 16,9 pró­sent greiddra atkvæða féllu honum í skaut. Hann er sá stjórn­ar­flokk­anna sem líður lang­mest fyrir hið óvenju­lega rík­is­stjórn­ar­sam­starf sem er nú til stað­ar.

Sam­an­lagt fylgi rík­is­stjórn­ar­flokk­anna þriggja mælist því 47,3 pró­sent en var, til sam­an­burð­ar, 52,8 pró­sent eftir síð­ustu kosn­ing­ar. Stuðn­ingur við rík­is­stjórn­ina mælist 42,8 pró­sent og hefur farið vax­andi frá því að hann náði botni það sem af er kjör­tíma­bili í nóv­em­ber síð­ast­liðn­um. Þá mæld­ist stuðn­ing­ur­inn ein­ungis 37,8 pró­sent. Í fyrstu mæl­ingu sem MMR gerði eftir kosn­ing­ar, í des­em­ber 2017,  mæld­ist stuðn­ingur við rík­is­stjórn­ina 66,7 pró­sent.

Mið­flokk­ur­inn lækkar aftur

Fylgi Mið­flokks­ins mælist nú 6,1 pró­sent og lækkar um 2,2 pró­sentu­stig milli kann­ana MMR. Það fylgi er mjög nálægt lægsta mælda fylgi flokks­ins á kjör­tíma­bil­inu, sem var í des­em­ber 2018 þegar fylgið mæld­ist 5,9 pró­sent.

Fylgi Mið­flokks­ins mælist nú í fyrst sinn frá síð­ustu kosn­ingum lægra en fylgi Flokks fólks­ins, sem nýtur stuðn­ings 6,9 pró­sent kjós­enda og mælist því með kjör­fylgi á meðan að Mið­flokk­ur­inn mælist með rétt rúm­lega helm­ing þess fylgis sem flokk­ur­inn fékk haustið 2017. Það virð­ist því vera að Flokkur fólks­ins, sem rak þá tvo þing­menn flokks­ins sem voru við­staddir á Klaust­ur­bar úr flokkn­um, ætli að koma betur út úr því máli en hinn flokk­ur­inn sem átti þar full­trúa. Að minnsta kosti til skamms tíma.

Miðju- vinstri stjórnin ekki mögu­leg að óbreyttu

Bæði Píratar og Við­reisn lækka smá­vægi­lega í fylgi milli kann­ana. Píratar mæl­ast nú með 10,4 pró­sent fylgi, sem er enn yfir 9,2 pró­sent kjör­fylgi þeirra, og Við­reisn mælist með 8,1 pró­sent, eftir að hafa fengið 6,7 pró­sent í síð­ustu kosn­ing­um.

Sam­fylk­ingin bætir lít­il­lega við sig milli mán­aða og alls segj­ast 15,9 pró­sent að þeir myndu kjósa flokk­inn ef kosið yrði í dag. Það gerir hann að næsta stærsta stjórn­mála­flokki lands­ins.

Sam­an­lagt fylgi þess­arra þriggja flokka, sem vinna nokkuð mikið saman í stjórn­ar­and­stöðu og for­maður Sam­fylk­ing­ar­innar hefur kallað eftir að myndi rík­is­stjórn ásamt Vinstri grænum eftir næstu kosn­ing­ar, mælist nú 34,4 pró­sent. Þótt það sam­an­lagða fylgi sé umtals­vert hærra en það sem kom upp úr kjör­köss­unum haustið 2017, þegar flokk­arnir þrír fengu 28 pró­sent atkvæða, þá er ljóst að það myndi ekki duga til að mynda áður­nefnda rík­is­stjórn með Vinstri grænum að óbreyttu. Til þess eru flokk­arnir ekki með meiri­hluta.

Athygli vekur að þeim sem ætla að kjósa aðra stjórn­mála­flokka en þá sem eiga full­trúa á þingi fjölgar umtals­vert milli kann­ana MMR. Nú segj­ast 5,2 pró­sent ætla að gera slíkt, en það hlut­fall var 3,1 pró­sent í jan­úar og 1,5 pró­sent í síð­ustu kosn­ing­um. Þótt frá því sé ekki greint í frétt MMR um könn­un­ina má leiða að því líkum að þar spili aukið fylgi við Sós­í­alista­flokk Íslands rullu, en í nýlegri könnun Gallup mæld­ist hann með yfir fimm pró­sent fylgi.

Kyrrsetningu Max-véla verður aflétt en spurningin er hvenær
Mikilvægur fundur fer fram í Texas í dag, þar sem fulltrúar flugmálayfirvalda í heiminum fá upplýsingar frá Boeing um uppfærslu á hugbúnaði í 737 Max vélum félagsins. Þær hrannast upp á framleiðslusvæði félagsins í Renton vegna alþjóðlegrar kyrrsetningar.
Kjarninn 23. maí 2019
Rósa Björk Brynjólfsdóttir og Þórhildur Sunna Ævarsdóttir.
Framkvæmdastjórn Evrópuráðsþingsins hafnar öfga-hægri flokki
Rósa Björk Brynjólfsdóttir og Þórhildur Sunna Ævarsdóttir leiddu andstöðu við að viðurkenna stjórnmálahóp sem gefur sig út fyrir að vera á móti innflytjendum og hælisleitendum.
Kjarninn 23. maí 2019
Örn Bárður Jónsson
Réttilega að málum staðið
Kjarninn 23. maí 2019
3.839 íbúðir í byggingu á Íslandi
Þjóðskrá Íslands hefur hafið birtingu á nýjum gögnum um fjölda íbúða í byggingu.
Kjarninn 23. maí 2019
Búið að vísa Klausturmálinu til siðanefndar Alþingis
Tveir tímabundnir varaforsetar forsætisnefndar hafa vísað Klausturmálinu, sem snýst um drykkjutal sex þingmanna Miðflokksins, til siðanefndar Alþingis.
Kjarninn 23. maí 2019
Ólafur Páll Jónsson
Yfir strikið
Leslistinn 23. maí 2019
Selja helming í HS Orku til Ancala Partners og færa hlut í Bláa lóninu út
Félag í eigu 14 íslenskra lífeyrissjóða keypti í dag öll hlutabréf í HS Orku sem það átti ekki fyrir, seldi helming þeirra síðan til bresks sjóðsstýringarfyrirtækis en seldi nýju félagi lífeyrissjóða fyrst 30 prósent hlut í Bláa lóninu á 15 milljarða.
Kjarninn 23. maí 2019
Aðkomu Ross Beaty, sem verið hefur stjórnarformaður HS Orku undanfarin ár, að fyrirtækinu fer senn að ljúka.
Lífeyrissjóðirnir búnir að kaupa Innergex út úr HS Orku
Félag í eigu 14 íslenskra lífeyrissjóða hefur keypt 53,9 prósent hlut í HS Orku á 37,3 milljarða króna. Það mun að öllum líkindum eignast allt hlutafé í HS Orku. Að minnsta kosti um stund.
Kjarninn 23. maí 2019
Meira eftir höfundinnÞórður Snær Júlíusson
Meira úr sama flokkiFréttaskýringar