Dagleið á fjöllum

Kínverski landsliðsmaðurinn Wu Lei fagnar marki gegn Katar 29. mars síðastliðinn.
Kínverski landsliðsmaðurinn Wu Lei fagnar marki gegn Katar 29. mars síðastliðinn.
Auglýsing

Fáir hafa senni­lega ­bú­ist við því að Kína yrði með á HM í Rúss­landi 2018. Vonir bjart­sýn­ustu manna brustu end­an­lega eftir tvö marka­laus og alger­lega and­laus jafn­tefli gegn Hong ­Kong í und­ankeppn­inni í fyrra­haust.

En síðan gerð­is­t eitt­hvað alveg magnað ...

Hrakn­ingar

Und­ankeppnin í Asíu ­fyrir HM 2018 stendur nú sem hæst. Velja þarf 4-5 lið úr hópi tæp­lega 50 lands­liða sem er að finna hér í aust­ur­álfu. Leiknar eru fjórar umferðir ýmist ­með útslátt­ar­fyr­ir­komu­lagi, riðla­keppnum eða umspils­leikj­um. Meg­in­nið­ur­skurð­ur­inn ­fer fram í annarri umferð keppn­inn­ar. Gæða­munur lið­anna er mik­ill. Bestu lið­in eru á par við lands­lið Norð­ur­landa (t.d. Íran, Jap­an, S-Kórea og Sádí-­Ar­ab­í­a). Þau verstu eru hins vegar á botni styrk­leika­lista FIFA (lið eins og Sri Lanka, B­hut­an, Macau og Mongól­ía). Þetta þýðir að þó að um 90% lið­anna helt­ist úr ­lest­inni áður en yfir lýkur þá á það ekki vera ofraun fyrir land eins og  Kína að kom­ast alla leið.

Auglýsing

Kín­verjar voru reynd­ar ­stál­heppnir er dregið var í riðla í annarri umferð keppn­innar á síð­asta ári. Feng­u þeir Katar, Hong Kong, Maldi­ve-eyjar og Bútan sem and­stæð­inga. Aðeins Katar er af svip­aðri getu og Kína. Öll hin liðin eiga sam­kvæmt bók­inni að vera miklu verri. Flestir gáfu sér því að það yrði auð­velt fyrir þá að kom­ast áfram í þriðju umferð. Þar með myndu þeir ekki aðeins halda lífi í draumnum um HM 2018 heldur einnig ávinna sér rétt til þátt­töku á Asíu­mót­inu 2019. Skemmst er frá­ því að segja að kín­verska lands­liðið gerði sér mjög erfitt fyrir strax frá­ ­upp­hafi. Tap­aði fyrri leiknum gegn Katar og gerði svo tvö marka­laus og alger­lega and­laus jafn­tefli gegn Hong Kong. Liðið var komið í þriðja sæti síns rið­ils og flestir búnir að afskrifa þátt­töku á öllum stór­mótum í næstu fram­tíð. 

Hill­ingar

Í kring um kín­versku ára­mótin (8. febr­úar sl.) fór af stað mögnuð atburða­rás sem óhætt er að segja að hafi ger­breytt þeirri stöðu sem lands­lið Kína var komið í.

Fyrst var hinum franska ­þjálf­ara liðs­ins Alain Perrin vikið frá og heima­mað­ur­inn Gao Hongbo kall­að­ur­ til. Sá hafði áður tekið við lands­lið­inu í sárum og komið því á gott skrið. Hann þurfti hins vegar að gjalda fyrir það að kín­verska knatt­spyrnu­sam­bandið treyst­i á þeim tíma ekki öðrum fyrir lið­inu en frægum erlendum þjálf­urum og var lát­in víkja fyrir gömlu Real Madrid kemp­unni José Ant­onio Camacho, for­vera Perr­ins. Hvað um það, síðan Gao tók aftur við stjórn­taumunum hefur Kína verið á sig­ur­braut. Ekki nóg með það heldur hafa úrslit í öðrum leikj­um  í und­ankeppn­inni verið afar hag­stæð. Allt í einu opn­að­ist Kína „fjalla­baks­leið“ inn í 3. umferð keppn­innar – sem eitt af fjórum bestu lið­unum í öðru sæti síns rið­ils.

Þriðju­dag­inn 29. mar­s. sl. rann svo upp síð­asti leik­dagur ann­arar umferðar keppn­inn­ar. Staðan var enn mjög snú­in. Til að kom­ast áfram þurftu Kín­verjar að stóla á að  Ástr­alía legði Jórdan­íu, Íran Óman og Fil­ipps­eyjar N-Kóreu. Og að sjálf­sögðu var algert frum­skil­yrði að Kína bæri ­sigur úr bítum í seinni viður­eign sinni við fanta­sterkt liði Kat­ar. Það kom ekki á óvart að Ástr­alir og Íranir skyldu vinna sína leiki. Mun tví­sýnna var hins vegar hvort Fil­ipps­eyj­ingar gætu staðið uppi í hár­inu á N-Kóreu­mönnum í Man­ila. Sjö mín­útum fyrir leiks­lok voru N-Kóre­menn yfir 1-2 og allt benti til­ að þeir færu áfram inn í þriðju umferð á kostnað Kín­verja. Var þá skyndi­lega eins og rynni af þeim allur víga­móð­ur. Hleyptu þeir Fil­ipps­eyj­ingum inn í leik­inn sem þökk­uðu pent fyrir sig með tveimur mörkum er tryggði þeim sigur í leikn­um.

Þegar fréttir bár­ust af þess­ari kúvend­ingu í Man­ila voru Kín­verjar yfir í sínum leik 1-0. Sú for­ysta var samt ekki nægj­an­leg til að róa taugar þeirra 50 þús­und áhorf­enda er ­troð­fylltu Zhuque-­leik­völl­inn í Xian, hinni forn­frægu höf­uð­borg Kína. Spenn­an var gíf­ur­leg. Eina mark leiks­ins til þessa hafði komið skömmu eftir hálf­leik. Gao var þá nýbú­inn að gera örlitla breyt­ingu á lið­inu. Setti hann Yu Dabao inn á til að stýra fram­lín­unni. Við það losn­aði um hinn efni­lega Wu Lei er til­ þessa hafði verið í öruggri gæslu and­stæð­ing­anna. Færði hann sig nú yfir á vinstri kant­inn og fór að valda miklum ursla í sókn­inni. Það var hann sem átt­i ­stoðsend­ing­una sem markið varð til úr.

Á 88. mín­útu sýndi Wu ­Lei aftur snilld­ar­takta. Stakk hann varn­ar­menn Katar af og elti upp­i­ stór­feng­lega gegn­um­send­ingu félaga síns Hao Jun­min. Eftir það var nóg fyr­ir­ hann að stjaka aðeins við knett­inum svo hann breytti um stefnu á síð­ustu stund­u. ­Mark­mað­ur­inn átti ekki mögu­leika.

2-0 var staðan orðin og ljóst að Kína kæm­ist áfram.

Fagra ver­öld

Dregið verður í riðla í þriðju umferð und­ankeppn­innar hinn 12. apr­íl. Vissu­lega verður á brattan að sækja ­fyrir Kína. Öll liðin sem komust áfram eru erf­iðir and­stæð­ingar (nema kannski Tæland og Sýr­land): Sádar, Sam­ein­uða arab­íska fursta­dæm­ið, Ástr­al­ía, Katar, Íran, Jap­an, Írak, S-Kórea og Úzbekist­an. Það má hins vegar halda því fram að það hafi verið lífs­nauð­syn­legt fyrir Kína að halda sér inni í helstu stór­mótum næst­u ára. Án þess væri áætlun stjórn­valda um að gera landið að fót­bolta­stór­veldi í ná­inni fram­tíð næsta fjar­stæðu­kennd. Frasi for­set­ans, Xi Jin­p­ings, um að Kína taki þátt í HM, haldi HM og vinni HM alger­lega hljóm­laus. Hugs­an­lega hefð­i um­fjöll­unin heima fyrir um liðið og allt palnið snú­ist upp í ein­tómt háð og ­spott. Framundan í sumar og haust eru nú fullt af spenn­andi lands­leikj­um. Leik­menn eins og Yu Dabao og Wu Lei öðl­ast ný og verðug mark­mið til að stefna að. Það er áríð­andi að þeir noti tæki­færið sem þeir hafa hjá kín­versku félags­lið­unum sín­um til að læra af öllum þeim erlendu  stór­stjörn­um ­sem þar eru nú inn­an­borðs. Millj­ónir stráka og stelpna eign­ast nýjar fyr­ir­mynd­ir til að herma eftir á flottu sparkvöll­unum sem verið er að reisa um allt land­ið. ­Kald­hæðni mun örugg­lega víkja úr umræð­unni um kín­verska bolt­ann um sinn. ­Upp­byggi­leg gagn­rýni fær séns. 

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Árni Finnsson
Á vonarvöl?
Kjarninn 19. október 2021
Sjókvíareldi á Vestfjörðum.
Framleiðsla í fiskeldi jókst um 169 prósent milli 2016 og 2020
Tekjur fiskeldisfyrirtækja hafa tvöfaldast frá 2016 og útflutningsverðmæti afurða þeirra hafa þrefaldast. Launþegum í geiranum hefur hins vegar ekki fjölgað nálægt því jafn mikið, eða um 32 prósent á sama tímabili.
Kjarninn 19. október 2021
Bensínverð ekki verið hærra síðan 2012
Verðið á heimsmarkaði með olíu hefur margfaldast frá vorinu 2020. Það hefur skilað því að viðmiðunarverð á bensíni á Íslandi hefur einungis einu sinni verið hærra í krónum talið.
Kjarninn 19. október 2021
Svandís Svavarsdóttir heilbrigðisráðherra.
Öllum sóttvarnaraðgerðum innanlands verði aflétt eftir mánuð
Frá og með morgundeginum mega 2.000 manns koma saman, grímuskyldu verður aflétt og opnunartímar skemmtistaða lengjast um klukkustund. Svo er stefnt á afléttingu allra aðgerða eftir fjórar vikur.
Kjarninn 19. október 2021
Þjóðhættir
Þjóðhættir
Þjóðhættir – Íslenskir fjárhundar og endurvinnsla textíls
Kjarninn 19. október 2021
Sjávarútvegurinn greiddi sér 21,5 milljarða króna í arð í fyrra
Hagur sjávarútvegsfyrirtækja landsins, samtala arðgreiðslna og aukins eigin fjár þeirra, hefur vænkast um meira en 500 milljarða króna frá bankahrun. Geirinn greiddi sér meira út í arð í fyrra en hann greiddi í öll opinber gjöld.
Kjarninn 19. október 2021
Ásýnd fyrirhugaðrar uppbyggingar á Orkureitnum séð frá Suðurlandsbraut.
Reitir selja uppbyggingarheimildir á Orkureit á hátt í fjóra milljarða
Félagið Íslenskar fasteignir ehf. mun taka við uppbyggingunni á hinum svokallaða Orkureit á milli Ármúla og Suðurlandsbrautar af Reitum. Áætlaður söluhagnaður Reita af verkefninu er um 1,3 milljarðar króna.
Kjarninn 19. október 2021
Ekki búið að taka ákvörðun um rannsókn á yfirráðum Samherja yfir Síldarvinnslunni
Virði hlutabréfa í Síldarvinnslunni hefur aukist um 50 milljarða króna frá skráningu og um 30 prósent á síðustu vikum. Rúmur helmingur hlutafjár er í eigu Samherja og félaga sem frummat sýndi að færu með sameiginleg yfirráð í Síldarvinnslunni.
Kjarninn 19. október 2021
Meira úr sama flokkiFólk
None