Togast á um framtíð Twitter

Elon Musk, forstjóri Tesla og SpaceX, hefur gert tilboð í samfélagsmiðilinn Twitter sem hljóðar upp á 43 milljarða bandaríkjadala. Enn er óljóst hvort kaupin gangi í gegn, en Musk ætlar sér stóra hluti með miðilinn nái hann yfirráðum.

Flestir hafa heyrt milljarðamæringsins Elon Musk getið, en hann hefur farið mikinn í tækniheiminum undanfarin ár.
Flestir hafa heyrt milljarðamæringsins Elon Musk getið, en hann hefur farið mikinn í tækniheiminum undanfarin ár.
Auglýsing

Millj­arða­mær­ing­ur­inn Elon Musk hefur boðið 43 millj­arða banda­ríkja­dala í sam­fé­lags­miðl­aris­ann Twitt­er. Upp­hæðin nemur rúm­lega 5,5 billjónum íslenskra króna, en Musk hefur sagt að kaupin séu ekki fjár­hags­legs eðl­is, þar eð að ætl­unin sé ekki að græða á eign­ar­hald­inu, heldur ein­göngu hug­mynda­fræði­leg. Meðal ann­ars vill Musk að Twitter verði raun­veru­lega það tól mál­frels­is­ins sem hann segir því ætlað að vera.

Flestir hafa heyrt millj­arða­mær­ings­ins get­ið, en hann hefur farið mik­inn í tækni­heim­inum und­an­farin ár. Fyrst um sinn var hann þekkt­astur fyrir aðild sína að stofnun raf­bíla­fram­leið­and­ans Tesla, en tveimur sögum fer reyndar af því hvort hann hafi raun­veru­lega komið að stofnun þess, eða hvort hann hafi ein­fald­lega keypt sig inn í fyr­ir­tæk­ið. Engum blöðum er þó að fletta um það að Musk er for­stjóri og stærsti eig­andi Tesla, fyr­ir­tækis sem hefur að miklu leyti leitt þróun raf­bíla og sjálf­stýr­ingar þeirra á heims­vísu. Þá er SpaceX, annað fyr­ir­tæki undir stjórn Musk, leið­andi á sviði fram­þró­unar geim­ferða fyrir almenn­ing. Bæði þessi fyr­ir­tæki velta billjónum og er Musk sjálfur met­inn á rúm­lega 260 millj­arða banda­ríkja­dala, sem er næstum tíföldun á um tveimur árum.

Auglýsing
Eins og áður segir hefur Musk boðið 43 millj­arða banda­ríkja­dala í Twitt­er, en ekki þykir nægi­lega ljóst hvernig hann hyggst fjár­magna kaupin né heldur hvort um sé að ræða und­ir­boð í sam­fé­lags­miðl­aris­ann. Musk hefur löngum verið virkur not­andi á Twitter og hefur þar yfir 82 millj­ónir fylgj­enda, en fyrr í mán­uð­inum höfðu borist fregnir af því að Musk hefði fjár­fest í Twitter og væri orð­inn einn stærstu hlut­hafa fyr­ir­tæk­is­ins með 9,2 pró­sent hlut. Honum bauðst þá sæti í stjórn fyr­ir­tæk­is­ins en afþakk­aði boðið og sagði ljóst að sam­fé­lags­mið­ill­inn gæti hvorki dafnað né þjónað til­gangi sínum í núver­andi formi.

Enda ætl­aði hann sér eitt­hvað stærra. Meðal þeirra breyt­inga sem Musk vill gera á Twitter er að gera það að einka­fyr­ir­tæki og auka þar mál­frelsi, en margir, og þá sér­stak­lega ein­stak­lingar á hægri­væng stjórn­mál­anna, hafa gagn­rýnt Twitt­er, sem og aðra sam­fé­lags­miðl­arisa, fyrir að rit­skoða efni með því að fjar­lægja ósannar og vill­andi upp­lýs­ingar og banna not­endur sem deila þeim. Meðal þeirra sem hefur orðið fyrir barð­inu á þess­ari rit­skoðun er Don­ald Trump, fyrr­ver­andi Banda­ríkja­for­seti, en aðgangi hans á Twitter var end­an­lega lokað tveimur dögum eftir inn­rás stuðn­ings­manna hans í þing­hús Banda­ríkj­anna í jan­úar á síð­asta ári. Fjöl­margir hafa fangað áformum Musk, en Trump hefur þó gefið það út að hann hygg­ist ekki snúa aftur á Twitt­er, þar sem hann fór mik­inn á for­seta­tíð sinni, þó Musk kaupi sam­fé­lags­mið­il­inn.

Ótt­ast afleið­ingar taki Musk yfir

Stjórn Twitter íhugar nú til­boð Musk og er meðal þess sem sagt er til skoð­unar að nota svo­kall­aða eit­urpillu (e. poi­son pill) til þess að hindra kaup­in, en þá eru mörk sett á það hversu stór hluti má vera í eigu hvers hlut­hafa, en um er að ræða þekkta aðferð við að bægja óæski­legum kaup­endum frá því að kaupa stóra hluti í fyr­ir­tækj­um. Musk hefur komið því á fram­færi að honum þætti eðli­legt að efnt yrði til atkvæða­greiðslu um til­boðið meðal hlut­hafa. Það séu þeir sem eigi fyr­ir­tæk­ið, ekki stjórn­in. Það er þó eigi víst að það myndi skila jákvæðri nið­ur­stöðu fyrir Musk, þar sem hlut­höfum virð­ist ekki mikið til til­boðs millj­arða­mær­ings­ins kom­ið.

Stjórn­endur og hlut­hafar eru ekki einir um efa­semdir vegna til­boðs Musk, en starfs­fólk Twitter hefur jafn­framt áhyggjur af hugs­an­legri yfir­töku Musk, sem er þekktur fyrir að vera óút­reikn­an­leg­ur. Sam­kvæmt heim­ildum New York Times hefur starfs­fólkið jafn­vel haft á orði að líkt sé og að Musk hafi króað fyr­ir­tækið af úti í horni í eins konar gísla­töku. Þá þykir starfs­um­hverfið á sam­fé­lags­miðl­inum afar gott og öllum opið, á meðan sögur af meintum ras­isma innan starfs­stöðva Tesla hafa verið á kreiki um nokk­urt skeið og hefur fyr­ir­tækið meira að segja verið dæmt til að greiða fyrrum starfs­manni sínum bætur vegna slíks.

Fram­tíðin óljós

Stjórnin mun lík­lega verja nokkrum dögum í að yfir­fara kost­ina í stöð­unni áður en hún til­kynnir um nið­ur­stöðu sína. Verði eit­urpillu­leiðin valin kemur það í veg fyrir að Musk eða nokkur annar geti orðið meiri­hluta­eig­andi í fyr­ir­tæk­inu. Fari stjórnin aðrar leiðir til að koma í veg fyrir kaup­in, svo sem með því að neita til­boð­inu með til­heyr­andi grein­ar­gerð um ástæð­urn­ar, svo sem efa­semdir um fjár­mögnun og sann­girni til­boðs­verðs­ins, gæti Musk hækkað til­boðið sitt eða leitað til ann­arra hlut­hafa og keypt hluta­bréfin beint af þeim.

Twitter hefur tækni­lega séð verið til sölu allt frá stofnun og nú þegar það er komið ræki­lega fram í sviðs­ljósið gæti eft­ir­spurn auk­ist og þó að einka­fjár­festar sjái kannski tak­mörkuð gróða­tæki­færi í sam­fé­lags­miðl­inum gætu tæknirisar á borð við Microsoft og Oracle, sem hafa bæði gert til­boð í rísandi sam­fé­lags­miðl­aris­ann Tikt­ok, haft áhuga. Í öllu falli virð­ast stórar breyt­ingar geta verið í far­vatn­inu hjá Twitt­er.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Oddný Harðardóttir þingmaður Samfylkingarinnar.
Segir ofsagróða stórútgerða hafa ruðningsáhrif – „Þjóðin fær ekki réttlátan hlut í arðinum“
Þingmaður Samfylkingarinnar spurði matvælaráðherra á þingi i dag hvort hún hygðist leggja fram frumvarp um breytingar á lögum sem vinna gegn samþjöppun í sjávarútveginum. Ráðherrann telur mikilvægt að grafast fyrir um þessi mál.
Kjarninn 16. maí 2022
Anna Sigríður Jóhannsdóttir
„Með hækkandi sól“
Kjarninn 16. maí 2022
Katrín Jakobsdóttir forsætisráðherra.
Ítreka stuðning við ákvörðun Finnlands og Svíþjóðar að sækja um aðild að NATO
Forsætisráðherrar Íslands, Danmerkur og Noregs hafa sent frá sér yfirlýsingu þar sem þeir segja að ríkin muni aðstoða Finnland og Svíþjóð með öllum ráðum verði öryggi þeirra ógnað áður en aðild að Atlantshafsbandalaginu gengur í gildi.
Kjarninn 16. maí 2022
Framsóknarflokkurinn í Mosfellsbæ fékk fjóra bæjarfulltrúa kjörna í svietarstjórnakosningum um helgina og er í lykilstöðu við myndun meirihluta.
Framsóknarflokkur sagður horfa til samstarfs með öðrum en Sjálfstæðisflokki í Mosfellsbæ
Samkvæmt heimildum Kjarnans telur Framsóknarflokkurinn í Mosfellsbæ niðurstöður kosninganna ákall frá kjósendum um að binda enda á stjórnartíð Sjálfstæðisflokksins. Þetta er í fyrsta sinn í rúm 50 ár sem flokkurinn er ekki sá stærsti í bænum.
Kjarninn 16. maí 2022
Þórdís Lóa Þórhallsdóttir er oddviti Viðreisnar.
Þórdís Lóa útilokar ekki meirihlutasamstarf við Sjálfstæðisflokk og Framsókn
Þótt þrír af flokkunum sem standa að fráfarandi meirihluta ætli að fylgjast að í komandi viðræðum útilokar oddviti Viðreisnar og eini borgarfulltrúi þess flokks ekki að mynda annars konar meirihluta. Það opnar glufu fyrir Sjálfstæðisflokkinn að völdum.
Kjarninn 16. maí 2022
BJörgunarmenn að störfum í Durban eftir gríðarleg flóð.
Hamfarir í Suður-Afríku tvöfalt líklegri vegna loftslagsbreytinga
Ef veðurfar væri svipað nú og það var fyrir iðnbyltingu myndu hamfarir á borð við þær sem kostuðu 435 manneskjur lífið í Suður-Afríku í apríl eiga sér stað á 40 ára fresti en ekki einu sinni á hverjum tuttugu árum.
Kjarninn 16. maí 2022
Sigurður Hannesson, framkvæmdastjóri Samtaka iðnaðarins, skrifar undir umsögnina ásamt aðalhagfræðingi samtakanna.
Samtök iðnaðarins vilja framlengja milljarða króna endurgreiðslur vegna byggingavinnu
Þegar kórónuveirufaraldurinn skall á voru endurgreiðslur vegna „Allir vinna“ átaksins hækkaðar upp í 100 prósent. Á tæpum tveimur árum kostaði það ríkissjóð 16,5 milljarða króna í tekjum sem voru ekki innheimtar.
Kjarninn 16. maí 2022
Tæknivarpið
Tæknivarpið
Tæknivarpið – iPod lagður til grafar
Kjarninn 16. maí 2022
Meira úr sama flokkiFréttaskýringar