300 blaðsíðna uppflettirit fyrir foreldra

Foreldrahandbókin er verkefni vikunnar á Karolina fund.

Ungabörn
Auglýsing

Þóra Sigurðardóttir hefur hefur um árabil starfað við margs konar ritstörf, blaðamennsku og dagskrárgerð. Hún hefur undanfarið ár unnið að endurútgáfu Foreldrahandbókarinnar, heldur úti samnefndri vefsíðu sem er uppfull af alls kyns fróðleik og léttmeti tengdu foreldrahlutverkinu.

Foreldrahandbókin kom upphaflega út árið 2010 en hefur verið ófáanleg um árabil. Nú er unnið að því að gefa hana út aftur, með töluverðum viðbótum. Í Foreldrahandbókinni hefur Þóra tekið saman hagnýtar upplýsingar, ráðleggingar og reynslusögur um allt frá bleiuskiptum og brjóstagjöf til fæðingarþunglyndis og fyrsta ferðalagsins sem getur reynst ógnvekjandi upplifun með lítinn einstakling í föruneytinu.

Hver er forsaga Foreldrahandbókarinnar?

Auglýsing

„Hugmyndin að foreldrahandbókinni kviknaði fyrst þegar ég var nýbúin að eignast mitt fyrsta barn og hélt að þetta yrði dans á rósum. Fljótlega fór að bera á brestum þar sem ég var alls ekki með þetta á hreinu og fann að ég þurfti hjálp. Á mér brunnu óteljandi spurningar og mér fannst erfitt að fá svar við þeim á einum stað. Ég átti mikið af erlendum bókum en mér fannst þær oftar en ekki sykurhúða raunveruleikann og alls ekki endurspegla það sem ég var að upplifa.“

„Ég byrjaði að sanka að mér fróðleik, aðallega með því að hringja í mér vitrara fólk og samviskusamlega punktaði ég allt hjá mér til að gleyma engu. Smám saman stækkaði ráðabunkinn og ég vildi deila honum með öðrum sem væru mögulega að ganga í gegnum það sama og ég. Fyrst átti þetta bara að vera lítill bæklingur sem ég ætlaði að dreifa á heilsugæslustöðvar en síðan óx verkefninu fiskur um hrygg og úr varð 300 blaðsíðna uppflettirit um flest allt það sem við kemur foreldrum og barni fyrsta árið.“

Hvers konar bók er Foreldrahandbókin og hvaða upplýsingar er þar að finna?

„Bókin er fjölþætt og í hana skrifa bæði sérfræðingar og foreldrar (sem vissulega eru sérfræðingar). Bæði er verið að deila reynslu og sérfræðiþekkingu og mikil áhersla er lögð á að hafa allan aðgang að upplýsingum sem skýrastan. Bókin fer út um víðan völl og skiptist í fjóra megin parta; barnið, næring, líkaminn eftir fæðingu og foreldrahlutverkið.“

Hefur vinnan við Foreldrahandbókina haft einhver áhrif á þína eigin reynslu af foreldrahlutverkinu?

„Ég skrifa bókina samhliða uppeldi sonar míns fyrstu tvö árin þannig að vissulega speglast mín reynsla að einhverju leyti í bókinni og að sama skapi hefur allur sá hafsjór af fróðleik sem í bókinni er haft áhrif á mína reynslu. Það er líka svo merkilegt með börn að þó þau komi úr nákvæmlega sama genamenginu þá geta þau verið svo ólík og brugðist við aðstæðum á ólíkan hátt.

Bókin kom fyrst út árið 2010 og fékk ofsalega góðar viðtökur. Það hefur lengi staðið til að uppfæra hana og bæta við og loksins sjáum við fram á að geta klárað þá vinnu. Við erum að safna fyrir útgáfunni inn á Karolina Fund en þar er hægt að kaupa bókina á sérlegum kostakjörum. Mér finnst magnað að geta fjármagnað verkefni með þessum hætti og ég vona innilega að það gangi eftir því annars erum við auðvitað bara á byrjunarreit. Að geta mögulega fjármagnað útgáfu með þessum hætti er stórkostlegt og ég er mjög spennt að sjá hvernig þetta fer allt saman.“

Af hverju ákvaðstu að gefa bókina út sjálf?

„Það var erfið ákvörðun en að sama skapi langaði mig að takast á við útgáfu og stíga veruleg út fyrir þægindarammann. Ég hef lengi verið viðloðandi útgáfumál, skrifað nokkrar bækur og hannað fleiri. Mér finnst þetta spennandi verkefni og hlakka til að sjá hvort þetta tekst. Hugmyndafræðin á bak við hópfjármögnun finnst mér líka ákaflega snjöll. Að geta stutt við einkaframtak með þessum hætti og eins og í tilfelli Foreldrahandbókarinnar - fá hana á betra verði keyrða heim að dyrum. Win-win fyrir báða aðila - einyrkjann og kaupandann.“

Verkefnið er að finna á Karolina fund.

Styrkir þú Kjarnann?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Kjarninn hefur verið til taks fyrir kröfuharða lesendur í sjö ár og býður almenningi upp á vandaða umfjöllun þar sem áhersla er á gæði og dýpt.  

Ef þú ert nú þegar styrkjandi leyfum við okkur að benda á að hægt er að óska eftir að hækka styrkinn með því að senda póst á takk@kjarninn.is


Já takk, ég vil styrkja Kjarnann!
Þorgerður Katrín Gunnarsdóttir, formaður Viðreisnar, í forystusætinu á RÚV í gærkvöldi.
Það liggur ekki fyrir hvort Ísland geti gert tvíhliða samning til að tengja krónu við evru
Staðreyndavakt Kjarnans skoðar fullyrðingu Þorgerðar Katrínar Gunnarsdóttur um það sé mögulegt fyrir Ísland að gera samkomulag við Seðlabanka Evrópu um að tengja krónuna við evru.
Kjarninn 23. september 2021
Sigríður Ólafsdóttir
Draumastarf og búseta – hvernig fer það saman?
Kjarninn 23. september 2021
Árni Stefán Árnason
Dýravernd: Í aðdraganda kosninganna er blóðmeraiðnaðurinn svarti blettur búfjáreldis – Hluti II
Kjarninn 23. september 2021
Segist hafa reynt að komast að því hvað konan vildi í gegnum tengilið – „Við náðum aldrei að ræða við hana“
Fyrrverandi formaður KSÍ segir að sambandið hafi frétt af meintu kynferðisbroti landsliðsmanna í gegnum samfélagsmiðla. Formleg ábending hafi aldrei borist.
Kjarninn 23. september 2021
Bjarni Benediktsson, fjármála- og efnahagsráðherra og formaður Sjálfstæðisflokksins, og Katrín Jakobsdóttir, forsætisráðherra og formaður Vinstri grænna.
Fleiri kjósendur Sjálfstæðisflokks vilja Katrínu sem forsætisráðherra en Bjarna
Alls segjast 45,2 prósent kjósenda Sjálfstæðisflokksins að þeir vilji fá formann Vinstri grænna til að leiða þá ríkisstjórn sem mynduð verður eftir kosningar.
Kjarninn 23. september 2021
Hugarvilla að Ísland sé miðja heimsins
Þau Baldur, Kristrún og Gylfi spjölluðu um Evrópustefnu stjórnvalda í hlaðvarpsþættinum Völundarhús utanríkismála.
Kjarninn 23. september 2021
Völundarhús utanríkismála Íslands
Völundarhús utanríkismála Íslands
Völundarhús utanríkismála Íslands – Þáttur 4: Byggir Evrópustefna íslenskra stjórnvalda á áfallastjórnun?
Kjarninn 23. september 2021
Rósa Björk Brynjólfsdóttir
Kosningarnar núna snúast um loftslagsmál
Kjarninn 23. september 2021
Meira úr sama flokkiFólk
None