Fjármagnstekjur lækkuðu milli ára – Voru 138 milljarðar króna

Fjármagnstekjur Íslendinga drógust saman í fyrra frá árinu 2017, þegar þær náðu síðan hæsta punkti frá bankahruni. Á árinu 2018 voru þær um helmingur þess sem þær voru á toppi gamla góðærisins 2007.

Hluti þjóðarinnar hefur tekjur af fjármagni.
Hluti þjóðarinnar hefur tekjur af fjármagni.
Auglýsing

Alls námu fjár­magnstekjur lands­manna 137,8 millj­örðum króna á síð­asta ári. Það er umtals­vert lægri heild­ar­fjár­hæð en lands­menn höfðu í slíkar tekjur árið á und­an, þegar þær námu 166 millj­örðum króna. Alls nam sam­drátt­ur­inn í fjár­magnstekjum 17 pró­sentum á milli áranna 2017 og 2018. 

­Tekj­urnar í fyrra voru einnig lægri í krónum talið en á árinu 2016, þegar þær námu sam­tals 141,9 millj­örðum króna. Þetta kemur fram í nýjum tölum Hag­stofu Íslands um eignir og skuldir lands­manna sem birtar voru í síð­ustu viku. 

Lands­menn eiga enn langt í land með að ná þeim met­hæðum í upp­gefnum fjár­magnstekjum sam­kvæmt skatt­fram­tölum sem voru við lýði fyrir banka­hrun. Árið 2006 var heild­ar­um­fang slíkra tekna 172 millj­arðar króna og árið 2007, sem enn er metár yfir upp­gefnar fjár­magnstekjur í Íslands­sög­unni, voru þær 262,7 millj­arðar króna. Það ár rataði um 82 pró­sent fjár­magnstekna til þeirra tíu pró­sent lands­manna sem höfðu hæstu tekj­urn­ar. Í fyrra var hlut­falls­skipt­ingin ekki jafn afger­andi, en þá fóru 70 pró­sent allra fjár­magnstekna til þeirra rúm­lega 22 þús­und fjöl­skyldna sem höfðu hæstu tekj­urnar á Íslandi. Árið áður hafði hlut­fall þess hóps í tekj­unum verið tæp­lega 75 pró­sent. 

Auglýsing
Fjármagnstekjur eru allar vaxta­tekjur auk sölu­hagn­að­ar, arðs og tekna af atvinnu­rekstri. Skattur á fjár­magnstekjur er umtals­vert lægri en á launa­tekj­ur. Stað­greiðsla skatta á launa­tekjur í fyrra var á á bil­inu 36,94 til 46,24 pró­sent að útsvari með­töldu en fjár­magnstekju­skattur hækk­aður upp í 22 pró­sent í byrjun árs 2018.

Eigið fé hækk­aði mikið

Kjarn­inn greindi frá því fyrr í vik­unni að eigið fé Íslend­inga hefði hækkað um 641 millj­arð króna á síð­asta ári sam­kvæmt sömu töl­um. Það er næst mesta hækkun sem átt hefur stað í vexti á eigin fé milli ára frá því að Hag­stofa Íslands hóf að halda utan um þær töl­ur.

Upp­gangur síð­ustu ára hefur skilað því að eigið fé lands­­manna, eignir þeirra þegar búið er að draga skuldir frá, hefur farið úr því að vera 1.565 millj­­arðar króna í lok árs 2010 í að vera 4.744 millj­arðar krókna um síð­ustu ára­mót. Hann hefur aldrei verið meiri.

Til hafa orðið 3.179 millj­arðar króna í nýju eigin fé í íslensku sam­fé­lagi á þessum örfáu árum. Það hefur rúm­lega þre­fald­ast. Af þessum millj­örðum króna sem orðið hafa til frá árinu 2010 hafa 1.379 millj­arðar króna farið til efstu tíu pró­sent lands­manna, sem telur 22.213 fjöl­skyld­ur. Það þýðir að 43 pró­sent alls nýs auðs hefur endað hjá þessum hópi.

Í fyrra jókst auður þessa hóps um 304 millj­arða króna á á síð­ustu tveimur árum hefur hann vaxið um 667 millj­arða króna. Tæp­lega önnur hver króna sem verður til í auði í íslensku efna­hags­lífi ratar því til rík­ustu tíu pró­sent lands­manna.

Auglýsing
Sá hópur átti því 58 pró­sent af öllu eigin fé lands­manna um síð­ustu ára­mót, eða alls 2.729 millj­arða króna. Þar á meðal er helm­ingur alls eigin fjár í fast­eignum sem til er í land­inu og rúm­lega helm­ingur allra inn­lána. Efsti fimmt­ung­ur­inn átti sam­tals 3.796 millj­arða króna í eigið fé um síð­ustu ára­mót. Það þýðir að 80 pró­sent lands­manna átti 20 pró­sent eig­in­fjár og rík­ustu 20 pró­sentin 80 pró­sent þess.

Efsta tíundin greiddi 25 pró­sent allra skatta

Í töl­unum kemur einni fram að ein­stak­lingar hafi alls greitt 433,1 millj­arð króna í skatta á árinu 2018. Um er að ræða tekju­skatt, útsvar, eign­ar­skatta, fjár­magnstekju­skatt og aðra skattaliði sem koma fram á skatt­fram­tali, að frá­dregnum vaxta- og barna­bót­um. Fast­eigna­gjöld, bif­reiða­gjöld og þess háttar gjald­heimta er ekki talin með í heild­ar­upp­hæð­inn­i. 

Þar af greiddi efsta tíundin mest eða 109,2 millj­arða króna í skatta eða 25 pró­sent heild­ar­upp­hæð­ar­inn­ar. Sá helm­ingur lands­manna sem er með lægstar tekjur greiddi 101,2 millj­arða króna í skatta á árinu 2018.

Vert er að taka fram að sama fólkið sem hafði hæstu fjár­magnstekj­urnar eða átti mest eigið fé þarf ekki að vera hluti af þeim tíu pró­sentum sem greiddu hæstu skatt­anna þar sem miðað er við efstu tíund í hverjum flokki fyrir sig. 

Ert þú í Kjarnasamfélaginu?

Kjarninn er opinn vefur en líflínan okkar eru frjáls framlög frá lesendum, Kjarnasamfélagið. Sú stoð undir reksturinn er okkur afar mikilvæg.

Með því að skrá þig í Kjarnasamfélagið gerir þú okkur kleift að halda áfram að vinna í þágu almennings og birta vandaðar fréttaskýringar, djúpar greiningar á efnahagsmálum og annað fréttatengt gæðaefni. 

Kjarninn hefur verið til taks fyrir kröfuharða lesendur undanfarin sjö ár og við ætlum okkur að standa vaktina áfram. 

Fyrir þá sem nú þegar eru stoltir styrkjendur Kjarnans þá leyfum við okkur að benda á að hægt er að óska eftir að hækka mánaðarlega framlagið með því að senda póst á takk@kjarninn.is


Já takk, ég vil styrkja Kjarnann!
Rannsókn á Lindsor-málinu í Lúxemborg lokið og því vísað til saksóknara
Tæpum tólf árum eftir að aflandsfélagið Lindsor Holding fékk lán frá Kaupþingi til að kaupa verðlítil skuldabréf, meðal annars af starfsmönnum bankans í Lúxemborg, er rannsókn á málinu lokið þar í landi.
Kjarninn 4. ágúst 2020
83 nú með COVID-19
Þrjú ný tilfelli COVID-19 greindust hér á landi í gær, tvö hjá sýkla- og veirufræðideild Landspítala og eitt hjá Íslenskri erfðagreiningu. 83 eru því með virk smit af kórónuveirunni og í einangrun.
Kjarninn 4. ágúst 2020
Ketill Sigurjónsson
Lokun álversins í Tiwai Point og veikleikar stóru íslensku orkufyrirtækjanna
Kjarninn 4. ágúst 2020
Þórólfur Guðnason sóttvarnalæknir.
Þórólfur: Ekki lengur aðeins sóttvarnamál
Baráttan við kórónuveiruna er ekki lengur aðeins sóttvarnamál heldur einnig pólitískt og efnahagslegt. „Það eru fleiri sem þurfa að koma að borðinu,“ segir Þórólfur Guðnason sóttvarnalæknir.
Kjarninn 4. ágúst 2020
Guðmundur Ingi Guðbrandsson, umhverfis- og auðlindaráðherra.
Vill stytta kynningarferli áformaðra friðlýsinga
Umhverfis- og auðlindaráðherra ætlar að stytta þann tíma sem þarf til að kynna áformaðar friðlýsingar og flytja heimild ráðherra til að veita undanþágur frá ákvæðum friðlýsinga til Umhverfisstofnunar.
Kjarninn 4. ágúst 2020
Kristbjörn Árnason
Eigingirni - spilling - vald
Leslistinn 3. ágúst 2020
Guðmundur Hauksson
Jóga er meira en bara teygjur og stellingar
Kjarninn 3. ágúst 2020
Inga Dóra Björnsdóttir
Heimsmaðurinn Halldór Kiljan Laxness, sem aldrei varð frægur og ríkur í Ameríku
Kjarninn 3. ágúst 2020
Meira eftir höfundinnÞórður Snær Júlíusson
Meira úr sama flokkiFréttaskýringar