Konungssinnar eyða mörgum milljörðum í varning vegna krýningarafmælis drottningar

Áætlað er að Bretar muni eyða yfir 60 milljörðum króna í konunglegan varning vegna krýningarafmælis drottningar sem haldið verður upp á með fjögurra daga hátíðarhöldum. Tebollar, diskar með gyllingu og spiladósir eru meðal konunglegra muna sem rjúka út.

Spennan magnast fyrir 70 ára krýningarafmæli Elísabetar Englandsdrottningar sem fagnað verður með ýmsum hætti 2. - 5. júní.
Spennan magnast fyrir 70 ára krýningarafmæli Elísabetar Englandsdrottningar sem fagnað verður með ýmsum hætti 2. - 5. júní.
Auglýsing

Fjög­urra daga hátíð­ar­höld verða í Bret­landi í kom­andi viku í til­efni af 70 ára krýn­ing­araf­mæli Elísa­betar Eng­lands­drottn­ing­ar. Hátíð­ar­höldin eru sér­stak­lega veg­leg þar sem opin­berum afmæl­is­degi drottn­ing­ar, sem varð 96 ára í apr­íl, verður fagnað sam­tím­is.

Hátíð­ar­höldin hefj­ast á afmæl­is­skrúð­göngu drottn­ingar (e. Troop­ing the Colour) næst­kom­andi fimmtu­dag, 2. júní, en alls verða 2.429 almennir við­burðir í boði víðs­vegar um Bret­land. Garð­veislur og götupartý eru einnig ómissandi hluti af hátíð­ar­höld­unum og nú þegar hafa 2.653 skráð slíka fögn­uði í gagna­grunn á sér­stakri heima­síðu hins opin­bera sem sér um skipu­lagn­ingu krýn­ing­ar­há­tíð­ar­inn­ar.

Auglýsing

Hápunktur kon­ungs­sinna og kon­ung­legra safn­ara

Segja má að hátíðin sé hápunktur kon­ungs­sinna og kon­ung­legra safn­ara þar sem nú gefst tæki­færi til að sanka að sér alls kyns kon­ung­legum mun­um. Gert er ráð fyrir að Bretar muni eyða um 408 millj­ónum punda, eða sem nemur rúm­lega 66 millj­örðum króna, í ýmis konar varn­ing tengdan krýn­ing­ar­há­tíð­inni, allt frá tebollum til spila­dósa.

Elísa­bet II Eng­lands­drottn­ing tók við bresku krún­unni í febr­úar 1952 eftir að faðir henn­ar, Georg sjötti, féll frá. Hún er fyrsti breski þjóð­höfð­ing­inn sem nær þeim áfanga að ríkja í meira en 70 ár.

Elísa­bet varð 96 ára 21. apríl og hefð er fyrir því að halda opin­ber­lega upp á afmæli þjóð­höfð­ingja í júní. Um er að ræða yfir 250 ára gamla hefð sem má rekja allt aftur til valda­tíðs Georgs II á 18. öld. Hann átti afmæli 30. októ­ber en vildi halda upp á afmælið að sumri til.

Í ár er blásið til fjög­urra daga hátíð­ar­halda, 2.-5. júni, þar sem krýn­ing­araf­mæl­inu og opin­berum afmæl­is­degi drottn­ingar er fagnað sam­rím­is. Bretar fá því tvo auka frí­daga sem verður vænt­an­lega tekið fagn­andi, óháð því hvort fólk lítur á sig sem kon­ungs­sinna eða ekki.

Nýtt drottn­ing­ar­stell í til­efni af krýn­ing­araf­mæl­inu

Bresk fyr­ir­tæki taka hátíð­inni einnig fagn­andi þar sem hátíðin mun ýta undir versl­un, ekki síst á varn­ingi sem teng­ist krýn­ing­araf­mæli drottn­ing­ar. Þannig hefur postu­líns­fram­leið­and­inn Halycon Days í Stoke-on-Trent ráðið starfs­fólk ein­göngu til að sjá um sér­pant­anir í tengslum við krýn­ing­araf­mæl­ið.

Halycon Days er eitt 14 fyr­ir­tækja sem hefur heim­ild til að fram­leiða öll þrjú kon­ung­legu mat­ar­stell­in, það er drottn­ing­ar­stellið auk stella í nafni Fil­ippusar prins, her­tog­ans af Edin­borg og Karls bretaps­ins, prins­ins af Wales. Meiri­hluti af borð­bún­að­inum sem verður gef­inn út í til­efni af 70 ára krýn­ing­araf­mæli drottn­ingar er sér­stak­lega ætl­aður söfn­ur­um.

Stellið sam­anstendur af ýmsum munum á breiðu verð­bili. Ódýr­asti hlut­ur­inn, bolli, nokkur konar kaffi­fant­ur, kostar 29 pund, um 4.700 krón­ur. Mat­ar­diskar með 22 karata gyll­ingu kosta 150 pund stykk­ið, rúmar 24 þús­und krónur en dýr­asti mun­ur­inn í stell­inu er spila­dós sem kostar 1.950 pund, eða sem nemur rúmum 317 þús­und krón­um. Eft­ir­spurnin er svo sann­ar­lega til staðar þar sem sumar vörur selj­ast upp í forpöntun áður en þær ná í vöru­hill­ur.

Vonar að drottn­ingin fái sér tesopa úr nýja stell­inu

„Við erum búin að gefa út tvær vöru­línur og þær seld­ust strax upp,“ segir Pamela Harper, fram­kvæmda­stjóri Halycon Days, í sam­tali við BBC. Að hennar mati er útgáfa á vöru­línum eins og mat­ar­stelli í til­efni af krýn­ing­araf­mæli drottn­ingar kjörið tæki­færi til að halda dvín­andi list­formi á lífi. „Áhugi okkar á þessu kemur meðal ann­ars til þar sem við viljum við­halda þessum hæfi­leikum innan bresku þjóð­ar­inn­ar,“ segir Pamela.

Þegar mat­ar­stellið var til­búið var það flutt í Windsor-kast­ala þar sem drottn­ingin var fengin að leggja mat á hvort það stæð­ist kröfur henn­ar. „Ég hef aldrei verið jafn stressuð á ævinn­i,“ segir Pamela. Stellið fékk blessun drottn­ingar og er fram­leiðslan nú komin á fullt fyrir hátíð­ar­höldin eftir helgi. Pamela seg­ist vona að drottn­ingin muni fá sér te úr bolla úr stell­inu við og við.

Elísabet Englandsdrottning tekur út stellið sem framleitt er sérstaklega í tilefniaf 70 ára krýningarafmæli drottningar. Mynd: Halcyon Days

Rann­sókn­ar­setur versl­un­ar­innar í Bret­landi áætlar að Bretar muni eyða í kringum 408 millj­ónum punda, and­virði rúm­lega 66 millj­arða, í tengslum við krýn­ing­araf­mælið næstu daga. Þar af er áætlað að um 281,6 millj­ónir punda, eða sem nemur rúmum 45 millj­örð­um, fari í ýmis konar kon­ung­legan varn­ing tengdan hátíð­ar­höld­un­um.

Auk kon­ung­legra mat­ar­stella gegnir breski fán­inn veiga­miklu hlut­verki í hátíð­ar­höld­unum sem fram undan eru. Starfs­fólk fjöl­skyldu­fyr­ir­tæk­is­ins Flying Colours Flag­ma­kers í smá­bænum Knares­borough er í óða önn að und­ir­búa hátíð­ar­höldin næstu daga. „Við náum varla utan um þetta eins og stend­ur. Það hrúg­ast inn pant­anir á net­inu og sím­inn hringir stans­laust,“ segir Andy Omrod, eig­andi fána­fyr­ir­tæk­is­ins.

Eigum það til að henda sög­unni í ruslið

En hvað verður svo um alla fán­ana, og aðra kon­ung­lega muni sem telj­ast ekki nógu mik­il­vægir til að rata í söfn kon­ungs­sinna?

Sagn­fræð­ing­ur­inn Robert Opie stendur fyrir sýn­ingu á safni í London, Museum of Brands, sem varð­veitir neyslu­menn­ingu allt frá Vikt­or­íu­tím­anum til dags­ins í dag. Á sýn­ing­unni verður hægt að skoða um 200 kon­ung­lega muni sem útbúnir hafa verið í tengslum við merk tíma­mót í kon­ungs­fjöl­skyld­unni.

„Við lifum í neyslu­heimi og hendum alls konar hlutum í ruslið, en sagan býr einmitt í hlutum sem þessum,“ segir Opie, sem hvetur fólk til að fara vel með mun­ina sem það kaupir í til­efni af krýn­ing­araf­mæli drottn­ing­ar.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Katrín Jakobsdóttir, formaður Vinstri grænna og forsætisráðherra.
Fylgi Vinstri grænna hefur aldrei mælst minna í könnun Gallup – 7,2 prósent styðja flokkinn
Píratar hafa næstum því tvöfaldað fylgi sitt frá síðustu kosningum og Samfylkingin hefur aukið sitt fylgi um tæplega 40 prósent. Sjálfstæðisflokkur mælist undir kjörfylgi en Framsókn siglir lygnan sjó.
Kjarninn 2. júlí 2022
Það sem er sérstakt við spjöld þessi er að í stað þess að á þeim séu myndir og upplýsingar um landsliðsmenn í knattspyrnu eru þar að finna sögur verkafólks sem látist hafa við undirbúning mótsins.
Gefa út „fótboltaspil“ með verkafólki sem látist hefur við undirbúninginn í Katar
Þúsunda farandsverkamanna er minnst í átaki sænsku rannsóknarblaðamannasamtakanna Blankspot til að vekja athygli á mannlega kostnaðnum við Heimsmeistaramótið sem hefst í nóvember.
Kjarninn 2. júlí 2022
Alls fóru 0,0002% af fjármagni í COVID-viðbragðsáætlunum í að uppræta kynbundið ofbeldi
Ríki sem eiga sterka femíníska hreyfingu hafa verið talsvert líklegri til að taka tillit til kynjasjónamiða í COVID-19 áætlunum sínum en þau ríki þar sem engin eða veik femínísk hreyfing er við lýði, samkvæmt nýrri skýrslu.
Kjarninn 2. júlí 2022
Heimili eru talin ábyrg fyrir tonnum á tonn ofan af matvælum sem fara í ruslið.
Svona spornar þú við sóun í sumarfríinu
Það vill enginn koma heim í ýldulykt eftir gott frí. Þá vilja eflaust flestir ekki umturnast í umhverfissóða á ferðalaginu. Hér eru nokkur ráð til njóta sumarleyfisins langþráða án þess að koma heim í fýlu.
Kjarninn 2. júlí 2022
Þórður Snær Júlíusson
Partíið er búið
Kjarninn 2. júlí 2022
Alls 16 prósent ungra kjósenda fylgdist ekkert með pólitískum fréttum í kosningabaráttunni
Það færist í aukana að fólk fái fréttir af íslenskum stjórnmálum í gegnum netið og sérstaklega samfélagsmiðla. Fleiri 18 til 25 ára kjósendur notuðu samfélagsmiðla til að nálgast upplýsingar um síðustu kosningar en sjónvarpsfréttir.
Kjarninn 2. júlí 2022
Þorbjörg Sigríður spurði Bjarna Benediktsson um grænar fjárfestingar ríkisins.
Um 2 prósent af fjárfestingum ríkisins teljast „grænar“
Miðað við þrönga skilgreiningu námu grænar fjárfestingar um 2 prósentum af heildarfjárfestingum ríkisins í fyrra. Ef notast er við víðari skilgreiningu og t.d. framlög til nýs Landspítala tekin með, er hlutfallið 20 prósent.
Kjarninn 1. júlí 2022
Bjarni Beneditsson fjármála- og efnahagsráðherra.
„Gjör rétt – ávallt“
Fjármála- og efnahagsráðherra segir að laun dómara eins og annarra æðstu embættismanna séu ekki lækka. Um sé að ræða leiðréttingu. Hann segir að það sé ekkert minna en siðferðisbrestur að skila því ekki sem ofgreitt var úr opinberum sjóðum.
Kjarninn 1. júlí 2022
Meira eftir höfundinnErla María Markúsdóttir
Meira úr sama flokkiErlent