Brasilísk ber gætu hjálpað í baráttunni við sýklalyfjaónæmi

Talið er að allt að 11.000 dauðsfalla í Bandaríkjunum megi rekja til sýklalyfjaónæmra MRSA baktería á ári. Mögulegt er talið að berjaseyði geti hjálpað til í baráttunni við þær.

ber
Auglýsing

Vegna vax­andi útbreiðslu sýkla­lyfja­ó­næmra bakt­ería og hætt­unni sem stafar að þeim kepp­ast vís­inda­menn um allan heim við að leita að nýjum með­ferð­um. Í grein sem birt var í Sci­entific Reports í síð­ustu viku greina vís­inda­menn frá nið­ur­stöðum rann­sókna sinna á berjum sem gætu geymt lyk­il­inn að nýrri aðferð til að berj­ast gegn sýkla­lyfja­ó­næmi.

Berin eru af teg­und­inni Schinus terebint­hi­folius og hafa í hund­ruð ára verið not­aðar af græð­urum í Suður Amer­íku, meðal ann­ars til að með­höndla húð­sýk­ing­ar. Rann­sókn­ar­hópur við Emory há­skóla í Banda­ríkj­unum komst að því að berin inni­halda efna­sam­band sem getur haft áhrif á sýk­ing­ar­mátt sýkla­lyfja­ó­næmra MRSA bakt­ería (Met­hillicin-res­istant Stap­hylococcus aureus). 

MRSA bakt­er­íur geta valdið sárum á húð fólks og geta sýk­ing­arnar í sumum til­fellum verið lífs­hættu­leg­ar. Talið er að allt að 11.000 dauðs­falla í Banda­ríkj­unum megi rekja til MRSA á ári.

Auglýsing

Í rann­sókn­inni próf­aði rann­sókn­ar­hóp­ur­inn að nota seyði úr berj­unum sem með­ferð við MRSA í mús­um. Seyðið nefn­ist 430D-F5 og er það blanda 27 efna. Þær mýs sem fengu 430D-F5 þró­uðu ekki með sér húðsár, ólíkt sam­an­burð­ar­hópnum sem ekki var með­höndl­aður með seyð­in­u. 

Nið­ur­staða rann­sókn­ar­hóps­ins var sú að efni í berj­unum geta komið í veg fyrir að sár af völd­um MRSA mynd­ist með því að bæla gen í bakt­er­í­unum sem notuð eru til sam­skipta á milli bakt­er­ía. Þessi sam­skipti hafa lengi verið þekkt og kallast þéttniskynjun (e. quorum sens­ing). Skynji bakt­er­í­urnar ekki aðrar bakt­er­íur í nágrenn­inu telja þær sig í vera einar en við þær aðstæður haga þær sé á annan hátt. Þannig virt­ist seyðið koma í veg fyrir að bakt­er­í­urnar gæfu frá sér eit­ur­efni sem skaða vefi og lík­ami mús­anna átt auð­veld­ara með að græða sár­ið. Mik­il­vægt er að taka fram að seyðið drap í raun ekki bakt­er­í­urnar og voru mýsnar því enn sýktar þó engin sár hafi mynd­ast. 

Þrátt fyrir þessar jákvæðu nið­ur­stöður mælir rann­sókn­ar­hóp­ur­inn síður en svo með því að almenn­ingur reyni að nýta sér berin enda er óljóst hversu örugg með­ferðin er í mönn­um. Enn sem komið er hefur seyðið aðeins verið prófað á músum en von­ast er til þess að frek­ari rann­sóknir muni leiða til með­ferða geng bakt­er­íum í fram­tíð­inni. Verði það raunin getur verið að hér sé komin með­ferð sem er ólík hefð­bundnum sýkla­lyfjum að því leyti að bakt­er­í­urnar eru ekki drepn­ar. Fremur verði hægt að „óvirkja“ bakt­er­í­urnar sem gæti gagn­ast sem merð­ferð­ar­úr­ræði, til dæmis sam­hliða notkun sýkla­lyfja.

Fréttin birt­ist líka á vef Hvatans.

Tveir framkvæmdastjórar láta af störfum hjá Íslandspósti
Mikil hagræðing og kostnaðaraðhald er framundan hjá Íslandspósti. Framkvæmdastjórum fyrirtækisins hefur verið fækkað úr fimm í þrjá.
Kjarninn 25. júní 2019
Þóra Kristín Þórsdóttir
Frá #konurtala til #konurþagna?
Kjarninn 25. júní 2019
Rúmlega þúsund kröfur vegna Gaman ferða
Alls bárust Ferðamálastofu 1.038 kröfur vegna Gaman ferða sem hættu starfsemi fyrr á árinu í kjölfar gjaldþrots WOW air. Ferðaskrifstofan var í 49 prósent eigu WOW air.
Kjarninn 25. júní 2019
Libra skjálfti hjá seðlabönkum
Áform Facebook um að setja í loftið Libra rafmyntina á næsta ári hafa valdið miklum titringi hjá seðlabönkum. Hver verða áhrifin? Þegar stórt er spurt, er fátt um svör og óvissan virðist valda áhyggjum hjá seðlabönkum heimsins.
Kjarninn 24. júní 2019
Lögfræðikostnaður vegna orkupakkans rúmlega 16 milljónir
Lögfræðiráðgjafar var aflað frá sex aðilum.
Kjarninn 24. júní 2019
Helga Dögg Sverrisdóttir
Þörf á rannsóknum á ofbeldi í garð kennara hér á landi
Kjarninn 24. júní 2019
Stuðningur við þriðja orkupakkan eykst mest meðal kjósenda Vinstri grænna
90 prósent kjósenda Miðflokksins eru mjög eða frekar andvíg innleiðingu þriðja orkupakkans.
Kjarninn 24. júní 2019
Vilja koma böndum á óhóflega sykurneyslu landsmanna
Skipaður hefur starfshópur til að innleiða aðgerðaáætlun Embættis landlæknis til að draga úr sykurneyslu landsmanna. Landlæknir telur að vörugjöld og skattlagning á sykruð matvæli sé sú aðgerð sem beri hvað mestan árangur þegar draga á úr sykurneyslu.
Kjarninn 24. júní 2019
Meira úr sama flokkiFólk
None