Lagning sæstrengs kallar á styrkingu kerfis - og pólitíska ákvörðun

Master.jpg
Auglýsing

Lagn­ing sæstrengs til Evr­ópu kallar á styrk­ingu íslenska raf­orku­flutn­ings­kerf­is­ins en hversu miklar þær þurfa að vera ræðst að veru­legum hluta af land­töku­stað strengs­ins og öryggi teng­ing­ar­inn­ar. Frá þessu var greint á vef Lands­nets í dag, en ný kerf­is­á­ætlun fyr­ir­tæk­is­ins fyrir íslenska raf­orku­kerfið verður kynnt á föstu­dag­inn.

Í frétt Lands­nets kemur fram að umræddar styrk­ingar á raf­orku­kerf­inu, sem komi til við­bótar við önnur nauð­syn­leg upp­bygg­ing­ar­á­form, séu minni ef streng­ur­inn verður tek­inn á land á Suð­ur­landi en ekki á Aust­fjörð­um.

Und­ir­bún­ingur í gangi



Tölu­verð vinna hefur verið lögð í það und­an­farin miss­eri að kanna fýsi­leika þess að flytja raf­orku frá Íslandi til Evr­ópu um sæstreng, að því er segir í til­kynn­ingu frá Lands­neti, sem er dóttu­fé­lag Lands­virkj­un­ar. „Þáttur Lands­nets í þeirri vinnu hefur að mestu snúið að því að greina stóru mynd­ina inn­an­lands, þ.e. að bera saman nokkra kosti með til­liti til til upp­bygg­ing­ar­þarfar flutn­ings­kerf­is­ins“ segir í til­kynn­ing­unni, en nið­ur­stöður þeirra athug­ana eru kynntar í sér­stökum þemakafla í til­lögu að kerf­is­á­ætlun 2015-2024, sem nú er til kynn­ingar hjá Lands­neti og fjallar um áætl­aða þróun notk­unar og fram­leiðslu raf­orku tengdri raf­orku­flutn­ings­kerf­inu og upp­bygg­ingu sem ráð­gerð er á næstu tíu árum.

Orku­bú­skapur á tíma­mótum



Hvort sem af því verður að leggja sæstreng til Evr­ópu eða ekki, þá stendur Lands­net frammi fyrir miklum áskor­unum á næstu árum. Upp­bygg­ing og end­ur­nýjun raf­orku­kerf­is­ins kallar á miklar fjár­fest­ing­ar. Í drögum að kerf­is­á­ætl­un­inni má sjá að um mikið verk­efni er að ræða. Ef ákveðið verður að ráð­ast í lagn­ingu sæstrengs, t.d. til Bret­lands, liggur ákvörðun um slíkt hjá stjórn­völd­um. Ef mið er tekið af drögum af kerf­is­á­ætl­un­inni þá getur ákvörðun um lagn­ingu sæstrengs haft mikil áhrif á útkomuma. Í drög­unum segir meðal ann­ars, um hug­myndir sem snúa að lagn­ingu sæstrengs: „­Sam­kvæmt þeirri grófu mynd sem hefur verið birt, er styrk­inga þörf í íslenska flutn­ings­kerf­inu, ef það á að geta sinnt flutn­ingi að land­töku­stað sæstrengs miðað við þær for­sendur sem lagðar eru til grund­vall­ar. Þær styrk­ingar eru allt frá því að vera frekar litlar umfram fram­tíð­ar­til­lögur Lands­nets yfir í veru­lega miklar styrk­ing­ar. Það þarf þó að taka það skýrt fram að enn er margt óljóst í tengslum við þetta verk­efni. Stað­setn­ing, stærð og eðli nýrra virkj­ana (þ.e. vind­orka, vatns­orka eða jarð­varmi) geta haft veru­leg áhrif á styrk­ing­ar­þörf­ina. Einnig veg­ast á sjón­ar­mið um minni styrk­ingar í flutn­ings­kerf­inu ann­ars vegar og lengri sæstreng hins veg­ar. Enn fremur þarf að hafa í huga atriði eins og gæði land­töku­stað­ar­ins og umhverf­is­á­hrif á sjó og landi. Sú grein­ing sem Lands­net hefur unnið nær þó aðeins til nauð­syn­legra styrk­inga inn­an­lands. Það má þó ekki gleym­ast að þessi upp­bygg­ing kerf­is­ins nýt­ist líka til þess að anna auknu álagi inn­an­lands. Áreið­an­leiki og afhend­ingar­ör­yggi kerf­is­ins munu almennt batna veru­lega og það verða vel í stakk búið til þess að taka við fram­leiðslu og not­endum óháð stað­setn­ing­u.“

landsnet Hér má sjá upp­lýs­ingar úr drögum að kerf­is­á­ætlun Lands­nets. Sam­kvæmt áætl­un­inni þarf að styrkja raf­orku­kerfi lands­ins veru­lega. Mynd: Lands­net

Auglýsing

Stórar póli­tískar ákvarð­anir



Upp­bygg­ing raf­orku­kerf­is­ins er óum­flýj­an­leg en leiðin sem valin verður virð­ast tengj­ast þeirri ákvörð­un, í það minnsta óbeint, hvort ráð­ist verður í lagn­ingu sæstrengs eða ekki. Í ítar­legri grein sem Ket­ill Sig­ur­jóns­son, sér­fræð­ingur í orku­málum og ráð­gjafi, skrif­aði inn á vef Kjarn­ans í mars síð­ast­liðnum þá virð­ist allt benda til þess að hægt sé að fá marg­falt hærra verð fyrir hvert selt mega­vatt af raf­orku um sæstreng heldur en þá 25 Banda­ríkja­dali á mega­vattið sem Lands­virkjun fær nú, að stærstu leyti vegna sölu raf­orku til álvera.

Í ljósi þess hve verk­efnið er umfangs­mikið er um stóra póli­tíska ákvörðun að ræða, þegar sæstreng­ur­inn er ann­ars veg­ar. Nýlegar ákvarð­anir Norð­manna og Breta, um lagn­ingu 730 kíló­metra sæstrengs frá hafn­ar­bænum Blyth til Kvill­dal í Roga­landi, sýna að lagn­ing sæstrengs­ins er raun­hæfur kost­ur, jafn­vel þó streng­ur­inn milli Íslands og Bret­lands yrði rúm­lega 250 kíló­metrum lengri. Kostn­að­ur­inn við streng­inn milli Nor­egs og Bret­lands er áætl­aður um tveir millj­arðar evra, eða sem nemur tæp­lega 300 millj­örðum króna, en gera má ráð fyrir að kostn­að­ur­inn sé hærri við streng milli Íslands og Bret­lands.

 

 

CRIPSRi notað til að skoða erfðamengi baktería
Hvaða gen eru það sem bakteríur nýta sér til að verjast sýklalyfjum?
Kjarninn 19. janúar 2019
Viðar Freyr Guðmundsson
Máttlaus áhrif lækkunar hámarkshraða
Leslistinn 19. janúar 2019
Jóhann Bogason
Skömm sé Háskóla Íslands
Kjarninn 19. janúar 2019
Þolendur eiga ekki að þurfa að sitja undir Klausturmönnum
Helga Vala Helgadóttir, formaður stjórnskipunar- og eftirlitsnefndar, segir að Ágúst Ólafur Ágústsson muni ekki koma aftur til starfa í næstu viku. Hún veit ekkert um hvort Bergþór Ólason eða Gunnar Bragi Sveinsson ætli að gera það.
Kjarninn 19. janúar 2019
Koma svo!
Koma svo!
Koma svo - Fyrirgefðu en má ég vera til?
Kjarninn 19. janúar 2019
Tæknispá 2019
Þroskaðra sprotaumhverfi, Elon Musk í kringum tunglið, mannlegar hliðar tækni, hæpheiðar og -dalir og frú Sirrý á íslensku. Þetta er meðal þess sem fram kemur í árlegri tæknispá Hjálmars Gíslasonar.
Kjarninn 19. janúar 2019
Jón Baldvin: Ásakanir „hreinn uppspuni“ eða „skrumskæling á veruleikanum“
Jón Baldvin hefur verið sakaður um kynferðislega áreitni af fjölda kvenna að undanförnu.
Kjarninn 19. janúar 2019
Andlát og skilnaður valda titringi í Seattle-hagkerfinu
Ævintýraleg auðsöfnun stofnenda verðmætustu fyrirtækja heimsins, Microsoft og Amazon, hefur haft mikil áhrif á Seattle svæðið. Skyndilegt andlát Paul Allen og skilnaður Jeff Bezos, hafa valdið titringi í hagkerfi borgarinnar.
Kjarninn 18. janúar 2019
Meira eftir höfundinnMagnús Halldórsson
Meira úr sama flokkiFréttaskýringar
None