Páll Ivan frá Eiðum fékk fyrir ein­hverju síðan skila­boð frá ókunn­ugum manni (Dr. Gunna) sem spurði hann hvers vegna hann hefði ekki gefið út plötu, og hvort honum fynd­ist plötur asna­leg­ar? Nú, nokkrum vikum síðar er Páll Ivan búinn að mixa og mastera 15 laga plötu (LP vín­yll). Það eina sem honum vantar upp á er að hanna og prenta umslag­ið, fram­leiða plöt­urnar og borga fólki fyrir vinn­una. Kjarn­inn tók Pál Ivan tali.

Segðu okkur frá mynd­list­inni þinni og þér sem ­mynd­lista­manni? 

„Ég hef lengi daðrað við mynd­list­ina í ein­hverri mynd en það var í raun árið 2012 sem ég byrja af ein­hverri alvöru.  Ég var þá í fæð­ing­ar­or­lofi en barns­móðir mín hún Elín Anna Þór­is­dóttir er mál­ari og mynd­list­ar­maður þannig að heim­ilið var ­fullt af máln­ingu, pensl­um, og öðru sem þarf til þess að mála. 

Ég var svo skelfi­lega vansvefta að ég gat ekki með nokkru móti búið til tón­list eða hugsað eða gert nokkuð vit­rænt, en að ­mála - það gat ég.  Það var æðis­legt að ­byrja bara að sulla með liti, dreifa þeim yfir flöt­inn án skipu­lags eða vænt­inga.  Unað­ur. Svo hef ég bara ekki hætt. Er að teikna mjög mikið um þessar mund­ir, voða mikið typpi og píkur en allt voða krútt­legt bara.  Kæru les­end­ur: Ekki hika við að byrja að mála og teikna!  Ekki vera feim­in! Það geta það all­ir, það mega það allir og það má alveg vera lélegur og hafa gam­an!"

Hvað er þessi plata búin að vera lengi í bígerð?

„Tja platan hefur í raun aldrei form­lega verið í vinnslu fyrr en fyrir örfáum mán­uðum síð­an.  Lögin eru sum orðin ansi gömul en ég hef bara sett þau á soundcloud og ekki hugsað um þau ­mikið meir. Svo fyrir stuttu sendir hann Dr. Gunni mér skeyti: Afhverju ertu ekki búinn að gefa út plötu? Eru plöt­ur asna­leg­ar? Örfáum vikum síðar var búið að mixa og mastera plötu, fá FM Belfast remix af einu lag­anna og henda í Karol­ina Fund fjár­öfl­un."

Ertu einn að vinna að þessu verki eða eru ein­hverj­ir ­góðir með þér?

 „Hann Dr. Gunni hefur verið að hjálpa mikið við að velja lögin og ákveða röð­ina á þeim og svo hefur hann Albert Finn­boga­son verið að mixa aðeins og mastera allt.  Það eru ein­hverjir lík­legir sam­starfs­að­ilar í tengslum við útgáf­una sjálfa en það verður að koma í ljós aðeins seinna. Ef ég verð ekki neyddur til að gera umslagið sjálfur að þá væri frá­bært að fá frá­bæran lista­mann í verk­ið! Ef þið hafið hug­myndir að mögu­leg­um umslags­gerð­ar­lista­mönnum þá megið þið endi­lega láta mig vita."

Verk­efnið er að finna hér.