San Francisco borg tapar á Airbnb - Vilja setja þak á fjölda gistinátta

SanFrancisco_0.jpg
Auglýsing

Víð­tæk notkun á hús­næð­is­leigu­miðl­inum Air­bnb í San Francisco í Banda­ríkj­unum hefur leitt til veru­legra hækk­ana á leigu­verði í borg­inni. Borg­ar­yf­ir­völd eru ugg­andi um nei­kvæð áhrif vef­síð­unnar á leigu­mark­að­inn og skoða nú þann mögu­leika að setja lög sem tak­marka enn frekar fjölda leyfi­legra gistin­átta í skamm­tíma­leigu.

Margir hús­næð­is­eig­endur í San Francisco sjá hag sínum betur borgið með útleigu til skamms tíma í gegnum Air­bnb, að hluta eða öllu leyti, í stað þess að leigja íbúðir sínar til lengri tíma. Þetta hefur leitt til sam­dráttar í fram­boði á leigu­í­búðum fyrir íbúa borg­ar­innar og til­heyr­andi hækk­unum á leigu­verði, sem hefur rokið upp um 15 pró­sent á síð­asta árinu. Í vin­sælum hverfum borg­ar­innar hefur fram­boð á leigu­í­búðum til lengri tíma dreg­ist saman um allt að 40 pró­sent.

Auglýsing


Í maí síð­ast­liðnum birtu borg­ar­hag­fræð­ingar San Francisco nýja skýrslu um hag­ræn áhrif Air­bnb í borg­inni. Nið­ur­staða þeirra er að sá kostn­aður sem hlýst af hækk­andi íbúða- og leigu­verði vegna Air­bnb sé mun meiri en tekj­urnar af þeim ferða­mönnum sem heim­sækja borg­ina og gista í Air­bnb íbúð­um, greiða fyrir það gjald, eyða pen­ingum í borg­inni auk þess sem leigusalar greiða gistin­átta­skatt vegna starf­sem­inn­ar. Nokk­urs konar ábata- og kostn­að­ar­grein­ing hag­fræð­ing­anna er því sú að heild­ar­á­hrif Air­bnb séu nei­kvæð fyrir borg­ina í dag.



Lausnin sem litið er til felst í áður­nefndu hámarki á fjölda gistin­átta í íbúða­hús­næði. Borg­ar­yf­ir­völd kanna meðal ann­ars þessar vik­urnar mögu­leika þess að inn­leiða lög sem setja 60 daga árlegt hámark á fjölda gistinótta. Þannig gæti íbúða­eig­andi aðeins leigt íbúð sína í skamm­tíma­leigu í sam­tals 60 daga á ári. Með laga­breyt­ing­un­um vilja stjórn­völd draga úr hvata íbúða­eig­enda til þess að leigja eign sína í gegnum Air­bnb og beina hags­munum þeirra í lang­tíma­leigu­samn­inga.

Deila við borg­ar­yf­ir­völd víða

Fyr­ir­tækið Air­bnb var ­stofn­að í San Francisco árið 2008 og eru höf­uð­stöðvar þess í borg­inni í dag, eins og höf­uð­stöðvar margra ann­arra nýrra og ört vax­andi fyr­ir­tækja í tækni­geir­an­um. Vöxtur Air­bnb und­an­farin ár hefur verið ótrú­leg­ur. Virði fyr­ir­tæk­is­ins miðað við síð­ustu hluta­fjár­við­skipti eru 24 millj­arðar doll­arar og er talið að tekjur Air­bnb í ár verði hærri en 900 millj­ónir doll­ara.



Vöxt­ur­inn hefur ekki komið fyr­ir­tæk­inu að kostn­að­ar­lausu og við­skipta­mód­el­ið, oft kennt við hið svo­nefnda deili­hag­kerfi, hefur mætt and­stöðu. Þrátt fyrir fyr­ir­hug­aðar laga­setn­ingu, þá er skiln­ingur borg­ar­yf­ir­valda í San Francisco á starf­semi Air­bnb tölu­vert meiri en í mörgum öðrum borg­um. Starf­semi félags­ins var til að mynda gerð lög­mæt í San Francisco seint á síð­asta ári. Heim­ilt er að leigja út íbúð sína í 90 daga í skamm­tíma­leigu á ári og ótak­markað ef aðeins er um að ræða her­bergi eða hluta hús­næð­is, og eig­andi þess er áfram búsettur í því.



Við­horfið hefur verið þver­öf­ugt ann­ars staðar í Banda­ríkj­un­um, til dæmis í New York borg, þar sem borg­ar­yf­ir­völd hafa vilj­að ­tak­marka starf­semi vef­síð­unnar veru­lega. Raun­ar þarf ekki að fara vestur um haf til að finna deilur vegna vin­sælda Air­bnb, í Reykja­vík hafa eft­ir­lits­að­ilar viljað sporna gegn útleigu í gegnum síð­una.

Borgin yrði af skatt­tekjum

Við­brögð stjórn­enda Air­bnb við skýrslu borg­ar­hag­fræð­ing­anna voru meðal ann­ars þau að opin­bera um þá skatta sem félagið greiðir í mán­uði hverjum til borg­ar­sjóðs, en skatt­arnir eru inn­heimtir af þeim sem leigja út íbúðir sínar á Air­bn­b.com. Í hverjum mán­uði greiðir Air­bnb rúm­lega eina milljón doll­ara í borg­ar­sjóð, eða jafn­virði um 130 millj­óna króna á mán­uði. Sam­kvæmt útreikn­ingum Air­bnb yrði San Francisco af um 50 millj­ónum doll­ara tekjum á næstu tíu árum, verði lög inn­leidd sem setja hámark við fjölda gistin­átta. Þá benda stjórn­endur Air­bnb á að fleiri ferða­menn komi til borga þar sem eru Air­bnb leigu­í­búð­ir, auk þess sem skamm­tíma­út­leiga hjálpi íbúða­eig­endum og -leigj­endum við að ná endum sam­an.

Matið þarf að vera rétt

Skýrsla borg­ar­hag­fræð­inga San Francisco er merki­leg fyrir margra hluta sakir, en tekið er fram að skortur á upp­lýs­ingum geri það að verkum að ekki sé hægt að reikna nákvæm­lega hvaða áhrif Air­bnb hefur á leigu­mark­að­inn í borg­inni og leigu­verð­ið. Reikni­líkan þeirra sýni þó að nei­kvæð áhrif þess að missa hverja íbúð af lang­tíma­leigu­mark­aði yfir á skamm­tíma­leigu­markað séu á bil­inu 250 til 300 þús­und doll­ar­ar, eða á bil­inu 33 til 40 millj­ónir króna.



Fram­lögð lausn er áður­nefnt þak á fjölda gistin­átta á ári hverju. Þetta þak má ekki vera of hátt, þannig að áhrif þess séu eng­in, né of lágt, þannig að leiga í gegnum Air­bnb yrði gerð nán­ast ómögu­legt, líka þeim sem ekki hafa tekið íbúðir af lang­tíma­leigu­mark­að­inum heldur leigja aðeins út eigin íbúð af og til. Eins og fyrr greinir er íbúða­eig­endum í San Francisco heim­ilt í dag að leigja út íbúðir sínar í allt að 90 daga á ári í skamm­tíma­leigu.



En stjórn­mála­menn vilja lækka þakið og hafa einkum rætt tvær til­lög­ur. Sú fyrri er að hækka þakið í 120 daga en láta það gilda um alla, sama hvort öll íbúðin sé til leigu eða ekki. Hin til­lagan gengur mun lengra og myndi setja hámarks­fjölda gistin­átta í 60 næt­ur. Vonir borg­ar­yf­ir­valda standa til að með réttu hámarki gistin­átta sjái eig­endur leigju­í­búða hag sinn í að leigja þær út í meiri mæli til langs ­tíma.

Samtal við samfélagið
Samtal við samfélagið
Samtal við samfélagið – Geta konur stjórnað?
Kjarninn 16. september 2019
Það á ekki lengur að vera hægt að fela hver sé raunverulegur eigandi félaga sem skráð eru á Íslandi.
Raunverulegir eigendur félaga eiga ekki lengur að geta falið sig
Hérlendis hefur verið hægt að komast upp með það að fela raunverulegt eignarhald félaga með ýmsum hætti. Margir nýttu sér það, meðal annars til að komast hjá uppgjöri á kröfum eða skattgreiðslum. Þessi leikur á ekki að vera gerlegur lengur.
Kjarninn 16. september 2019
Þóra Kristín Þórsdóttir
Opið bréf til Ásmundar Einars Daðasonar
Kjarninn 16. september 2019
Drónaárás í Sádí-Arabíu ýtir olíuverðinu upp á við
Aldrei í sögunni hefur olíuverð hækkað jafnt mikið á jafn skömmum tíma, eins og gerðist í kjölfar drónaárásar á olíuframleiðslusvæði Aramco í Sádí-Arabíu.
Kjarninn 16. september 2019
Segir ríkislögreglustjóra bera skyldu til að tilkynna um spillingu
Verðandi formaður stjórnskipunar- og eftirlitsnefndar segir að Haraldur Johannessen eigi að tilkynna um spillingu sem hann viti af. Í viðtali í gær lét hann í það skína að slík væri til staðar.
Kjarninn 15. september 2019
Íslendingurinn Reynir ætlar að taka upp Flamenco plötu
Reynir Hauksson hefur lært hjá einum helsta gítarkennara Granada. Nú safnar hann fyrir gerð Flamenco plötu á Karolina Fund.
Kjarninn 15. september 2019
Fosfatnáma
Upplýsingaskortur ógnar matvælaöryggi
Samkvæmt nýrri rannsókn íslenskra og erlendra fræðimanna ógnar skortur á fullnægjandi upplýsingum um birgðir fosfórs matvælaöryggi í heiminum.
Kjarninn 15. september 2019
Besta platan með Metallica – Master of Puppets
Gefin út af Elektra þann 3. mars 1986, 8 lög á 54 mínútum og 47 sekúndum.
Kjarninn 15. september 2019
Meira eftir höfundinnHallgrímur Oddsson
Meira úr sama flokkiFréttaskýringar
None