Berglind Ósk
Auglýsing

Berg­lind Ósk er þrjá­tíu og eins árs tölv­un­ar­fræð­ingur en hana hefur dreymt um að vera rit­höf­undur frá unga aldri. Berg­lind hefur alltaf lesið mikið og hefur skrifað sjálf ljóð síðan hún var ung­ling­ur. Nú hefur hún sett af stað hóp­fjár­mögnun á Karol­ina Fund fyrir útgáfu fyrstu ljóða­bókar henn­ar, Ber­orðað, sem hefur verið í mörg ár í vinnslu. Síð­ast liðið ár hefur Berg­lind unnið hörðum höndum að því að klára hand­ritið auk þess að semja við þau tón­list og flytja þá sam­suðu á ljóða­tón­leik­um. Berg­lind fékk til liðs við sig Heiðrúnu Ólafs­dóttir skáld sem rit­stjóra og Bjarka Fannar Atla­son graf­ískan hönnuð við umbrot og hönnun bók­ar­kápu. Bókin er tæp­lega 50 blað­síður og snertir á mörgum við­fangs­efnum eins og að vera ást­fang­in, ein­hleyp, með lítið sjálfs­traust, ung móð­ir, og um vegan­ismamínímal­isma og endar á ádeilu á íslenskt sam­fé­lag. 



Hvernig koma ljóðin til þín? 

„Ég skrifa oft ljóð til að vinna úr til­finn­ingum mínum þannig að þau koma oft þegar mér líður illa eða mér verður hugsað til ástands þar sem mér leið illa og finnst að það gæti gagn­ast öðrum að upp­lifa það með mér gegnum ljóð­in. Einnig þegar ein­hver mál­efni liggja þungt á mér sem mér finnst skipta miklu máli fæ ég þessa þörf fyrir að tjá það með ljóða­skrif­um. Svo sest ég líka stundum nið­ur, í sófann eða við stofu­borð­ið, gagn­gert í þeim til­gangi að skrifa án þess að vera endi­lega búin að ákveða efni. Þá reyni ég að finna nokkur efni sem mér dettur í hug og byrja að skrifa. Stundum gengur það vel og ég held áfram með það ljóð, en stundum verður það kannski ekk­ert meira en ein­hver orð á blaði. Mér finnst lang erf­ið­ast að skrifa ham­ingju­söm ljóð, það þarf svo lítið til að þau verði klisju­kennd eða væm­in.“

Hvernig finn­urðu að ljóðið sé til­bú­ið?

„Þetta er mjög góð spurn­ing en erfitt að svara. Á mínum yngri árum bun­aði ég bara ljóði úr mér í einni atrennu og varð nokkuð sátt við það strax. En ég hef lært núna að maður þarf að öðl­ast smá fjar­lægð frá ljóð­inu áður en maður klárar það alveg. Fín­pússning­in ­sjálf tekur miklu lengri tíma en að skrifa fyrsta upp­kast­ið. Ég er ótrú­lega ánægð að ég hafi ákveðið að fá rit­stjóra með mér því eftir það ferli urðu ljóðin mín svo ótrú­lega þétt og komu merk­ing­unni miklu betur til skila. Heiðrún fékk mig til að pæla í mein­ing­unni á bak við ­nán­ast hvert ein­asta orð. Bestu ljóðin nota sem fæst orð til að koma sem mestu frá sér. Svo er þetta oft spurn­ing um til­finn­ingu. Ef mér finnst eitt­hvað óþægi­legt við að deila ljóði með öðrum er það merki sem að ljóðið sé ekki til­bú­ið.“

Auglýsing

Hverju finnst þér breyta að vinna ljóðin með raf­tón­list?

„Það var svipað ferli og að vinna með rit­stjóra að því leyti að ég nálg­að­ist ljóðin frá annarri átt og fór að hugsa dýpra um merk­ing­una. Maður verður svo blindur á orð í ljóði sem maður hefur kannski skrifað fyrir mörgum árum og hefur lesið yfir milljón sinn­um. Með því að semja tón­list við ljóðin fór ég að hugsa meira út í hvernig þau hljóma upp­hátt og komst t.d. að því að skipt­ingar á milli lína eða erinda voru kannski ekki í flæði við upp­lest­ur­inn eða að setn­ing var óþjál. Þótt tón­listin undir sé bara ein­föld, gefur það ljóð­unum alveg nýja vídd og dregur fram und­ir­liggj­andi til­finn­ingu ljóðs­ins. Mér finnst ótrú­lega gaman að heyra ljóð­skáld lesa upp sín ljóð því þegar það er gert vel verður ljóðið svo miklu áhrifa­rík­ara. Ég skil eig­in­lega ekki af hverju það eru ekki fleiri sem gera meira af því að lesa þau upp eða hafi tón­list und­ir. Mér langar líka að taka þetta svo lengra og gera sjón­ræna list líka við ljóð­in, mér finnst eins og það sé loka púslið sem vant­ar.“



Er bóka­út­gáfa deyj­andi form?

„Með til­komu Inter­nets­ins hefur for­sendan fyrir listút­gáfu breyst. Það er miklu auð­veld­ara að nálg­ast list á staf­rænu formi og það krefst ekki eins mik­ils kostn­að­ar. En ég held að bóka­út­gáfan sé alls ekki að deyja því það er allt öðru­vísi upp­lifun að fletta gegnum raun­veru­legt ein­tak af bók heldur en með les­bretti eða á tölvu­skjá. Alla­vega er ég hardcore bókanörd í þeim skiln­ingi. En mér finnst þá líka mik­il­vægt að bók­ar­ein­takið sjálft sé mjög fal­legt og eigu­legt. Aftur á móti finnst mér geisla­diska­út­gáfa deyj­andi form því geisla­spil­arar eru á und­an­haldi og geisla­disk­ur­inn sjálfur ekki gerður til þess að end­ast. Þess vegna verður bara hlekkur á tón­list­ina mína í bók­inni svo að fólk geti nálg­ast hana á net­inu. Einnig er ég með frekar rót­tækar hug­myndir í sam­bandi við höf­und­ar­rétt og finnst mér núver­andi fyr­ir­komu­lag langt á eftir sinni sam­tíð, vera letj­andi fyrir list­ina í heild sinni og skerða frelsi lista­fólks og neyt­enda. Mér finnst t.d. sjálf­sagt að geta deilt staf­rænum ein­tökum með vinum mínum alveg eins og raunein­tök­um. Einnig skil ég ekki þessi til­búnu landa­mæri á net­inu sem höf­und­ar­réttur býr til. Þess vegna ætla ég að gefa Ber­orðað út með Creative Comm­ons höf­und­ar­rétt­ar­leyfi sem gefur fólki leyfi til að nota ljóðin og tón­list­ina mína eins og það vill, á meðan það nefnir mig sem höf­und.“

Hér er hlekkur á söfn­un­ar­síðu Berg­lindar á Karol­ina Fund.

Kanntu vel við Kjarnann?

Frjáls framlög lesenda eru mikilvægur þáttur í rekstri Kjarnans. Þau gera okkur kleift að halda áfram að taka þátt í umræðunni á vitrænan hátt og greina kjarnann frá hisminu fyrir lesendur. 

Kjarninn er fjölmiðill sem leggur sig fram við að upplýsa og skýra út það sem á sér stað í samfélaginu með áherslu á gæði og dýpt. 

Okkar tryggð er aðeins við lesendur. Við erum skuldbundin ykkur og værum þakklát ef þið vilduð vera með í að gera Kjarnann enn sterkari. 

Ef þú kannt vel við það efni sem þú lest á Kjarnanum viljum við hvetja þig til að styrkja okkur. Þinn styrkur er okkar styrkur.

Já takk, ég vil styrkja Kjarnann!
Bjarni Benediktsson er fjármála- og efnahagsráðherra.
Frumvarp um Þjóðarsjóð lagt aftur fram – Yrði stofnaður um áramót
Frumvarp um stofnun Þjóðarsjóðs, sem á að taka við arðgreiðslum frá orkufyrirtækjum ríkisins, hefur verið lagt aftur fram. Ekki hefur verið einhugur um hvort að um sé að ræða góða nýtingu á fjármagninu, sem getur hlaupið á hundruð milljörðum á fáum árum.
Kjarninn 16. október 2019
Þjóðlegir þræðir
Þjóðlegir þræðir
Þjóðlegir þræðir - Þjóðbúningamafían
Kjarninn 16. október 2019
Þórður Snær Júlíusson
Ofurstéttin sem er að eignast Ísland
Kjarninn 16. október 2019
Samningar sagðir vera að nást milli Breta og Evrópusambandsins
Fundað hefur verið stíft í Brussel og einnig í London, síðustu daga. Reynt er til þrautar að ná samningi um forsendur útgöngu Breta úr Evrópusambandinu.
Kjarninn 16. október 2019
Flokkar Bjarna Benediktssonar og Loga Einarssonar mælast nánast jafn stórir í nýrri könnun Zenter.
Samfylkingin mælist næstum jafn stór og Sjálfstæðisflokkur
Frjálslyndu miðjuflokkarnir þrír í stjórnarandstöðu mælast með meira samanlagt fylgi en ríkisstjórnarflokkarnir þrír í nýrri könnun. Fylgisaukning Miðflokksins, sem mældist í könnun MMR í síðustu viku, er hvergi sjáanleg.
Kjarninn 16. október 2019
AGS segir hættumerkin hrannast upp í heimsbúskapnum
Alþjóðagjaldeyrissjóðurinn segir að nú séu hagvaxtarhorfur í heimsbúskapnum svipaðar og voru fyrir fjármálakreppuna 2007 til 2009.
Kjarninn 15. október 2019
Rauður dagur á markaði - Arion banki fellur enn í verði
Rauður dagur var í kauphöll Íslands í dag. Öll félögin lækkuðu nema eitt, Origo. Virði þess félags hækkaði um tæplega 2 prósent í dag, í viðskiptum upp á 677 þúsund.
Kjarninn 15. október 2019
Landsvirkjun hækkar raforkuverð um 2,5 prósent
Heildsöluverð á raforku hjá Landsvirkjun mun hækka um 2,5 prósent um næstu áramót.
Kjarninn 15. október 2019
Meira úr sama flokkiFólk
None