Kór og hljómsveit sem flytja saman rokktónlist

Karolina Fund verkefni vikunnar er plata með Stormsveitinni úr Mosfellsbæ.

stormsveitin
Auglýsing

Stormsveitin sam­anstendur af kór og hljóm­sveit sem flytur rokktón­list í útsetn­ingum fyrir karla­kór. Þeir Stormsveit­ar­menn hleyptu nýlega af stokk­unum söfnun á Karol­ina Fund. Mark­miði þeirra er að safna 4000 evrum sem dugir þeim til að full­vinna og gefa út hljóm­disk og mynddisk með efni sem tekið var upp á þrett­ánda­tón­leikum á síð­asta ári og nú í ár í Hlé­garði. Kjarn­inn hitti Hauk Þór Har­alds­son, einn af með­limum sveit­ar­inn­ar, og tók hann tali.

Hvaðan er Stormsveitin upp­runnin og hvenær komst hún á legg?

„Stormsveitin er upp­runnin í Mos­fellsbæ og Kjal­ar­nesi. Þaðan skilst mér að nafnið sé upp­runn­ið, það er víst ekki alltaf blessuð blíðan þarna undir Esj­unni. Fyrstu með­limir voru flestir félagar í Karla­kór Kjal­nes­inga. Þar var líka Sig­urður Hans­son en hann átti hug­mynd­ina að því að taka hefð­bund­in karla­kórs­lög og gera úr þeim rokk­mús­ík. 

Auglýsing

Þetta var árið 2011 og sveitin hefur reglu­lega verið að troða upp síð­an. Í dag koma með­limir sveit­ar­innar víðar að en ég held að óhætt sé að segja að Mos­fell­ingar séu okkar dygg­ustu áhan­gend­ur. Stormsveitin er fasta­gestir á ákveðnum upp­á­komum í Mos­fellsbæ og Mos­fell­ingar fylla árlega þrett­ánda­tón­leika okk­ar. Þetta er 20 manna söngsveit, allt reyndir söng­menn og 5 manna rokk­hljóm­sveit sem er mjög vel skip­uð.“

Hvers konar tón­list eru þið að taka ykkur fyrir hend­ur?

„Við flytjum alla­vega tón­list. Við syngjum öllu jafna fjór­radd­að, und­ir­leiks­laust ef þannig ber undir eða með rokk­hljóm­sveit á fullu gasi, allt eftir því hvert til­efnið er. Mark­miðið er að syngja flott lög í vönd­uðum útsetn­ing­um. Á prógramm­inu eru t.d. nokkrir þjóð­legir fimm­und­ar­söngv­ar, dæmi­gerðar íslenskar karla­kór­a­perlur, dæg­ur­lög og þjóð­lög af ýmsu tagi og svo arg­asta popp og rokk í bland. Sumar útsetn­ing­arnar hafa gengið í arf kóra á milli en aðrar höfum við látið gera fyrir okkur sér­stak­lega. Páll Helga­son heit­inn á t.d. margar af okkar bestu radd­setn­ing­un­um. Ungur snill­ingur að nafni Arnór Sig­urðs­son hefur svo verið öðrum dug­legri við að búa lögin til flutn­ings með hljóm­sveit­inni. Við tökum oft með okkur gesti. Stef­anía Svav­ars­dóttir hefur verið fremst í þeim flokki, hún er eig­in­lega orðin ein af strák­un­um. Birgir Har­alds­son (Biggi úr Gildrunni) hefur líka verið tíður gest­ur, Stefán Jak­obs­son (Dimma) var með okkur á síð­ustu tón­leikum þannig að list­inn yfir góð­vini Stormsveit­ar­innar er nokkuð lang­ur.“ 

Hvaða upp­á­komur hafið þið sem kór mest gaman að?

Plötuumslag Stormsveitarinnar.„Stormsveita­ræf­ing­arnar eru alltaf bráð­skemmti­leg­ar ­upp­á­kom­ur. Þetta eru kátir karlar og það gengur á ýmsu. Við syngjum síðan á alla­vega skemmt­un­um. Við höfum troðið upp á mörgum árs­há­tíð­um, haldið kirkju­tón­leika, sungið í umferð­ar­mið­stöðvum og í flug­stöð­inni svo eitt­hvað sé nefnt. Sungið á börum, á vinnu­stöðum og í jarð­ar­för­um. Við erum árlegir gestir á svið­inu við ára­móta­brennu í Mos­fellsbæ og höfum í nokkur ár haldið tón­leika á þrett­ánd­anum í Hlé­garði. Engar gift­ingar eða skírnir á afreka­skránni en við erum opnir fyrir öllu. Við erum vel græj­aðir og syngjum öllu jafna í míkró­fóna en okkur þykir líka voða gaman að syngja óraf­magnað þegar aðstæður og hljóm­burður leyf­ir.“

Hvað er á döf­inni hjá ykk­ur?

„Við erum með nokk­ur gigg á döf­inni. Syngjum t.d. á stórri árs­há­tíð í þessum mán­uði. Svo erum við auð­vitað að von­ast eftir að ná að safna fyrir plöt­unni okk­ar. Ef það gengur eftir þá full­vinnum við það sem til er og tökum kannski upp smá í við­bót. Stefnum á að gefa út disk með vor­inu. Það má heita á okkur 3000 krónum og fá diskinn sendan heim þegar hann er til­bú­inn. Disk­ur­inn býðst líka raf­rænn fyrir 2000 króna áheit. Þann 19. mars ætlum við að halda tón­leika í Guð­ríð­ar­kirkju í Graf­ar­vogi. Tón­leik­arnir eru liður í söfn­un­inni því fyrir 4000 króna áheit fá menn miða á tón­leik­ana. Við ætlum að skrúfað aðeins niður og halda raf­magns­litla, lág­stemmda tón­leika. Sumir af okkar fasta­gestum þykir okkur takast best upp þegar þannig ber und­ir. Við stefnum á að vera með píanó­und­ir­leik, áslátt­ar­hljóð­færi og ein­hver huggu­leg­heit. Lofum nota­legum sunnu­dags­eft­ir­mið­degi í kirkj­unni. Bara að skottast inná karolina­fund.com og heita á Stormsveit­ina!“



Verk­efnið er að finna hér.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Katrín Jakobsdóttir forsætisráðherra.
Engin lagaleg skilgreining til á orðinu kona
Samkvæmt svari frá forsætisráðherra þarf menningar- og viðskiptaráðherra sem „fer með málefni íslenskunnar“ að svara því hverjar orðsifjar nafnorðsins kona séu og hver málfræðileg merking orðsins sé.
Kjarninn 30. júní 2022
Lárus Blöndal, stjórnarformaður Bankasýslu ríkisins, og Jón Gunnar Jónsson, forstjóri stofnunarinnar.
Bankasýslan borgaði LOGOS 6,2 milljónir og lét Morgunblaðið fá upplýsingar fyrirfram
Bankasýslan sendi Morgunblaðinu einum fjölmiðla fyrirfram tilkynningu um að lögfræðilegur ráðgjafi hennar hefði komist að þeirri niðurstöðu að jafnræðis hafi verið gætt við sölu á hlut ríkisins í Íslandsbanka.
Kjarninn 30. júní 2022
Til þess að komast ferða sinna þurfa Íslendingar að borga 85 prósentum meira heldur en íbúar í löndum Evrópusambandsins gera að meðaltali.
Samgöngukostnaður hvergi hærri í Evrópu en á Íslandi
Norðurlöndin raða sér í efstu sæti á lista þeirra landa í Evrópu þar sem samgöngukostnaður er mestur. Verð á gistingu, mat, fötum og skóm er hærra hér á landi en víðast hvar annars staðar í álfunni.
Kjarninn 30. júní 2022
Ríkið þurfi að kortleggja á hverjum loftslagsskattarnir lenda
Upplýsingar liggja ekki fyrir í dag um það hvernig byrðar af loftslagssköttum dreifast um samfélagið. Í greinargerð frá Loftslagsráði segir að stjórnvöld þurfi að vinna slíka greiningu, vilji þau hafa yfirsýn yfir áhrif skattanna.
Kjarninn 30. júní 2022
Í frumdrögum að fyrstu lotu Borgarlínu var Suðurlandsbrautin teiknuð upp með þessum hætti. Umferðarskipulag götunnar er enn óútkljáð, og sannarlega ekki óumdeilt.
Borgarlínubreytingar á Suðurlandsbraut strjúka fasteignaeigendum öfugt
Nokkrir eigendur fasteigna við Suðurlandsbraut segja að það verði þeim til tjóns ef akreinum undir almenna umferð og bílastæðum við Suðurlandsbraut verði fækkað. Unnið er að deiliskipulagstillögum vegna Borgarlínu.
Kjarninn 30. júní 2022
Í austurvegi
Í austurvegi
Í austurvegi – Einlæg gjöf en smáræði 千里送鹅毛
Kjarninn 30. júní 2022
Úlfar Þormóðsson
Taglhnýtingar þétta raðirnar
Kjarninn 30. júní 2022
Viðbragðsaðilar og vegfarendur á vettvangi aðfaranótt sunnudags. 22 unglingar létust á Enyobeni-kránni.
Hvers vegna dóu börn á bar?
Meðvitundarlaus ungmenni á bar. Þannig hljómaði útkall til lögreglu í borginni East London í Suður-Afríku aðfaranótt sunnudags. Ýmsar sögur fóru á kreik. Var eitrað fyrir þeim? Og hvað í ósköpunum voru unglingar – börn – að gera á bar?
Kjarninn 30. júní 2022
Meira úr sama flokkiFólk
None