Nýdönsk safnar fyrir plötu á 30 ára afmælinu

Hljómsveitin Nýdönsk fagnar 30 ára afmæli á árinu. Breyttir tímar eru í plötuútgáfu og sveitin ætlar að fjármagna tíundu plötuna sína að hluta til í gegnum Karolina Fund.

Auglýsing
Björn Jörundur nýdönsk Daníel Ágúst

Hljóm­sveitin Nýdönsk hefur starfað óslitið frá árinu 1987 og fagnar því 30 ára starfs­af­mæli á þessu ári. Nýdönsk hefur gefið út vel á annan tug hljóm­platna með eigin efni, þar af níu breið­skífur þar sem lög sveit­ar­innar hafa komið út í upp­haf­legum útgáf­um.

Meðal þekktra laga sem hafa lifað með þjóð­inni má nefna Horfðu til him­ins, Flug­vél­ar, Fram á nótt, Hjálp­aðu mér upp, Nostradamus og Frelsið en útgefin lög sveit­ar­innar eru á annað hund­rað.

Hljóm­sveitin hefur hljóð­ritað og spilað á Íslandi, í Bret­landi, Nor­egi, Þýska­landi, Dan­mörku og víðar og er nú nýkomin frá Toronto í Kanada þar sem grunn­ur­inn var lagður að sann­kall­aðri tíma­móta­plötu.

Nú erum breyttir tímar í hljóm­plötu­út­gáfu og Nýdönsk mun fjár­magna útgáf­una að hluta til með for­sölu á Karol­ina Fund.

Kjarn­inn hitti Stefán Hjör­leifs­son gít­ar­leik­ara hljóm­sveit­ar­innar og tók hann tali.

Auglýsing

1. Hvað er á döf­inni hjá Nýdönsk?

Með­limir Nýd­anskrar eru nýkomnir frá Toronto í Kanada þar sem unnið var í nýju efni. Hljóm­sveitin hljóð­rit­aði 10 lög þar ytra og nú tekur við vinna við að útsetja efnið fyrir strengja­sveit og hljóð­rita hana. Platan verður síðan full­kláruð í sumar og mun koma út í sept­em­ber ef öll plön og fjár­mögnun gengur eft­ir.

Hljóm­sveitin vinnur sam­hliða að und­ir­bún­ingi afmæl­is­tón­leika sem verða fluttir í sjón­varpi.

Þriðju­dag­inn 11. apríl hefst svo miða­sala á tón­leika sveit­ar­innar sem haldnir verða þann 23. sept­em­ber í Eld­borg­ar­sal Hörpu en tón­leikar sveit­ar­innar á árinu verða valdir af kost­gæfni og vandið verður til verka.

2. Nú eru 30 ár síðan Nýdönsk var stofn­uð, hvernig ætlið þið að fagna þeim tíma­mót­um?

Stefán HjörleifssonTíma­mótum ber að fagna og hljóm­sveitin hyggst gefa út sína tíundu breið­skífu með glæ­nýjum lögum á árinu. Sveit­inni til full­tingis verður strengja­sveit, sem flytur vand­aðar útsetn­ing­ar, ásamt hljóm­sveit­inni hljóm­sveit­inni auð­vitað

Platan verður hljóð­rituð á Íslandi og í Kanada en það hefur reynst vel sækja inn­blástur til ann­ara landa. Þetta verður að lík­indum viða­mesta verk­efni hljóm­sveit­ar­innar hingað til og ekk­ert verður til sparað að hljóm­platan verði list­rænt eins vönduð og kostur er.

Öll lög og textar eru ný af nál­inni og voru samin á þessu ári.

Platan verður síðan flutt, að hluta til að minnsta kosti á stór­tón­leikum í Hörpu 23. sept­em­ber með stórri strengja­sveit ásamt öðrum lögum í sama bún­ingi en einnig verða vin­sæl­ustu lög sveit­ar­innar flutt í þeim bún­ingi sem fólk þekk­ir.

3. Verður þessi plata eitt­hvað í lík­ingu við það sem hefur komið frá ykkur áður eða eru þið að feta nýjar slóð­ir?

Allar okkar plötur eru ólíkar og hefur hver plata sinn karakt­er. Þessi plata mun þó skera sig enn frekar úr þar sem sveitin nýtir sér í fyrsta sinn stóra strengja­sveit í hljóð­veri. Það var lagt upp með það í byrjun og laga­smíð­arnar tóku því mið af því og það hefur verið haft í huga allt ferlið einkum þegar kom að útsetn­ingum á grunn­hljóð­fær­un­um  Á þessu stigi eru auð­vitað erfitt að setja til um hvernig platan muni enda en lögin eru þó fjól­breytt að vanda og allt yfir­bragð mun hæfa þessum tíma­mót­um.



Meira úr sama flokkiFólk
None