6 milljarða samdráttur í rekstri fasteignafélaganna

Fasteignafélögin Reitir, Reginn og Eik högnuðust öll á rekstri sínum í fyrra. Þó var hagnaðurinn töluvert minni en á síðasta ári, en samkvæmt félögunum leiddi heimsfaraldurinn til mikils samdráttar í tekjum.

Fasteignafélagið Eik tapaði mikið á rekstri hótels 1919, sem er í eigu þess
Fasteignafélagið Eik tapaði mikið á rekstri hótels 1919, sem er í eigu þess
Auglýsing

Samanlagður rekstrarhagnaður Reita, Regins og Eikar nam 22 milljörðum króna í fyrra, sem er 6 milljörðum krónum minni en á árinu 2019. Félögin segja að faraldurinn hafi leitt til 4,3 milljarða króna samdráttar í fyrra og búast við að veiran muni einnig draga úr tekjum í ár. Þetta kemur fram í nýbirtum ársreikningum fasteignafélaganna sem birtst hafa á vef Kauphallarinnar á síðustu vikum. 

400 milljarða eignasafn

Félögin þrjú eru einu fasteignafélögin í Kauphöllinni, en þau sérhæfa sig í fjárfestingum, þróun og útleigu á húsnæði. Samanlagt eignasafn þeirra nemur 400 milljörðum króna, en meirihluti þess er bundinn í húsnæði sem félögin leigja út. Þessi upphæð jafngildir 14 prósentum af landsframleiðslu Íslands í fyrra. 

Minni tekjur og lægra virði eigna

Ein helsta tekjulind félaganna eru leigutekjur frá fyrirtækjum, en samkvæmt ársreikningunum leiddi faraldurinn til tölverðs samdráttar í þeim. Í ársreikningi Regins kemur fram að 360 milljónir króna af leigutekjum félagsins frá viðskiptavinum sínum hafi verið felldar niður. Reitir áætla svo að leigutekjur félagsins hafi dregist saman um 935 milljónir króna vegna efnahagslegra áhrifa COVID-19. Hins vegar var áætlaður samdráttur leigutekna hjá Eik vegna veirunnar mun minni, eða um 50 milljónir króna.

Auglýsing

Til viðbótar við samdrátt í leigutekjum telja félögin að heimsfaraldurinn hafi haft neikvæð áhrif á aðra rekstrarþætti matsbreytingu fjárfestingareigna, viðskiptakröfur og afskriftir þeirra. 

Áætlaður heildarsamdráttur vegna veirunnar virðist vera mestur hjá Regin, en þar býst félagið við að hafa tapað 2,5 milljörðum vegna virðisrýrnunar eigna félagsins og minni leigutekna. Reginn telur aftur á móti að faraldurinn hafi leitt til 1,1 milljarða króna samdráttar hjá félaginu. 

Eik telur faraldurinn hafa minnkað tekjur félagsins um rúmlega 655 milljónir króna, en ólíkt hinum tveimur félögunum vegur virðisrýrnun viðskiptakrafna þess þyngst í stað minnkun leigutekna. Einnig bætir félagið við að rekstur Hótels 1919, sem er í eigu félagsins, hafi verið 230 milljónum lakari en fyrri áætlanir gerðu ráð fyrir.

Samanlagt telja því félögin að veiran hafi leitt til samdráttar að andvirði 4,3 milljarða króna

Hagnaður og arðgreiðslur hjá Reitum og Eik

Þrátt fyrir þetta mikla tekjutap skiluðu félögin öll hagnaði af rekstri sínum. Rekstrarhagnaður Eikar nam 5,5 milljörðum króna, en hann náði 8 milljörðum hjá Regin og 9 milljörðum hjá Reitum. Samanlagt eru þetta um 22 milljarðar króna, sem er fimmtungi minna en rekstrarhagnaður félaganna árið 2019. 

Stjórnir Reita og Eikar hafa báðar samþykkt arðgreiðslur vegna rekstrarniðurstöðu síðasta árs. Hjá Reitum stendur til að greiða 778 milljónir króna í arð, en væntar arðgreiðslur Reita nema 650 milljónum króna. Stjórn Regins ákvað hins vegar að sleppa því að greiða arð í ár, í ljósi óvissunar í þróun efnahagsmála í landinu vegna COVID-19. 

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Þorgerður Katrín Gunnarsdóttir, formaður Viðreisnar, í forystusætinu á RÚV í gærkvöldi.
Það liggur ekki fyrir hvort Ísland geti gert tvíhliða samning til að tengja krónu við evru
Staðreyndavakt Kjarnans skoðar fullyrðingu Þorgerðar Katrínar Gunnarsdóttur um það sé mögulegt fyrir Ísland að gera samkomulag við Seðlabanka Evrópu um að tengja krónuna við evru.
Kjarninn 23. september 2021
Sigríður Ólafsdóttir
Draumastarf og búseta – hvernig fer það saman?
Kjarninn 23. september 2021
Árni Stefán Árnason
Dýravernd: Í aðdraganda kosninganna er blóðmeraiðnaðurinn svarti blettur búfjáreldis – Hluti II
Kjarninn 23. september 2021
Segist hafa reynt að komast að því hvað konan vildi í gegnum tengilið – „Við náðum aldrei að ræða við hana“
Fyrrverandi formaður KSÍ segir að sambandið hafi frétt af meintu kynferðisbroti landsliðsmanna í gegnum samfélagsmiðla. Formleg ábending hafi aldrei borist.
Kjarninn 23. september 2021
Bjarni Benediktsson, fjármála- og efnahagsráðherra og formaður Sjálfstæðisflokksins, og Katrín Jakobsdóttir, forsætisráðherra og formaður Vinstri grænna.
Fleiri kjósendur Sjálfstæðisflokks vilja Katrínu sem forsætisráðherra en Bjarna
Alls segjast 45,2 prósent kjósenda Sjálfstæðisflokksins að þeir vilji fá formann Vinstri grænna til að leiða þá ríkisstjórn sem mynduð verður eftir kosningar.
Kjarninn 23. september 2021
Hugarvilla að Ísland sé miðja heimsins
Þau Baldur, Kristrún og Gylfi spjölluðu um Evrópustefnu stjórnvalda í hlaðvarpsþættinum Völundarhús utanríkismála.
Kjarninn 23. september 2021
Völundarhús utanríkismála Íslands
Völundarhús utanríkismála Íslands
Völundarhús utanríkismála Íslands – Þáttur 4: Byggir Evrópustefna íslenskra stjórnvalda á áfallastjórnun?
Kjarninn 23. september 2021
Rósa Björk Brynjólfsdóttir
Kosningarnar núna snúast um loftslagsmál
Kjarninn 23. september 2021
Meira eftir höfundinnJónas Atli Gunnarsson
Meira úr sama flokkiFréttaskýringar