#smilewithme

Brosið er eina tungumálið sem fólk frá öllum heimshornum skilur. #Smilewithme er samstarfsverkefni Benedikts Benediktssonar og Rauða krossins.

Benedikt ætlar að gefa út bók með myndum af fólki brosa. Ágóðinn rennur til styrtkar Tómstundasjóðs flóttabarna.
Benedikt ætlar að gefa út bók með myndum af fólki brosa. Ágóðinn rennur til styrtkar Tómstundasjóðs flóttabarna.
Auglýsing

Bene­dikt Bene­dikts­son er ungur ævin­týra­maður sem fór í heims­reisu í byrjun árs með fríðu föru­neyti og ferð­að­ist til fimm heims­álfa. Þar skoð­uðu þau sig um í 17 mis­mun­andi löndum og sköp­uðu minn­ingar sem munu lifa lengur en sæskjald­baka. Þegar heim var komið eftir ævin­týra­ferð­ina var Bene­dikt með mynda­vél­ina fulla af myndum og nokkrar þeirra voru sér­stak­ari en aðr­ar. Það voru #smi­lewit­h­me-­mynd­irn­ar. Á þeim myndum heldur Bene­dikt í hönd­ina á fólki frá lönd­unum sem hann heim­sótti og er fólkið bros­andi á mynd­inni. Í bak­grunni er eitt­hvað fal­legt lands­lag eða eitt­hvað ein­kenn­andi fyrir land­ið.

Bene­dikt fékk þá hug­mynd að sam­eina ljós­mynd­irnar í ljós­mynda­bók og datt honum í hug að selja bók­ina til styrktar góðs mál­efn­is. Hann ákvað að hafa sam­band við Rauða kross­inn og voru þau mjög spennt fyrir þess­ari hug­mynd og út frá því hófst sam­starfið á milli þeirra. Allur ágóði bók­söl­unnar sem fer fram á Karol­ina Fund fer í Tóm­stunda­sjóð flótta­barna. Rauða kross­inum og Bene­dikt fannst þessi sjóður við hæfi því á mynd­unum er fólk frá allskyns löndum bros­andi og með því að styrkja Tóm­stunda­sjóð flótta­barna fáum við börn sem koma frá mis­mun­andi löndum til þess að brosa.

Benedikt Benediktsson með Smile with me-bókina.

Auglýsing

Hvað er #smi­lewit­h­me?

Smi­lewit­hme er nafn verk­efn­is­ins og ljós­mynda­ser­í­unnar sem varð til í heims­reis­unni minni. Nafnið kemur út frá því að ég fæ allskyns fólk til þess að brosa með mér á ferða­lagi mínu um heim­inn og smelli svo mynd af því. Mér fannst brosið til­valið til þess að vera ein­kenn­andi fyrir verk­efnið vegna þess að brosið er eina tungu­málið sem fólk frá öllum heims­hornum skil­ur.

Hvaðan kemur hug­myndin að þessu verki?

Áður en ég fór af stað í þessa reisu lang­aði mig að gera spenn­andi verk­efni út frá henni. Ég hafði lengi vel fylgst með pari á Instagram sem ferð­ast um heim­inn og tekur kærast­inn myndir af því þegar hann heldur í hönd­ina á döm­unni sinni með eitt­hvað ótrú­lega fal­legt í bak­grunni. Hún snýr baki í mynda­vél­ina og klæð­ist fötum í stíl við land­ið. Þeirra verk­efni kall­ast #foll­ow­meto. Mér leist ótrú­lega vel á þeirra hug­mynd og ákvað að breyta henni aðeins. Í stað­inn fyrir að fötin séu í stíl við landið ákvað ég í flestum til­fellum að fá ein­hvern heima­mann til þess að brosa með mér, það tókst ekki alltaf og þá fékk ég ferða­langa mína til þess að koma í stað­inn.

#smilewithme við Taj Mahal í Indlandi.

Ertu að vinna að þessu einn eða koma fleiri að verk­inu?

Margir aðilar komu að verk­efn­inu. Rauði kross­inn á stóran þátt í að gera þetta að veru­leika og rennur allur ágóð­inn til þeirra. Einnig fékk ég vin minn hann Hauk Krist­ins­son til þess að hjálpa mér með upp­setn­ing­una á bók­inni. For­síð­una gerði Rán Ísold vin­kona mín og pabbi minn hjálp­aði mér að vinna mynd­irn­ar. Ég hef fengið frá­bærar við­tökur við þessu verk­efni og hafa margir góð­hjart­aðir ein­stak­lingar styrkt eða hjálpað til með að deila verk­efn­inu áfram og er ég afar þakk­látur fyrir það. Einnig verður að þakka fyr­ir­sæt­unum því án þeirra væri engin bók.

Hvað kom til að þú ákvaðst að nota verk­efnið til að styrkja Tóm­stunda­sjóð flótta­barna á Íslandi?

Það var ein­fald­lega sá sjóður sem mér og Rauða kross­inum leist best á og okkur fannst hann tengj­ast verk­efn­inu. Einnig þykir okkur mik­il­vægt að börn sem koma til Íslands frá erf­iðum aðstæðum í heima­landi sínu fái tæki­færi til að aðlag­ast nýju sam­fé­lagi. Tóm­stunda­iðkun gæti verið eitt af lyk­il­at­riðum til þess að kom­ast inn í ókunn­ugt sam­fé­lag og að líða vel í því, það þykir okkur afar mik­il­vægt.

Að lokum vil ég taka það fram fyrir alla þá sem hafa áhuga á að styrkja verk­efnið að sjóð­ur­inn er ennþá opinn og verður það til og með 8. des­em­ber. Hægt er að kaupa ljós­mynda­bók­ina eða styrkja með frjálsu fram­lagi inn á Karol­ina Fund síð­unni. Hér er verk­efnið á Karol­ina fund fyrir áhuga­sama.

Myndin er frá mótmælunum í Hong Kong í júní.
Evrópuþingið gagnrýnir aðstæður í Hong Kong
Bæði yfirvöld í Hong Kong og Beijing hafa gagnrýnt Evrópuþingið fyrir ályktunina og segja hana vera hræsni af hálfu þingsins.
Kjarninn 19. júlí 2019
Skora á Almenna innheimtu ehf. að hætta innheimtu á ólöglegum lánum
Fyrir liggur að vextir á smálánum eru margfalt hærri en heimilt er samkvæmt lögum, en þrátt fyrir það eru lántakendur enn krafðir um endurgreiðslu á ólöglegum vöxtum af innheimtufyrirtækinu Almenn innheimta ehf..
Kjarninn 19. júlí 2019
Birna Lárusdóttir
Viljum við fara aftur á byrjunarreit?
Kjarninn 19. júlí 2019
Húsavík á kortið í alþjóðlegu strandhreinsunarátaki
Húsavík heimsækja árlega yfir 100 þúsund ferðamenn í þeim tilgangi að skoða hvali. Ferðaþjónustufyrirtæki á svæðinu sameinuðust í átaki í að hreins strandlengjuna, og vel tókst til.
Kjarninn 19. júlí 2019
Sjálfstæðisflokkur ekki mælst minni frá hruni – Miðjan í andstöðunni nú stærri en stjórnin
Fylgi Sjálfstæðisflokksins hefur ekki mælst lægra frá hruni, samanlagt fylgi ríkisstjórnarflokkanna hefur ekki mælst lægra á kjörtímabilinu og frjálslynda miðjublokkin er nú stærri en ríkisstjórnin.
Kjarninn 19. júlí 2019
Fylgi Miðflokks hærra en Vinstri grænna
Fylgi Miðflokksins eykst verulega á milli mánaða og mælist nú 14,4 prósent. Fylgi flokksins mælist nú hærra en bæði Vinstri grænna og Samfylkingarinnar.
Kjarninn 19. júlí 2019
Tæknivarpið
Tæknivarpið
Tæknivarpið – Apple Pay og Enski Boltinn í boði fyrir alla
Kjarninn 19. júlí 2019
Þota ALC flogin til Evrópu
Bandaríska flugleigufélagið ALC hefur átt í deilum við Isavia um þotuna. Isavia vildi kyrrsetja vélina til að tryggja greiðslur upp í tveggja milljarða króna skuldir WOW air.
Kjarninn 19. júlí 2019
Meira úr sama flokkiFólk
None