Hildur Guðna­dótt­ir, tón­skáld, vann í kvöld Ósk­arsverð­laun­in, fyrst Íslend­inga, fyrir tón­list­ina í kvik­mynd­inni Joker. 

Hún hafði áður hlotið Emmy verð­laun, Grammy verð­laun, Golden Globe og BAFTA verð­launin fyrir tón­list­ina í Joker og tón­list­ina í Cherno­byl þátt­un­um, sem hún samdi einnig.

Árangur Hildar er ein­stak­ur, en í þakk­ar­ræðu sinni sagð­ist hún elska fjöl­skyldu sína og þakk­aði af auð­mýkt fyrir stuðn­ing­inn. Hún þakk­aði eig­in­manni sín­um, syni og mömmu - sem hún sagð­ist ekki vita hvar væru í saln­um. Þá þakk­aði hún einnig keppi­nautum sem til­nefndir voru, og aðstand­endum Joker.

Aðrir til­nefndir í flokknum sem Hildur vann, voru Alex­andre Des­plat, fyrir tón­list­ina í Little Women, Randy Newman fyrir tón­list­ina í Marri­age Story, Thomas Newman fyrir tón­list­ina í 1917 og John Willi­ams fyrir tón­list­ina í Star Wars: The Rise of Skywal­ker.

Ósk­arsverð­launin eru nú veitt í 92. sinn, en verð­launin sem Hildur hlaut, voru veitt númer 19 af 24 í röð­inn­i. 

Hildur er fædd 4. sept­em­ber 1982 og alin upp í Hafn­ar­firði, dóttir Ing­veldar G. Ólafs­dóttur og Guðna Frans­son­ar. Hún hefur frá ung­lings­árum verið áber­andi í íslenskri tón­list, og var meðal ann­ars í hljóm­sveit­unum Woofer, Rúnk og Múm. 

Hún hefur gefið út fjórar sóló­plöt­ur, en hefur ein­beitt sér að tón­smíðum fyrir kvik­myndir og þætti und­an­farin miss­er­i. 

Hún var náinn sam­starfs­maður Jóhanns Jóhanns­sonar heit­ins, sem lést í febr­úar 2018, 48 ára að aldri, en hann var í tvígang til­nefndur til Ósk­arsverð­launa á ferli sín­um.