3,4 milljörðum minna í bankaskatt á fyrri hluta árs miðað við sama tíma í fyrra

Stóru viðskiptabankarnir þrír skiluðu allir árshlutauppgjörum sínum í vikunni. Vegna kórónuveirufaraldurs var lækkun bankaskatts flýtt og er hann nú 0,145 prósent. Breytinguna má glöggt sjá í árshlutareikningum bankanna.

Bankarnir skiluðu misgóðum uppgjörum í vikunni.
Bankarnir skiluðu misgóðum uppgjörum í vikunni.
Auglýsing

Í árs­hluta­reikn­ingum stóru við­skipta­bank­anna þriggja; Arion banka, Íslands­banka og Lands­bank­ans kemur fram að banka­skattur á fyrri hluta þessa árs nemi alls 2,3 millj­örðum króna, sam­an­borið við rúma 5,7 millj­arða króna á sama tíma­bili í fyrra. Greiðslur bank­anna vegna banka­skatts lækka því um 3,4 millj­arða króna milli tíma­bila eða um 60 pró­sent. Bank­arnir þrír birtu allir árs­hluta­upp­gjör sín í vik­unni.



Banka­skattur er sér­stakur skattur sem lagður er á heild­ar­skuldir fjár­mála­fyr­ir­tækja. Í fyrra var frum­varp um lækkun banka­skatts sam­þykkt. Skatt­ur­inn var þá 0,376 pró­sent og átti að lækka niður í 0,145 pró­sent í þremur áföngum á árunum 2021 til 2024. Í kjöl­far kór­ónu­veiru­far­ald­urs­ins var lækk­un­inni flýtt og gjald­hlut­fallið er því komið niður í 0,145 pró­sent vegna skulda í árs­lok 2020. Breyt­ing­una má glöggt sjá í árs­hluta­reikn­ingum bank­anna.

Auglýsing



Hlut­fall banka­skatts af rekstr­ar­kostn­aði lægst hjá Arion

Arion banki var sá eini af stóru við­skipta­bönk­unum þremur sem skil­aði hagn­aði á fyrri helm­ingi árs­ins en upp­gjör bank­ans var birt síð­ast­lið­inn mið­viku­dag. Hagn­aður bank­ans á fyrri hluta árs­ins nam rúm­lega 2,7 millj­örðum króna sam­an­borið við rúm­lega 3,1 millj­arð á sama tíma­bili í fyrra. Á fyrri hluta þessa árs leggj­ast 655 millj­ónir á bank­ann í formi banka­skatts sam­an­borið við rúm­lega 1,8 millj­arð í fyrra.



Í árs­hluta­reikn­ingi bank­ans er banka­skatt­ur­inn ekki flokk­aður sér­stak­lega með rekstr­ar­kostn­aði líkt og gert er hjá hinum bönk­un­um. Inni í þeim flokki er launa­kostn­aður og annar rekstr­ar­kostn­að­ur, sem er til að mynda hús­næð­is­kostn­að­ur, afskrift­ir, kostn­aður vegna tölvu­kerfa, kostn­aður vegna aðkeyptrar þjón­ustu og fram­lag í trygg­inga­sjóð inni­stæðu­eig­enda og fjár­festa. 



Rekstr­ar­kostn­aður á fyrri helm­ingi árs­ins nam 12,6 millj­örðum króna sam­an­borið við tæpa 13,5 millj­arða í fyrra og hefur hann því lækkað um tæpan millj­arð. Ef banka­skatt­ur­inn er lagður saman við rekstr­ar­kostn­að­inn og hlut­fall banka­skatts­ins af heild­inni skoð­að, þá sést að hlut­fall banka­skatts­ins af kostn­aði á fyrri helm­ingi árs­ins var 4,9 pró­sent. Í fyrra nam þetta sama hlut­fall tæpum 11,9 pró­sent­um.



Helm­ingur af lækkun rekstr­ar­kostn­aðar til­kom­inn vegna lækk­unar banka­skatts

Íslands­banki birti upp­gjör sitt líka á mið­viku­dag. Afkoma bank­ans var nei­kvæð um sem nemur 131 milljón króna á fyrri helm­ingi árs­ins, sam­an­borið við 4,7 millj­arða hagn­aði á sama tíma­bili í fyrra. Á fyrri helm­ingi árs­ins nemur reikn­aður banka­skattur 758 millj­ónum króna sam­an­borið rúman 1,8 millj­arð á sama tíma í fyrra. 



Í árs­hluta­reikn­ingi er banka­skatt­ur­inn flokk­aður undir rekstr­ar­gjöld ásamt launa­kostn­aði, fram­lagi í trygg­inga­sjóð inni­stæðu­eig­enda og fjár­festa og öðrum rekstr­ar­kostn­aði. Heild­ar­rekstr­ar­kostn­aður á fyrri hluta árs­ins nam rétt tæpum 12,8 millj­örðum í ár sam­an­borið við tæpa 14,8 millj­arða á sama tíma í fyrra. Rekstr­ar­kostn­aður bank­ans lækkar um tæpa tvo millj­arða, inni í þeim tölum er banka­skatts­lækk­unin sem nemur tæp­lega 1,1 millj­arð­i.  Hlut­fall banka­skatts­ins í heild­ar­rekstr­ar­kostn­aði bank­ans fer úr 12,3 pró­sentum í fyrra niður í 5,9 pró­sent í ár.



Lækkun rekstr­ar­kostn­aðar öll vegna lækk­unar banka­skatts hjá Lands­banka

Lands­bank­inn birti upp­gjör sitt á fimmtu­dag. Bank­inn tap­aði 3,3 millj­örðum á fyrri hluta þessa árs sam­an­borið við 11,1 millj­arðs hagnað á sama tíma í fyrra. Banka­skattur fyrir fyrri helm­ing árs­ins nemur 875 millj­ónum sam­an­borið við tæpan 2,1 millj­arð í fyrra.



Í til­kynn­ingu frá bank­anum til kaup­hallar vegna upp­gjörs­ins er sér­stak­lega tekið fram að rekstr­ar­kostn­aður bank­ans hafi lækk­að. Í til­kynn­ing­unni seg­ir: „Rekstr­ar­kostn­aður bank­ans lækk­aði um 1,1 millj­arð króna á milli tíma­bila og nam 13,2 millj­örðum króna á fyrri helm­ingi árs­ins 2020, sam­an­borið við 14,3 millj­arða króna á sama tíma­bili árið áður, sem er lækkun um 8%. Þar af var launa­kostn­aður 7,6 millj­arðar króna sam­an­borið við 7,4 millj­arða króna árið áður. Annar rekstr­ar­kostn­aður var 4,6 millj­arðar króna sam­an­borið við 4,9 millj­arða króna á sama tíma­bili árið áður.“



Lækkun rekstr­ar­kostn­aðar bank­ans á tíma­bil­inu er því öll til­komin vegna lækk­unar banka­skatts­ins. Laun og launa­tengd gjöld hækk­uðu milli ára um 277 millj­ónir en annar rekstr­ar­kostn­aður lækk­aði um 226 millj­ónir milli ára. Þannig rekstr­ar­kostn­að­ur, annar en banka­skattur hækk­aði um 51 milljón milli ára. Banka­skatt­ur­inn lækk­aði um 1,2 millj­arða en rekstr­ar­kostn­aður í heild lækk­aði um rúman 1,1 millj­arð. Hlut­fall banka­skatts­ins af heild­ar­rekstr­ar­kostn­aði bank­ans á fyrri hluta árs­ins var 6,6 pró­sent en á sama tíma­bili í fyrra var hlut­fall hans af heild­ar­rekstr­ar­kostn­aði 15 pró­sent.



Lækkun banka­skatts hefur leitt til vaxta­lækk­ana



Hús­næð­is­vextir hafa lækkað mikið upp á síðkast­ið, sér­stak­lega vegna stýri­vaxta­lækk­unar Seðla­bank­ans. En banka­skattur hefur einnig haft áhrif til lækk­unar vaxta. Í lok mars reið Arion banki á vaðið og til­kynnti um vaxta­lækkun í kjöl­far lækk­unar banka­skatts. Í til­kynn­ingu frá bank­anum kom fram að áform stjórn­valda um að lækka banka­skatt hafi skapað svig­rúm til breyt­inga á vöxt­um. Lands­bank­inn til­kynnti svo um vaxta­lækkun vegna lækk­unar banka­skatts í fyrri hluta apr­íl. 



Vegna stýri­vaxta­lækk­unar hafa vextir allra bank­anna þriggja lækkað síðan þá. Vaxta­kjör bank­anna urðu nýlega hag­stæð­ari heldur en vaxta­kjör líf­eyr­is­sjóða í fyrsta sinn í mörg ár. Mest er ásóknin í óverð­tryggð lán með breyti­legum vöxtum þessa dag­ana og bjóða bank­arnir þrír upp á mjög svipuð vaxta­kjör á þeim lán­um. Hjá Íslands­banka og Lands­banka eru vextir á slíkum lánum 3,50 pró­sent en hjá Arion Banka eru vext­irnir 3,54 pró­sent. Hægt er að bera saman láns­kjör bank­anna hjá Aur­björgu.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Katrín Jakobsdóttir forsætisráðherra.
Engin lagaleg skilgreining til á orðinu kona
Samkvæmt svari frá forsætisráðherra þarf menningar- og viðskiptaráðherra sem „fer með málefni íslenskunnar“ að svara því hverjar orðsifjar nafnorðsins kona séu og hver málfræðileg merking orðsins sé.
Kjarninn 30. júní 2022
Lárus Blöndal, stjórnarformaður Bankasýslu ríkisins, og Jón Gunnar Jónsson, forstjóri stofnunarinnar.
Bankasýslan borgaði LOGOS 6,2 milljónir og lét Morgunblaðið fá upplýsingar fyrirfram
Bankasýslan sendi Morgunblaðinu einum fjölmiðla fyrirfram tilkynningu um að lögfræðilegur ráðgjafi hennar hefði komist að þeirri niðurstöðu að jafnræðis hafi verið gætt við sölu á hlut ríkisins í Íslandsbanka.
Kjarninn 30. júní 2022
Til þess að komast ferða sinna þurfa Íslendingar að borga 85 prósentum meira heldur en íbúar í löndum Evrópusambandsins gera að meðaltali.
Samgöngukostnaður hvergi hærri í Evrópu en á Íslandi
Norðurlöndin raða sér í efstu sæti á lista þeirra landa í Evrópu þar sem samgöngukostnaður er mestur. Verð á gistingu, mat, fötum og skóm er hærra hér á landi en víðast hvar annars staðar í álfunni.
Kjarninn 30. júní 2022
Ríkið þurfi að kortleggja á hverjum loftslagsskattarnir lenda
Upplýsingar liggja ekki fyrir í dag um það hvernig byrðar af loftslagssköttum dreifast um samfélagið. Í greinargerð frá Loftslagsráði segir að stjórnvöld þurfi að vinna slíka greiningu, vilji þau hafa yfirsýn yfir áhrif skattanna.
Kjarninn 30. júní 2022
Í frumdrögum að fyrstu lotu Borgarlínu var Suðurlandsbrautin teiknuð upp með þessum hætti. Umferðarskipulag götunnar er enn óútkljáð, og sannarlega ekki óumdeilt.
Borgarlínubreytingar á Suðurlandsbraut strjúka fasteignaeigendum öfugt
Nokkrir eigendur fasteigna við Suðurlandsbraut segja að það verði þeim til tjóns ef akreinum undir almenna umferð og bílastæðum við Suðurlandsbraut verði fækkað. Unnið er að deiliskipulagstillögum vegna Borgarlínu.
Kjarninn 30. júní 2022
Í austurvegi
Í austurvegi
Í austurvegi – Einlæg gjöf en smáræði 千里送鹅毛
Kjarninn 30. júní 2022
Úlfar Þormóðsson
Taglhnýtingar þétta raðirnar
Kjarninn 30. júní 2022
Viðbragðsaðilar og vegfarendur á vettvangi aðfaranótt sunnudags. 22 unglingar létust á Enyobeni-kránni.
Hvers vegna dóu börn á bar?
Meðvitundarlaus ungmenni á bar. Þannig hljómaði útkall til lögreglu í borginni East London í Suður-Afríku aðfaranótt sunnudags. Ýmsar sögur fóru á kreik. Var eitrað fyrir þeim? Og hvað í ósköpunum voru unglingar – börn – að gera á bar?
Kjarninn 30. júní 2022
Meira eftir höfundinnGrétar Þór Sigurðsson
Meira úr sama flokkiFréttaskýringar