Auður og Pilar eru vin­konur sem báðar búa í Vest­urbæ Reykja­víkur ásamt eig­in­mönnum sínum og börn­um. Þær eiga sér ólíkan bak­grunn en báðar hafa þær þó kom­ist í kynni við hinn goð­sagna­kennda Per­es-­mús þegar kemur að því að setja tönn undir kodd­ann.

Hug­myndin að gera saman bók spratt svo upp þegar sonur Pil­ar, Luca, missti sína fyrstu tönn og því hægt að segja að bókin sé að vissu leyti byggð á sönnum atburð­um.

Bókin heitir Tönnin hans Luca / El diente de Luca og er á tveimur tungu­mál­um, íslensku og spænsku.

Hver er Luca og í hvaða ævin­týrum lendir hann?

Luca er sjö ára strákur sem á býr á Íslandi. Pabbi hans er argent­ínskur en mamma hans er frá Spáni þannig að hann elst upp við tvö tungu­mál og ólíkar menn­ing­ar­hefðir sem sýnir sig þegar hann missir fyrstu tönn­ina og á von á því að Peres mús komi og sæki hana. Vinir hans í skól­anum hafa aldrei heyrt um Peres mús og sum setja heldur ekki tönn­ina undir kodd­ann. En þau þekkja aðrar hefðir sem eru ekk­ert minna skemmti­legar og saman deila vin­irnir hug­myndum sínum um hvað eigi að gera við tönn­ina.

Hvers vegna ákváðuð þið að skrifa tví­tyngda barna­bók?

Af því að fjöl­tyngi er eitt af því sem ein­kennir fjöl­menn­ing­ar­sam­fé­lag. Því sam­fé­lagi sem við búum í á Íslandi í dag þar sem börn alls staðar að úr heim­inum mæt­ast í leik og starfi. Auk þess að það eru ekki til bækur fyrir byrj­endur í lestri á Íslandi sem eru skrif­aðar á tveimur tungu­málum og, eins og sagan okkar ger­ir, kynnir börnin fyrir hefðum mis­mun­andi menn­ing­ar­heima og stuðla að umburð­ar­lyndi og virð­ingu.

Hverjum sjáið þið fyrir ykkur að bókin muni gagnast?

Það er helst tvennt sem ein­kennir bók­ina og gerir hana sér­staka: Það er að þetta er tví­tyngd bók og því hægt að lesa hana á öðru tungu­mál­inu eða báðum, þannig getur hún nýst sem hjálp­ar­gagn fyrir kenn­ara og for­eldra til þess að við­halda og þróa bæði tungu­málin hjá tví­tyngdum börn­um.

En ekki síður sagan sjálf sem sýnir okkur hvernig mis­mun­andi menn­ing getur auðgað líf okk­ar. Við viljum kenna börnum okkar að meta fjöl­breyti­leik­ann og allan þann auð sem honum fylgir og þannig komi þau til með að búa í heimi sem er rík­ari af skiln­ing og umburð­ar­lyndi.

Verk­efnið er að finna hér